【登記出席 最後今日】

登記出席會員大會嘅最後期限係今日2月17號下午5點！只要你身邊有中大校友，就拉埋佢登記咗先啦！

我哋已提出一系列議程，會喺會上動議推翻不公選舉、踢走大灣區常委。更重要係我哋會提出修章同奪回兩席校董，根本地解決制度問題！

據我哋所知，截至今日，登記出席嘅人數好少！我哋預計需要至少一千名校友到場支持，先可以將評議會撥亂反正。

今次大會絕對係中大危急存亡之際，若果我哋唔夠人，就等同於確立常委有權揀人入閘，而現屆常委亦肯定會喺會上進一步剝奪校友親身出席同投票嘅權力，有指佢哋會推行「抽籤制」。

我哋緊急呼籲，不論自己能否出席都好，都 #一個拉一個 ，至少叫多一個中大人出席！立即將呢個訊息轉畀你曾經讀過中大嘅親朋戚友、同事、大Omates、細Omates、前roommates、莊員...

二月廿五，逼爆李兆基！

2022會員大會
日期：2月25日（星期六）
時間：下午3點
地點：中大李兆基樓6號演講廳

登記出席：
https://cuhkconvocation.redso.com.hk

===================

由於對家完全掌握出席人數，而我哋就只可以靠估，為更好部署行動，我哋要點人頭，請即加入下面三個通訊群組：

Telegram
https://t.me/cuconvocation2022

WhatsApp
https://chat.whatsapp.com/E6m45fhaDlbIBzulczhmXi

Facebook
https://fb.me/e/2lGLl5By7

我哋希望大家可以幫手行多步🙇🏻‍♂️🙇🏻‍♂️

1️⃣ 直接喺group約咩聚乜聚
2️⃣ 幫手share上面啲template message畀其他校友
3️⃣ 叫人入group我哋要數人數呀

【二月廿五 中大要人】

提提大家，中大校友評議會會員大會將於今個星期六舉行！記得準時到啦！

註：冇登記嘅都可以列席同發言

會員大會：
日期：2月25日星期六
時間：下午2:15分登記
地點：李兆基樓1樓6號演講廳

❗️❗️3:30前入場先有投票權❗️❗️

帶香港身份證、有效旅遊證件或具照片的中大證件就🆗

衛我山城 撥亂反正
- 推翻不義選舉 追究常委責任
- 踢走大灣區常委 奪回校董席位
- 反對剝奪校友會員大會投票權
- 討論校董會改組

我哋統計過下面嘅中大canteen星期六應該係會開嘅，實際有冇開就留意佢哋門口嘅告示啦～

中大canteens
- 李卓敏基本醫學大樓小食店
- 范克廉樓咖啡閣
- 崇基學院教職員聯誼會會所
- 崇基學院學生膳堂
- 李慧珍樓咖啡室
- 蘭苑
- 龐萬倫學生中心咖啡室
- 李慧珍樓清真餐廳
- 聯合書院學生膳堂
- 逸夫書院餐廳
- 晨興書院咖啡閣
- 敬文書院餐廳（冇咗啦）
- 伍宜孫書院學生飯堂
- 伍宜孫書院咖啡店
- 和聲書院WS Pavilion
- 和聲滬軒
- 和聲書院Cafe Tolo
- Café 330
- 39區賽馬會研究生宿舍三座咖啡室
- Inno330

中大school bus
- 2號巴（逢00 15 30 45分開）
- 大會專車（2號巴站附近上）

聽日見！

【常委修章篩選出席會員 可能係最後一次可以出席會員大會】

常委會提出修章引入抽籤方法去決定可出席大會嘅名單，同時規定在會場嘅才有議案投票權，變相賦權常委會可以決定邊個會員可以喺會員大會投票！

現屆常委會向來對會員出席會員大會同投票諸多設限，避免反對聲音嘅出現。今次大會，常委會已首先篩選候選人入閘，亦篩選晒所有會員提出嘅議程，而家佢哋決定連邊個會員可以出席投票都要篩選了。

