號角音樂台，我愛曾沛慈

310 views01:18

反思理大之戰
歡迎討論以下幾個問題。
本文目標係要令到所有人思考。

資源調配
成日話唔夠物資，實質有幾多物資係浪費？有幾多係俾人攞咗去玩？有幾多個拆開咗發現唔係粉紅色罐就直接揼咗？如果呢啲物資能夠更有效率使用，情況又會唔會冇咁惡劣？
而且有冇諗過物資點樣運送入去？有冇諗過要儲備幾多物資？唔係每次都可以好似中大不斷有人送物資入去。萬一被包圍嘅準備又係點？
人手問題
雖然話埋土裏面真係有千幾人，不過真係打得有幾多個？有幾多個係入去諗住玩同打卡嘅MK仔？有幾多個係連嘅基本包紮都唔識嘅FA？如果冇咗個班人逃生會唔會更加容易？負擔又會唔會更加小？
圍點打援定圍魏救趙？
戰略形勢錯判以及對自己過分自信。一開始的確有可能可以打破包圍圈令到部份人可以逃走，但係當見到對家準備咗大量兵力去應對嘅時候？甚至係喺有失敗嘅嘗試，係咪一定要堅持落去？係咪冇Plan B？係一場非對稱衝突中，係咪只有硬碰硬一條路？係咪真係咁有信心可以突破對方精英部隊嘅防線？
如果當初係各區開花逼到對方不斷分散部隊，甚至被迫踏入預先設定好嘅陷阱，埋土啲人有冇機會可以乘機突圍？
放工返工？
香港人嘅抗爭時間同返工時間係成正比。返工嘅時候就唔去抗爭，放咗工先去抗爭。結果幾個鐘裏面已經令到警方有足夠時間去完善佢哋嘅防禦措施。而且預先同對方預告會由邊啲方向進攻，只係會比對方幾個鐘部署防禦。
而且大多數行動係因為大部份參與者第二日要返工而被迫要虎頭蛇尾腰斬，本來幾萬人嘅人群最後剩低幾千甚至幾百，而且幾萬人內真係會想到前線嘅未必夠一成。假如再多一成人去前線救援會唔會成功？或者大家無間斷打幾日，會唔會逼到對方彈盡糧絕？
假如可以更早及更長時間行動，情況會唔會更加好？或者無間斷罷工，效益又會唔會更加好？
武力不對等
假如真係打到對方彈盡糧絕，佢哋又會唔會使用更高殺傷武器，例如AR15？係使用佢哋所謂嘅低殺傷武器情況下已經有效抵擋衝擊，甚至可以反攻。如果使用實彈等高殺傷武器，情況又會點樣？呢個障礙又要點樣越過？
用人命去填？定係全世界返屋企由啲人死？
冇制定計劃
認真問，有幾多個真係預先準備咗撤退計劃？有幾多個入去係真係有個目標？太多人入到去以為可以好似中大咁樣打到對方主動撤退而冇做任何後備準備。結果？真係出事嗰陣時先發覺走唔到，亦都冇諗過要點樣走，最後被圍困。
世界上所有準軍事化/軍事化部隊都會預先準備撤退計劃，萬一任何目標失手就會立刻開始準備有秩序撤退。當同一對準軍事部隊對抗嘅時候，係咪應該要做定兩手準備？預先諗定幾時要走同點樣走？而且有幾多個真係準備咗支援？

可惜歷史冇咁多如果，只能夠回望歷史，從歷史中反思，展望未來。革命亦唔係一場遊戲，物資唔會憑空變出嚟，亦都唔會有第二條命。即使唔係一場正規嘅軍事對抗，係咪都要用軍事思維去思考？而唔係盲沖沖咩都做咗先再諗下一步。做一件事之前有冇計劃過？有冇準備後備計劃？唔係次次都咁好彩，次次都以一種簡單思維去做一件事，只不過遲早會出事。要反思同要制定新計劃先至係正確態度。

香港軍事台：@HKMilitary

67 views01:22