ဆံရှည်မင်းသမီးလေး ၂ (၂၀၁၂)

ဒီဇာတ်လမ်းတိုလေးက အရင် တန်ဂယ်လ် ကားလေးရဲ့ အဆက်ပဲဖြစ်ပါတယ်။ ပထမကားမှာ ရာပွန်ဇယ် နဲ့ ယူဂျင်း တို့ ချစ်သူတွေဖြစ်သွားကြပေမဲ့ လက်မထပ်ရသေးပါဘူး။ ဒီဇာတ်လမ်းတိုလေးကတော့ သူတို့နှစ်ယောက်ရဲ့ လက်ထပ်ပွဲအကြောင်းလေးကို ထပ်မံဖြည့်စွက် ရိုက်ကူးထားတာလေးပါ။ ကြည်နူးစရာကောင်းပြီး ရာပွန်ဇယ် ရဲ့ တောက်တဲ့လေးနဲ့ မြင်း မက်စီမက်စ် တို့ နှစ်ကောင်ရဲ့ အလွဲလေးတွေ၊ စွန့်စားခန်းတွေကို ဟာသအနေနဲ့ ကြည့်ရှုရမှာဖြစ်ပါတယ်။ ပြသချိန် ခြောက်မိနစ်ခွဲလောက်ပဲ ကြာပေမယ့် ကြည်နူးစရာကောင်းတဲ့ ဒီဇာတ်လမ်းတိုလေးဟာ ကြည့်ရကျိုးနပ်လိမ့်မယ်လို့ ယုံကြည်ပါတယ်။ ခံစားအားပေးကြပါဦး။

t.me/cartoonmoviesmms/1890

မြေခွေးလေး နှင့် မုဆိုးမ (၁၉၈၁)

အမေဖြစ်သူ မုဆိုးလက်ချက်နဲ့ ဆုံးပါးသွားပြီးနောက် မိဘမဲ့ဖြစ်သွားတဲ့ မြေခွေးပေါက်လေးတစ်ကောင် တော့ဒ် ကို မုဆိုးမကြီး တွိဒ် က မေတ္တာထားပြီး မွေးစားပေးခဲ့ပါတယ်။ အဲဒီလိုပဲ အိမ်နီးချင်း မုဆိုးကြီး အေမိုစ့် စလိတ် ကလည်း ကော့ပါး လို့ အမည်ရတဲ့ အမဲလိုက်ခွေးလေးတစ်ကောင်ကို မွေးထားပါတယ်။ ငယ်စဉ်ဘဝမှာ တော့ဒ် နဲ့ ကော့ပါး တို့ဟာ မျိုးနွယ်အကြား ရန်ငြိုးမသိဘဲ လွတ်လပ်ပျော်ရွှင်စွာ ဆော့ကစားကြပြီး အမြဲတမ်း သူငယ်ချင်းကောင်းများဖြစ်ကြဖို့ ကတိပေးခဲ့ကြပါတယ်။ ဒါပေမဲ့ အမဲလိုက်ရာသီရောက်လာတဲ့အခါ ကော့ပါး ဟာ မုဆိုးကြီးနဲ့အတူ တောထဲသို့ ထွက်သွားပြီး အမဲလိုက်ခွေးအဖြစ် လေ့ကျင့်ခံရတဲ့အခါမှာ သူတို့နှစ်ဦးကြား အခြေအနေတွေ စတင်ပြောင်းလဲလာပါတယ်။ နွေဦးပြန်ရောက်ချိန်မှာ ကော့ပါး ပြန်လာရာ တော့ဒ် လည်း အရွယ်ရောက်နေပြီး သူငယ်ချင်းနှစ်ဦးဟာ မလွဲမရှောင်သာ ရန်သူဖြစ်လာကြပါတယ်။ တစ်ဦးဟာ မုဆိုးရဲ့ ခွေး၊ နောက်တစ်ဦးဟာ အမဲလိုက်ခံရမယ့် မြေခွေးဖြစ်လာတဲ့အခါ၊ သူတို့ရဲ့ တာဝန်နဲ့ သဘာဝကြောင့် ဖြစ်ပေါ်လာတဲ့ တိုက်ပွဲများနှင့် စွန့်စားခန်းများအတွင်း တော့ဒ် နဲ့ ကော့ပါး တို့ဟာ သူငယ်ချင်းဘဝကတိသစ္စာကို အမှန်တကယ် ထိန်းသိမ်းနိုင်မလား၊ ဒါမှမဟုတ် ပတ်ဝန်းကျင်ရဲ့ ဖိအားနှင့် ဇာတိသဘာဝအောက်မှာ ခင်မင်ရေးကို စွန့်လွှတ်လိုက်ရမလားဆိုတာကို စိတ်လှုပ်ရှားစွာ ကြည့်ရှုရမည့် ဇာတ်လမ်းကောင်းတစ်ပုဒ်ဖြစ်ပါတယ်။

