ريحان: هي وتاج ودانيا جوا
نرجس: امشي نشوفهن بدنا نروح على لكوافيرة يلا رنتلي ام يونس
ريحان: يلا
بفوتو لعندهن بلاقوهن اعدين وعم يضحكو
نرجس: وقت ضحك لان هلق قومو بسرعة جيبو فساتينكن ويلي بدكن تاخدو معكن على لكوافيرة بدنا نمشي يلا
ياسمين: اي امي يلا شبك مستعجلة
نرجس: لا تجننيني تقولي عرسي لان متأخرين نحن يلا
ياسمين: ولي عصبت يلا يلا قومو بسرعة
بجيبو غراضهن بسرعة وبينزلو
نرجس: فستان العرس وينو
ياسمين: عند المحل هلق أوس بوصلنا وبجيبو على البيت بدي اطلع من هون
نرجس: ماشي
بيوصل أوس بيطلعو بالسيارة وبوصلهن على لكوافيرة بلاقو ام يونس ورنا هنيك عم ينتظروهن
ياسمين: اخي لاتنسى تجيب الفستان ها احسن ما اختك تطلع على عرسها بشرشف طاولة اخر شي
أوس: لا اختي ولو رح خليكي تروحي بشرشف تخت هههههههه
ياسمين: غليظ لا تعيدها يلا روح
بتفوت ياسمين وببلشو يعملولها شعرها ومكياجها ويزبطوها
عند أدم بكون عند الحلاق هو واخوه وبيجي لعندهن أوس وعمار ويامن وصهيب وعم يعملولو عراضة ويغنو
"المسا"
بخلصو البنات من لكوافيرة وأدم بخلص بروح أوس بجيبهن من الكوافيرة وكل السيارات بروحو على بيت ياسمين
بتلبس ياسمين فستانها الابيض وطرحتها بتوقف قدام صورة ابوها ووراها ريحان وامها وأوس
ياسمين: بابا اليوم عرسي عرس ياسمينتك حققتلك أمانيك صرت دكتورة متل ماكنت تقلي ولقيت شريك حياتي يلي يحميني ويصوني كنت بتمناك معي اليوم بس انت هلق مرتاح اكتر مننا الله يرحمك بحبك كتير
بتبتسم وبيطلعو من الغرفة وبتبلش الزلاغيط من الموجودين بكونو تاج ودانيا ورنا وام يونس
بتقرب ام يونس وبتبوسها
ام يونس: الف مبروك علينا ياسمينتنا
ياسمين: يخليلي ياكي بتبوس راسها
بتقرب نرجس وبتبوس بنتها وبتضمها
ياسمين: ماانحرم منك
بقرب أوس
أوس: بضمها عروستنا يلي رح يعتم البيت من بعدها الف مبروك يااختي تذكري ايمتى بتنضامي اخوكي موجود
ياسمين: بتنزل دمعتها يخليلي ياك يااحلى سند وشب بهالدنيا بتبوسو
ريحان: بتوقف بالنص هي ودانيا وببلشو اوهاااا ياصحن نجاص اوهاا مجلل بالالماس اوهاااا ويلي بياخد دكتورتنا ياسمين اوهاااا بضل مرفوع الراس وللللللللللييييييييشششششش
ام يونس: نخلي أدم يفوت نطف قلبو الصبي الو من الصبح ماشاف ياسمينة هههه
ياسمين: بتبتسم وبتوقف بنص الصالون وبتلف ضهرها
بقرب أدم وبدق الباب
بتوقف ريحان ودانيا ورا الباب ميين
أدم: فتحو انتو الجوز وبلا ظرافة
ريحان: صهري شو بتدفع لنفتح
أدم: ايوا ياحبيبي
ابو يونس: بيبتسم لكن بدك تدفع ابني
أدم: لك شو اعد بمسلسل تركي
دانيا: اخيي بتعرفنا مارح نفتح لتعطيني الي ولريحان يلا
أدم: أمري لاالله بطلع مصاري فتحو خدو طيب
بتفتح ريحان الباب شوي وبتاخد منو المصاري هي ودانيا
وبيفتحو الباب
بفوت أدم وهو ولابس بدلتو السودة بلاقي ياسمين واقفة ودايرة ضهرها بتشتغل غنية مبروك عليكي وعلي
بقرب منها هو وماسك باقة ياسمين بايده بتلتفت عليه ياسمين وبتبتسم
أدم: بضمها وببوس جبينها وببوسها من خدودها
ياسمين: مارح اقدر اهرب
أدم: وين تهربي مني اووو
ياسمين: بتبتسم
بشنكلو بعض وبينزلو على الدرج والكل عم بزلغط والسيارات عم تزمر تحت البيت بيطلعو بالسيارة هنن لتنين وبيمشو على الصالة
بوصلو على الصالة
بفوتو الكل بزفة وبينزلو من السيارات بتنزل ريحان من سيارة أوس
بتكون لابسة فستان زيتي على لون عيونها وبتشنكل اخوها وبفوتو بينزل عمار من سيارتو وبيتطلع فيها
عمار: بقلبو" اوفف كل هالحلاوة بدها تضل قدامي كل هالوقت صحيح شريرة بس بتجنن"
بفوت أوس ومشنكل ريحان ودانيا من الجهتين
أوس: يعليكن انتو لتنين تقطعولي بنصيبي
ريحان ودانيا: بيضحكو احسن ههههه
بفوتو أدم وياسمين والكل عم يصفقلهن بوقفو بالنص وبتشتغل غنية خلقتي على اسمي وببلشو يتمايلو عليها
وبيطلعو ريحان ودانيا وببلشو هز معهن
أدم: لك انتو حتى هون مارح تحلو عني
دانيا: اخي مارح تخلص مننا ههههه
ريحان: أبداً بتمسك ايدها وببلشو رقص
ياسمين: ههههه بلوة لااخر العمر
بتخلص الغنية وبيعدو
وببلشو المعازيم يلي عم يبارك ويلي عم يرقص
بوقف أدم وياسمين وبتطلع غنية ياصايغين الدهب بتقرب ام يونس ليلبسو الدهب
بلبسها الخاتم يلي لبسها ياه وسنسال محفور اسمايهن عليه واساور وحلق
وام يونس بتلبسها اسوارة وبتطلع رنا بتلبسها خاتم كمان
بتوقف نرجس هي وأوس بتلبس اسوارتين وسنسال
نرجس: هدول من ابوكي الله يرحمو موصيني لبسك ياهن بعرسك بتعطيها خاتم واسوارة كمان وهدول من اخوكي ومرت اخوكي
أوس: بيعطيها علبة اختي وهاد خاتم مني
ياسمين: بتبوس امها واخوها يخليلي ياكن
بينزلو وبكفو الحفلة بيتطلع أوس على طاولة بكون اعدين عليها نسوان وامو واقفة معهن بينتبه على الصبية

بينكش ريحان
أوس: ريحان
ريحان: اي اخي
أوس: مين هدول يلي أمك واقفة معهن
ريحان: هدول رفقات امك بتعرفهن يعني
أوس: مين الصبية يلي معهن
ريحان: بنتها للست يلي عم تحكي امك
أوس: شو أسمها
ريحان: شبدك فيها
أوس: خرسي وجاوبي مستشبه عليها لوحدة معي بالجامعة
ريحان: اي انا بعرف انو بتدرس بجامعتك اصغر منك بسنة او سنتين مابعرف اسمها ميس لميس مابعرف
أوس: ماسة!
ريحان: ايوا ماسة
أوس: بيبتسم طيب روحي
بقرب من الطاولة أوس وعم يفحص ماسة بعيونو ليتأكد انو هي متغيرة تماماً بالمكياج وبدون نظارتها
نرجس: ابني أوس تعا شوي
ماسة: بتنتبه على الاسم وبتطلع فيه بصدمة
أوس: بقرب من أمو وهو مبتسم اي أمي
نرجس: هاد ابني أوس لصغير بالجامعة معك ماسة مابتعرفي
ماسة: بتطلع فيه ومالها عرفانة شو تحكي اه ما سبق وتعرفنا خالة
أوس: تشرفنا انسة ماسة ليش اعدة ماعم ترقصي مع هالصبايا اندهلك على ريحان
ماسة: مافي داعي بتبتسم ابتسامة خفيفة مابحب ارقص
ام ماسة: شايف ياابني مجننتني هيك خجولة وعطول لحالها خدها بركي بتتعرف على هالأجواء
ماسة: بتزور امها اميي
ام ماسة: روحي مع أوس يوه
أوس: بمدله ايده تفضلي انسة ماسة
بتمسك ايده وبتقوم
بوقفو سوا وهنن ساكتين
بوقفو أدم وياسمين وبيخفتو الأضواء وبحطو غنية نيالي فيك نيالي وبتحط جبينها على جبين أدم وببلشو يتمايلو
وكل واحد وهو وخطيبتو مرتو بيطلعو بوقفو وبيتمايلو
أوس: بيتطلع بماسة وبمدلها ايدو بتسمحيلي برقصة
ماسة: بتخجل منو وبتهز راسها وبتمسك ايده وبيطلعو بوقفو وببلشو يتمايلو معهن وماسة دايبة من خجلها
بتكون دانيا وريحان واقفين وماسكين ايدين بعض وعم يتمايلو ويضحكو سوا
بشوفهن عمار وبقرب منهن بخطوات بطيئة
عمار: بجرئة بمد ايده لريحان بتسمحيلي برقصة
ريحان: بتلتفت عليه وهي مصدومة انا
عمار:بيرفع حاجبو شو رأيك
دانيا: بتكتم ضحكتها وبتدفش ريحان على عمار بيمسكها من خصرها خدها
عمار: بيمسك ايدها بخفة وايده التانية على خصرها وعيونه معلقة بعيونها وببلشو يتمايلو
بقرب صهيب من تاج وبيرقصو سوا كمان
بتطلع ياسمين حوليها هي وأدم بلاقو كل واحد مع وحدة
ياسمين: شو صاير معهن هدول اخي وريحان
أدم: شكلو عمار وقع هههه
ياسمين: يعليها ريحان مالها قليلة
أدم: يعني انتي القليلة وقعتيني من أول نظرة
ياسمين: ههههه أدممم
أدم: بحبكك
ياسمين: بحبكك
بيحملها وبدور فيها وقت يطلع مقطع نيالي فيك نيالي بشوف حالي فيك ياغالي
والكل بصفقلهن
عند أوس وماسة
أوس: قلتيلي مابتعرفيني
ماسة: تلبكت ماتوقعت شوفك ولا اخو العروس
أوس: بيضحك هههه وشو يعني ما صدفة حلوة ولا وواقفة عم ترقصي معي وقريبة مني بيطلع بعيونها وعيونك بعيوني وايدك بأيدي
ماسة: بصيرو خدودها حمر وجسمها متل الناس اي قلتلك مشان اكسر الخجل كلو من امي ما بتوقع بعمري وقف هالوقفة غير مع خطيبي او جوزي
أوس: ماصار شي عتبريني خطيبك
ماسة: بتطلع فيه وبتبتسم مابتزبط
أوس: انسي شوي بتزبط
عند ريحان وعمار
عمار: شو ليش ساكتة ام عيون شريرة
ريحان: لان مابدي ارقص وخصوصي معك
عمار: اوف ليش
ريحان: بعد يلي صار عم تسأل ليش
عمار: ايوا معناها لساتك زعلانة مني
ريحان: بعمري ماعتزرت واعتزرت منك
عمار: هههه لهيك مدايقة يعني خلص اعتبري اني ماسمعت انك اعتزرتي
ريحان: بتطلع بعيونو ليش اجيت وطلبت ترقص معي
عمار: مابعرف يلي بعرفو حالياً مخدر انا بالمناسبة عيونك لونهن بجنن
ريحان: شكراً
عمار: وريحتك احلى بتشبه اسمك كتير ريحان
ريحان: بتتلبك فيني انزل ماعاد بدي ارقص حطو غنية تانية وخلص رقصت على وحدة
عمار: بيبتسم حابة تهربي
ريحان: ليش بدي اهرب
عمار: مابعرف
ريحان: بتجي لتبعد عنو بشدها اكتر وبصيرو عيونهن بعيون بعض بتتلبك وبتتنفس بصعوبة بعد عني لو سمحت
عمار: واذا مابعدت
ريحان: بتطلع فيه بتحدي حتبعد والا
عمار: بيبتسم والو شو
ريحان: بتدوس على رجلو ببوزة الكعب
عمار: بيكتم وجعو ووجه بصير احمر بشد على ايدها
ريحان: وهيك حتبعد
عمار: بياخد نفس شريرة بس حلوة بيتركها انزلي
ريحان: بتطلع فيه وبتمشي وبيمشي وبيرجع على طاولتو ورجلو عم توجعو
عند أوس
أوس: بيهمس لماسة بتعرفي انو عيونك حلوة كتير بدون نظارة ماعرفتك اول ماشفتك
ماسة: شكرا هاد من ذوقك
أوس: حابة تنزلي
ماسة: ياريت
أوس: طيب تفضلي ببعد عنها وبتنزل
بكفو حفلتهن بتوقف ياسمين لتزت البوكيه وبوقفو البنات كلهن وراها والشباب جنب العريس بس في عيون على البوكيه ومركزة اكتر حدا منهن
بتبلش ترقص ياسمين وتتحرك وتخوفهن انو بدو تزتهن وهنن عم يرفعو حالهن
ياسمين: واحد تنين تلاتة بتزتو
بنط عمار وبيمسكو
الكل بيتطلع وين وقع بلاقو عمار ماسكو ومبتسم

