Бухоро вилоят божхона бошқармаси раҳбарияти ва ходимлари Бухоро шаҳар 25-сонли ўрта умумтаълим мактаб ўқувчилари билан учрашди. “Янги Ўзбекистон ёшлари бирлашайлик” шиори остида ёшлар фестивали доирасида ўтказилган тадбир ёшларга ўзгача қувонч бағишлади. Ёзги таътил мобайнида ўқувчиларнинг вақтларини унумли ўтказиш мақсадида, ташкил этилган бу учрашув ёшлар учун мотивацион дарси бўлди. Учрашувда Бухоро вилоят божхона бошқарма бошлиғининг 1-ўринбосари С.Aвезов бошчилигидаги ходимлар ўқувчилар билан қизиқарли суҳбат қуриб , уларни қизиқтирган саволларга жавоб беришди. Юксак марраларни забт этишлари учун эзгу тилакларни билдириб, энг сара ўзбек дурдона асарларини ўқувчиларга тақдим этишди. Қизиқарли учрашувдан илиқ таассурот олган ўқувчилар ўз миннатдорчиликларини билдириб, ватан равнақи учун ўз ҳиссаларини қўшадиган муносиб фарзанд бўлишга ваъда беришди.

26 июнь - Халқаро гиёҳвандликка қарши кураш куни

Бугун "International hotel Tashkent" меҳмонхонасида Матбуот ва оммавий ахборот воситалари куни муносабати билан "Янгиланаётган Ўзбекистон журналистикаси: биз ҳамжиҳатликда кучлимиз!" шиори остида байрам тадбири бўлиб ўтди.

Дастлаб Ўзбекистон Республикаси Президенти Администрацияси раҳбари ўринбосари, Президент матбуот котиби Шерзод Асадов давлатимиз раҳбарининг соҳа ходимларига йўллаган табригини ўқиб эшиттирди.

Шундан сўнг Олий Мажлис Сенати раиси Танзила Норбоева Президент Фармонига кўра тақдирланган фидойи журналистлар, медиа, матбаа ва кутубхона тизими вакилларига мукофотларни тантанали равишда топширди.

АОКА жамоаси, фурсатдан фойдаланиб, барча мукофот соҳибларини самимий табриклаб, ижодий юксалишлар, мушкул, аммо олижаноб ишларида муваффақиятлар тилайди.

https://t.me/aoka_uz

Ёшларга эътибор - келажакка эътибор.Барчага маълумки, ёшларга, уларнинг ҳар томонлама етук бўлиб етишишига давлатимиз томонидан барча шарт-шароитлар яратилмоқда. Жойларда турли фестиваллар, тадбирлар ўтказилиб , маҳоратли ёшлар тақдирланмоқда."Янги Ўзбекистон ёшлари, бирлашайлик" шиори остидаги ёшлар фестивали доирасида бокс бўйича Бухоро вилояти божхона бошқармаси бошлиғи кубоги бўлиб ўтди. Кубок баҳслари Бухоро шаҳар Олимпия заҳиралар коллежида ўтказилиб, 11 вазн тоифадаги ёшлар ўз маҳоратларини кўрсатдилар. Натижалар эълон қилингач, фахрли ўринларни эгаллаган ёшлар божхона бошқармаси бошлиғи Баҳодир Қутлимуратов томонидан диплом , медал ва эсдалик совғалари билан тақдирландилар. Бу каби тадбирлар ёшларнинг спортга бўлган қизиқишини ошириб , юртимиз донғини дунёга таратадиган профессионалларни етиштириш учун дастлабки қадам бўлиб хизмат қилади.