t.me/cartoonmoviesmms/1892

ပိုကီမွန် - ဂျီရာချီ နှင့် ဆုတောင်းဖြည့်သူ (၂၀၀၃)

ဒီတစ်ခါတော့ အက်ရှ် နဲ့ ပီကာချူး တို့အပြင် သူငယ်ချင်းတွေဖြစ်တဲ့ မေ ၊ မက်စ် နဲ့ ဘရော့ခ် တို့ဟာ ထူးခြားတဲ့ “ထောင်စုနှစ် ဥက္ကာပျံ” ပေါ်လာချိန်နဲ့ တိုက်ဆိုင်ပြီးကျင်းပတဲ့ ကြီးကျယ်ခမ်းနားသော ပွဲတော်ကြီးတစ်ခုဆီသို့ ရောက်လာကြပါတယ်။ အဲ့ဒီပွဲတော်မှာ သူတို့ဟာ နှစ်တစ်ထောင်မှာ တစ်ကြိမ်ပေါ်လာပြီးဆုတောင်းသုံးခုကို ဖြည့်ဆည်းပေးနိုင်တယ်ဆိုတဲ့ ဒဏ္ဍာရီလာ ပိုကီမွန် “ဂျီရာချီ ” နဲ့ တွေ့ဆုံခွင့်ရလာပါတယ်။ အထူးသဖြင့် အဖွဲ့ထဲက အငယ်ဆုံးဖြစ်တဲ့ မက်စ် ဟာ ဂျီရာချီ လေးနဲ့ အလွန်ရင်းနှီးသွားပြီး ခင်မင်သော သူငယ်ချင်းများ ဖြစ်သွားကြပါတယ်။ ဒါပေမဲ့ ပွဲတော်ကို ဦးဆောင်ကျင်းပနေတဲ့ မျက်လှည့်ဆရာကြီး ဘတ္တလာ ကတော့ ဂျီရာချီ ရဲ့ အံ့ဖွယ်စွမ်းအားကို အသုံးချပြီး သူ့ရဲ့ ကြီးမားတဲ့ ရည်ရွယ်ချက်တစ်ခုကို အကောင်အထည်ဖော်ဖို့ ကြံစည်နေပါတယ်။ အဲ့အခါမှာ အက်ရှ် တို့သူငယ်ချင်းအဖွဲ့ဟာ ဂျီရာချီ ကို ဘတ္တလာ ရဲ့ အကြံအစည်ဆိုးကနေ ကာကွယ်ရင်း၊ ဂျီရာချီ ကို ဘေးမသိရန်မခ ပြန်သွားနိုင်ဖို့ ကူညီရမည့် စွန့်စားခန်းကြီးတစ်ခုကို ရင်ဆိုင်လာကြပါတယ်။

t.me/cartoonmoviesmms/1894

ရေခဲမကောင်းဆိုးဝါးကြီး (၂၀၀၅)