أدم: اوفف وببلش يضحك ويصفق وياسمين بتضحك وبتصفقلو وببلشو كل الشباب والصبايا يصفقولو
أدم: عمار شبدك فيه للبوكيه ههههه
عمار: حبيت جرب امسكو هههه وبحك جبينه
ياسمين: الدكتور عمار حيتزوج اول واحد لكن هههه
عمار: بيضحك ههههه هيك شي
ريحان:بتكون عم تتزورو
عمار: بيهمس لاأدم في عيون شريرة عم تتزورني فيني اعطيها البوكيه
أدم: بيتطلع على ريحان وبيبتسم بيرجع بيهمسلو ياشريك ليش انت سألتنا وقت رقصت معها روح عطيها
عمار: ههههه بهي غلبتني برتب بدلتو وبقرب من ريحان احمم
ريحان: بتلتفت عليه خير دكتور عمار في شي
عمار: ايي في بمدلها بوكيه الورد تفضلي
بيتطلعو الكل فيه ومصدومين
ريحان: بتتلبك وبتخجل من نظرات العالم وخاصة امها واخوها المناسبة؟
عمار: اعتبريه اعتزار هدية بقلبو"اعجاب"
ريحان: بتطلع بأمها بتأشرلها تاخدو بتمسكو شكراً
عمار: بيغمزها على الخفيف هاد مشان ضربة رجلي وبيبتسم وبيلتفت وبيرجع لمكانو
بتخلص الحفلة بيطلعو أدم وياسمين على بيتهن
وكل حدا بيرجع على بيته
عند ريحان اول مايفوتو بيمسكها أوس
أوس:بعصبية ريحان
ريحان: بتلتفت عليه نعم
أوس: شو قصتك مع هاد
ريحان: عفواً مين هاد !!
أوس: عمار الزفت
ريحان: شو هي قصتي معو ماخصني فيه انا
أوس: ونظراتو الك وبوكيه الورد ورقصتك معو وقريو منك شو بتفسري كل هاد ريحان خانم
ريحان: بتطلع بأخوها بتوقع لا تحكي وتعطيني مواعظ ودروس وانت كنت عم ترقص مع وحدة مابتعرفها تمام ولا انت مسموح سيد أوس
أوس:..
ريحان: شو رد ليش سكتت
أوس: انا
ريحان: حتقلي انت شب لا ياسيدي ويلي رقصت معها عندها اخوة شباب كمان وبخافو عليها لا تحاسبني على شي ماخصني فيه الرجال اجا طلب مني ارقص ورفضت ودفشتني دانيا عليه مارضيت خجلو ووقت طلبت منو انزل ودعست على رجلو وماحكا شي وقبل بالمستشفى قربتلو على مرضاه وتدخلت فيهن وماحكا شي ووقت عطاني بوكيه الورد اعتزر مني انو ليكون سببلي مشاكل وبس مافي داعي تعمل شي تمام مالي صغيرة انا وتصبحو على خير
أوس: بضل ساكت بيتطلع بأمو عجبك يلي حكتو
نرجس: اي
أوس: امي بس
نرجس: انتهى النقاش أوس فوت راضي اختك احسن هلق مستفقدة لياسمين اكيد وانا بدي فوت على غرفتي بعدلي
بتفوت نرجس على غرفتها وبتعد على تختها بتمسك صورة جوزها وبينزلو دموعها
عند ياسمين وأدم
بيفتح باب البيت أدم
أدم: تفضلي ياسمينتي
ياسمين: يزيد فضلك ادومتي
أدم: ستني لا تفوتي بيحملها وبفوت فيها
ياسمين: هههه طيب ليش تحملني يعني
أدم: هيك بدي ضل حاملك طول عمري بنزلها بنص غرفتهن
ياسمين: بتقرب منو وبتحضنو بقوة
أدم: بيبتسم وبشد عليها اكتر
ياسمين: بتطلع فيه وبعيونو أدم يارجالي يامالي ورسمالي انا ياسمينتك وانت شامي
أدم: بيضحك هههههه يعتبر غزل ولا غنية حبيبتي اول مرة بسمعها
ياسمين: ومارح تسمعها غير مني لان تأليفي حبيبي
أدم: اوف مهلاً على قلبي سيدتي مابتحمل هيك
ياسمين: بتبتسم
أدم: بيتطلع بعيونها وبضحكتها بدي قضي عمري كلو معك لااخر نفس بتنفسو بدي كون معك بدي ضل اسمع دقات قلبك واغفى عليهن بدي اصحى الصبح وريحتك معلقة على مخدتي بدي تضلي ياسمينتي يلي كل ما بنسم هوا عليها بتميل علي وكل ماوقعت ورقة منها توقع علي بدي تضلي مزهرة متل ياسمينة بلدية بنص الشام شو حلوة انتي متل كمشة ياسمين على حيطان الشام ياسمينة حياتي
ياسمين: بتخجل وخدودها بيحمرو بتطلع فيه شو بدي رد بعد كل هالحكي بتقرب منو وانا بوعدك ضل معك لااخر يوم بعمري بدي عيش بين ايديك وبدي موت بين ايديك مستحيل اتركك لو شو ماصار سعادتك من سعادتي وأدم رجالي بحبكك
أدم: بحط راسو على راسها وانا بمووت فيكي
ياسمين: نحن سوا وحنضل سوا بتبتسم
أدم: وحلوة الدنيا حلوة سوا
تاني يوم الصبح
بتصحى ياسمين على صوت ضرب وخبط وطرطقة بتطلع جنبها ما بتلاقي أدم
ياسمين: شو عم يعمل هاد بتسمع باب الغرفة انفتح بتغمض عيونها فوراً
أدم:بفوت وحامل صينية فيها فطور بحطها على جنب وبقرب من ياسمين وبيطبع بوسة خفيفة على خدها بيتطلع فيها وبيبتسم كأنو عم يحفظ تفاصيلها خط خط رمش رمش رسمة عيونها تدويرة وشها غمازتها يلي حافظ مكانها بدون ما تكون مبينة بقرب ببوس عيونها وبقرب من ناح غمازتها وببوسها
ياسمين: بتفتح عيونها عفكرة هي سرقة
أدم: بيبتسم اوف وين السرقة بالموضوع
ياسمين: تخطف بوسات مني انا ونايمة
أدم: ماقلتلك حيجي يوم مافيكي تهربي مني
ياسمين: مبلا حبيبي قلتيلي بس ممكن اعرف شو كل هالاصوات يلي كانت برا
أدم: بيبتسم ولاشي حضرتلك فطور بس
ياسمين: بتطلع بعيونو وبتبتسم أدمم ياعيوني انت عملتلي فطور الي انا
أدم: لا والله لبنت جيرانا قايم افطر معها
ياسمين: بتضربو بخفة غليظ شو هي بنت الجيران ماصدقت ايمتى خلصت منهن

أدم: بيضحك ههههه يخليلي المجدوب انا يلي بغار اي
ياسمين: ايي يخليلي ياك وبتبتسم بتوضح الغمازة اكتر
أدم: لك بموت بهي الغمازة ريتن يدفنوني هنيك
ياسمين: بس أدم شو هالحكي بعيد الشر عنك
أدم: بتحبي تاكل هون ولا برا ياسمينة
ياسمين: لا حبيبي برا احسن
أدم: طيب يلا رح حط السفرة برا وانتي بتكوني غسلتي وشك القمر
ياسمين: تمام
بياخد السفرة لبرا ادم وياسمين بتغسل وشها وبتفتح باب الغرفة بدها تطلع
أدم: بوقف بوشها لوين
ياسمين: شو لوين لبرا
أدم: اممم بيتطلع فيها وبيحملها
ياسمين: أدمم ليش حملتني هههه
أدم: قلتلك ممنوع تمشي صح او لا
ياسمين: ولاايمتى ان شاءالله
أدم: لمل منك وتصيري تقيلة هههه
ياسمين: وايمتى بتمل مني دكتورنا أدم
أدم: والله مابعرف سنة سنتين عشرين مية سنة الله واعلم
ياسمين: بتضحك ههههه اخخ منك شو بحبك
أدم: بموت فيكي بدور فيها وبيطلعو على الصالون بحطها على الكنباية وبيعد جنبها
ياسمين: بتطلع على السفرة اوفف شو كل هالدلال حبيبي
أدم: معك الشيف أدم حبيبتي
ياسمين: اي ان شاء الله تكون شيف نضيف وما نضطر نوقف نجلي هلق
أدم: بيبتسم وبحك جبينو انو يعني انو
ياسمين: خلص وصلت بعدين منقوم منجلي لاتزعل
أدم: اي اي مهم خليني طعميكي بأيدي احسن ما ينطولي هلق ومارح اتمتع بالاكل
ياسمين: ليش يعني ههههه
أدم: هلق بتشوفي حبيبتي رح يضلو فوق راسك مارح يخلوكي تتنفسي لهيك بيمسك اول لقمة يلا فتحي تمك
ياسمين: لا أدم كمان بدك تطعميني بأيدك بعرف باكل حبيبي
أدم: انتي بتحبي ترفسي النعمة ليش
ياسمين: مو قصة رفس النعمة يخليلي هالايدين وصاحبهن بس بخاف اتعود على الدلال وماعود شوفه
أدم: بيضحك هههههه لا ماتخافي هاد طبعي حضل طعميكي بأيدي لااخر يوم بعمري منيح
ياسمين: ايوا سيد أدم وانا بدي طعميك كمان بتمسك لقمة يلا خود من ايدي
أدم: بيفتح تمو وبياكل من ايدها وببلشو يطعمو بعض ومبسوطين والله يطعمها لك مشتهي😂
بخلصو اكل وبقومو بشيلو السفرة بتفوت ياسمين على المطبخ هي وأدم
ياسمين: بتطلع بأدم ادددم شو هاد حبيبي
أدم: شو بدك تعملي جوزك طبيب جراح مو اختصاصي جلي وترتيب بيمسك مريول جلي وبلبسها ياه وهي مصدومة يلا حبيبتي رايح اعد وانتي خلصي شغلك
ياسمين: بتطلع حوليها وبتطلع فيه بوش مصدوم
أدم: بيفرط ضحك عليها ههههههه يعليي بقرب منها وببوس خدودها كيف صار وشك هههههه
ياسمين: بتضربو ياالله ياأدم فكرت عم تحكي جد
أدم: بيحضنها من خصرها ياروحي انتي قبل وقلتلك مابخليكي تعملي شي لحالك مفكرتيني بس كنت عم ردلك على مرت اخي لا عم بحكي جد
ياسمين: بتحط راسها على راسو اي دخيلو حبيبي يلي بحكي كلمة وبنفزها
أدم: بجيب مريول الو كمان وبيلبسو وهلق صرنا جاهزين لنخبص سوا
ياسمين: هيك شي حبي قول الله
ببلشو بالمطبخ يلي مقلوب مو معروف شي منو بتوقف ياسمين عم تجلي وهو معها
ادم: بيمسك رغوة صابو وبحطلها على وشها بابا نويل صرتي هههههه
ياسمين: هاهاها مهضوم حبيبي بتمسك رغوة وبتردلو ياها وهي حبيبي صرت ماما نويل هههههه
أدم: عم تتحديني
ياسمين: انت بديت ياروحي
أدم: طيب انا بفرجيكي لنخلص بس
ياسمين: بتغمزو اي منشوف
بخلصو جلي وتطبيق
"كل العرسان بكونو اكابر وما بيشتغلو شي الا يلي عنا عندهن كلشي بالمقلوب 😂🤷‍♀️"
ياسمين: وهلق حبيبي فرجيني شو بدك تعمل
أدم: ذكرتيني بيمسك عصاية المكنسة وبوجها على ياسمين
بلشت الحرب
ياسمين: بتاخد عصاية النشافة وانت قلتها
ببلشو ببعض يضربو هالعصايات وعم يركدو ورا بعض بتقرب ياسمين وبتضرب ادم بتوقع منو العصاية وبتجي على ايدو الضربة
أدم: اخخخ وبصير ينط من وجعو
ياسمين: بتكتم ضحكتها وعم تركد وراه حبيبي شو صرلك
هههههه
أدم: ضربتيني ياشريرةة
ياسمين: فرجيني ايدك طيب
أدم: بمدلها ايدو شوفي
ياسمين: يعلي يعلي بتبسلو مكان الضربة وهيك طابت
أدم: بيبتسم اي اي ليش اسمك طبيبة مو مشان تطيبيني من بوسة
ياسمين: يالطيف هههه
أدم: بيمسكها وببلش يكركرها وهي عم تضحك وتقلو يبعد عنها
ياسمين: لك ادم ههههههه ماعاد اقدرر خواصريي
أدم: بيحملها تعي لقلك وليفوت على الغرفة بيندق الباب
ياسمين: بتضحك هههههه
أدم: قلتلك حيجو بوقت غلط بنزل ياسمين وبقربو بيفتحو ونسيانين حالهن شو لابسين ومناظرهن كانو طالعين من حرب
بيفتحو الباب
بكونو ام يونس ونرجس ورنا ودانيا وريحان ومعهن فطور بيطلعو كلهن ببعض وبيشهقو فرد مرة
أدم: بسم الله شبكن
ياسمين: خير امي شوفي
نرجس: بتكتم ضحكتها شبكن ياولاد ليش هيك مناظركن
ادم وياسمين بيطلعو ببعض
أدم: بيضحك على شكل ياسمين ههههه
ياسمين: بتضحك على شكلو ههههه
ام يونس: فوتي اختي ام نزار فوتي

بفوتو وبسكرو الباب
وأدم وياسمين واقفين بس عم يضحكو
دانيا: هلق هيك مناظر العرسان لجداد المفروض تكون شعرهن منكوش ولابسين مريول الجلي ولابسين فردة شحاطة اي والتانية ضايعة
ريحان: والبيت مرمى فيه عصايات اختي كنتو عم تعزلو شي؟؟
رنا: عم تطلع فيهن ومو عاجبها
أدم: بيخجل وبيتطلع بياسمين لا ياجماعو شبكن بلشتو فينا رح نحكيلكن السيرة بس حنبدل تيابنا تفضلو اعدو البيت بيتكن بيمسك ياسمين من ايدها وبجرها على الغرفة
ام يونس: بتضحك عليهن هههه الله يهنيهن يارب تفضلي اختي ام نزار نأعد ولادنا مجانين
نرجس: اي والله الله يعينهن على بعض قال دكاترة قال واضرب واطرح وبقيسو حالهن بالمسطرة
ريحان : بتهمس لدانيا شوفي محلاهن اخخ على شعور السنجلة شو تفو
دانيا: بدك تقوليلي يضرب حظي وحظك
ريحان: اي والله
عند ادم وياسمين
بتكون متسطحين على التخت وفارطين ضحك
ياسمين: حاطة ايدها على تمها مشان مايطلع الصوت اخخخ ياادم ههههههه كيف شكلهن وقت شهقو هههههه
أدم: ولا شفتيلي منظر مرت اخي ههههههه كانك ضاربتيها سطل مي باردة ههههههه اخخ خواصري
ياسمين: لك اي اي اخخخ ههههه قوم قوم ماعاد اقدر بدل تيابك لنطلع عيب ههههه
ادم: قومي يلا هههههه
ببدلو تيابهن وبيطلعو ناس تانية
أدم: اهلا وسهلا شرفتونا والله واعد عم بوزع ابتسامات
ياسمين: اعدة جنبو ومالهن عرفانين شو يحكو
دانيا: اخي ممكن نعرف ليش مناظركن هيك كانت فضول يعني
ام يونس: دانيا شبدك انتي بتزورها
أدم: لا عادي امي منحكيلها مو ياسمين
ياسمين: بتكتم ضحكتها اي عادي
أدم: بيحكيلهن القصة وهو عم يضحك وياسمين عم تقرصو مشان يكتمها
نرجس وام يونس ببلشو يضحكو عليهن وريحان ودانيا ورنا عم تضحك بس ضحكة باردة
نرجس: الله عليكن ياولاد لك مالي مصدقة انكن دكاترة
ام يونس: والله وانا يااختي قال دكاترة قال
ريحان ودانيا بنفس الوقت: شو رومانسيين
نرجس وام يونس: خرسو
بيضحكو عليهن ادم وياسمين
رنا: يعني فاطرين مارح تفطرت معنا؟
ياسمين: مبلا كيف مااكلنا اصلا لقمتين
أدم: بيهمسلها حبيبتي اي لقمتين ماضل شي بالسفرة مافي مجال اخد نفس
ياسمين: بتهمسلو عيب جايين ونقلهن مابدنا ناكل عميل حالك عم تاكل حبيبي سهلة
أدم: بحبك لانك ذكية
ياسمين: بتنكشو بس محضورة
أدم: بيبتسم لكن يلا تفضلو نفطر
بقومو وبيعدو على السفرة بياكلو وادم عم يلعب بالزيتونة بايدو
ياسمين: كاتمة ضحكتها على أدم وعم تنكشو
أدم: بيتطلع فيها بيهملسها شبك
ياسمين: قلتلك عميل حالك عم تاكل مو تلعب بالزيتونة حبيبي
أدم: مابعرف مثل خلص حقول انا شبعت
ياسمين: بكون احسن حبيبي
أدم: الحمدلله دايما ياجماعة يسلمو ايديكن
دانيا: ليش اخي شو اكلت انت من اول ما اعدنا عم تاكل زيتونة وتلعب فيها
أدم: بيزورها اي شبعت وبقوم
دانيا: بتسكت وبتطلع بريحان وبيضحكو
رنا: بتطلع بياسمين بس المفروض ياسمين بتعرفي بالأصول مابصير كنتو تاكلو وبتعرفونا حنجي
ياسمين: والله مادخلني انا أدم يلي عمل لفطور
رنا: كمان سلفي يلي عمل لفطور ما شاء الله
ام يونس: رنا بس انهي السيرة صحتين وهنا على قلبهن ولاتدخلي بشي ما بيعنيكي
رنا: حاضر مرت عمو
ياسمين: دايما بتنزعج وبتقوم
بتوقف على المغسلة بقرب منها أدم
أدم: حبيبتي لا تزعلي منها غيرانة منك لان اخي مابيعملها شي
ياسمين: بتهمسلو مالي زعلانة بس عطول حاطة راسها من راسي مع اني والله بحبها ومابقرب عليها
أدم: بتغار لانك دكتورة انتي وهي تاسع مامعها من يوم يومها بنت عمي كسلانة وما بتحب الدراسة وبتغار ومكيودة
ياسمين: اوف كل هاد
أدم: اي
ياسمين: لف السيرة منحكي بعدين مابدي يسمعو ويلا نطلع عيب
أدم: دخيل المذوق
بيطلعو وبيعدو معهن بيشربو شاي
نرجس: يلا ريحان خلينا نمشي
ريحان: يلا ماما
ياسمين: خليكن ماما اعدين
نرجس: لا امي خلينا نروح
ياسمين: متل مابدك مين حياخدكن
نرجس: لحالنا شو صغار
ام يونس: لا شو هي لحالكن ونحن ماشيين كمان هلق يونس بوصلنا مننزل سوا يلا
نرجس: متفي داعي والله
ام يونس: يوه كيف مافي داعي امشي اختي قال مافي داعي
دانيا: بخاطرك اخي باي ياسو
ياسمين: باي دندون سلمي على عمو
دانيا: بيوصل
أدم: مع السلامة اختي بيمسكها من هون لااسبوع مابدي شوف وشكن لا انتي ولا مرت اخوكي تمام ويلي بدو يجي قلعيه بمعرفتك
دانيا: اديش بتعطيني
أدم: روحي بعد اسبوع يلي بتطلبي بجيكي
دانيا: اممم اتفقنا
أدم: طيري بينزلو وبسكر الباب أدم وراهن
ياسمين: شو كنت عم تحكي لدانيا أدم
أدم: بقرب من ياسمين وبيحضنها من خصرها والله ياحبيبتي كنت عم قلها مابدي شوف وشكن بأسبوع
ياسمين: هههههه يعليك ياأدم بركي زعلو
أدم: يزعلو احسن ما ينطولي كل شوي وانا حكيت لدانيا وهي بتتصرف بتمرض فجأة بصير بدها تعزل البيت بتعمل يلي بدها ياه مهم ماتخليهن يجو

