【衛我山城 最後今日】 ‼️今日下晝5點截止投票‼️ 抱歉再打搞大家🙏🏻 我哋懇請各位幫個忙，1️⃣ 電子投票畀我哋嘅候選人李梓龍 Alvin，2️⃣ 行多一步share叫多一個中大人投票🙇‍♂️

選情比我哋想像中嚴峻，公眾反映亦比我哋預想低。今日，我哋更發覺原來常委會已經偷偷地走後門咁開咗畀中大(深圳)嘅畢業生投票，而且，佢哋已經喺牆內動員數以千計嘅中大(深圳)畢業生去支持另一位候選人何啟德大灣區律師。

中大(深圳)畢業生喺牆內動員支持何啟德正正就係因為我哋其中一項政綱：界限分明，保障本校學位價值，全力反對中大(深圳)與本校合併國際排名、反對中大(深圳)畢業生獲得本校學位和取得與本校相同設計的畢業證書、要求校董會確保兩校畢業證書必須有明確分別等。

恐怕若何啟德當選，除咗會修章令DQ候選人變得合法、剝奪校友召開會員大會、出席權、提案權同投票權外，更嚴峻嘅係會讓佢可以有機會以校友校董嘅身份，支持中大同中大(深圳)融合嘅措施。

喺艱難嘅情況下，我哋亦唔能夠確保中大嘅投票系統係公平公正，但我哋仍然希望盡最大努力，寸土必爭，守護屬於我哋嘅中大！所以拜托大家幫幫手！感謝大家🙇‍♂️🙇🏽‍♂️🙇🏻‍♂️🙇🏻‍♂️

==========
【‼️截止投票11/8 5PM‼️】
1️⃣ 立即Click入👇🏿
cuhkconvocation.redso.com.hk
2️⃣ 用@link (1155xxxxx) 登入
3️⃣ 登記「出席」+電子投票
4️⃣ 直接前住電子投票
5️⃣ 票投李梓龍(逸夫/物理)‼️

詳細政綱請留意我哋 IG/FB/TG
@cuconvocation2023

《就遴選委員會提名盧煜明教授出任中大校長聲明》

中大校方於今日（9月23日）向全體校友、同學及教職員公布，校長遴選委員會已向校董會提名現任中大醫學院副院長盧煜明教授為下任中大校長，並定於本星期四（9月26日）下午3時至8時30分舉行交流會（校友時段為下午7時至8時30分）。

盧教授是資深的中大老師，亦是傑出的研究學者，醫學研究上貢獻良多。他於1997年加入中大成為中大人，至今已經有27年之久。他也是善衡書院的成員。

我們一直以來均認為委任一校之長茲事體大，必須充份諮詢各持份者，即全體中大人的意見。我們欣喜校方仍遵循過往中大的一貫做法，在校董會正式通過任命前先舉行交流會，讓中大人能當面親身與（唯一）候選人溝通和互相了解。

要求舉行更多交流會和開放視象交流會

然而，據了解中大校董會計劃於本星期五（9月27日）會議上通過委任，我們認為時間過於倉猝，未免令交流會給人一個「走程序」的觀感，只流於表面和形式。我們建議遴選委員會應舉行更多交流會，以及考慮到眾多校友已移居海外或在海外升學，應增設視像見面會（例如Zoom），讓全球校友均能參與。我們將去信中大校董會表達相關意見。

以人為本 修補嫌隙 進德修業 莫負期許

我們期望下任中大校長，能真正以中大人為本，修補中大人與校方之間的不信任和嫌隙，懸壺中大。同時我們亦期望盧教授能進德修業，行事為人公平正義：一如多位創校先賢、前校長般保持風骨、不向政權財團折腰，竭力保護學生、捍衛中大人的人文精神、文化和傳統；持守程序公義，善待校友、學生和教職員。我們亦期盼盧教授能帶領中大在學術上更上一層樓。