ဒူဂယ် ဆိုတဲ့ ခွေးလေးဟာ အဝိုင်းရွာမှာ နေနေတဲ့ ခွေးလေးတစ်ကောင်ဖြစ်ပြီး သူ့သခင်ကတော့ ဖလောရန့်စ် ဖြစ်ပါတယ်။ သူက အချိုအရမ်းကြိုက်တတ်ပြီး အချိုမစားရရင် မနေနိုင်အောင် ဖြစ်နေသူပါ။ တစ်နေ့မှာ သကြားလုံးရောင်းတဲ့ လူဆီက သကြားလုံးတွေ စားဖို့ ကြံရင်းနဲ့ အလွဲအချော်တွေဖြစ်သွားပြီး ကလေးတွေကစားနေတဲ့ ဆုံလည်မြင်းကြီး ပျက်သွားပါတော့တယ်။ အဲ့ဒီအချိန်မှာပဲ အဲ့ထဲမှာ ပိတ်လှောင်ထားခြင်းခံနေရတဲ့ ရေခဲမကောင်းဆိုးဝါး ဇီးဘတ် လွတ်မြောက်လာပြီး ဖလောရန့်စ် အပါအဝင် ကလေးတွေကို ဆုံလည်မြင်းထဲမှာ အေးခဲနေအောင် ပိတ်ထားလိုက်ပါတယ်။ ဇီးဘတ် ရဲ့ အကြံအစည်ကတော့ နေကို ခဲအောင်လုပ်ပြီး တစ်ကမ္ဘာလုံးကို သူ့စိတ်ကြိုက် ရေခဲတွေနဲ့ ဖုံးလွှမ်းချင်တာပါ။ သူ့ကို တားဖို့အတွက် ရွာရဲ့ သူရဲကောင်း ဇစ်ဘဒီ လည်း ကြိုးစားပေမဲ့ အောင်မြင်မလာသဖြင့် ဒူဂယ် နဲ့ သူ့သူငယ်ချင်း တိရစ္ဆာန်လေးတွေရဲ့ အကူအညီလိုအပ်လာပါတော့တယ်။ ဇီးဘတ် ရဲ့ အကြံအစည်အောင်မြင်ဖို့ လိုအပ်တဲ့ မှော်စိန်သုံးလုံးကို မရနိုင်အောင် ဒူဂယ် နဲ့ သူ့သူငယ်ချင်းတွေ ဘယ်လို တားဆီးမလဲဆိုတာကို စိတ်လှုပ်ရှားဖွယ် ခံစားကြည့်ရမှာ ဖြစ်ပါတယ်။

t.me/cartoonmoviesmms/1896

Doc-tor Elise: The Royal La-dy with the La-mp [ Gekai Elise ] (2024)

Genres - Comedy, Fantasy, Romance

ဆုံးဂျီဟျွန် ဆိုတဲ့ ကောင်မလေးဟာ ခွဲစိတ်ဆရာဝန်လောကမှာ ဘယ်လိုအခြေအနေဖြစ်ဖြစ် လူနာတွေကို ကယ်တင်နိုင်တဲ့ စွမ်းရည်နဲ့ ပြောင်မြောက်လှတဲ့ ခွဲစိတ်မှုတွေကြောင့် နာမည်ကြီးသူတစ်ယောက်ဖြစ်ပါတယ်။ ဒါပေမဲ့ သူ့မှာလျှို့ဝှက်ချက်တစ်ခုရှိပါတယ်။ အဲ့ဒါကတော့ သူဟာ အရင်ဘဝတုန်းက အယ်လိစ် ဒေ ကလိုရန်စ် ဆိုတဲ့ နာမည်ရှိတဲ့ အမျိုးသမီးဖြစ်ပြီး ဘုရင်ရဲ့ အကျင့်မကောင်းတဲ့ မိဖုရားတစ်ပါးပါ။ လူတစ်ယောက်ကို ချစ်မိလို့ အမှားတွေလုပ်မိခဲ့ပြီး အဲ့အမှားတွေကြောင့် ဘေးနားက ချစ်ရတဲ့ မိသားစုဝင်တွေကိုပါ ဆုံးရှုံးခဲ့ရတာကြောင့် နောင်တတွေနဲ့ သေသွားခဲ့သူဖြစ်ပါတယ်။ ဒါကြောင့် ဒုတိယဘဝမှာ သူဟာ ခွဲစိတ်ဆရာဝန်အဖြစ် လူတွေကို တတ်နိုင်သလောက် ကယ်နေခဲ့တာဖြစ်ပါတယ်။ ဒါပေမဲ့လည်း လေယာဉ်နဲ့ ခရီးသွားနေစဉ် လေယာဉ်ပျက်ကျမှုကြောင့် သေဆုံးခဲ့ပါတယ်။ သေသွားပြီးနောက် ပထမဘဝက အမှားတွေ မဖြစ်သေးသည့် အချိန်သို့ ပြန်ဝင်ရောက်လာခဲ့ပြီး အယ်လိစ် အဖြစ် ထပ်မံအသက်သွင်းခံခဲ့ရပါတယ်။ အယ်လိစ် ဟာ အရင်ဘဝက လုပ်မိခဲ့တဲ့ အမှားတွေကို နောက်တစ်ခေါက် မလုပ်ဖို့ ဆုံးဖြတ်ခဲ့ပြီး ဒုတိယဘဝ ဆရာဝန်ဖြစ်စဉ်အတွင်း ရရှိခဲ့တဲ့ ဆေးပညာတွေကို အသုံးချကာ သက်ရှိသူများကို ကယ်တင်ဖို့ စတင်ကြိုးပမ်းသွားခဲ့ပါတယ်။