ياسمين: ايواا ههههه اخخ منك انت
أدم: شوفي ايدي عم توجعني منك
ياسمين: بتطلع بأيدو يعلي وبتبوسها منيح هيك طابت
أدم: اممم يعني
ياسمين: اممم منيح
أدم: اوف شو هاد
ياسمين: بتطلع محل ماأشر أدم شو هاد
أدم: بيحملها ولاشي هاد عصفور
ياسمين: أدم ليش عم تخدعني
أدم: مشان اسمع اسمي منك انتي وعم تقوليلي أدمم
ياسمين: بتبتسم واذا سمعتو شو بصير
أدم: حطي ايدك على قلبي سمعي دقاتو شو عاليين وقت تقولي أدم
ياسمين: أدمم
أدم: ولي على قلبي اي
ياسمين: هههههه حبيبي
المسا"عند أوس اعد بكون وشارد وعم بقلب بموبايلو بس
بتخطر عبالو ماسة بيتذكر لمساتها بسمتها عيونها تفاصيلها
بيتطلع قدامو بشوف ريحان حاطة ايدها على خصرها وعم تطلع فيه كيف عم يبتسم
أوس: بينئز وليي يبعتلك حمى على هالوش
ريحان: يعليك شبك وين صافن
أوس: بظن مادخلك
ريحان: ايوا مادخلني مزبوط بتعد وبتحط رجل على رجل
بتفوت نرجس وماسكة صحون فواكه بتعطي صحن لاأوس وصحن لريحان وبتعد عم تاكل
نرجس: شبك ابني وين شارد
أوس: مافي شي امي معك
ريحان: بقلبها" انا بفرجيك ياأوس لخليك تنط لتراضيني"
امي
نرجس: نعم
ريحان: شفتي خالة يلي عم تحكيها كنتي بعرس اختي
نرجس: اي وحدة
ريحان: بتطلع بطرف عينها على أوس يلي بنتها اسمها ماسة
أوس: بيتطلع بريحان وبزبط اعدتو ليسمع اكتر
نرجس: شبها
ريحان: اخدت رقم البنت وهي اخدت رقمي حبيتها حسيتها هيك خجولة شوي
أوس: شو بدك بالبنت انتي اكبر منك
ريحان: كلها سنة هي سنة اولى اختصاص تحليل كيميائي هيك يمكن قالتلي
أوس: بيبتسم وشو كمان قالتلك
ريحان: ولاشي وقالتلي عنك
أوس: بيبتسم بفضول شو قالتلك
نرجس: ريحان قومي بنتي جيبيلي كاسة مي
ريحان: يلا امي بتقوم وبترفعله بحواجبها لاأوس
أوس: بقوم وبيلحقها
ريحان: بتعبي ومي بدها تطلع بفوت أوس
أوس: شو قالتلك عني
ريحان: بجدبنة مين هي!!
أوس: لا تجدبيها علي ريحان ماسة شو حكت
ريحان: وحافظ اسمها
أوس: مادخلك شو قالت
ريحان: مو مادخلني خليها هي تقلك
أوس: لا حبابة انتي احكيلي
نرجس: ياريحان شو صار بكاسة المي

#يتبع

الموسم الاول
#معجزة ـ الحب
#الجزء الخامس
ريحان: بتضحك اجيت امي وبتروح على الصالون بتعطي امها كاسة المي
أوس: ريحان تعي شوي اختي ريحانتي
ريحان بتطلع بنرجس يلي بتبادلها نفس النظرة والصدمة
نرجس: الله يهديه ويكملو بعقلو
ريحان: بتكتم ضحكتها امين بتقوم لعندو
أوس: بيمسك ريحان من ايدها وبجرها وراه على المطبخ
ريحان: اي أوس ايدي وجعتني شو بدك
أوس: شو حكت ماسة عني
ريحان: مين ماسة
أوس: لاتخليني عصب عليكي شو حكت
ريحان: ماحكت شي بس قالتلي اخوكي محترم ومؤدب وحلو ما شاء الله بس
أوس: بربك هيك حكت
ريحان: والله ليش بدي كذب
أوس: يسعد الله ببوس ريحان
ريحان: بسم الله شو صابك
أوس: عطيني رقمها
ريحان: نعم
أوس: بربك امانة
ريحان: لا اسفة مابقدر بترضى اختك ياسمين تعطي رقمي للدكتور عمار مثلاً
أوس: تضربي انتي وياه
ريحان: يضرب لحالو شو خصني انا
أوس: لا تجيبي سيرتو هلق مارح تعطيني رقمها
ريحان: لا خليها هي تعطيك
أوس: طيب انا بعرف كيف جيبو
ريحان: اي جيبو وهلق تشاو بدي نام
بتدخل على غرفتها وبتتسطح بتطلع جنب راسها بتشوف بوكيه الورد بتبتسم غليظ ياترى الصدف رح ترجع تجمعنا يا استاذ عمار طلاع من مخي بتغمض عيونها وبتنام
"بعد اسبوع"
عند أدم وياسمين بكونو نازلين وعم يتمشو سوا بتركد ياسمين وماسكة ايد أدم بيشتريلها اكلات يلي بتحبهن وبيمشو ايدهن بايد بعض وعم يضحكو
ياسمين: أدم
أدم: عيونو
ياسمين: حيجي يوم تحب غيري!؟
أدم: شو خطرلك هالسؤال الغليظ كتير
ياسمين: هلق جاوبني
أدم: لو بدي حب غير ما بحبك الك ولا بتصيري حياتي وكلشي فيها بيحضنها لو جواتي عشر قلوب والله العشرة فيك تدوب مارضى غيرك يامحبوب والله والله ماارضى لو عشت عمري عمرين وين لاقي متلك وين انت عين وحبك عين والله والله ياعين ببوسها من خدها بحبك
ياسمين: بتضحك وانا بتصرخ بعشقكككك
أدم: بيضحك عليها وبيمسك ايدها وبيركدو بيرجعو على بيتهن
ببدلو تيابهن
بتطلع ياسمين من غرفتها بتلاقي ادم حاطك طاولة وعم يزبط عليها اكلات بتحبهن ياسمين وحاطط غنية بتنط وبتحضنو من ورا ضهرو وبتبوسو
أدم: ههههه يخليلي ياكي شو كل هالدلال ياأدم
ياسمين: لك أدم انت شو هالدلال حبيبي
أدم: عم دلل حدا غريب عم دلل حالي وياسمينة قلبي
ياسمين: اي يخليلي شو هالغنية
أدم: مشان ارقص انا وياكي
ياسمين: هههه دخيل الرايق
أدم: بيمسك ايدها وببلش يتمايلو سوا ويرقصو
ياسمين: بتضحك على أدم ههههه وبتمسك ايدو وبتدور وبتقرب بتحضنو وهو عم يتمايل معها
بخلصو رقص وبيعدو بتشغل فلم ياسمين وبتعطيه لاادم زبدية البوشار
أدم: ليش الفلم بكفيني اتطلع بعيونك واتصفن من هون لبكرا
ياسمين: بتطلع فيه وبتبتسم بتمسك وشه بايديها وبتحط راسها على راسو يخليلي حبيبي انا يلي كلامو احلى من احلى شي بهالدنيا
أدم: بيضحك وبياكل بوشار تعي لقلك مسكي البوشار
ياسمين: هات بتحطهن على الطاولة
أدم: انتي ياسمينتي لصغيرة يعني انتي بنتي ومرتي واختي وامي وكل دنيتي كل دور للمرأة بالمجتمع انتي هي وطبيبتي ومريضتي ومتيمتي وعشقي وغرامي وقصتي الاولى والاخيرة وانفاسي وكلامي ونظراتي ونهايتي
ياسمين: بتكون عم تطلع فيه وسكاتة بس عم تبتسم
أدم: بيضحك ومجنونتي وغيورتي وجدبتي وغبيتي ببعض الأوقات
ياسمين: بتطلع فيه يعني مابصير غير تنزعها وبتشدو لعندها بيوقع على الارض وبيضحك ههههه
أدم: بيمسكها وبيحضنها لك والله بحبك عم بمزح معك
ياسمين:اي وانا بموت فيكي ياغليظ
أدم: خلص تعي نعد متل العالم وناكل ونتفرج
ياسمين: وانا هيك بقول
بيعدو بياكلو الاكلات وبيتفرجو على الفلم هيك شي ساعتين
بيتطلع أدم بياسمين بلاقيها غفيت على كتفو
أدم: بيبتسم وبطفي التلفزيون وبيحملها بين ايديه وبحطها على التخت بوقف بدو يغطيها
ياسمين: وين رايح
أدم: ليكني مارح روح بقرب بيتسطح وهي بتنام على زندو بيلعبلها بشعراتها وبضل يلمسلها ياهن ويتأملها ليغفى
تاني يوم الصبح
بتصحى ياسمين بتطلع بأدم وبتبتسم
ياسمين: بتمرر اصابعها على دقنو بحنية أدم رجالي دكتوري حبيبي
أدم: بيفتح عيونو وبيتطلع فيها يسعدلي هالصباح
ياسمين: يسعدلي صباحك حبيبي
أدم: اديش الساعة
ياسمين: ٩ بظن
أدم: بكير لسا
ياسمين: شو بكير حبيبي بدنا ننزل على المستشفى
أدم: لسا بكير لننزل
ياسمين: لكن بدنا نضل اعدين بالبيت
أدم: مليتي مني
ياسمين: لا ماهيك بس اشتقت للمستشفى وللولاد ولتاج وهيك يعني
أدم: لا حقك لكن قومي
ياسمين: حتعاملني غريبة كمان
أدم: بيضحك لا خلص انتي زوجة الدكتور أدم وين غريبة ماحدا الو عندك شي وخصوصي يلي ببالك مانخافي عرفت حدودها
ياسمين: لنشوف ان شاءالله تكون فهمت

أدم: حبيبتي شو رأيك تنقلي اختصاصك لعندي وتصيري مساعدتي وهيك بتطمني راسك
ياسمين: ياريتت بس مجال بحبو كتير وبحب لولاد اكتر واكتر
أدم: لولاد ولا البنات
ياسمين: لتنين حبيبي بس بتعرف المستشفى حتكون معتمة
أدم: اشتقتي لاأسر
ياسمين: بتهز براسها كتير ومافي لا حس ولا خبر
أدم: اتصلي بعمتو
ياسمين: وعدتني بس تستقر هي حترن بس شكلها نسيت
أدم: اتصلي انتي
ياسمين: هو هيك وهلق امشي نقوم يلا
بقومو بيلبسو وبيفطرو بسرعة وبيطلعو على المستشفى
بوصلو وبيدخلو ايديهن بأيدين بعض
ياسمين: صباح الخير ناهد
ناهد: بتبتسم صباح النور دكتورة ياسمين نورت المستشفى باحلى دكاترة
ياسمين: منورة بوجودك قلبي
ناهد: كيفك دكتور أدم
أدم: بيبتسم ابتسامة خفيفة الحمدلله انتي كيفك
ناهد: منشكر الله والف مبروك يارب
أدم وياسمين: الله يبارك فيكي
بفوتو لجوا بشوفهن عمار بقرب لعندهن وهو مبتسم
عمار: اي والله نورت المستشفى ياشريك بيحضن أدم الف مبروك عريسنا
أدم: الله يبارك فيك عقبالك وبيغمزو
عمار: احم ان شاءالله بس والله ياشريك في ناس عم تطبخ من تحت لتحت
أدم: مين
عمار: الدكتور صهيب والدكتورة تاج
ياسمين: عم تمزح دكتور عمار
عمار: لا والله هلق بتشوفهن سوا
أدم: صاير عم تنقل اخبار متل ريحانتنا ما شاء الله عليك وبيكتم ضحكته
عمار: وقت يسمع اسمها بيبتسم والله صاحبة المشاكل بتقصد عفوا ً منك دكتورة ياسمين يعني بس هي الحقيقة
ياسمين: بتبتسم لا ولا يهمك مزبوط هي اختي صاحبة مشاكل ومشاغبة شوي لهيك رقصت معها شكلك بتحب المجانين
عمار: بيخجل ومابيعرف يرد بيكتفي بأبتسامة بشوف صهيب وتاج جايين من بعيد وعم يحكو ويبتسمو ها اجو عشاقنا لجداد
أدم: عيب لا تخجلهن عمار
عمار: خرست وبيكتم ضحكتو
ياسمين: بتطلع بتاج بتشوفها تاج
تاج: ياسمين وبتركد عليها وبتحضنها لك اشتقتلك المستشفى ماحلوة بدونك
ياسمين: هههه وانا اكتر ياروحي
تاج: لا عاد تختفي علينا
ياسمين: لا لا مارح اختفي خلص
بقرب صهيب وبسلم على أدم وبباركلو
أدم: خلصنا سلام وكلام وهلق بالاذن بدكن تسمحولي بدي اتفتل وشوف المرضى يلا ياسمين
ياسمين: وانا بالاذن تعي تاج لشوف شوفي جديد
بيمشي كل واحد على شغلو
ياسمين: بتلبس مريولها الابيض وبتحط سماعتها على رقبتها وبتطلع تبلش شغلها بتفوت على قسم الكانسر اول ماتدخل بتحس بضيق بصدرها بتطلع حوليها بترن ضحكة أسر بأذنها بتتذكر لمعة عيونو لعبو حبو ريحتو بتطلع على التخت يلي كان الو بتلاقيه فاضي بتشعر بغصة شعور مخلوط بين الحزن والفرح بتطلع على اسم القسم "الكانسر"
وبتطلع حوليها لولاد لصغار فرحت انو أسر تخلص من هالمرض بس زعلت انو فارقها ضحكة لولاد لصغار بتوجع رغم تقل هالمرض بس ضحكتهن اقوى من كلشي
الممرضة: دكتورة ياسمين
ياسمين: بتلتفت لعندها اي
الممرضة: تفضلي وبتمدلها ورقة
ياسمين: شو هي
الممرضة: هي أسر تركلك ياها
ياسمين: بتبتسم وبيتجمعو عيونها بالدموع وبتركد على مكتبها بتسكر الباب وبتمسك الورقة بين ايديها بتفتحها بتلاقي مرسوم طفل ماسك ايد امو وابوه ومكتوب فوق الطفل أسر والبنت ياسمين والرجال أدم ومكتوب تحت بحبكن أسر
بتركي راسها ياسمين على مكتبها وبتضم الصورة لقلبها
بيفتح الباب أدم بيتطلع بياسمين
أدم: ياسمينتي شبك!؟
ياسمين: وقت تسمع صوتو بتطلع فيه وبتوقف وبتركد لعندو بتحضنو وهي عم تشهق
أدم: شبك ياسمين ليش عم تبكي
ياسمين: اشتقت لاأسر
أدم: بشد عليها طيب اهدي رح خليكي تحكي والله وعد مني بس اهدي ولا تبكي
ياسمين: تاركلي رسمة منو فيها انا وانت وهو
أدم: مشان يلهيها عنجد بيتطلع بعيونها وبمسحلها دموعها فرجيني ياها يلا
بتبعد عنو وبتقرب من المكتب وبتمدلو الرسمة شوف محلاها
أدم: بيتطلع فيها بتجنن ولهيك لاتبكي رح خليكي تحكي وجيب رقم عمتو تمام ماعاد بدي شوف هالدموع بالعكس لازم تكوني فرحانة هلق هو تعافى وحيقدر يروح على المدرسة متل لولاد يلي بعمرو ورح يكبر ويصير دكتور متل امو الحلوة ياسمين حتكوني فخورة فيه صح
ياسمين: بتطلع فيه وبتبتسم وبركي نسيني
أدم: بيمسك وشها بايديه مستحيل حدا يشوف هالوش وينساه نظراتك بتخلي رسمة وشك وتفاصيلك محفورة حفر بالقلب وبالعقل لهيك هو وعدك انو حيرجع ومعو صوركن وربنا لما يجمع ناس ما بياخد اذنا مزبوط
ياسمين: بتهز براسها ونعم بالله
أدم: يخليلي حبيبي الحساس
ياسمين: بتبتسم يخليلي يلي بحس فيني وبيجي يراضيني
أدم: اخخ منك بيحضنها هالقلب بحس فيكي شو بقدر اعملو
ياسمين: يخليلي هالقلب وصاحبو
بتفتح تاج الباب بقوة
تاج: وليه ياسمين وقت تشوفهن بتتلبك ييي اسفة
بتبعد ياسمين عن أدم فوراً
ياسمين: لك ياتاج في شي اسمو باب

