【薯片抽乾奶媽】玩 #realconnect 直接 #口窒窒 打畀市民對話！

D100 左右大局 剛剛都搵到呢位收到薯片電話嘅市民，傾下同薯片通完電話有乜感受~

【訪問內容】
Karen話自己係一對5歲孖仔嘅家長，對參選人嘅教育政綱好關注，所以都曾經喺曾俊華FB PAGE留過言。隨後有團隊成員問佢可唔可以留個電話，Karen都諗住會有競選班子嘅人打嚟問下教育意見，但就萬萬估唔到係曾俊華本人，覺得佢有勇氣、有誠意！

問到覺唔覺薯片打畀自己都只係一場公關Show，Karen就話對話期間覺得薯片仲緊張過佢，唔敢講係咪一場Show，「起碼佢呢一刻肯踏出呢一步做呢樣嘢，個誠意喺度！就算其他人打畀我都會好感動。」

但林鄭打畀佢嘅機會就不大，因為Karen冇喺林鄭FB留過言。

Karen都撐戴耀廷特首民投架，仲話3月會再參與第二輪投票。