t.me/clzsr/6383

ဆရာလေးနှင့်သူ၏ထူးခြားဆန်းပြားနည်းစနစ်များ

ဒီတစ်ခါ အားလုံးအတွက် မိတ်ဆက်ပေးမှာက ဟယ်ရီပေါ်တာ ထဲကလို မှော်ကျောင်းတစ်ခုအကြောင်းပါ။ Hogwarts မဟုတ်တာလေး တစ်ခုတော့ရှိတာပေါ့။ အဲဒါကတော့ ဒစ်စနီ ထဲက ဗီလိန်တွေကို အဆင်ဗားရှင်းနဲ့တွေ့ရမဲ့ ဗီလိန်များရဲ့ မှော်ကျောင်းတော်ကြီးပါပဲ။

အဲဒီကမ္ဘာကို ကိုယ်တို့ MC Kendo ကစားသမားလေး Yuu ကရောက်သွားပါတော့တယ်။ အိမ်ကိုပြန်လို့မရတော့ ကျောင်းမှာ တောက်တိုမယ်ရ လုပ်ရင်းနဲ့ စည်းကမ်းထိန်းသိမ်းရေးမှူး ဖြစ်လာတဲ့အခါမှာ မှော်မတတ်တဲ့ Yuu တစ်ယောက် ဒစ်စနီ ထဲကနာမည်ကြီး ဗီလိန်တွေကို ဘယ်လိုကိုင်တွယ်မလဲ သူတို့တွေအမှောင်ဘက်မရောက်အောင် ဘယ်လိုတားဆီးမလဲ

"မေးစရာရှိတာက ဗီလိန်တွေ ဘာလို့ ဒီလောက်ချောရတာလဲ" မေးပေးဦး😂

t.me/animeseriesmyanmar/2814

ကမ္ဘာသစ်ရဲ့ သုညဒီဂရီ

အပိုင်းသစ် ၆

t.me/+2ne5BTdS06hmYjU1

ကြယ်ကလေးရဲ့ချစ်ပုံပြင်

အပိုင်းသစ် ၆

t.me/+1UHRCK4f_WBiMDI9

ကြမ္မာဖန်တဲ့ထိုရေစက်

အပိုင်းသစ် ၆

t.me/+fDA5eJnfBWMzZDM1

ရှိုးတိုးရှန့်တန့် ရင်ခုန်သံ

အပိုင်းသစ် ၆

t.me/+2_CGpmUv0VkwNjg1

မွေထိုင်းဘုရင် (၂၀၁၈)

ဒေဝယက္ခ ဟာ တန်ခိုးခွန်အားအလွန်အင်မတန်ကြီးတဲ့အတွက် သာမန်လူသားတွေ အနေနဲ့ မလွန်ဆန်နိုင်တာမို့ ရာမသန်နာခွန်တပ်တော် ဟာ စစ်ရှုံးခဲ့ရပြီးပြည်သူပြည်သားများလည်း ဒုက္ခအတိရောက်ခဲ့ရပါတယ်။ ဒေဝယက္ခ ကို တော်လှန်နိုင်မယ့် ဟောကိန်းတစ်ခုလည်း မွေးဖွားလာခဲ့ပါသည်။ နက္ခတ်ကောင်းတို့ စုစည်းချိန်မှာ မွေးဖွားမယ့် ကလေးဟာ မွေထိုင်းပညာနဲ့ လက်နက်တော် ကိုးပါးကို အသုံးပြုပြီး ဒေဝယက္ခ ကို ကျရှုံးအောင် တော်လှန်မယ်ဆိုတာပဲ ဖြစ်ပါတယ်။ ဒီဟောကိန်းအမှန်တကယ် မဖြစ်လာဖို့အတွက် ဒေဝယက္ခ ဟာ မွေထိုင်းကျောင်းတော်တိုင်းကို ဖျက်ဆီးပြီး နက္ခတ်ကောင်းတို့ စုစည်းချိန်မှာ မွေးတဲ့ ကလေးတိုင်းကို ဖမ်းဆီးကာ ထောင်သွင်းအကျဥ်းချထားပါတယ်။ ပြီးတော့ မှော်ဝင် လက်နက်တော်ကိုလည်း ရှာဖွေကာ ဖျက်ဆီးဖို့ ကြံပါတော့တယ်။ သို့ပေမဲ့ ရာမသန်နာခွန်ပြည့် ရဲ့ တော်ဝင်စစ်သူကြီး ပန် ဟာ မှော်ဝင် လက်နက်တော်နဲ့ ကလေးငယ်တစ်ယောက်ကို ခေါ်ဆောင်ကာ အဝေးတစ်နေရာကို တိမ်းရှောင်သွားခဲ့ပါတယ်။ ဒါကတော့ ဒဏ္ဍာရီလေးရဲ့ နိဒါန်းပဲ ဖြစ်ပါတယ်။ ဒီလိုနဲ့ နှစ်ပေါင်းများစွာအကြာမှာ ဒေဝယက္ခ ကို စိန်ခေါ်မယ့် မွေထိုင်းပညာရှင်လေးက ဘယ်သူဖြစ်မလဲ၊ လက်နက်တော် ကိုးပါးကို အသုံးချပြီး ဘယ်လို အနိုင်ယူတော်လှန်သွားမလဲဆိုတာကို ဆက်လက် ကြည့်ရှုခံစားရမယ် ဖြစ်ပါတယ်။