تاج: عفواً منك بس مكتبي بدي دق الباب قبل مافوت انسة ياسمين عفواً مدام
أدم: بيضحك عليهن لا صح انا المتطفل دكتورة تاج حقك علي
تاج: بتبتسم بخجل عادي دكتور أدم المكتب مكتبك والمدام مدامتك ولو
ياسمين: بتضحك عليها ههههه يعليكي للسانك متبري منك متل ريحان
أدم: انضمت وحدة تالتة للمجموعة
ياسمين: ايي دانيا ريحان تاج نفس العقل
تاج: بتأشرلها من تحت لتحت انا بفرجيكي وبتبتسم
أدم: خليني روح انا مشان تاخدو راحتكن وبيغمز ياسمين يلا بالاذن
تاج: اذنك معك دكتور بتسكر وراه الباب وليه ياسمين شو هاد يلي عم شوفو بمكتبي فسق وفجور
ياسمين: حاجتك تنطي وتأعدي انتي شو عم بصير معك الله يسمعني الاخبار الطيبة
تاج: اه شو عم بصير ولاشي
ياسمين: لك المستشفى كلها بتعرف وانتي عم تحكي وتقوليلي مافي شي شو قصتك مع الدكتور صهيب اه
تاج: يي شو قصة ما قصة تفتفتف
ياسمين: لك تاج احكي احكي السيرة مطبولة بالمستشفى
تاج: يالطيف هالعالم شو بفكرو مافي شي زميل وزميلتو
ياسمين: ايوا قلتيلي ورقص بعرسي وحكي وضحك
تاج: بتبتسم يعني في هيك شي اعجاب فيكي تقولي
ياسمين: وكيف انخلق فجأة شقد الكن بوش بعض ماانعجبتو
تاج: اي انا ماكنت ملاحظة بس هو قال من زمان معجب فيني بس خايف من للساني
ياسمين: والله الحق معو يخاف
تاج: اي خرسي وليه شو هالحكي يصحلك أصلا
ياسمين: لك عم بمزح معك عقبال ماشوفك احلى عروس
تاج: وعقبال مانشوف ولادك اختي
ياسمين: بتبتسم امين يارب
عند أوس
بدخل من باب الجامعة وعيونو عم تدور على شخص واحد بس بدور بس ما بلاقيها بيطلع على محاضرتو وبخلصها وبينزل عم يتطلع بعيونو يمين وشمال مافي حدا
أوس: معقول ماعندها محاضرات اليوم! بيتطلع على باب المبنى بشوفها نازلة هي وبنتين وعم تحكيهن وماسكة كتبها وعم تأشر بأيديها وتحكي
بيبتسم أوس وبيمشي لعندها
أوس: بوقف قبالها مرحبا
ماسة: بتطلع فيه اهلين
أوس:كيفك انسة ماسة
ماسة: تمام انت كيفك استاذ أوس
أوس: هلق صرت منيح
ماسة: بتنصدم من كلمتو
رفيقتها بتكتم ضحكتها وبتنكشها
من بعيد في بنت واقفة هي ورفقاتها بتكون بدها تحكي أوس بس بصدها على طول ناريمان
رفيقة ناريمان: شوفي مع مين واقف أوس
ناريمان: بتطلع بماسة وبتعصب انا بفرجيهن وبتمشي لعندهن
بتقرب منهن ناريمان
ناريمان: اوف أوس بيك يلي اغلب بنات الجامعة بتشتهي يوقف معهن واقف مع ماسة ههههههه
أوس: بيتطلع فيها بقرف
ماسة: وانتي شو دخلك اه
ناريمان: صايرلك صوت ست ماسة خليكي على جنب ماحكيتك يامعقدة خانم
ماسة: بتطلعي ستين معقدة وقليلة ادب كمان
ناريمان: هههههه شوفو مين المعقد فينا ام نظارة فارة الكتب شكلك عم تطبقي لأوس لتطلعي من عقدك
ماسة: بتسكت وبتطلع فيها بعصبية وبتمشي
أوس: بينزعج بيتطلع بالبنت تكون فارة كتب متل ماحكيتي ورافعة راس اهلها احسن ماتكون متلك جاية على الجامعة مشان تطق حنك وتتفتل من شب لشب
ناريمان: أوس هالحكي الي انا
أوس: اي الك لكن لخيالك
ناريمان: بتحكيلي هيك مشانها للمعقدة
أوس: بيمسكها من ايدها بقوة ليكي اذا تاني مرة بتحكي هالكلمة مرة تانية صدقيني رح اعملك مشكلة وبتعرفيني منيح وقت حط حدا براسي مفهوم
ناريمان: تركني عم توجعني
أوس: بيترك ايدها لكن لا تدخلي بشي مابخصك يلا طيري
ناريمان: بتزورو وبتمشي
بيركد أوس ورا ماسة بشوفها دخلت على الكافتيريا بقرب من طاولتها وبيسحب الكرسي وبيعد
ماسة: بتطلع فيه بعصبية أوس شو بدك مني هيك منيح وحدة قليلة ادب اجت سمعتني حكي وانا ولا مرة حدا حكالي هيك حكي كرمالك
أوس: بكون تارك كلامها وعم يتطلع فيها وبشفافها كيف عم تنطق اسمو وتأشرلو بأيدها
عيونو عم تروح على كل تفصيل فيها نظارتها نظراتها المخلوطة بالعصبية رفعة حاجبها شعرها لون بشرتها
ماسة: بتطلع فيه كيف صافن فيها بتخجل من نظراتو بتصرخ بوشو ليصحى من شرودو أوسس
أوس: بيتطلع فيها وبيبتسم عيونو
ماسة: عم احكي معك عفكرة
أوس: وانا عم اسمع
ماسة: شو اخر شي قلتو ممكن اعرف
أوس: أوس احلى كلمة بسمعها
ماسة: بتخجل وبتسكت
أوس: انا اسف حطيتك بموقف بشع
ماسة: كتير بشع
أوس: سامحيني الماسة
ماسة: مسامحتك بالاذن وبتجي بدها تقوم
أوس: بيمسك ايدها اعدي شوي
ماسة: بتطلع بايده كيف فوق ايدها بتعد وبتسحب ايدها نعم
أوس: اعدي ليش رايحة
ماسة: بتطلع فيه ممكن اعرف شو بدك مني سيد أوس اه
أوس: بيمسك ايدها وبحطها على قلبو شوفي وسمعي منيح ركزي بكل دقة ومركز بعيونو وهي صار وشها احمر كتير من الخجل
ماسة: قلبها بتعلى دقاتو عم تحس بشعور دقاتو بنبضو حست بقلبها كيف صار يدق وصوت دقاتو مسموعة وكأنو حيطلع من صدرها وقشعريرة مشيت بجسدها احساس اول مرة بتحس فيه كانها تخدرت ومركزة بس بصوت دقات قلبو ومالها سامعة غيرهن بكل المكان

أوس:حسي فيهن وحتسمعيهن متل ماانا هلق حاسس بدقات قلبك كيف عم تعلى من لمسة ايدك وريد القلب ماسكو بايدي كاني ماسك قلبك عم يوصلك هلق موجات قلبي لقلبك بينحني لكف ايدها من عند عروق النبض وبيطبع بوسة خفيفة وبيبتسم
ماسة: هالبوسة كفيلة لتخليها بدنها يصير متل الجمرة وايديها باردة متل قطعة تلج
ماسة: بتصحى على حالها وبتخجل وبتاخد كتبها وغراضها وبتركد فوراً لبرا الكافيه
أوس: بيبتسم وهلق صحيت دقات قلبك دقة دقة بوقف وبيطلع برا الجامعة
عند ماسة بتطلع بتكسي وبتحط ايدها على قلبها يلي ماعم يوقف من الدق بتمسك ايدها يلي ماسكها أوس بتشمها ريحتها عطر من بلوزتو بتبتسم وبتلف وشها على الشباك بكون حاطط التكسي غنية شدني غمرني بتسرح بذكرتها وعم تبتسم
عند ريحان بتخلص مدرستها وبتطلع هي ورفيقتها ودانيا اخت ادم عم يمشو ويحكو بوقفو عند سوبر ماركت وبفوتو بدهن يشترو بتشوف ابن عمها
رائد: كيفك ريحان
ريحان: اهلين رائد انت كيفك
رائد: تمام الحمدلله كيفها مرت عمي وأوس وياسمين
ريحان: كلو بسلم عليك وانت كيفها مرت عمو وعمي واخواتك
رائد: تمام الحمدلله والله ليش ماعم نشوفكن
ريحان: بتعرف مشاغل الحياة بيطلعو من السوبر ماركت وهو معهن وعم يحكو
بتوقف سيارة وبتصير تبطئ على مشيتهن
بيفتح شباكو عمار وعم يتطلع فيهن
بودعها رائد وبكفي على بيته وهنن بكفو وعمار وراهن لسا بزمر بسيارتو وقت بدهن يقطعو الشارع قصداً على اساس صدفة
بتوقف ريحان ودانيا وبيلتفتو على صوت الزمور يلي بيطرش
ريحان: شو حيوان هاد بتقرب من سيارتو وبتضرب عليها من قدام ايي شو مالك شايف
بوقف عمار وبيبتسم وبينزل من سيارتو لابس نضارتو بوقف وبيرتكي على السيارة وبيبتسملها لريحان
ريحان: اعوذ بالله هاد انت انا ليش حظي هيك اكيد امي داعية علي اليوم
عمار: بيضحك هههههه بشيل نضارتو عن عيونو بالعكس امك داعيتلك
ريحان: والله تاني مرة انتبه يافهيم احسن مايصير مشاكل معك وبتدور بدها تمشي
عمار: بعلي صوته شريرةة
ريحان: بتلتفت عليه وبتزورو بتقرب منو وبترفع اصبعتها بوشو
ريحان: لاتخلينا نغلط ببعض سيد عمار
عمار: بقرب منها واذا بدك تغلطي شو حتعملي
ريحان: كتير شغلات بخليك تندم انك عرفتني
عمار: مجنونة بطلع معك شو ماكان
ريحان: مدام بتعرفني مجنونة لاتقرب علي وتتخطى حدودك ايي
عمار: اوفف شو بحب المجانين
ريحان: مشاعرنا مو متبادلة ابدا بكرهك
عمار: يي عنجد منيح بتحسيلي بمشاعر منيح حتى لو كره
ريحان: ممكن اعرف اديش عمرك دكتور
عمار: يعني شي ٢٨ سنة
ريحان: وانا ١٨ في بينا عشر سنين بس حاسة العكس
عمار: عنجد اي العمر كلو يافارة
ريحان: اوفف ياه انا مابعرف ليش عم حكيك اصلا بتعرف شو انت اكبر مصيبة بشوفها بحياتي
عمار: وانتي احلى مصيبة وقعت على راسي يا ام عيون خضر صحيح لمين طالعة عيونك حلوين هيك اخواتك مافي حدا هيك عيونهن
ريحان: شو خصك اه ممكن اعرف تعا عيش حياتي بالمرة نضرب صحبة اذا بتحب
عمار: ياريت
ريحان: اي روح يلا استغفر الله
عمار: مابدي روح
ريحان: عمرك اي بتلتفت وبتمشي هي ودانيا وبتتركو واقف
عمار: بيصرخ طيب خليني وصلكن
ريحان: بتصرخ اكتر التهي بحاالك
عمار: بيضحك وبيركب سيارتو وبيمشي
بترجع ريحان على البيت
#تسريع_زمني
بعد مرور ٨ أشهر
لمحة سريعة عن يلي عم بصير بهالاشهر
( ادم وياسمين عايشين حياتهن مبسوطين ومتفاهمين بس مابتكمل مع انسان في عائق واحد بحياة ياسمين ويلي هو حماتها وسلفتها رنا حامل وعم بنقرو على ياسمين ليش لهلق ماحملت وأدم مابيعرف شو عم بصير من حكي وتلطيش لياسمين لان هي مابتخبرو وهنن مابحكو قدامو أوس وماسة علاقتهن متطورة شوي من بعد اخر لقاء ويلي صار صايرين اصدقاء ونظرات أعجاب متبادلة بينهن عمار وريحان ابدا مالهن متفاهمين عم بشوفو بعض صدف على اساس بس هالصدف عمار يلي عم يصنعهن الفرق بعمرهن كبير وعقلهن صغير لتنين عمار حب ريحان وهي عم تحس بشعور تجاه اهتمامو بس عم تخفي بعصبيتها وللسانها الطويل اما تاج وصهيب فبشركن خطبو وعايشين فترة الخطبة هلق وأسر اختفى
وماعاد بنلو اثر وعمتو قاطعة التواصل مع ياسمين نهائي وياسمين مقهورة من هالشي كتير)
#الواقع
بعيادة دكتورة نسائية
بتفوت ياسمين لتعرف سبب ماعم يصير حمل ومشان تخلص من حكيهن يلي مابيخلص
ياسمين: طمنيني دكتورة شو فيها التحاليل
الدكتورة: دكتورة ياسمين اديش الك متزوجة
ياسمين: ٨ اشهر تقريباً
الدكتورة: وليش مستعجلة هلقد على التحاليل
ياسمين: حكي بيت حماي ماخلص ووجعني راسي بس بدي اتطمن اذا مافي شي
الدكتورة: لسا معك وقت
ياسمين: دكتورة احكيلي شو نتيجة التحاليل وخلص بتبتسملها
الدكتورة: مارح اخفي عنك ياسمين طالع بالتحاليل انو معك