是次常委修章，喺佢哋已經玩哂嘅情況下，意圖連基本會員權利都剝奪埋，實在完全荒謬。我哋緊急呼籲，今個星期六一齊返中大否決修章議案。

❌ 反對將召開特別會員大會嘅門檻又一百名成員提高至一千名

❌ 反對加入條文「常務委員會可因應會議場地可容納之人數不多於四百五十名及各有關資源及 其他因素去訂定可容許親身出席人數及會議場地， 並在登記出席有關會議人數超出常務委員會所訂定 親身出席之人數上限時，採用抽籤方法去決定可參 與實體會議成員名單。獲抽中親身出席有關會議之 成員才可出席現場會員大會。惟仍須在預定開會時 間半小時內進入會場，始能在會議中有議案投票權。」

會員大會：
日期：2月25日星期六
時間：下午2:15分登記
地點：李兆基樓1樓6號演講廳

❗️3:30前入場先有投票權
❗️帶香港身份證

各位老師早晨！記得3:30前登記入場！

我哋認為通過呢啲報告係對常委會過往一年工作嘅肯定，由於常委會不斷違章濫權，拒絕接納廣大校友嘅聲音，我哋將會動議反對大會通過任何報告，表達廣大校友對今屆常委會嘅態度

根據會議規則第25條(a)「在符合第16A段的規定下，以下程序議案毋須諮詢、討論，及均須出席成員三分二或以上贊成方可通過: (a) 不信任主席議 – 此議案需按第21A段處理。 議案通過後，主席不可在同一會議中再主持 會議。如在同一會議中，主席、副主席、及其他常委分別在擔任主席職責時均被出席成員通過不信任議案，則必須立即散會。」

我哋將提出以下議案：

本會不信任楊于銘先生、張福英女士、梁淑瑜女士、王翠虹女士、吳遠興先生、郭碧蓮女士、黎子豪先生、林偉雄先生、盧子頴先生及鄭志鴻先生。

【一圖看清2月25號到底發生過甚麼事】

前日校友評議會常委會向全體已登記親身出席嘅校友發電郵交待會員大會同選舉一事。為咗令廣大嘅校友同公眾了解當日發生過甚麼事，我哋以下整理咗各出席人士嘅所見所聞。

多名校友不滿常委專橫

常委會主席楊于銘喺下晝三點宣佈召開會議，各常委一直報告直至議程五後接受提問，馮家強校友和另外四名校友質詢常委會拒絕將「校董會改組」一事列入議程嘅原因。馮校友指佢提交了書面動議，強調校友評議會嘅決議對校董會具重大參考價值，不明白常委阻止校友討論嘅原因。楊託辭可以喺議程四「大學校董報告」中討論，但追問下又承認該議程係唔可以表決任何議案。

孫昊賢質疑會議規則第9條行文為「經常委會討論後，可因應實際情況決定如何列入議程。」當中嘅用詞係「如何列入」，並沒有容許常委會否決會員提出討論事項。更甚嘅係常委會提出嘅修章方案，正正就係要改動第9條賦予常委會對會員提案嘅決定權，顯示常委係明知現行章則並無呢項權力。

大比數通過不信任主席議

楊于銘無正面回應校友嘅質疑，拒絕讓會員大會討論校董會改組。孫昊賢遂提出「不信任主席議」，獲多人和議。楊于銘移交主席權予張福英，但張卻以極緩慢節奏「拉布」拖延表決。孫昊賢向張福英重申議案為「本會不信任楊于銘先生。」要求按章立付表決。張福英回應道「唔係本會，係你姐。」喺一眾校友指正下，才最終表示「聽你話啦。」

不信任主席議用咗5分鐘點票，最終以101票贊成，28票反對，8票棄權，壓倒性票數通過。

強行解散會員大會

據目擊證詞，點票一結束，校友事務處處長鄭健文就同張福英交頭接耳，張便宣布「散會」。除葉子健先生外，常委與職員拉大隊走人。保安組主管李永光隨即到場驅趕校友，命令保安逐一拍攝出席者容貌，威嚇校友「唔好阻住我哋做嘢」。期間有人指示報警。

