「安心出行」只令中共和林鄭「安心」！市民被極權監控動彈不得，就如生活在一個大監獄一樣。獨裁者誇大失實地p製造危機，使人民接受放棄自己的自由和權利，古今中外歷史之中例子不勝枚舉。正所謂「橋唔怕舊最緊要受」，大家警惕、小心！

【被極權監控 巿民點「安心」？】

衛生署規定多類包括餐廳、美容院、健身中心在內嘅表列處所須於今個星期四（12月3日）前，於入口展示 #安心出行 嘅QR Code；創科局仲話唔排除遲啲會強制市民使用安心出行。

安心出行本質同喺內地推行嘅健康碼一樣，都係一個追蹤碼。

政府話個App只係為咗方便市民紀錄行蹤，如果只係咁，用紙筆都得啦！

🚨私隱大隱憂

政府話就話無中央系統紀錄用戶資料，而應用程式要求嘅存取權限，只為配合程式需要。

但你放唔放心俾政府「讀取、修改或刪除 USB 儲存裝置的內容」、「接收互聯網資料」、「擁有全面網絡存取權」、「擷取執行中的應用程式」？

大數據時代下，政權根據你嘅出行紀錄，已經可以知道你嘅人際關係網絡、生活習慣等等。每個人嘅行蹤都係私隱， 你放唔放心俾呢個政府知道哂你進出嘅場所同時間？

🚨健康碼變監控工具

內地多個城市推行健康碼，甚至將健康碼永久化，以隨時監看民眾嘅健康狀況。只要「健康評分」唔合格，就唔可以進入某啲場所或要隔離。但「健康評分」嘅透明度極低亦無明確準則，記者或者維權律師等異見人士隨時因為唔合格就只能安守家中，聲稱為防疫嘅程式變成政權侵犯人身自由嘅工具。

❗️加倍注意個人資料 保護私人生活

唔好慣！面對極權，唔好輕易就範。

我哋必須要提高對個人資料嘅敏感度，盡力保護我哋嘅私人生活。

依家個程式仲係「自願參與」、「自由作記錄」，你可以揀「用」，都可以揀「唔用」！