ياسمين: بيهبط قلبها شو معي!
الدكتورة: بيأس عقم بالانجاب
ياسمين: بتختفي ابتسامتها عن شفافها وبتحس تجمد الدم بعروقها شو مالي مستوعبة دكتورة يعني شو هالحكي مابقدر جيب ولاد مارح شوف ضنا بعمري!!
الدكتورة: لا ياسمين اهدي عندك مشاكل اي بس خلي املك بالله كبير رح تتعالجي وكلشي حيكون منيح صدقيني بس انتي لاتفقدي الأمل
ياسمين: صدمتها كانت قوية كفيلة لتخلي دموعها تنزل بحرقة وبتوقف
الدكتورة: ياسمين اسمعيني
ياسمين: خلص دكتورة بدي روح
الدكتورة: رح انتظر رجعتك بتحبي خبر الدكتور ادم ولا انتي بتقوليلو
ياسمين: ابدا ادم مارح يعرف غير مني
الدكتورة: متل مابتحبي
ياسمين: بتطلع من العيادة وبتركد بالشارع مالها عرفانة وين تروح ودموعها عم تنزل تحرق خدها حكي ادم عم ينعاد بذاكرتها عن لولاد احلامهن سوا كلشي عم يتبخر بذاكرتها ويحرقها اكتر
#ذكريات
نجيب ولاد صغار بيشبهوكي
ياسمين: بتضحك ولاد صغار
ادم: اي ياسمين لصغيرة وهيك تكون عنيدة متلك وقلبها حنون وتصير دكتورة متل امها وابوها
ياسمين: بس انا بدي صبي متل ابوه عصبي وحنون رجال وسند ويكون طبيب جراح متلك عيونو متل عيونك وشعراتو متل شعرك وغمراتو متل غمرتك الحنونة
"""""
ادم قلتلك اذا جبنا بنت اول حيكون اسمها مال الشام لا تناقشني
ادم: ماحزرتي حيكون اسمها فل
ياسمين: لك في اسم بالعالم فل شو هالاسم
ادم: بدي افتح حديقة ببيتي شبدك فيني انتي بدي يصير عندي فل وياسمين وابني بدي سميه عبق كمان
ياسمين: ياحبيبي خلصت من اسم البنت طلعتلي بالصبي شو عبق ماعبق حبيبي الواحد بفكر باسم مراد مازن تيم اسر مثلاً
ادم: ايوا ايوا قولي هيك من الاول بدك تسميه اسر على اسم الولد يلي بتحبيه
ياسمين: اي ياسيدي بدي سميه لاني بحبو لااسر وبعشقو كمان
#الواقع
بتوقف بجنينة وبتعد على الكرسي وبتحط ايديها على وشها وبتبلش تشهق وتبكي بحرقة قلب
ياسمين: بترفع راسها للسما يارب يارب ما تحرمني من احلى شي بهالدنيا يارب مابقدر ابعد عن أدم ومابقدر اظلمو معي يارب ساعدني ياالله بتغص بدموعها وبتصرخ ياربيبب وبيرجعو دموعها ينزلو ويحرقو خدها
بعد ساعة من اعدتها لدموعها نشفت موبايلها برن بكون أدم
ياسمين: بتفتح الخط
أدم: حبيبتي وينك مالك بالعادة ما ترنيلي قلتيلي رايحة مشوار ولهلق مارجعتي وينك انتي
ياسمين: بصوت مبحوح بالجنينة انا
أدم: شبو صوتك ياسمين وين انتي
ياسمين: بتقلو العنوان
أدم: رح اجي لعند دقيقتين بكون عندك
ياسمين: تمام
بتسكر وعم تطلع بالسما بالمقاعد كيف كل تنين اعدين مع بعض بالاطفال يلي عم تركد
بوصل أدم وبينزل بيركد لعندها
بتوقف ياسمين قبالو
أدم: بيلمس وشها وبيتطلع فيها وبيحضنها غليتي قلبي عليكي مابعرف كيف وصلت شبك ياروحي ليش اعدة هون
ياسمين: بتشد على غمرتو مافيني شي
أدم: ياسمين شبك طلعتي الصبح مافيكي شي
ياسمين: خلينا نروح على البيت أدم
أدم: ليش بكيانة مين زاعجك
ياسمين: بعدين بحكي خليني روح يلا
أدم: بشوفها تعبانة مابيحكي طيب بيحضنها لقلبو وبيطلعو سوا بيركبو بسيارتهن وبيرجعو على البيت
بحضرو اكل وبياكلو وأدم عم يتطلع فيها لا هي عم تاكل وهو متلها
أدم: مارح تحكي شبك!
ياسمين: دايمة انا شبعت وبدها تقوم
أدم: بيمسك ايدها مالك بالعادة تخبي عني شي شبك!
ياسمين: مافيني شي حبيبي ببتبتسم بالغصب شوف انا منيحة بس اشتقت لبابا وأسر لهيك رحت على لجنينة
أدم: بس مالي حاسس هيك
ياسمين: مبلا لا تشغل بالك
أدم: متل مابدك
بتقوم الاكل وبتجلي وهي مالها بالدنيا عم تفكر رح تخسر أدم مارح تقدر تحققلو احلامهن يلي حلموهن سوا ومارح تقدر تظلمو معها ولا فينا تبعد عنو او تشوف وحدة تانية معه امالها باللحظة تبخرت ماعاد في شي بذهنها غير أدم
بتخلص بتلاقي متسطح على التخت بتنشف ايديها من المي وبتقرب منو بتعد على التخت عم تطلع فيه
أدم: كيف صرتي
ياسمين: فيك تحضني شوي
أدم: انتي منيحة امك فيها شي ياسمين
ياسمين: وتلعبلي بشعري
أدم: بيتطلع بعيونها وبمدلها ايدو تعي لقلبي
بتتسطح ياسمين جنبو وهو ببلش يلعبلها بشعرها وهي واقفة دمعتها بعينها بتبلش ينزلو دموعها على ايده
أدم: بحس بدموعها حرقو قلبه بضمها اكتر وبيهمسلها انا معك مارح اتركك رجالك وراكي وسندك
ياسمين: بتكتر دموعها وشهقاتها وبتلتفت وبتحضنو اكتر وشادة اكتر عليه كأنو حيهرب منها بشد عليها ولو يفتح قلبو ويحطها فيه لتحس بأمان اكتر
ياسمين: انا بحبك أدم لاتتركني بموت من بعدك والله
أدم: شو هالحكي موت ماموت ليش انا بقدر بلاكي ياعيوني انتي اهدي مارح اتركك انا معك ببلش يهديها هيك لتهدا بحضنو وتغفى من بكاها وهو بضل حاضنها ومابيتركها ليغفى معها

(صعبة تجيك لحظات تحس انك حتفقد الشخص يلي بتحبو مافيك تترك ولا فيك تضل ياسمين مابتقدر تبعد عن أدم ومافيها تضل لتخلي ينظلم معها بس الاختيار لاأدم لا بروح لا بكفي )
تاني يوم
بتصحى ياسمين بتشوف أدم لسا نايم وحاضنها
ياسمين: بتطلع فيه وبتبتسم بتطلع فيه وبجفونو بتتأمل رموشو دقنو بقلبها" كيف بدي ابعد عن هالعيون كيف ياأدم مستحيل مابقدر مابقدر انت كل حياتي ولازم تعرف لازم والاختيار اختيارك بعدين وانا حكون رضيانة بكلشي بتقولو" أدم حبيبي
أدم: بيصحى وبيتطلع فيها يسعدلي هالصباح
ياسمين: وصباحك ياروحي
أدم: كيف صرتي
ياسمين: احسن بوجودك
أدم: مارح تقوليلي شبك كنتي!
ياسمين: مبلا قوم لبيس لنشرب قهوة اول
أدم: طيب يلا قومي بدي اعملك ياها بأيدي
ياسمين: تمام يلا
بقومو بجهزو حالهن وبيعمل قهوة أدم وهي واقفة جنبو بصب القهوة بالفناجين وبيتطلع فيها
ياسمين: أدم
أدم: عيونو
ياسمين: انا بدي احكيلك شو صار معي مبارح
أدم: بوقف شو صار
ياسمين: رحت عملت تحاليل
أدم: بيتطلع فيها بصدمة تحاليل شو !
ياسمين: بتبتسم بكسرة خاطر للحمل
أدم: اي وشو يعني!
ياسمين: بتتنهد بعمق كأنها حتطلع روحها انا عقيم وبتنزل دمعتها
أدم: بيتطلع فيها بصدمة بملامح وشها بدو ياها تغير حكيها عم يتراجاها بعيونو شوو عم تحكي ياسمين اكيد عم تمزحي مو
ياسمين: بتمسح دمعتها لا مو مزح انا عقيم أدم مابجيب ولاد
أدم: بنزل راسو للارض وعم يتمالك حالو
ياسمين: بتقرب منو وبتلمس خدو هيك نصيبي وانا مافيني أظلمك معي أدم انت وانا مارح نقدر نكفي هيك
أدم: لك شو هالحكي متصورة اقدر ابعد عنك انا ياسمين انتي ولادي كلهن وانتي حياتي هاد الشي مو الك بس هاد نصيبنا مفهوم بتخونو دمعتو
ياسمين: وقت تشوف دموعو بتستسلم لوجعها وبتحضنو وهو بيحضنها بقوة
أدم: لا لا مستحيل بشد عليها انتي وانا حنكفي هالطريق سوا بتنتهي حياتي قبل مافكر يوم ابعد عنك انتي بيتي ودنيتي واهلي وولادي وبنتي واختي وكلشي بحياتي نحن لبعض رح نبقى سوا رغم كلشي مفهوم بيمسك وشها بايديه ماتفكري يوم اني ابعد عنك او اتزوج عليكي رح اسألك سؤال لو انا يلي مابجيب ولاد بتتركيني ياسمين
ياسمين: بينزلو دموعها بزيادة وبتشهق لا لا
أدم: بيحضنها وانا مارح اتركك لااخر نفس بتنفسو انتي حتتعالجي ونحاول ولو ما صار انا وياكي سوا مافي مخلوق الله خلقو على وجه الارض بيقدر يبعدني عنك بيمسح دموعو وبيمسحلها دموعها اهدي ولا تفكري بشي غير انو نحن سوا وحنضل سوا تمام
ياسمين: بتهز براسها
أدم: بيمسك ايدها ورحمة ابوكي وغلاوتو بقلبك هالايد مابتترك ايدك لموت وصير تحت لتراب
ياسمين: بعيد الشر عنك بتشد على ايدو بيرفع ادم ايدها وببوسها
ياسمين: بتبتسم يخليلي ياك يااحلى نعمة من ربي
أدم: ويخليلي فرحة حياتي وياسمينة بيتي وهلق رح نروح لعند الدكتورة ونشوف ونفهم التفاصيل اكتر خلي املك بالله كبير ورح ينولنا يلي منتمناه ربك كبير وما بيكسر عبادو
ياسمين: ونعم بالله نشرب القهوة ولا بلا
أدم: حصبهن بكاسات وننزل منشربهن بالسيارة
ياسمين: تمام
بينزلو وبيطلعو بالسيارة بتضل ساكتة ياسمين وماعم تحكي بوصلو على عيادة الدكتورة وبيستنو برا لان مو اخدين موعد فمليانة العيادة بحط ايده على راسو أدم وشارد بكون
أدم: بقلبو" انا مابتركك ياياسمين انتي يلي من وقت مادخلتي على حياتي تغيرت وصارت احلى لو كل الدنيا وقفت ضدك انا معك
ياسمين:بتطلع فيه بتبتسم وانا معك بتمسك ايده بيتطلع فيها وبيحضنها لقلبو
أدم: ببوسها من راسها وبضلو مستنين بصير دورهن بفوتو لعند الدكتورة
الدكتورة: بتوقف وبتسلم على أدم وياسمين نورتوني
أدم: شكرا الك
الدكتورة: شو قررتو
أدم: بيمسك ايد ياسمين اكيد حنحاول وتتعالج ياسمين مو هيك ياسمينتي
ياسمين: بتهز براسها
أدم: واذا هي مو حابة تتعالج انا مابمنعها
ياسمين: لا انا بدي اتعالج
الدكتورة: تمام لكن اخترتو الصح نسبة العلاج ممكنة مع الادوية والمثابرة والدعاء ان شاءالله خير
ياسمين: اديش نسبة الشفاء!
الدكتورة: مابكذب عليكي ٥٠% بس نسبة الحمدلله جيدة جداً
أدم: حتى لو النسبة صفر حتتعالجي
ياسمين: ان شاءالله من ايمتى نبلش
الدكتورة: من اليوم كل ماكنا اسرع كل ما ان شاءالله بناخد نتائج اكتر
ياسمين: تمام
بخلصو من عند الدكتورة وبروحو بجيبو الادوية يلي وصفتهن الدكتورة وبروحو على المستشفى
بتفوت ياسمين على مكتبها بتشوف تاج وصهيب اعدين عم يشربو قهوة
ياسمين: بتبتسم ابتسامة خفيفة صباح الخير
تاج وصهيب: صباح النور
بتفوت وبتلبس مرولها بدون ماتحكي
تاج: ياسمين فيكي شي حبيبتي
ياسمين: لا ابدا
تاج: تأخرتي انتي والدكتور أدم

ياسمين: بتبتسم راحت علينا نومة يلا بالاذن كفو قهوتكن بدي شوف شغلي بتمسك ملفات المرضى وبتطلع من المكتب
تاج: غريب فيها شي!
صهيب: بركي مو حابة تحكي
تاج: بجوز وانت حبيبي يلا على شغلك وانا بدي روح على قسمي
صهيب: امم تقليعة هي
تاج: هيك شي روحي
صهيب: طيب بقرب منها وببوسها هلى خدها هي لكفي شغلي
تاج: ههههه اي روح روح
بيطلعو سوا وكل واحد بروح على شغلو
بتفوت ياسمين على قسم الكانسر بترسم ضحكة على شفافها وبتفوت هي وعم تغني وتنط وبتعطيهن العاب وبتشربهن دواهن وبتطلع بعدين بتفوت على غرفة الاطفال وبتبلش تفحص الاطفال يلي جايين وتوصفلهن الدوا وعم تلهي حالها
بتوقف ست بتبتسملها
الست: الله يطعمك ولاد بشبهوكي يارب
ياسمين: بتبتسم بوجع الله كريم
الست: متزوجة بنتي
ياسمين: بتهز براسها
الست: الله يخليكن لبعض ويطعمك الذرية الصالحة
ياسمين: بترفع راسها بتعب امين يارب من تمك لباب السما
الست: باين عليكي موجوعة يابنتي
ياسمين: بتبتسم الله بعين
الست: خلي عينك بعين ربك والله مارح يكسرك بتحط ايدها على كتفها الله كريم ما بعمرو بني أدم لجألو وما الله اكرمو
ياسمين: ان شاءالله يارب
الست: بتبسملها وبتطلع
بتعد ياسمين على الكرسي وبتحط ايدها على راسها بوجع
ياسمين: اخخخ ياراسي حينفجر بتقوم وبتطلع من غرفة المعاينة وبدها تروح على مكتبها بتطلع على الدرج بتوقف بتشوف أدم طالع من غرفة العمليات هو وكاريس وعمار
ياسمين: وقت تشوف كاريس بدنها بينفض شعورها عم ينعاد خوفها انو يروح أدم منها كاريس ببالها فكرت انو أدم يتزوجها سرحت بخيالها
ياسمين: بقلبها" بركي ما جبت ولاد وما تعافيت اكيد رح يتركني اي انا ما بسوى اصلا في صوت جواتها عم يقلها انتي ناقصة انتي مو متل اي حدا كاريس احسن منك على القليلة رح تجيب لاأدم ولاد يلي بيحلم فيهن وصوت جواتها عم يمنعها ويقويها
بتطلع فيهن كيف كاريس عم تضحك مع عمار وبيضحك أدم معهن ضحكتو بتزيد وجعها
بشوفها أدم
أدم: بتختفي ابتسامتو وقت يشوفها عم تطلع فيه بكسرة
بتطلع فيها كاريس وبتبتسملها بمكر
ياسمين: بتحط ايدها على قلبها وبتغمض عيونها بوجع بتحس بسيخ نار عم يلمع جواتها والصوت جواتها ماعم يروح انتي ناقصة انتي ناقصة بتفتح عيونها عم تشوف ادم عم يقرب منها ويناديلها بتحط ايدها على راسها الدنيا بتغبش حوليها وبتشوف كلشي عم بدور بتحاول تستند على اي شي بس ما بتوصل للكرسي بتحاول تمسكو بتوقع وبتغيب عن الوعي
أدم: بيركد لعندها ياسمينن كل الدكاترة يلي واقفة بيركدو حولين أدم
بحطها بحضنو
أدم: ياسمين ياسمين حبيبتي ردي علي ببلش يحاول يصحيها مابتصحى بيحملها بين ايده وبصرخ عليهن فتحولي غرفة على السريع