被高票不信任嘅楊于銘為張福英開脫，指控有校友「毫無充分理據」、「表示會逐一向接任會議主席的副主席及所有常委提出不信任動議」為「失控局面及秩序問題」。此乃荒謬絕倫，不自省為何校友對其不信任卻諉過於人。難道不順尊貴嘅常委心意就叫「失控」？

好笑嘅係，呢個籍口顯示佢哋心裡係堅信不信任動議係一定會被通過嘅，佢哋明知自己已經失去廣大校友嘅信任。會員大會上嘅鬧劇，完全侮辱一眾校友山長水遠特意返到中大貢獻嘅心，對校友呼之則來，揮之則去。

嗰班常委自命高人一等，喺佢哋眼中校友係暴民，做嘅嘢就係「毫無充分理據」；佢哋覺得校友唔識思考，就DQ一下對手等自己人自動當選；佢哋覺得校友討論事項冇意義，就DQ埋校友提案；佢哋覺得校友唔聽話乖乖投票畀佢哋，就解散大會吧！

常委會尊橫已經去到無可容忍嘅地步。佢哋視章則同程序公義如無物，視校友如糞土。改選常委議席全憑個人喜好，唔鐘意就留到2023年大會再搞。

我哋嚴正警告楊于銘、張福英、林偉雄、吳遠興、劉鴻昌、盧子穎、郭碧蓮、梁淑瑜、王翠虹、黎子豪、鄭志鴻和校友評議會秘書鄭健文等人，常委會及校友事務處係要服務廣大中大校友，並非你哋自己圍威喂嘅地方。

後續行動
1. 有鑑於大灣區候選人仍是自動當選，將繼續相關司法程序；
2. 我哋已收集足夠簽名，將召開特別會員大會；
3. 我哋會去信校方跟進保安侵犯校友同校友事務處協助常委濫權嘅角色。

我哋好感恩當日眾多校友親身出席。該日嘅票數同一眾常委敗走一事，證明我哋仍有空間去守護中大。我哋係唔會放棄。

最後，我哋在此呼籲一眾常委回頭是岸，憑良心做人，畀返啲曾經喺山城讀書應有嘅風骨出嚟：

一、重啟選舉，並且不得篩選候選人
二、召開會員大會，取消不合理登記限制
三、撤回會員大會「抽籤制」修章方案
四、總辭

IG Post:

https://www.instagram.com/p/CpmOLdYBima/?igshid=YmMyMTA2M2Y=

Facebook Post:

https://www.facebook.com/100090045242194/posts/pfbid0K5K7TGyA2SkLYPo2vZtEi2bHYLwtoT7uhpPWfSdC7FnxqCht7Q2bzLoidt8Xc6EVl/?d=n

Like • Share

日前校友評議會秘書好鬼崇地出咗公告，2023年會員大會將於8月19日舉行，是次會員大會會改選主席和2席常委。我哋希望廣招有志服務母校嘅中大人報名參選，歡迎有興趣報名嘅校友可以聯絡我哋！

想同大家交待返，自今年2月25日現任主席楊于銘被大比數通過不信任主席議後，會員大會被副主席張福英暴力散會後，我哋已經啟動咗法律程序，現在仍然在法援署處理嘅程序中。

我哋亦已收集足夠簽名並已掛號郵遞、傳真、電郵三種方法將召開會議要求書送至校友事務處，現屆常委必須於今年9月8日或之前召開特別會員大會處理2022年DQ等一系列違章問題。

https://www.instagram.com/p/Cug5nOFh14t/?igshid=NTc4MTIwNjQ2YQ==

【緊急招募】7月22日截止。現在緊急呼籲有志服務母校嘅中大人報名參選！

【衛我山城 最後今日】 ‼️今日下晝5點截止投票‼️ 抱歉再打搞大家🙏🏻 我哋懇請各位幫個忙，1️⃣ 電子投票畀我哋嘅候選人李梓龍 Alvin，2️⃣ 行多一步share叫多一個中大人投票🙇‍♂️