t.me/hanacartoons/7539

အရီယက်တီ ရဲ့ လျှို့ဝှက်ကမ္ဘာလေး (၂၀၁၀)

အိမ်ထောင်ကွဲမိသားစုတစ်စုရဲ့ အပစ်ပယ်ခံဖြစ်တဲ့ နှလုံးရောဂါသည် ကောင်လေး ရှို ဟာ သူ့ရဲ့ ရောဂါခွဲစိတ်မှု မပြုလုပ်ခင် အနားယူနိုင်ရန် အမေငယ်စဉ်ကနေထိုက်ကြီးပင်ခဲ့တဲ့ သူ့အဖွားလေးဖြစ်သူ အန်တီ ဆာဒါကို နဲ့ အိမ်ထိန်းမိန်းမကြီး ဟာရု တို့အိမ်သို့ ခဏကာလအနေနဲ့ ပြောင်းရွှေ့လာရာမှ အစပြုပါတယ်။ အိမ်ကြီးရဲ့မြေအောက်ရှိ အိမ်လေးထဲတွင်လည်း လက်မအရွယ်လောက်ရှိတဲ့ ဆယ်လေးနှစ်အရွယ် မိန်းမလေး အရီယက်တီ ဟာ မိဘနှစ်ဦးနဲ့အတူ နေထိုင်နေပါတယ်။ အရီယက်တီ တို့မိသားစုဟာ သူတို့ကိုယ်သူတို့ “ချေးငှားသူများ” ဟု အမည်တွင်ထားပြီး ညအချိန်တွင် လူနေအိမ်များသို့ဝင်ကာ အိမ်သုံးပစ္စည်းများကို ချေးယူယူဆောင်လေ့ရှိပေမဲ့ ယူသွားသော ပစ္စည်းများသည် လူများအတွက် နစ်နာမှုမရှိနိုင်သော ဆား၊ သကြား တစ်ပွင့်နှစ်ပွင့်၊ တွယ်ချိတ်စသည်ဖြစ်ပါသည်။ တစ်ညမှာတော့ အရီယက်တီ ဟာ ပထမဆုံး ချေးငှားခြင်း စလုပ်သည့်ညတွင် ရှို ရဲ့ အခန်းထဲမှ တစ်ရှူးတစ်ခု ယူရာတွင် မတော်တဆ ရှို မြင်တွေ့သွားရာမှ အဖြစ်အပျက်များစတင်ပေါ်ပေါက်လာပါသည်။ ရှို နဲ့ အရီယက်တီ တို့ ဘယ်လို ရင်ဆိုင်ကြမလဲ၊ ဘယ်လို အခက်အခဲတွေ ကြုံလာရမလဲဆိုတာ စိတ်ဝင်စားဖွယ် အနာဂတ်တွင် ဆက်လက်ကြည့်ရှုရမည် ဖြစ်ပါတယ်။

t.me/cartoonmoviesmms/1898

ကျောင်းတွင်းအနိုင်ကျင့်မှုများ (၂၀၁၁)