#يتبع

الموسم الاول
#معجزة ـ الحب
الجزء السادس
بفوت أدم على غرفة وبسطحها على التخت وبيعد جنبها بتقرب تاج لجنب ياسمين وبتعطيه الكاسة وبتمسك ايدها وبتبلش تفرك فيها بخوف
أدم: بيرفعلها اجريها وبزبطلها راسها بعليه مشان يرتفع ضغط الدم عندها وبجيب شوية مي وبرشها عليها شوي شوي ياسمين ردي علي
ياسمين: بتبلش تصحى شوي بتطلع بأدم وبتبلش تحكي بدون وعي أدم أدم انا مالي ناقصة ماهيك انت مارح تتركني مو
أدم: بيطلع عليها بوجع وبقلة حيلة لا ياسمين مارح اتركك اصحي انا معك
ياسمين: مبلا مبلا انت حتتركني اي بتبلش تبكي وهي بحضنو وعم تدفشو بدون وعي
أدم: بيحضنها وبشد عليها اهدي اهدي مارح اتركك ياسمين
ياسمين: بينزلو دموعها وبتبلش تشهق بهستيريا وعم تصرخ
أدم:عم بحاول يهديها وهي عم تبكي وترجف بين ايديه
عمار: وقت يشوفها مو بوعيها بيركد بجيب ابرة مهدأ أدم لازم اعطيها إبرة مهدأ لتهدا مالك شايفها كيف عم ترجف
أدم: تمام عطيها بهديها أدم وبيعطيها عمار الابرة بترتخي بين ايدين أدم وبتبلش تهدا ونفسها ينتظم ببطئ بتنزل دمعتها على طرف خدها وبتغفى
أدم: بحط ايده على راسه بوجع وبيزفر بضيق
تاج: مابدي اتدخل زيادة بس ياسمين اختي ممكن تحكيلي شو الحكي يلي كانت عم تقولو!؟ شبها ياسمين
أدم: بيرفع راسو وبيتطلع فيهن بكونو واقفين وعم ينتظرو جوابو
عمار: بتحب نطلع
أدم: لا رح احكيلكن
تاج: عم نسمع
أدم: ياسمين بياخد نفسو عملت تحاليل وطلع معها عقم
تاج: بتنصدم وبتطلع بصهيب وعمار عم تحكي جد أدم
أدم: بهز براسو مبارح عرفت واليوم كنا عند الدكتورة وكانت بسمتها على وشها مابعرف شو صار لخلاها يغمى عليها هيك
صهيب: من الضغط والزعل يلي عم تحس فيه شي طبيعي ماتتحمل الله يعينكن ويصبركن يارب
أدم: تسلم
تاج: بتطلع بياسمين كيف على التخت متسطحة ودمعتها معلقة بطرف عينها بتقرب منها وبينزلو دموعها بتمسك ايدها وبتقرب بتبوس جفنها بقلبها" احلامك يارفيقة عمري عم تتبخر ياروحي حاسة بوجعك ونارك ياريت فيني خفف عنك ياريت فيني شيل همك وحطو بقلبي ولا شوف دموعك نازلين على خدك الله يصبر قلبك ياروحي " بتطلع بأدم حتخبر اهلها
أدم: مابعرف مين خبر ولا لمين احكي
عمار: أدم لازم تخبر عيلتكن مابصير تضلو عم تعانو لحالكن هيك
أدم: حيكبر الجرح بقلب ياسمين
تاج: احسن ما يضلو مابيعرفو حالياً لا تخبرهن انو ياسمين وبتغص بكلمتها مابتحكي بس خبرهن انو مريضة
صهيب: كلام تاج مزبوط
أدم: بهز براسه قايم اتصل بيتطلع بياسمين
تاج: انا عندها ماتخاف انتو طلعو انا ضالة هون
أدم: طيب
بيطلعو كلهن وبتضل تاج جنب ياسمين
بيركدو الممرضات والدكاترة على أدم
ناهد: طمنا دكتور أدم خير ليش الدكتورة ياسمين اغمى عليها
أدم: مافي شي لا تقلقو شوية تعب لهيك اغمى عليها وشكرا لخوفكن وهي حالياً عم ترتاح
ناهد: الحمدلله على سلامتها
أدم: الله يسلمك
بفوت على مكتبو وبرن على نرجس
أدم: الو
نرجس: اهلين ابني كيفك كيفها ياسمين
أدم: الحمدلله مرت عمي انا منيح وياسمين منيحة بس
نرجس: بس شو ابني في شي
أدم: ممكن تجي على المستشفى
نرجس: فيها شي ياسمين
أدم: هي بحاجتك هل فترة ياريت تجي
نرجس: بهب قلبها طيب ابني رح اجي بس طمن قلبي شبها ياسمين
أدم: تعبت شوي فغميت لهيك تعي
نرجس: طيب جاية ابني جاية
أدم: بنتظارك
بسكر وبيعد على الكرسي بتعب
أدم:بقلبو" شو صار معك ياياسمين كنتي منيحة وقت طلعنا شو حكيك كمان معقول مفكرة اتركك او فكر بعد عنك مستحيل فكر بحدا غيرك ياياسمين اخخخ يارب يارب وقف معي يارب "
بعد نص ساعة بتوصل نرجس على المستشفى
نرجس: مرحبا
ناهد: اهلين مدام تفضلي كيف فيني اخدمك
نرجس: دخيل عينك انا امها للدكتورة ياسمين وين فيني لاقي الدكتور أدم
ناهد: بتطلع من ورا مكتبها اهلا وسهلا مدام شرفتينا اي تفضلي معي لوصلك لمكتب الدكتور أدم
نرجس: اهلين فيكي يلا
بتوصلها ناهد لمكتب أدم بتدق الباب
أدم: تفضل
بتفوت نرجس وبتسكر الباب
نرجس:تأخرت بس زحمة شوفي ابني
أدم: بيرفع راسو وقت يشوف نرجس بوقف وبيحضنها
نرجس: بسم الله عليك ادم شوفي والله قلبي ماعاد حملني شبها ياسمين
أدم: ببعد عنها وبيتطلع فيها ياسمين تعبانة
نرجس: لك فهمت بس شبها وينها لا تفورلي دمي
أدم: اعدي طيب
نرجس: مابدي اعد رجلي ماعاد حملوني احكيلي
أدم: ياسمين مبارح حللت
نرجس: اي تحليل شو
أدم: للحمل
نرجس: ايي وشو صار
أدم: طلعت معها عقم
نرجس: بتنصدم من كلماتو كانهن سيخ نار غرز بقلبها بدنا بيرجف بتتمالك حالها وينها ياسمين ادم
أدم: اغمى عليها من شوي وحطيتها بغرفة وعطيتها إبرة مهدأ لهديت ونامت
نرجس: شو موقفك انت!
أدم: موقف شو

نرجس: بالحكي
أدم: اذا مفكرة او بدك تفكري اني ممكن ابعد عن ياسمين فهاد مستحيل وهي عم تحط افكار براسها مالها داعي وانا مابترك ياسمين ياسمين كل اهلي وبتعرفيني اديش بحبها
نرجس: بتحط ايدها على كتفو بعرف ابني امشي نروح لعندها والله بعين حط عينك بعين الله وقول يارب
أدم: يارب يارب
بروحو على غرفة ياسمين بيفتحو الباب وبفوتو بتكون ياسمين صاحية واعدة بدون ماتحكي وتاج اعدة جنبها وماعم تحكي شي
أدم: بيمشي لعند ياسمين وبيمسك ايدها ببوسها صحيتي ياروحي حكيني ياسمين
نرجس: بتفوت بتطلع بياسمين ياسمينة بيتي
ياسمين: بتطلع بأمها وبينزلو دموعها وقت تشوفها ماما
نرجس: بينزلو دموعها وقت تشوف بنتها كيف مكسورة ياروح امك انتي بتقرب منها وبتحضنها
ياسمين: بتشد على نرجس وبتبلش تشهق ماما انا تعبانة
نرجس: سلامة قلبك من التعب ياروحي بتمسح دموعها وبتطلع بياسمين وبتمسح دموعها لا تبكي ياسمين انتي قوية بعرفك اقوى من هيك ليش ضعيفة مافي شي لتضعفي مالك لااول الناس ولا اخرهن انتي حتتعالجي وتجيبيلنا احلى ولاد والله حنشوف ياسمين لصغيرة وادم لصغير مو هيك أدم
أدم: بيبتسم اي اي اكيد
ياسمين: بتطلع بأدم بتوعدني مارح تتركني !
أدم: بشد على ايدها وببوسها بوعدك وعد رجال انو مابتركك لااخر نفس بتنفسو
ياسمين: بتشد على ايدو
" ياسمين انسانة بتخاف تخسر يلي بتحبهن وقت حبت أدم عطتو كل يلي بقلبها من حب ووقت حست بالعجز والنقص ماعاد تقدر تستوعب انو ممكن يجي يوم تشوفه مع حدا غيرها الوجع يلي جواتها مستحيل حدا يقدر يتخيلو تشعر بالنقص انك مو متل اي حدا اذا مارح تقدري تشوفي ولادك او تسمعي كلمة ماما من تم ابنك بس لا بتكون قوية وبتحارب لا بتضعف وحتخسر المشاكل لسا مانحلت ومشاكل كتير رح تتعرضلها ياسمين لسا حتكفي او حتوقف هون "
ببيت اهل أدم بكونو الكل مجتمعين جمعوهن أدم وياسمين
ام يونس: خير ابني ليش هالجمعة
ابو يونس: اي شوفي صحيح
رنا: جبتونا بسرعة والله الواحد مابكون فيه حيل يمشي وبتعرفو انا حامل يعني
بتطلع ياسمين فيها
ياسمين: الله يقومك بالسلامة يارب
رنا: الله يسلمك
دانيا: احكو يلا
أدم: ياسمين عملت تحاليل وطلعت عندها مشاكل بالحمل
بوقفو ام يونس وابو يونس
ام يونس: مشاكل شو !
أدم: مارح تقدر تحمل هالفترة بدها تتعالج
رنا: عاقر يعني
يونس: بيزورها لتخرس
ياسمين: اي عاقر ربي عم يمتحن صبري فيها شماتة هي ست رنا
رنا: بمسكنة الله ياسامحك ليش بدي اشمت فيكي
ياسمين: مابعرف بس وقت تشوفي تصرفاتك معي من اول مادخلت لهون بتعرفي ليش بدك تشمتي
ام يونس: بس رنا بينقلب وشها الله يعافيكي يارب
ياسمين: بتحس بكلماتها متل لرصاص الله يسلمك
ابو يونس: الله يعافيكي يابنتي وتجيبيلنا ولاد بيشبهوكي يارب
ياسمين: شكرا عمو الله يخليلنا ياك
يونس: الله يبعتلكن ولاد بيشبهوكن اخي ويعافيكي مرت اخي ونشوف ولادكن
ياسمين: تسلم سلفي الله يقوملك رنا بالسلامة
يونس: امين يارب
دانيا: الله يعافيكي ياسو
ام يونس: ليش ماخبرتيني وقت عملتي التحاليل
ياسمين: وهلق خبرتكن
ام يونس: لتكوني كنتي بتعرفي قبل لتتزوجي وهلق لحكيتي
ابو يونس:بصرخ عليها ياريت تسكري على السيرة وتدعي الله يطعمهن الذرية الصالحة وبس
ام يونس: حاضر بتسكت
ياسمين: بتطلع فيها كيف عم تزورها وبتغص وبتعد بكفو اعدتهن وبروح يونس ورنا لبيتهن ودانيا بتفوت على غرفتها وابو يونس بقوم هو وأدم عم يفرجيه على شغلة
ام يونس: ياسمين
ياسمين: اي مرت عمو
ام يونس: انتي بتعرفي قبل لتتزوجي انك عاقر
ياسمين: بتوجعها كلمة عاقر وعيونها بدمعو لا مرت عمو لو بعرف ما كنت تزوجت أدم واظلمو معي
ام يونس: يعني هلق مارح ينظلم معك وبركي ما جبتيلو ولاد ينقطع ذرية ابني كرمالك
ياسمين: بتضل ساكتة
ام يونس: احكي ليش ساكتة
ياسمين: شو بتحبي رد بالاذن بتوقف بدها تمشي
ام يونس: بتوقف وبتمسكها من ايدها سمعي لقلك انا ابني مارح خليه بلا ولاد واذا ماقدرتي تجيبيلو رح زوجو
ياسمين: أدم مستحيل يقبل وهو بحبني
ام يونس: ساعتها بتبعدي عنو وهيك بيقبل عم تفهمي علي
ياسمين: بتنزل دمعتها وهي عم تشوف الست يلي كانت اطيب منها معها مافي كيف تحولت لشيطانة بثواني
بكون أدم واقف وسامع كلام امو كله بقرب من ياسمين وبيمسك ايدها بقوة
بتطلع فيه ياسمين
أدم: طول ما هالقلب عم بدق وبأشر على قلبو انا حضل مع ياسمين ولا تحاولي امي بأي طريقة تكن اني ممكن ابعد عنها والعقم مو عقم الانجاب عقم بالتفكير المتخلف تبعنا
ام يونس: هالحكي الي أدم نسيان اني أمك
أدم: مالي نسيان وياريت انتي ماتنسي انو حياتي انا وياسمين ماحدا يتدخل فيها
ام يونس: تركها انا بدي افرح فيك

أدم: مابتركها لو شو ماحيصير هي روحي وشامي وكل نفس بتنفسو هي رفيقتي واختي وكلشي بحياتي لو بضل طول عمري بلا ولاد قبلان ومابدي ولاد ياسمين هي كل عيلتي نحن حنضل سوا ومافي اي حدا ممكن يفرقنا بالاذن بيمشي وبشد ياسمين وراه بيطلعو من البيت بيركبو بسيارتهن وبيمشي أدم
ياسمين : بتطلع بأدم ليش هيك حكيت امك
أدم: هي معلش تحكيكي هيك!
ياسمين: بس هي أمك
أدم: وانتي مرتي ويلي بهينك بهيني لو انتي مطرحي كنتي حتحكي هيك مع امك
ياسمين: حكي امك مزبوط
أدم: بوقف السيارة شو قصدك!؟
ياسمين: مابدي اظلمك معي خليني روح
أدم: انتي بوعيك ياسمين بتعرفي هالكلمة شو معناها بعمرك شفتي روح بتترك جسدها اه
ياسمين: مابدي اظلمك يمكن مااقدر جبلك ولاد
أدم: لك لا تجننيني بحكيك ما بتركك مستحيل مو بايدك هالشي مو بأيدك مو انا يلي بمشي بطريق ومابكفي لو بدي ضل طول عمري هيك رح ضل معك وايدي بأيدك نحن لبعض وبس رح نضل سوا رغم كلشي مو انا يلي بعمل هيك مو ادم
ياسمين: بحبك كتيرر رجالي
أدم: بيمسك ايدها وانا بحبكك ياياسمينة شامي
ياسمين: بتحضنو بقوة
أدم: بشد عليها
بتمر ايام وبتمشي مر اربع اشهر بلمحة
"ياسمين مكفية علاجها وصابرة كل يوم بيومو عم يمشي هي عم تتراجع نفسيتها تعبت كتير بس عم تكابر على حالها أدم لسا معها خطوة بخطوة عم يدعمها ويقويها حكي امو ماعم يخلص على لزواج ورنا ماعم تترك فرصة تقهر ياسمين فيها وخصوصي بعد ماولدت جابت صبي "
عند ريحان
بتكون بالمدرسة عم تركد ورا دانيا لان شدتلها شعرها وهي عم تركد بتتفركش وبتوقع وبيخبط جبينها بالارض وبينفتح وبتبلش تصرخ بتتجمع عليها المدرسة والانسات بياخدوها وبروحو على المستشفى
بوصلو على المستشفى وهي عم تصرخ وتجوعر من وجعها
انسة المدرسة: حالة اسعاف بدنا طبيب بسرعة
ناهد: خير شو في
الانسة: الصبية وقعت ونفتح جبينها بدنا مين يقطب جبينها مالك شايفتيها كيف
ناهد: مابقدر فوتكن لتملي استمارة
ريحان:بتصرخ عليها بعدي انسة لك هلق وقتك انتي واستمارتك فوتيني حيصفى دمي
ناهد: والله ما دخلني هي القوانين
ريحان: تضربي انتي وقوانينك انا اخت الدكتورة ياسمين فوتيني
ناهد: بتطلع من ورا مكتبها اسفة انسة بتنادي لنقالة وفورا بياخدوها على غرفة ليكشفو عليها
بتركد ناهد وبتخبر أدم وياسمين بكون عمار واقف معهن
بيركدو على غرفة ريحان
ياسمين: بتركد على اختها ريحان اختي شبك كيف هيك صار فرجيني جرحك
ريحان: اختي ضوجتيني ماصار شي عم بركد تزحلقت بس وشوفة عينك
أدم: كيف هيك صار شو بنت صغيرة لتركدي
ريحان: كلو بسبب اختك الشاضومة اخخ
أدم: هلق وقتك
ياسمين: مارح تكبري انتي اه
ريحان: شو رايكن تأجلو محاضراتكن يعني وتجو تشوفوني احسن
أدم: اي بعدي ايدك طيب بقرب منها وبشوف الجرح الحمدلله سطحي مافي شي خطير نادي للدكتور عمار لو سمحتي
ريحان: شوو ليش عمار
أدم: شو ليش عمار هو دكتور ولازم يجي يقطبلك الجرح
بفوت عمار
عمار: صباح الخير
ريحان: صباح الزفت وبتبتسملو ببرود
عمار: شو هالصباح يلي بشهي
أدم: تعا عمار شوف شغلك
ريحان: لا يعني بقصد صهري ما تقطبو انت وخلصنا
أدم: بيغمز عمار مو شغلتي اسف الدكتور عمار هو يلي بيقطب الجرح يلا ياسمين خلينا ننتظر برا بيسحب ياسمين وراه وبضل عمار وريحان
عمار: بيبسملها وبيعد قبالها وهي قريبة منو كتير بقرب من جبينها ليشوفو
ريحان:بترجع لورا شو حتعمل
عمار: اكيد مارح اكلك يعني بدي شوف الجرح شيلي ايدك
ريحان: بتشيل ايدها عن جبينها
عمار: رفعي حاجبك
ريحان: بتطلع فيه وبتمد اللسانها
عمار: عفكرة ماعم قلك مدي اللسانك الوقعة اثرت على سمعك شكلها
عمار: رفعي حاجبك
ريحان: بترفع حاجبها وهي عم تطلع فيه بغيظ ونظرات شريرة
عمار: ياحرام ماعم يرتفع خلص ماعاد فيكي ترفعي حاجبك ابدا
ريحان: بتطلع فيه بخوف عم تمزح ماعاد اقدر ارفع حواجبي
عمار: بيضحك هههههه لا فيكي تطمني هلق منقطب العرق وبمشي الحال
ريحان: بتضربو بايدها يعليك خوفتني
عمار: رفيقك بالمدرسة لان عم تضربيني
ريحان: ماعجبك
عمار: لا
ريحان: اي احسن
عمار: لا حول ولاقوة الا بالله بيمسك ابرة مخدر وبقرب من جبينها ليغزها ياها
ريحان: بتمسك ايدو لاارادياً وبتغمض عيونها
عمار: بيتطلع فيها وبيبتسم بقرب من اذنها ماتخافي مارح وجعك بغزها ياها بقرب منها فتحي عيونك
بتفتح عيونها وبتطلع بعيونو بنظرات مشاكسة
عمار: بتسمحيلي اقطب الجرح
ريحان: مابدك تاخد اذن ومعه شهادة ميلاد كمان اكيد يعني احسن ما اخر شي نوصل للمقابر بعيد من هون
عمار: بيضحك على طريقة حكيها ههههه انتي شو ماصار فيكي حتضلي هيك
رحيان: خلص شغلك
عمار: بتأمري بيمسك الابرة وبيقطبلها الجرح وهي عم تطلع فيه وبحركاتو قربو منها وريحة عطرو عم تتغلغل فيها بخلص قطب وهي عم تطلع فيه لسا بعقملها مكان الجرح وبحطلها عليه لزيق طبي وبيتطلع بعيونها

