C++┃CTRL
269 subscribers
3 photos
9 links
Download Telegram
Channel created
Please open Telegram to view this post
VIEW IN TELEGRAM
Channel name was changed to «C++»
Channel photo updated
#السي_بلس_بلس_النظري 💻🔥
C++ | بوابتكم الأولى لعالم البرمجة

📌 رقم المادة: 1731012
🏛️ كلية تكنولوجيا الحاسوب والمعلومات
💻 قسم علوم الحاسوب
⏳ عدد الساعات: 3 ساعات معتمدة

أول خطوة في عالم البرمجة إلها طابع خاص، وC++ هي البداية اللي رح تتعرّفوا من خلالها على طريقة تفكير المبرمجين، وكيف تحوّلوا الأفكار إلى أكواد تنفّذ المطلوب! 🚀

طيب، شو رح تدرسوا بالمادة؟ 🤔

رح تبدأوا من الأساسيات خطوة بخطوة، من كتابة أول كود إلكم، وصولًا إلى التعامل مع البيانات وبناء البرامج البسيطة، ومن أهم المواضيع اللي رح تمرّوا عليها:

🔻 Output & Input: كيف نطبع المعلومات ونستقبل البيانات من المستخدم.

🔻 Variables & Data Types: كيف نخزّن المعلومات، ونتعرّف على أنواع البيانات المختلفة.

🔻 Operators: العمليات الحسابية والمنطقية وكيفية استخدامها داخل البرامج.

🔻 Conditional Statements: الجمل الشرطية مثل "if" و"else"، وكيف نخلي البرنامج يتخذ قرارات بناءً على شروط محددة.

🔻 Loops: الجمل التكرارية مثل "for" و"while"، وكيف نكرّر الأوامر بطريقة صحيحة.

🔻 Arrays: تخزين مجموعة من القيم من النوع نفسه والتعامل معها بسهولة.

?🔻Strings: التعامل مع النصوص والكلمات داخل البرنامج.

وغيرها من المفاهيم الأساسية اللي رح تبني عندكم قاعدة قوية للمواد البرمجية القادمة. ✨

كيف تضمنوا إنكم تمشوا بالمادة صح؟ 🎯

C++ مش مادة حفظ وبس؛ هي مادة بدها فهم وتطبيق، وكل ما مارستوا أكثر، صار التعامل مع الأكواد أسهل.

✔️ تابعوا المحاضرات أولًا بأول، ولا تراكموا المواضيع.

✔️ اكتبوا الأكواد بإيدكم وجرّبوها، حتى لو كانت بسيطة.

✔️ افهموا فكرة الكود قبل ما تحفظوا شكله.

✔️ تدربوا على تتبّع الكود ومعرفة الناتج المتوقع منه (Output).

✔️ اهتموا بالأخطاء البرمجية، لأنها جزء طبيعي من التعلّم، ومنها رح تتطوّروا.

طيب، من وين تدرسوا؟ 📚🔥

جهّزنا إلكم مجموعة من المصادر اللي بتساعدكم تفهموا المادة وتراجعوها، اختاروا الطريقة اللي بتناسبكم وابدؤوا من الأساسيات!

📍 أولًا: شرح CTRL على التليجرام

شرح ومصادر تساعدكم تتابعوا المادة وتراجعوا أفكارها، فكونوا قريبين من القناة حتى تستفيدوا من المحتوى المنشور.

🔗 قناة CTRL:
https://t.me/ctrlyear1

📍 ثانيًا: شرح البراء الورقي

بتفضّلوا الدراسة من الملفات والشرح المكتوب؟ 👀

هذا المصدر مناسب للمراجعة المنظمة، وتثبيت المفاهيم، والتدرّب على الأفكار البرمجية.