選情比我哋想像中嚴峻，公眾反映亦比我哋預想低。今日，我哋更發覺原來常委會已經偷偷地走後門咁開咗畀中大(深圳)嘅畢業生投票，而且，佢哋已經喺牆內動員數以千計嘅中大(深圳)畢業生去支持另一位候選人何啟德大灣區律師。

中大(深圳)畢業生喺牆內動員支持何啟德正正就係因為我哋其中一項政綱：界限分明，保障本校學位價值，全力反對中大(深圳)與本校合併國際排名、反對中大(深圳)畢業生獲得本校學位和取得與本校相同設計的畢業證書、要求校董會確保兩校畢業證書必須有明確分別等。

恐怕若何啟德當選，除咗會修章令DQ候選人變得合法、剝奪校友召開會員大會、出席權、提案權同投票權外，更嚴峻嘅係會讓佢可以有機會以校友校董嘅身份，支持中大同中大(深圳)融合嘅措施。

喺艱難嘅情況下，我哋亦唔能夠確保中大嘅投票系統係公平公正，但我哋仍然希望盡最大努力，寸土必爭，守護屬於我哋嘅中大！所以拜托大家幫幫手！感謝大家🙇‍♂️🙇🏽‍♂️🙇🏻‍♂️🙇🏻‍♂️

==========
【‼️截止投票11/8 5PM‼️】
1️⃣ 立即Click入👇🏿
cuhkconvocation.redso.com.hk
2️⃣ 用@link (1155xxxxx) 登入
3️⃣ 登記「出席」+電子投票
4️⃣ 直接前住電子投票
5️⃣ 票投李梓龍(逸夫/物理)‼️

詳細政綱請留意我哋 IG/FB/TG
@cuconvocation2023

《就遴選委員會提名盧煜明教授出任中大校長聲明》

中大校方於今日（9月23日）向全體校友、同學及教職員公布，校長遴選委員會已向校董會提名現任中大醫學院副院長盧煜明教授為下任中大校長，並定於本星期四（9月26日）下午3時至8時30分舉行交流會（校友時段為下午7時至8時30分）。

盧教授是資深的中大老師，亦是傑出的研究學者，醫學研究上貢獻良多。他於1997年加入中大成為中大人，至今已經有27年之久。他也是善衡書院的成員。

我們一直以來均認為委任一校之長茲事體大，必須充份諮詢各持份者，即全體中大人的意見。我們欣喜校方仍遵循過往中大的一貫做法，在校董會正式通過任命前先舉行交流會，讓中大人能當面親身與（唯一）候選人溝通和互相了解。

要求舉行更多交流會和開放視象交流會

然而，據了解中大校董會計劃於本星期五（9月27日）會議上通過委任，我們認為時間過於倉猝，未免令交流會給人一個「走程序」的觀感，只流於表面和形式。我們建議遴選委員會應舉行更多交流會，以及考慮到眾多校友已移居海外或在海外升學，應增設視像見面會（例如Zoom），讓全球校友均能參與。我們將去信中大校董會表達相關意見。

以人為本 修補嫌隙 進德修業 莫負期許

我們期望下任中大校長，能真正以中大人為本，修補中大人與校方之間的不信任和嫌隙，懸壺中大。同時我們亦期望盧教授能進德修業，行事為人公平正義：一如多位創校先賢、前校長般保持風骨、不向政權財團折腰，竭力保護學生、捍衛中大人的人文精神、文化和傳統；持守程序公義，善待校友、學生和教職員。我們亦期盼盧教授能帶領中大在學術上更上一層樓。

我們鼓勵各校友積極參與本星期四晚的交流會。我們亦將於交流會更深入地了解盧教授的行事態度和對中大未來的願景，共同守護我們的母校。

==

下任香港中文大學校長交流會
日期：9月26日（星期四）
時間：下午3:00至8:30（校友時段：晚上7:00開始）
地點：李兆基樓1樓LT7

如欲出席交流會，請於9月25日（明天）或之前到https://cuhk.qualtrics.com/jfe/form/SV_1M1y2JRx9KdbMSq （見IG story）登記

https://www.instagram.com/p/DAQstVGBU6o/?igsh=MTFheTQyMGp4aDN3MQ==