عمار: خلصت
ريحان: عنجد ماحسيت
عمار: حطيت سحري الخاص
ريحان: بلا مزحك لتقيل هلق
عمار: ماعم بمزح حتى اذا بدك هلق اذا بحطلك من هالسحر رح يبطل شي عم يوجعك
ريحان: بجدبة عنجد عم تحكي
عمار: اي بدك تجربي منو
ريحان: بتتحمس اي اي
عمار: طيب بقوم بجيب علبة فاضية وبقرب من ريحان هلق بس افتح العلبة رح يجي سحرها عليكي
ريحان: طيب!
عمار: رح عد من واحد لتلاتة
ريحان: تمام
عمار: واحد تنين تلاتة بيفتح العلبة شوي شوي وبتكون ريحان مركزة على العلبة بقرب بخفة من ريحان وبيطبع بوسة على خدها
ريحان: بتحس بكهربا مشيت بجسمها وقلبها ببلش تعلى دقاتو بتطلع بعمار
عمار: بكون قريب منها كتير عم بحس بنفسها يلي متل النار على وشه هالسحر اسمو سحر عمار
ريحان: بتحط ايدها مكان البوسة شو عملت انت
عمار: بيبتسم ولاشي انتي قلتي بدك تشوفي وتجربي السحر وانا جربتو
ريحان: هاد السحر
عمار: انتي ماسألتي شو السحر
ريحان: بتنزل من على التخت وبدها تمشي
عمار: بيمسك ايدها وبقربها منو ريحان
ريحان: بتطلع عليه بعد عني
عمار: بقرب من مكان الجرح وببوسو بخفة وهيك مشان يطيب
ريحان: ماعاد تسيطر على حالها خدودها بيحمرو وقلبها نبضاتو عم تعلى بتدفشو وبتبعد عنو اوعك تاني مرة تعمل هيك شي لان حتزعل كتير بتلتفت وبتطلع بيبتسم حاضر شريرة
بتكون ياسمين وأدم واقفين مع صهيب وتاج بتمشي ريحان لعندهن
ياسمين: بتحضن اختها يعلي ياصغيرتي موجوعة روحي
ريحان: لا اختي
تاج: الحمدلله على سلامتك ريحان خانم
ريحان: الله يسلمك
أدم: وين عمار
ريحان: اه بالغرفة لسا
عمار: ليكني اجيت بمد ورقة روشيتا لريحان هي دوا التهاب جيبي وخدي منو مشان مايلتهب الجرح ومنو مسكن اذا وجعك
ريحان: بتمد ايدها وبتاخد الورقة يسلمو عذبتك معي
عمار: ولو عذابك راحة انسة ريحان ومعافية بيغمزها بخفة
ريحان: بتعمل حالها ماشافتو الله يعافيك اختي وين الانسة
ياسمين: رجعت على المدرسة وقت عرفت اني موجودة
ريحان: طيب توصليني على البيت
ياسمين: يلا رايحين سوا تمشي أدم
أدم: يلا حبيبتي
بيطلعو من المستشفى وبروحو على بيت نرجس
صهيب بينكش عمار
عمار: شبك
صهيب: ايامك ياعمي
عمار: أيام شو
صهيب: غمزات وحركات بربك شو عملت جوا حتى البنت محمرا ومصفرا
عمار: انضب ماعملت شي
صهيب: عمار غشيم عنك انا والله شكلك دايب للاخير فيها
عمار: ليش الكذب اي
صهيب: بس بتعرف الفرق بينكن انت
عمار: الحب ما بيفهم فرق عمر مزبوط
صهيب: مزبوط بس مو ليكون متبادل
عمار: حيصير وحياتك بكرا بتشوف
صهيب: اي عم نستنى
تاج: صهيب يلا نمشي
صهيب: يلا
بيطلعو كلهن وبروحو على بيوتهن
بوصلو على البيت وبفوتو
نرجس: اهلين وسهلين بحبايب قلبي بتطلع بريحان بخوف بسم الله شبك بنتي ليش جبينك ملزق
ريحان: ماتخافي امي كنت عم بركد بالمدرسة ووقعت بس
نرجس: لا حول ولاقوة الا بالله اكيد انا مسمية وقت جبتك
ريحان: ليش الغلط ياماما
نرجس: امشي من وشي مشان ما اغلط معك عنجد فوتي غيري تيابك لنجهز الاكل يلا
ريحان: اي حاضر
ياسمين: بتضحك عليها اخخ ما حتكبر والله ريحان هي ريحان ايمتى امتحاناتها
نرجس: لا تذكريني بعد اسبوعين بتبلش وهي كتير عم تدرس شوفة عينك
أدم: الله ينجحها يارب
نرجس وياسمين: امين يارب
نرجس: حروح لكن جهز الغدا بتروح على المطبخ وبتضل ياسمين وأدم بالصالون
ياسمين: بتغمض عيونها بتعب
أدم: شبك ياسمين
ياسمين: مافي شي حبيبي راسي عم يوجعني شوي من الأدوية
أدم: اخدتي دواكي اليوم
ياسمين: اي اخدتو
أدم: الدكتورة قالت لازم تستمري عليه لاايمت
ياسمين: قالت اربع اشهر وهي صرلي اربع اشهر فمابعرف اذا بدها تغيرو او لا
أدم: بيمسكلها ايدها ان شاءالله رح نخلص من كل هالادوية
ياسمين: بحزن بدي شوف ولادنا
أدم: ان شاءالله ياروحي انتي حنشوفهن ونكبرهن سوا ببوس راسها وبضمها
بالغرفة عند ريحان
بتفتح روشيتا الدوا بتنزل منها ورقة
ريحان: شو هي بتمسكها وبتفتحها
"محتوى الورقة "
( بدي شوفك بكرا بالكافيه * اذا بتقدري على الساعة ٢ حكون بنتظارك في موضوع بدي حكيكي فيه ضروري اذا حتجي رنيلي على هاد الرقم وكاتب الرقم)
ريحان: ببتلخلط وقت تقرأ الورقة شبدو هاد بتسكر الورقة وبتحطها بشنتايتها وبتاخد الروشيتا وبتطلع لبرا بيتغدو وبعدين بروحو أدم وياسمين على بيت اهلو
ام يونس : بتكون كالعادة اعدة وقالبة وشها بياسمين رنوشة هاتيلي ريان شوي لحضني
رنا: بتبتسم وبتطلع بياسمين خدي مرت عمو بس اوعك يدايقك
ام يونس: لا يقبرني نسمة يخليلي قلبو
ياسمين: بتكون عم تطلع بريان وبتبتسم وريان عم يضحكلها
رنا: بتنغاظ ليش ابنها عم يضحك لياسمين
ياسمين: مرت عمو ممكن احملو شوي

ام يونس: وقت تشوف نظرة الكسرة يلي بعين ياسمين بتنقهر من جواتها بس ما بتبين تعي خدي
بتقرب ياسمين بدها تحملو بتركد رنا وبتاخدو
رنا: بتصرخ لاا
بيلتفتو كلهن عليها ليش صرخت بما فيهن أدم
بتنئز ياسمين وبتبعد
ام يونس: شبكي صرختي واخدتي الولد متل المجنونة
رنا: خفت عليه
ياسمين: بحزن خفتي عليه مني!؟
رنا: اه لا مو هيك بس انتي ماعندك خبرة لسا بالولاد خفت تحملي بطريقة غلط تأذيه
أدم: بوقف وبينزعج من كلام رنا
ياسمين: احملو بطريقة غلط نسيانة اني طبيبة اطفال رنا!!
يعني انا اكتر وحدة فيكن رح احملو صح وخاف عليه حتى اكتر منك
رنا: مارح تحملي وتخافي عليه متل أمو بس معك حق لسا ماشعرتي بخوف الأم على ابنها ويمكن حتى ماتحسي
ياسمين: بتنصدم من كلامها وبتبتسم معك حق
يونس: بصرخ عليها رناا شو هالحكي جنيتي
رنا: ماحكيت شي خايفة على ابني وهاد حقي وبحملو لمين مابدي
يونس: بقرب منها وبياخد ابنو بتوقع ابني هاد متل مو ابنك ومرت اخي مارح تأذيه متل ماعم تفكري بس الجاهل بضل جاهل
رنا: انا جاهلة يونس
ياسمين: خلص ياجماعة لا تتخانقو مابدي احمل حدا تمام بتاخد شنتايتها أدم انا رايحة
أدم: رايح معك بينزلو هنن لتنين وبيطلعو بيسارتهن وبيمشو
ابو يونس: بيتطلع بأم يونس وبرنا ليكو انتو لتنين اذا بشوفكن عم تحرقو قلب ياسمين انتو لتنين مارح تعدو ببيتي دقيقة عم تفهمو وانتي ست رنا هلق صرتي تخافي على ابنككك
رنا: عمي بس
ابو يونس: ولا حرف خرسي انتو لتنين يلي عندكن عقم وتخلف بعلقكن اقسم بالله يلي بسمعها عم تأذي ياسمين بحرف واحد لتكون بنفس الدقيقة مرمية برا البيت عم تفهمو
ام يونس: بخجل حاضر حاضر
ابو يونس: وانتيي
رنا: حاضر عمي
ابو يونس: وانت يونس اذا مارح تضب مرتك وتأدبها رح اعرف اتصرف انا
عند ياسمين بيدخلو على بيتهن وبتجي بدها تمشي ياسمين
أدم: بيمسكها من ايدها ياسمين لاتزعلي
ياسمين: بتلتفت عليه وبتبتسم لا حبيبي مازعلت
أدم: اكيد
ياسمين: اي حقها هي وتصتفل منها لاابنها مابدها ياني احملو مابجبرها ومعها حق بجوز خافت عليه
أدم: بعرف انها عم تغيظك وتحرق قلبك خلص ماعاد نروح لعندهن
ياسمين: تصتفل حبيبي هي هيك فهمها بتمشي وبتدخل على الحمام بتوقف على لمرايا بتبتسم بتتذكر كلام رنا حرقة قلبها كلماتها شعلت جواتها الغصة والنقص بتغص وبتبلش تبكي بأنهيار (لفو شوفو الفيديو) وبتبلش تشهق بتحط ايدها على تمها لتخفي صوت وجعها
بقرب أدم من الباب وبحط راسو عليه وصوت بكاها عم يحرق قلبو بدق الباب
أدم: ياسمين حبيبتي فتحيلي لاتضلي جوا
ياسمين: مابترد
أدم: فتحيلي ياسمين كرمالي
ياسمين: بتقرب من الباب وبتفتحو وبتطلع بأدم وهي عم تشهق وبترتمي بحضنو الله يلعن الناس يلي مابترحم الله لايسامحها على كل كلمة حكتها وحرقت قلبي والله مو بأيدي مو بأيدي بتدفش أدم روح تركني وتزوج خلص مابدي عيش انا مابدي أظلمك معي اكتر وبتبلش تصرخ عليه روح روح ان شاءالله بموت انا روح
أدم: بهديها وهي عم تدفشو بعيد الشر عنك بس شو هالحكي اهدي ياسمين
ياسمين: ترتاح امك وترتاح رنا روح اتزوج كاريس وخليها تاخدك هي حتجبلك ولاد انا لا مارح اقدر انا عاقرر أدم فهام خلص بعد عنيي بتفقد اعصابها وبتبلش تضرب على بطنها انا ما بسوى مابقدر جيب ولد واحد بينعاد الصوت يلي جواتها ناقصة ناقصة انا ناقصةة وبتكسر يلي قدامها يااربب
أدم: وقت يشوفها ماعاد استوعبت شو عم تحكي بصرخ عليها ياسميننن اهديييي بيرفع ايدو وبيضربها كف
ياسمين: بتطلع فيه بعيون متل الجمر
أدم: اسف ما تركتيلي شي اعملو
ياسمين: بتطلع فيه وبتبلش تشهق قلبي موجوع ياأدم موجوع
أدم: بشدها لقلبو وبضمها سلامة قلبك سلامة قلبك بتنزل دمعتو وبيمسحها بيحملها بين ايديه وبيدخل على غرفتهن
بيتسطح وهو ضاممها لقلبو وعم يهديها لتسكن وتهدا بين ايديه وبتغفى
تاني يوم الصبح
بيصحى أدم وبلاقي ياسمين لسا نايمة بقوم من جنبها بهدوء وبيطلع لبرا بيمسك موبايلو وبكون عم يتواصل مع حدا بيبتسم وقت يوصلو الخبر
أدم: اجا بوقتو بسكر موبايلو وبفوت على المطبخ بيعمل قهوة وبفوت على الغرفة وهو حامل صينية فيها فنجانين قهوة وياسمين مرشوش على الصينية بحطها جنب التخت وبقرب من ياسمين بيلمس خدها بخفة وبيطبع بوسة على خدها ياسمينتيياسمين: بتفتح عيونها بصعوبة وبتطلع فيه
أدم: يخليلي هالصباح
ياسمين: وصباحك ياروحي
أدم: جهزتلك قهوة
ياسمين: يسلمو ايديك حبيبي
أدم: يسلملي ياكي ياروحي
ياسمين: بتتجلس وبتبتسم
أدم: بيمسك فنجان القهوة وبيعطيها ياه
ياسمين: كل هالدلال
أدم: وعندي خبر الك حلو كمان
ياسمين: بتشرب شفة من القهوة شو هو
أدم: تواصلت مع عمة أسر