🔥 شرح البراء:
https://drive.google.com/drive/folders/1Sb5AeUmUL_5EFFS2TyZTucLKK_6ZR-4J

📍 ثالثًا: شرح ضياء المعالي على اليوتيوب 🎥

إذا كنتوا من جماعة الشرح المرئي، وبتحبّوا تسمعوا الفكرة وتشوفوا تطبيقها خطوة بخطوة، ممكن تستفيدوا من هذه السلسلة أثناء الدراسة والمراجعة.

🔗 قائمة التشغيل:
https://youtube.com/playlist?list=PLc9XNGWlBqi8_5Gpd5E8d7nn1dFogxZ-D&si=LAExNKXXlATD9QB1

💡 نصيحتنا إلكم:
لا تعتمدوا على مشاهدة الشرح فقط؛ افتحوا محرر الأكواد، طبّقوا كل فكرة بنفسكم، وجرّبوا تغيّروا بالكود لتفهموا كيف بتأثر التغييرات على النتيجة. هيك بتكونوا بتبنوا مهارة برمجية حقيقية، مش بس بتستعدّوا للامتحان!

وبتذكّروا دائمًا: كل مبرمج شاطر بدأ بأول سطر كود، ومع الاستمرار والممارسة رح تكتشفوا إن البرمجة أسهل مما بتتخيّلوا.

يلا، جهّزوا حالكم لأول خطوة في عالم البرمجة، وخلي أول سطر كود بداية لشيء أكبر! 🚀

#نقرب_المعلومة_ونصنع_الأثر
#CTRL_TEAM
❤11
C++┃CTRL pinned «#السي_بلس_بلس_النظري 💻🔥 C++ | بوابتكم الأولى لعالم البرمجة 📌 رقم المادة: 1731012 🏛️ كلية تكنولوجيا الحاسوب والمعلومات 💻 قسم علوم الحاسوب ⏳ عدد الساعات: 3 ساعات معتمدة أول خطوة في عالم البرمجة إلها طابع خاص، وC++ هي البداية اللي رح تتعرّفوا من خلالها على…»
السلام عليكم ورحمة الله وبركاته، أهلاً وسهلاً فيكم جميعاً، وربي يعطيكم ألف عافية 🌟

سعيدين جداً إننا رح نكون معاكم وترافقونا خلال هذا الفصل في رحلة تعلم ممتعة ومفيدة. هاي المادة مش مجرد متطلب وبدنا نخلصه، هي أساس مهم رح يطور طريقة تفكيركم، وعشان هيك قررنا نكون معكم خطوة بخطوة، لنضمن إنكم تفهموها وتتمكنوا منها بأفضل وأبسط طريقة ممكنة. 💡

عشان نسهل عليكم ونرتب أفكاركم، جهزنالكم خطة متكاملة بتغطي المادة من الألف للياء:

📌 شو رح نوفرلكم خلال الفصل؟ الشرح رح يكون شامل للجانبين (النظري والعملي/اللاب)، وما رح نترك أي تفصيل إلا ونغطيه من خلال:
📄 ملفات وشروحات (PDF): مرتبة ومكتوبة بطريقة سلسة بتفصل المادة لتدرسوا منها بكل راحة.
💻 فيديوهات توضيحية وتطبيقية: رح نشرح ونطبق فيها الأفكار خطوة بخطوة عشان توصل المعلومة 100% وما يضل عندكم أي نقطة مش واضحة.
📝 أسئلة سنوات وتدريبات: عشان تدربوا إيديكم وتختبروا فهمكم، وتدخلوا على الامتحانات وأنتم واثقين وعارفين نمط الأسئلة.

🌱 ملاحظة مهمة جداً (عملنا خالص لوجه الله): حابين نأكد إنه كل هذا الجهد والوقت هو خالص لوجه الله تعالى. ما رح نبيع أي إشي ولا رح يكون في أي مقابل مادي، وكل الشروحات والملفات والفيديوهات رح تكون متاحة للجميع ومجانية بالكامل بإذن الله. هدفنا الوحيد هو إفادتكم ومساعدتكم.