ကျောင်းအတွင်းမှာ အားကြီးသူက အားနည်းသူကို အနိုင်ကျင့်နေကြတဲ့ Bully case တွေကြောင့် စာသင်ကြားရေးဘဝအပေါ် သက်ရောက်မှုများစွာဖြစ်ပေါ်နေကြသည့်အချိန်တွင် အောင့်အီးသည်းခံနေတတ်တဲ့ အငိုသန်သူ ဂုဏ်ပုဒ်ရ ဟွမ်ယောင်မင်း ဟာ အထူးအသားပေးဇာတ်ကောင်တစ်ဦးအဖြစ် ပေါ်ပေါက်လာပါသည်။ ဟွမ်ဂယောင်မင်း နဲ့အတူ မူလတန်းတည်းက စာဖက်သူဖြစ်လာခဲ့သူ ဂျောင်ဂျုံဆော့ နဲ့ သူတို့ကြားသို့ ဝင်ရောက်လာသူ လောကကြီးကို အရွဲ့တိုက်တတ်တဲ့ ငချွတ်လေး ဂင်ချောလ် တို့ သုံးဦးက သက်ဆိုင်သူအားလုံးရဲ့ နာကျင်မှုများအပြင် Bully case များကို ဘယ်လိုဖြေရှင်းကြမလဲဆိုတာ စိတ်ဝင်စားဖွယ် ဆန်းသစ်မှုတွေနဲ့ ရင်ဆိုင်ကြရမည် ဖြစ်ပါတယ်။ အဲဒီကိစ္စရပ်ကြောင့် လောကဓံရဲ့ ရိုက်ခတ်မှုဒဏ်တွေကို သုံးဦးစလုံးဘယ်လို ခံစားကြမလဲဆိုတာကို စောင့်ကြည့်ခံစားရမယ့် ဇာတ်ကားကောင်းလေးပဲ ဖြစ်ပါတယ်။

t.me/cartoonmoviesmms/1900

နီမိုလေးရဲ့ စွန့်စားခန်း (၁၉၈၉)

ကလေးတိုင်းမှာ စိတ်ကူးအိမ်မက်ကိုယ်စီရှိကြပါတယ်။ ယခုဇာတ်လမ်းလေးထဲမှာတော့ ကောင်လေးတစ်ယောက်ရဲ့ ဆန္ဒတွေ ပြည့်ဝသွားခဲ့ပေမဲ့ ကိုယ်ဖြစ်ချင်သလို ဖြစ်လာတာနဲ့အတူ အကောင်းဘက်တစ်ဖက်ကအရာတွေသာမက မပြောလိုက်ရအောင် အနုတ်ဘက်တွေလည်း တစ်ပြိုင်တည်းဖြစ်လာနိုင်ကြောင်းကို ပညာပေးဖော်ပြထားပါတယ်။ သူစိတ်ကူးယဉ်ထားတဲ့ ကမ္ဘာလေးကို ပထမဆုံး စရောက်စဉ်မှာတော့ အတော်လေး ဝမ်းမြောက်ပျော်ရွှင်နေခဲ့ပေမဲ့ သူလက်ရှိနေလာတဲ့ ကမ္ဘာအစစ်အတွက် အန္တရာယ်ကျရောက်လာချိန်မှာတော့ ဘယ်လိုကမ္ဘာမျိုးကို သူရွေးချယ်သွားမလဲ၊ စိတ်ကူးယဉ်ကမ္ဘာလား ဒါမှမဟုတ် လက်တွေ့ကျတဲ့ကမ္ဘာလားဆိုတာကို စိတ်ဝင်စားဖွယ် ရင်တထိတ်ထိတ်နဲ့ ကြည့်ရှုခံစားရမည့်ဇာတ်လမ်းကောင်းလေးပဲ ဖြစ်ပါတယ်။ စိတ်ကူးအိမ်မက်ဆိုတာ ထားရှိသင့်တာဖြစ်ပေမဲ့ မဖြစ်နိုင်တာတွေကို မတောင်းတနဲ့ မလိုချင်သင့်ကြောင်း၊ ဘဝဟာ အိပ်မက်နဲ့လက်တွေ့ကြားမှာ ဘယ်လိုညှိနှိုင်းနိုင်မလဲဆိုတဲ့ သင်ခန်းစာတန်ဖိုးအပြည့်နဲ့ ပြသပေးထားတဲ့ ဇာတ်လမ်းဖြစ်ပါတယ်။

t.me/cartoonmoviesmms/1902