ياسمين: بتبتسم بفرح عم تحكي جد أدم
أدم: في بينا مزح
ياسمين: بتحط فنجان القهوة وبتنط على أدم وبتبتلش تبوسو وتغمرو بحبك بحبككك
أدم: بيضحك ههههه وانا بحبك ياروحي
ياسمين: رح احكي معو أدم
أدم: اي بس هو هلق بالمدرسة ليرجع رح تتصل فيني وتحكي
ياسمين: ياروحي وصار يروح على المدرسة ياترا كيف صار كبر اكيد يقبر قلبي
أدم: هههه طولي بالك بعيد الشر هلق بغار ها
ياسمين: بتبوسو لا انت الأصل ادومتي
أدم: يخليلي ياسمينتي
ياسمين: رح قوم غسل واللبس لنروح على المستشفى تمام
أدم: حتروح اول على الدكتورة
ياسمين: بتختفي ابتسامتها تمام
أدم: اذا مابدك خلص بلاها
ياسمين: لا عادي بروح رح البس ومنطلع
أدم: عم بستناكي
بتلبس وبينزلو بيمرقو على الدكتورة بتبدلها الدوا لياسمين وبتقلها في تحسن بوضعها وفي أمل صار ٤٠% انو تحمل
بيطلعو من عندها وبروحو على المستشفى
عند أوس
بكون ماشي بالجامعة هو ووحدة معو بالمحاضرة وعم يحكو بتكون ماسة واقفة من بعيد عم تراقبو وجواتها نار مدايقة ومابتعرف ليش
بينتبه عليها أوس بيترك البنت وبقرب منها
أوس: صباحو الماسة
ماسة: بنشافة صباح النور وبدها تمشي
أوس: بيمسكها من زندها هدي هدي لوين هلق اجيت لسا
ماسة: بأنزعاج شو بدك أوس
أوس : شو شو بدي بدي حكيكي
ماسة: مافي بينا حكي روح احكي مع يلي كنت ماشي معها
أوس: بيبتسم كأنك غيرانة ماسة؟!
ماسة: بالله لا ليش بدي غار
أوس: لكن ليش معصبة ودقات قلبك سامعهن لعندي اه
ماسة: ما حزرت مابغار اصلا ليش بدي غار عليك مين انت
أوس: بقرب منها وبيمسك ايدها بحطها على قلبو انا يلي قلبي بدوب كل مابشوفك انا يلي حفظت دقات قلبك دقة دقة انا يلي مغروم بنظراتك وخجلك هاد بدم تعرفي مين انا كمان
ماسة: بتتسارع دقات قلبها وبتتلبك أوس تروك ايدي
أوس: بيبتسم طيب بقرب ايدها من شفافه وبيطبع بوسة على نبض ايدها وبيتركلها ايدها
ماسة: بصير وشها احمر من الخجل
أوس: دخيل يلي غار
ماسة: ماغرت
أوس: اي طيب انا غلطان مو هيك بالاذن
ماسة: الله معك
أوس: بيمشي وبيعكس موبايلو عليها ليشوف شو عم تعمل
ماسة: بتزفر بضيق وبتمشي
أوس: بيضحك عليها وبيمشي
عند ريحان بتكون ماسكة بأيدها الورقة ومترددة تروح او لا بتطلع من غرفتها
ريحان: امي
نرجس: نعم
ريحان: بدي روح على السوق
نرجس: السبب مو عندك دراسة وامتحانات فوتي درسي
ريحان: امي حجيب كتاب ناقصني وبشتري اكلات وبرجع مابطول ساعة بس امانة
نرجس: طيب بس لا تتأخري ساعة مافي غيرها
ريحان:طيب الله يخليلي ياكي
بتفوت ريحان بتلبس بنطلون جينز وبلوزة وبوط بتربط شعرها وبتنزل
بتمسك موبايلها وبتكتب الرقم وبترن
برن موبايل عمار وهو بالسيارة
عمار: بيفتح الو
ريحان: بتردد ألو
عمار: بيبتسم وقت يسمع صوتها
ريحان: انا ريحان
عمار: عرفتك اهلين كيفك
ريحان: منيحة رح تلاقيني بالكافيه
عمار: تمام وانا رايح لهنيك مابطول
ريحان: بس ليك صدقاً اذا الموضوع مالو اي اهمية رح اقلب الكافيه على راسك وبتعرفيني بعملها
عمار: بيضحك هههههه أمرك ياستي قبلان
بتسكر ريحان وبتركب تكسي وبتروح على الكافيه
بوصل عمار قبلها وبينزل بيعد على الطاولة عم ينتظرها
بتنزل ريحان من التكسي وبتدخل على الكافيه بتطلع بيلي اعدين لتلمح عمار
بشوفها عمار بوقف وبأشرلها
بتمشي لعندو
عمار: نورتي
ريحان: شكرا
عمار: تفضلي اعدي
ريحان: بتعد وعم تطلع فيه وبيلي حوليها بغرابة
عمار: شو تشربي
ريحان: بلا الذوق تبعك احكي شو بدك وبدي امشي يلا
عمار: مابصير لازم تشربي
ريحان: خلصني نسكافيه
عمار: تكرمي لو سمحت
بقرب النادل
عمار: واحد نسكافيه وواحد قهوة سادة
النادل: تمام
عمار: بيتطلع بريحان وبيبتسم
ريحان: شو الموضوع
عمار: طيب طولي بالك ليش مستعجلة
ريحان: ليك لا تلعب بأعصابي لا احكي لا بقوم وبتقوم
عمار: بيمسك ايدها خلص اعدي رح احكي
ريحان: بتعد هات لشوف
عمار: ريحان
ريحان: بتطلع فيه وقت نطق اسمها كأنها اول مرة بتسمع اسمها بهالجمال نعم
عمار: انا
ريحان: انت شو
عمار: من وقت ماشفتك سحرتيني
ريحان: ما بتستغرب من كلامو لانها متوقعة يحكي شي بس جواتها دايب
عمار: مابعرف شو بصرلي وقت شوفك بتخدر اي بتخدر ريحتك عيونك نظراتك لك حتى عصبيتك وطولة اللسانك
ريحان: بتكون ساكتة وقلبها عم تعلى دقاتو لخبطة جواتها هي وعم تسمع كلامو ماعم تعرف تحكي شي
عمار: بيمسك ايدها
ريحان: بترتعش من لمستو
عمار: لا تقولي اني عم بلعب بمشاعرك او تفكري فيني غلط انا حبيتك ريحان حبيت صغر عقلك وبرائتك لقيت فيكي البنت يلي بحلم فيها العصبية الحنونة المجنونة طويلة للسان انا
عمار: بحبك ريحان
ريحان: بتتلبك اكتر بتطلع بعيونو يلي عم يشدوها لتغوص فيهن وبلمعتهن

بتطلع غنية اخيراً قالها بالكافيه
عمار: شوفي الصدفة بيبتسم وهو ماسك ايديها وماعم يتركهن احكي شي
ريحان: انا انا مابعرف شو قول فاجأتني
عمار: تطلعي بعيوني وبيوصلني جوابك
ريحان: بتطلع فيه وبتزورو
عمار: بيضحك ههههه شو هالنظرة هي حتقومي تقتليني !
ريحان: بتبعد ايدها عنو انا قلتلك اني رح اقلب الكافيه على راسك
عمار: وانا على قلبي متل العسل
ريحان: بتبتسم انت مصيبة على راسي
عمار: انا ولا انتي
ريحان: ليش حبيتني اذا هيك!
عمار: بيتطلع فيها وبيبتسم القلب ومايهوى
ريحان: امم بس انا
عمار: لاتقوليلي جوابك بحط ايده على قلبها وبغمض عيونو
ريحان: ماعاد تقدر تسيطر على نبضها
عمار: بفتح عيونو وبيتطلع فيها عرفت الجواب
ريحان: بتقوم انا بدي امشي
عمار: ماشربتي لسا شي
ريحان: مابدي اشرب
عمار: طيب خليني وصلك
ريحان: لا بروح لحالي
عمار: متل مابدك بيطلعو هنن لتنين
بوقف بالحارة يلي حاطط سيارته فيها بتكون مافيها عالم
ريحان: انا حروح بدك شي
عمار: سلامة قلبك اي بس شغلة
ريحان: شو هي
عمار: بس بيتطلع فيها لاتكسري هالقلب يلي حبك معلش شريرة خانم بيمسك ايدها عطيني كلمة مفيدة ريحي قلبي
ريحان
ريحان: بحركة لا ارادية بتقرب منو وبتبوسو على خدو
عمار: بينصدم من حركاتها يلي مالو متوقعها
ريحان: بتبعد عنو وبتهرب فوراً
عمار: بكون واقف من الصدمة لسا حاطط ايده على خدو بدون مايحكي كلمة بيركد وراها مابلاقيها بيرجع بيبتسم وصلني جوابك وبيركب سيارتو وبيمشي
ريحان : بتوقف تكسي وبتركب وبترجع على البيت
عند ياسمين بيرجعو على البيت هي وأدم
بتكون واقفة وعم تمشي بالبيت عم تستنى ترن عمتو لاأسر
أدم: ياسمين شبك اعدي دوختيني
ياسمين: لهلق مارنت قالتلك ساعة هي صرلها تلت ساعات
أدم: الا ماترن طولي بالك
ياسمين: بتضل عم تفتل بالبيت واعدة على اعصابها
برن تلفون أدم بتركد بتمسكو وبترد
ياسمين: الو
سراب: مرحبا كيفك دكتورة
ياسمين: بتكون عم تحكيها فيديو اهلين كيفك انتي شت سراب
سراب: الحمدلله
ياسمين: هيك بتقطعيني هيك
سراب: معك حق والله حقك علي بس ماقدرت جيب رقم فوراً والتهيت بأسر وبنتي
ياسمين: باللهفة عطيني أسر فرجيني ياه
سراب: يلا
ياسمين: بتطلع بأدم وبتبتسم
بيمسك أسر الموبايل
أسر: ياسمينتي
ياسمين: بتطلع فيه وقت تسمع اسمها من تمو بأشعر بدنها بينزلو دموعها شوقها الو ماقدرت تمسك دموعها أسر ياروحي

#يتبع

..الموسم الاول
#معجزة ـ الحب
#الجزء السابع
أسر: كيفك انا مشتقلك
ياسمين: ياروحي انت لك انا حموت عليك كبران ياروحي شو هالشعرات الحلوين
أسر: اي طولتهن وعملتهن متل أدم بعرف بتحبي هالموديل
ياسمين: ياروح روحي انت بجننو
أسر: مابدك تجي لعندي تشوفيني انا صرت روح على المدرسة وعندي رفقات وعم بدرس والاول على صفي بدي اطلع دكتور متلك وارجع لعندك ياسمينتي ليش عم تبكي
ياسمين: بتمسح دموعها ماعم ببكي ياروحي بس لان مشتاقتلك كتير عنجد كم رفيق عندك
أسر: قصدك كم رفيقة ما برافق غير البنات لانهن بحبوني كلهن والصبيان غيرانين مني
ياسمين: بتضحك هههه ياازعر البنات حوليك لكن
أسر: ايي هههه
ياسمين: بتلف على الصورة يلي معلقتها ببيتها بتكون رسمة أسر يلي تركلها ياها شوف وين حطيتها
أسر: يااي ياسمينتي معلقتيلي رسمتي
ياسمين: اي مشان كل ماشوفها اتذكرك
أسر: بحبك كتير واشتقتلك
ياسمين: وانا بحبك اكتر ياروحي ومشتاقتلك كتير كتير
أسر: بيركد وبفرجيها غرفتو والعابو ومكتبو ودفاترو بكون فرحان فيها قد الدنيا وهي فرحانة فيه لان عم يفرجيها غراضو وعم يضحكو سوا
بضلو ساعتين عم يحكو ويضحكو ومو حاسين بعدين بسكرو
ياسمين: بتطلع بأدم وبتقوم و بتحضنو بحبك كتير
أدم: وانا بحبك كتير بيتطلع فيها انا اليوم شفت فرحتك وضحكتك يلي من زمان ماشفتها انا يلي انردتلي روحي
ياسمين: ووجودك بحياتي احلى شي صار بهالدنيا وهو سبب سعادتي
أدم: وانتي نور بيتي وياسمينتو يلي بلاه بعتم بتعرفي هالشي
ياسمين: اممم بعرف بتضحك وبتبين غمازتها
أدم: اوف بدي اكلها لهيك يلي بينت
ياسمين: بتبوسو من خدو وانا بدي اكل هالخدود
أدم: بيحملها بين ايديه وانا رح اسرقك كلك
ياسمين: بتضحك هههههه أدمم
أدم: ليش خليتي فيها أدم
ياسمين:بتحط راسها على راسو رجاليي
أدم: ياسمينة شاميي
بيحملها وبفوت على غرفتهن
عند ريحان بتكون اعدة وسارحة بيلي عملتو وبيلي حكاه عمار وبمشاعرها يلي عم تتحرك وماعم تخليها تركز
ريحان: هفف عمار اجيت بوقت غلط دوبني عم بدرس وهلق راحت دراستي
بتوصلها رسالة
بتمسك موبايلها وبتفتحها
عمار: مابدي ولا بوسة على خدي منك ولا مية وردة انا بدي ياك بدي ياك
ريحان: كلك على بعضك انا شو بحبك كلك انا بهواك
عمار: بتحبيني يعني
ريحان: عم بكفي الغنية اننن 😝
عمار: بستيني وهربتي شو بفهم منها
ريحان: مابتفهم شي بوسة تعارف فيك تقول او يعني رديتك ياها
عمار: اممم قلتيلي بفهم منها شي
ريحان: ماتفهم شي لان مالي مفكرة بيلي حكيتو حالياً
عمار: ايمتى بتفكري!!
ريحان: على ٢٥ سنة ان شاءالله
عمار: بتحبي تموتيني انتي!!
ريحان: اذا بدك تموت انا شو خصني
عمار: انتي بأيدك لا بموت لا بعيش
ريحان: مابهمني
عمار: طيب متل مابدك رح اتركك حالياً بعرف عندك امتحانات
ريحان: متل مابتحب
عمار: عفكرة انتي كتير عنيدة ومستفزة
ريحان: وماذال بتعرف اني هيك ليش بدك ياني حبك!
عمار: لانك عنيدة ومستفزة والسانك طويل وشاضومة وحبيتك هيك عندك شي جاذبني ووقت فكرت شو يلي عم يجذبني فيكي طلعو كل هدول لانك هيك مختلفة مالك بنت باردة انتي نارية وشعلتي ناري
ريحان: بتبتسم وقت تقرأ الكلام اوف اوف والله يادكتور شكلك غرقان يادكتور
عمار: غرقان وبس انا دايب متل قالب ذبدة عم يدوب بمقلاية على نار هادية
ريحان: بتضحك ههههه شو هالتشبيه
عمار:دخيل هالضحكة انعديت من ملافظك
ريحان: طيب طير بدي ادرس مالي فاتحة المواد وامتحاناتي قربت
عمار: بدك مساعدة قوليلي
ريحان: رح تتذكر دراستك دكتور
عمار: بساعد كيف ماكان
ريحان: ان شاءالله سلام
عمار: سلام ريحوو
ريحان: بتضحك مع حالها سلام

" بتبلش تمرق ايام امتحانات السنة لريحان تعبت كتير لقدرت تدرس كل المواد وتلحق عمار ماتركها كل يوم يبعتلها ويقويها يساعدها بالمسائل ولدروس يشجعها ريحان تعلقت فيه بهالفترة حست باهتمامو وحنيتو عليها كيف خايف عليها متل بنتو وعم يقويها بكل خطوة عم تمشيها كان يستناها عند المدرسة لتطلع تقلو كيف جاوبت تعاملها معو اختلف شوي بس لساتها ريحوو😂"
مجتمعين العيلة ببيت نرجس وعم ينتظرو رجوع ريحان يلي أصرت تروح لحالها تجيب النتائج تبعها وتبع دانيا لانها مريضة
ريحان: بتدخل على المدرسة بتوقف لتشوف علماتهن مع البنات بتدور على اسمائهن بتبتسم وبتطلع عم تركد وعم تضحك
عمار: بكون واقف جنب سيارتو وعم ينتظرها ليشوفها بشوفها طالعة وعم تضحك بيندهلها ريحان
ريحان: بتطلع فيه وقت تشوفو بتركد لعندو وبتنط عليه وبتحضنو
عمار: بيحضنها وهو عم يضحك وببوسها طمنيني شو (لفو شوفو الفيديو )
ريحان: انجحت انجحت
عمار: بدور فيها هو ومبسوط فيها الف مبروك ياروحي بنزلها