📍 وين رح نتابع الشرح؟ عشان ما تتشتتوا وتضيعوا بين الروابط، هاي القناة رح تكون هي المكان الموحد والمرجع الأساسي اللي رح ننشرلكم عليه كل شغلنا وتحديثاتنا أول بأول. خليكم متابعين معنا هون وما رح تحتاجوا تدوروا بمكان ثاني.

بنتمنالكم فصل مليان إنجاز ونجاح، وبإذن الله فالكم العلامة الكاملة والـ (A+) جميعاً! 🚀💪
بداية موفقة وحماسية يا رب، وكل التوفيق!
🔥12❤6❤‍🔥1
يعطيكم ألف عافية جميعاً 🌟


بداية الغيث قطرة، وانطلاقتنا الفعلية بالمادة صارت جاهزة!

بحمد الله، نشرنالكم الشابتر الأول بالكامل 🚀


وزي ما خبرناكم، وفرنالكم الشرح على شكلين:

📹 فيديو تطبيق وشرح: بنمشي فيه معكم خطوة بخطوة.

📄 ملف (PDF): مرتب، منسق، ومريح جداً للدراسة والمراجعة.


💡 كيف مستوى الشرح؟

حطينا فيه خلاصة تعبنا عشان نقدملكم إياه بأفضل وأرقى صورة ممكنة. الشرح بفضل الله متعوب عليه جداً؛ حرصنا إنه يكون بسيط، سلس، وبوصل الفكرة بأسهل طريقة بدون أي تعقيد عشان تبنوا أساس قوي، لكنه بنفس الوقت شامل وما بفوّت ولا أي تفصيل أو فكرة صغيرة ممكن تمر عليكم بالامتحان.


يعني باختصار: ادرسوه، اعتمدوه، وادخلوا الامتحان وأنتم مطمنين ومجهزين للعلامة الكاملة! 💪


📥 تفضلوا الروابط:

🔹 رابط فيديو الشابتر الأول:
https://www.youtube.com/watch?v=sv8YTZzjBno&list=PLIp1fDp442b0&index=1

🔹 رابط ملف الـ PDF:
https://drive.google.com/drive/folders/1PzFccUKIqgx4ddRiVzM43GweCEQd47EJ


بلشوا فيه أول بأول وما تخلوا المادة تتراكم عليكم، واحكولنا رأيكم لأنه بيهمنا.. وإحنا معكم وجاهزين لأي استفسار.


فالكم الفل مارك والـ (A+) يا رب! 🔥
❤7🔥6⚡1❤‍🔥1
بعد ما بدأنا بشرح المادة، صار وقت التطبيق العملي 💻🔥
نبشركم إنه تم نشر شرح اللاب الأول لمادة مقدمة في البرمجة.

الشرح مجهز بأسلوب خفيف وبسيط عشان تدخلوا اللاب وأنتم واثقين ومتمكنين وتطبقوا اللي تعلمتوه بكل سهولة.

رابط شرح اللاب:
https://www.youtube.com/watch?v=1i_vn4BRIzI&list=PLECJzB3NMMjk&index=1

لا تنسوا تشاركوا الشرح مع زملائكم حتى الكل يستفيد ❤️
🔥11❤2
عشان نضل معكم خطوة بخطوة وما يضل عندكم أي سؤال أو استفسار 💬

عملنالكم جروب مفتوح خاص بالمادة، بتقدروا من خلاله تتابعوا الشرح وتطرحوا كل أسئلتكم واستفساراتكم، ورح نكون موجودين لمساعدتكم والإجابة عليها أول بأول. 🤝

👇 رابط الانضمام للجروب:

https://t.me/+_kB75ly1EYk1ZWE0

بانتظاركم هناك، ولا تترددوا تسألوا عن أي شيء مو واضح! ❤️
🔥8❤5
مستمرين معكم بقوة وبدون توقف! 💪🔥

بعد ما حطينا الأساس الصح في الشابتر الأول واللاب الأول، صار الوقت نتعمق أكثر بمادة C++.

