【全港最大自打嘴巴現場】 #日本已出現人傳人
成場疫症由中國傳嚟，澳門5日前已經做緊林鄭嘅「對策」，林鄭今日先出嚟執澳門口水尾，話要同廣州聯防，遲唔遲啲？仲要千多萬謝中央支持先做到，咁請問澳門5日前係點做到㗎？
講到「封關」，林鄭就大仁大義話「唔通唔俾內地香港人返嚟呀？」臨尾仲恐嚇記者話「你點知封關唔會引起更大影響？例如有個病人千方百計潛入嚟？」
我唔知封關後仲有無人想潛入嚟，但而家每日就無數隱藏患者不斷出入香港。而且連記者都識反問林鄭：「你點解唔用專機專車接佢地返嚟？」

而家只係封無咩人過境既沙頭角、文錦渡，最多人用嘅羅湖、深圳灣、落馬洲就繼續中門大開，商務、探親等原因可以繼續照嚟，成效又有幾大？
再講明明係暉明邨太近民居，引起藍黃Connected上街抗爭，連民建聯都頂唔住民意，轉個頭林鄭就屈暴徒破壞，令暉明邨用唔到。
連林鄭講一句「得湖北先有人傳人」，點知同時間日本就出現咗人傳人個案，真係開口夾著脷。
更加唔好講「話唔洗戴口罩又戴」、「話唔收內地人醫藥費又收返」等等自打嘴巴嘅行為。
林鄭，你話你廢到咁，唔落台仲等幾時？
你唔識做就唔該你走啦！以你嘅能力憑咩管治香港？