Greenpeace 綠色和平 - 香港網站

【「明日大嶼」前期撥款勢將周五正式審議🔊緊急聯署！一同堅守大嶼!】
原本喺今個星期五(11月27日)嘅財委會上嗰四項正待審批嘅人事編制建議，已經被全部抽起，「明日大嶼」前期硏究撥款申請立即成為第一項議程，亦即係意味著撥款申請好有可能喺今個星期五通過！😟

政府漠視民意，一意孤行強推造價6240億嘅「明日大嶼」，唔止危害公共財政穩健，仲會對海洋生態造成不可逆轉嘅破壞😡我哋緊急呼籲所有關心大嶼山以及香港未來嘅市民聯署，一同促請政府立刻撤回「明日大嶼」，保護海洋生態。💪

立即聯署👉https://act.gp/3miBlpz

#堅守大嶼 #善用棕地 #唔好搾乾庫房 #守護我哋個海

Greenpeace 綠色和平

【懶理財赤創新高 照推「明日大嶼」😠擬下年搞公眾諮詢！】 本年度財政赤字破歷年新高，達2576億元，仲預計未來四年都會錄得赤字😨紓困措施大大縮水嘅同時，政府反而繼續硬推造價至少6240億嘅「明日大嶼」😡仲打算出年下半年開展前期研究嘅首期公眾諮詢。

我哋早喺舊年已發佈研究，指再強推「明日大嶼」，財政儲備恐於2031-32年內耗盡💰事實上，香港明明有超過1500公頃棕地，發展成本遠遠低於填海，政府卻只以「擠牙膏式」研究棕地，目前只有約860公頃被納入可發展範圍，大量棕地喺政府發展計劃中直頭係未見蹤影！

一齊促政府撤回「明日大嶼」，保護香港珍貴嘅海洋生態同財政穩健性，優先發展棕地！唔好再扔錢落海💰 立即聯署👉https://act.gp/3uw8Fh3

#財赤創新高 #財政預算案2021 #堅守大嶼 #守護海洋 #善用棕地 #善用公帑 # #撤回明日大嶼

Greenpeace 綠色和平 -

【夠晒地滿足短、中、長期房屋供應，使咩仲要起「明日大嶼」？】

財爺喺財政預算案中話，已經搵到330公頃土地嚟起未來10年所需嘅幾十萬個公屋單位；而透過重建工廠大廈，公屋單位數量仲有望再增加，解決短期房屋需求。

中期房屋供應方面，香港亦有超過1500公頃棕地，目前淨係得約860公頃被納入可發展範圍，仍有大量棕地，政府若積極發展，相信足以應付需求。

至於長期住屋需求，目前人口增長已經放緩，政府統計處預計20年後（即2041年），香港人口已達致頂峰並會回落，換句話講，房屋需求都會下跌，唔需要再大量覓地起樓。

既然用現有土地資源就解決到短、中、長期房屋供應問題，使咩倒錢落海，硬推造價逾6240億、對海洋生態帶嚟極大破壞嘅「明日大嶼」🤷🏻‍♀️

一齊促政府撤回「明日大嶼」，保護香港珍貴嘅自然生態同財政穩健性，優先發展棕地！唔好再扔錢落海💰 立即聯署👉https://act.gp/3qidW8C

#財赤創新高 #財政預算案2021 #堅守大嶼 #守護郊野公園 #善用棕地 #善用公帑 # #撤回明日大嶼