نبشركم إنه تم نشر شرح الشابتر الثاني بالإضافة إلى اللاب الثاني! 🥳

مهما حسيتم إن المادة بدأت تكبر، مع فريق CTRL رح تضل أسهل وأوضح، لأننا بنمشي معكم خطوة بخطوة عشان تبنوا أساس برمجي قوي وممتاز وتطبقوا اللي بتتعلموه عملياً في اللابات. 👨‍💻👩‍💻

📌 كل الروابط اللي بتحتاجوها هون:

📺 رابط شرح الشابتر على اليوتيوب:
https://www.youtube.com/watch?v=nUe2E8Wpx5w&list=PLIp1fDp442b0&index=2

📺 رابط شرح اللاب على اليوتيوب:
https://www.youtube.com/watch?v=wJyCL1jnreQ&list=PLECJzB3NMMjk&index=2

📁 رابط ملفات الشرح :
https://drive.google.com/drive/folders/1PzFccUKIqgx4ddRiVzM43GweCEQd47EJ

💡 نصيحة: لا تراكموا على حالكم، وابدأوا بالدراسة أول بأول.

🔄 ابعثوا رابط القناة لزملائكم وخلوهم ينضموا حتى الكل يستفيد ❤️:
https://t.me/ctrlyear1


#نقرب_المعلومة_ونصنع_الأثر || #CTRL_Team
🔥6❤5
إعلان هام لطلبة مساق مقدمة في البرمجة

أعزائي الطلبة،
نود إعلامكم بعقد لقاء تعريفي هام اليوم السبت في تمام الساعة 7:00 مساءً عبر منصة (Microsoft Teams).

*محاور اللقاء:*
- التعريف بمسابقات البرمجة وفريق (JUST ACM) وإنجازات جامعة العلوم والتكنولوجيا فيها.
- آلية استخدام منصة (Codeforces) والمشاركة في المسابقات.
- الطرق الصحيحة للاستمرار في التدريب وتطوير المستوى.
- أهمية الاعتماد على النفس وتجنب استخدام الذكاء الاصطناعي (AI) أثناء التدريب والمسابقات.

يرجى من الجميع الحرص على الحضور لأهمية الموضوع، ويمكنكم الانضمام عبر الرابط التالي:
https://teams.microsoft.com/meet/3287496318267915?p=kGmMJk1jG4OqFcQbS0
تمنياتي لكم بالتوفيق.
❤9
Channel name was changed to «C++┃CTRL»
وصلنا للاب الثالث. والبرمجة صارت أحلى وأمتع

عشان التطبيق العملي هو اللي بثبّت الفهم، فريق CTRL TEAM رجعلكم بشرح جديد لمادة مقدمة في البرمجة.

نزل الآن شرح اللاب الثالث وبأسلوبنا المعتاد اللي ببسّط المعلومة وبخليك تدخل اللاب فاهم شو بتعمل ومستعد لأي سؤال 💡

👇 كل الروابط اللي بتلزمك لمتابعة الشرح موجودة هون:

📺 رابط شرح اللاب الثالث على اليوتيوب:

https://www.youtube.com/watch?v=Eg1yz5G066o&list=PLECJzB3NMMjk&index=3

💬 جروب الأسئلة والنقاشات المفتوح:

https://t.me/+_kB75ly1EYk1ZWE0

📁 ملفات الشرح (Drive):

https://drive.google.com/drive/folders/1PzFccUKIqgx4ddRiVzM43GweCEQd47EJ

ابعث الرسالة لصاحبك اللي معك باللاب وابدأوا دراسة أول بأول ❤️:

https://t.me/ctrlyear1

#نقرب_المعلومة_ونصنع_الأثر || #CTRL_Team
🔥7❤3