我們鼓勵各校友積極參與本星期四晚的交流會。我們亦將於交流會更深入地了解盧教授的行事態度和對中大未來的願景，共同守護我們的母校。

==

下任香港中文大學校長交流會
日期：9月26日（星期四）
時間：下午3:00至8:30（校友時段：晚上7:00開始）
地點：李兆基樓1樓LT7

如欲出席交流會，請於9月25日（明天）或之前到https://cuhk.qualtrics.com/jfe/form/SV_1M1y2JRx9KdbMSq （見IG story）登記

https://www.instagram.com/p/DAQstVGBU6o/?igsh=MTFheTQyMGp4aDN3MQ==

總結：一埋爛橙中比較冇咁爛

重要消息：如果有在港嘅中大校友有意參選或願意提名人參選，請從速聯絡我哋！

我哋最近留意到中大校友校董一席選舉已經喺到鬼崇咁進行。首先，所謂「選舉公告」只係上載咗喺一個唔知喺邊到先㩒到入去嘅一個中大網站。即使我哋仍每隔一兩日就會收到大學俾校友嘅電郵，冇一封係關於呢件事，可見中大管理層認為一般校友係唔需要知道呢件事。此舉明顯係唔想俾一般校友參選，甚至我哋相信大學已經「內定」咗人選。

唔單止冇正常公佈，幾經辛苦㩒到入去，我哋會見到呢個「選舉」有諸多限制，例如要喺兩星期時間要30個提名嘅實體簽署參選表格，喺大學辦公時間親身交表。呢啲舉動明顯只有一個目的：就係唔俾唔係「自己人」參選。

更甚，呢個選舉（學生、教職員校董選舉都係）同今時今日香港特式民主一樣，當然係有篩選嘅環節，確保入閘嘅人一定要啱佢哋心水。選舉規則佢話：「[Election Committees] shall submit assessment reports to [Election Affairs Committee]
with the order of priority/SCORES/comments for each nominee in the relevant categories.」睇完我都希望大家可以繼續過三爆四！

呢一點要注意嘅係，深圳中大終於全面進場啦！投票當然預埋佢哋啦。

我哋會密切關注事件。如有中大校友想為中大人出一分力，有意參選或願意提名人參選（須實體簽署），請從速聯絡我哋！

最後6️⃣日 一傳十 十傳百🗣️
緊急呼籲⚠️ 拜托各位中大人🙏🏻
中大校董選舉9月16日前登記做選民
https://council-election-convo.cuhk.edu.hk/emailverification/

眾所周知，中大建制（現時校董會+大灣區校友會人）為咗保自己人選到，一直無理(甚至違法：尚在進行司法覆核程序）DQ中大人參選。或許我哋做嘅改變唔到咩大局，但我哋作為中大人深信我哋係唔應該硬食。我哋希望號召足夠人數嘅中大人，用最簡單嘅方法向中大建制說不✋🏻

我哋知道唔少中大人已經登記咗，但係人數上尚未足夠，要知道對家係動員緊一群校友會同深圳中大一車車票咁倒落嚟。我哋現在懇切拜托各位中大人幫手廣傳出去，如果你見到有中大人group係未有呢個訊息，我哋想請你幫手forward呢個訊息。

⚠️ 愈少人登記，指定候選人們就愈高得票率，就愈「眾望所歸」。
⚠️ 指定候選人們需要至少10%登記選民或一千人投票先至有效：只要有足夠中大人登記quorum就唔會低過1,000（愈少人登記個門檻就愈低佢哋就選得愈輕鬆）
⚠️ 如果有候選人願意譴責中大現時不公平嘅制度同承諾為中大人服務，盡力抗爭嘅話，我哋相信大家登記咗嘅都會考慮
⚠️ 至少登記咗喺個總登記人數裡面，就係話比中大建制聽大家仲關心母校，唔接受硬食✋🏻

早前中大本科生校董選舉嘅「唯一」候選人選舉就因投票率只有2.5%而無效。尤記得五年前民主派校友喺「一拖五」授權投票制度下以得票超過六千票勝出。中大未畢業嘅同學仔都得，我哋相信各位畢咗業嘅校友都木可以💪🏿

我哋明白今時今日未必每個場合都適合講我哋上面所講嘅嘢，如果可以嘅話，我哋希望大家轉發我哋完整嘅訊息；如果唔方便嘅，你可以修改下下面嘅中立訊息。我哋認為呼籲中大人登記係無需要透露你嘅立場架（而且指定候選人們都出錢出力動員緊人登記）。（FYI，9月22-23日係投票日，你明啦）

───
⚠️中大校友校董選舉登記做選民9月16日下午5點截止⚠️

請各位關心母校嘅記得登記🥰

https://council-election-convo.cuhk.edu.hk/emailverification/