黃耀明 Anthony Wong


#回憶有罪?
#唱歌有罪?
#畫畫有罪?
#念詩有罪?
#與外國朋友交流都有罪?


//黃耀明笑言自己唱歌30年，不少歌曲比較踩界，「我諗我有啲歌以後就唔唱得，有一首叫《排名不分先後左右忠奸》，之前係鄧小平，而家係習小平，之前有一首叫《回憶有罪》，用音樂、歷史去回憶，終有一日會變成罪，過去香港受『限聚令』已經令港人做少咗好多嘢，如果國安法成立，令人覺得極之憂慮」。//
//問到國安法正式立法後會否怕秋後算賬？黃耀明指由雨傘運動開始時，已經「預咗」，「我哋決定上街嘅時候，都預咗會後秋算賬，所以要驚唔係今日先驚，不過嗰種恐懼將會漫延到整個社會，唔係淨係參與過『雨傘』或者係舊年『反修例』，我諗好容易會思想犯罪、言語犯罪，呢個係關乎到每一個人，唔係淨係我哋兩個或者係藝文界嘅人」。何韻詩則謂已心裏有數，皆因近年覺得人生安全越來越危險，而「港版國安法」只是將所有事情搬上枱面：「真係所謂嘅『攬炒』，係中共同我哋、全世界攬炒，所以我個人就唔會特別做啲乜嘢例如係走，第一日行出嚟其實預咗去到呢一步，佢（政府）又冷處理，『雨傘』就係咁樣發生，而家就係另一個層面。」//
//她亦提到從去年開始，已聽過要去大陸發展，無論是幕前幕後均要簽協議：「唔係淨係啲大嘅名星，係音樂人都要，你要上得台就要簽，呢個由上年越聽越多，點呢？大家係咪咁樣繼續落去？」而黃耀明則坦言覺得「港版國安港」是白色恐怖：「條法例可能唔止係行動，活動都包括，即係話如果啲觀眾去睇一個演出，台上嘅人講咗一啲嘢，就連睇嗰個都會被牽連，呢個咪真係一個白色恐怖，係所有人都可能唔敢睇或者特別唔嚟睇我哋嘅演唱會，因為入咗嚟就一定好危險，出門口就被拉，呢個其實係一個返轉頭，我覺得中共真係要好深刻去反醒，其實佢係將歷史拉番轉頭，將歷史拉番去文化大革命、秦始皇焚書坑嗰個境地，我覺得邊個人去決定撳呢粒制要去立呢條法，佢哋將會係歷史嘅罪人。」//