အောင်မြင်ခဲ့သော အချိန်လေးများ (၂၀၂၄)

ကျောင်းသားလေး ကနာတာ အာဆာရာ ဟာ သီချင်းဗီဒီယိုတွေကို ဖန်တီးချင်တဲ့ သူ့ရဲ့ အိပ်မက်ကိုလောလောလတ်လတ် ရှာဖွေတွေ့ရှိထားသူပါ။ သူကြိုက်တဲ့ ရှုခင်းလေးတွေကို ရိုက်ထားတတ်ပြီး ကြိုက်တဲ့ သီချင်းလေးတွေကို ပေါင်းစည်းကာ သီချင်းဗီဒီယိုတွေ ဖန်တီးရတာကို ဝါသနာပါသူတစ်ယောက်ပေါ့။ တစ်နေ့မှာတော့ ကျောင်းပွဲတော် ကြော်ငြာဗီဒီယိုလုပ်ဖို့ ဝါသနာအိုးလေး ကနာတာ ကို သူငယ်ချင်းတွေက အကူအညီတောင်းလိုက်ပါတယ်။ ကနာတာ တစ်ယောက် သီချင်းဗီဒီယိုအတွက် အကိုးအကားရှာဖို့ ခြေဦး တည့်ရာ လျှောက်သွားရင်း လမ်းဘေး တစ်နေရာ မိုးရွာထဲမှာ ခံစားချက်အပြည့်နဲ့ ဂစ်တာတီးပြီး သီချင်းဆိုနေတဲ့ မိန်းမငယ်လေးတစ်ယောက်ကို တွေ့လိုက်ပါရော။ နောက်တစ်နေ့ ကျောင်းကို ရောက်တော့ မနေ့က တွေ့ခဲ့တဲ့ အဆိုရှင်က ဒီနေ့မှ ကျောင်းကို အသစ်ရောက်လာတဲ့ သူ့ရဲဆရာမဖြစ်နေပါတော့တယ်။ ဆရာမက အရင်က သူဝါသနာအရမ်းပါတဲ့ သီချင်းတွေ ဖန်တီးခဲ့ပေမယ့် တစ်ပုဒ်မှ နာမည်လည်းမကြီး၊ ပရိသတ်ရင်ထဲကိုလည်း မရောက်စေခဲ့တာမို့ သူ့ရဲ့ အိပ်မက်ကို စွန့်လွှတ်ပြီး ဆရာမ အလုပ်နဲ့ အသက်မွေးဝမ်းကျောင်းပြုဖို့ ဆုံးဖြတ်လိုက်တာပါ။ အဲဒီမှာ ကျောင်းသားလေး ကနာတာ ဟာ ဆရာမရဲ့ သီချင်းကို သီချင်းဗီဒီယိုလုပ်ပြီး လူတွေဆီကို ဖြန့်ချီချင်တယ်လို့ ခွင့်တောင်းလိုက်ပြီး ကနာတာ က ဆရာမဝါသနာပါတဲ့ သီချင်းတွေကို ဆက်လုပ်နိုင်အောင် ဘယ်လိုအားပေးသွားမယ်ဆိုတာကို ကြည့်ရှုရမှာ ဖြစ်ပါတယ်။

t.me/cartoonmoviesmms/1333

တွမ် နှင့် ဂျယ်ရီ - ချောကလက်စက်ရုံ (၂၀၁၇)

ကလေးလူကြီးအတော်များအတွက် အသည်းစွဲအချစ်တော်လေးတွေဖြစ်တဲ့ တွမ် နဲ့ ဂျယ်ရီ ပြန်လာပါပြီ။ ၂၀၁၇ ခုနှစ်မှာ ထွက်ရှိခဲ့တဲ့ ဇာတ်ကားလေးကတော့ အရင်ကားတွေနဲ့ မတူဘဲ တွမ် နဲ့ ဂျယ်ရီ ကို လက်ထောက်အဖြစ် ရိုက်ကူးထားတာဖြစ်ပါတယ်။ ဒီဇာတ်လမ်းထဲမှာ တွမ် နဲ့ ဂျယ်ရီ တို့ဟာ ချာလီဘတ်ကတ် ဆိုတဲ့ ကောင်လေးကို ဂိုးဒင်တစ်ကက် ရအောင် ကူညီပေးပြီး ဝီလီဝန်ကာ ရဲ့ချောကလက်စက်ရုံကို သွားဖို့ အဖော်ပြုခဲ့ကြပါတယ်။ သူတို့ရည်ရွယ်ချက်ကတော့ ဝန်ကာ ရဲ့ အထူးချိုချဉ်ကို သူ့ပြိုင်ဘက်တွေ ခိုးယူမသွားအောင် ကာကွယ်ပေးဖို့ ဖြစ်ပါတယ်။ ဒါပေမဲ့ တပ်ဖီ ဆိုတဲ့ ကြွက်လေးရဲ့ လမ်းညွှန်မှုနဲ့အတူ ချောကလက်စက်ရုံရဲ့ ထူးဆန်းပြီး အံ့သြဖွယ် ကမ္ဘာလေးကို တွေ့ကြုံသွားကြရပါတယ်။ ဇာတ်ကားကို အရောင်အသွေးစုံလင်လှပြီး ချစ်ဖို့ကောင်းတဲ့ ဇာတ်ဝင်သီချင်းလေးတွေကိုပါ ဝေဝေဆာဆာ ထည့်သွင်းပေးထားတာကြောင့် တွမ် နဲ့ ဂျယ်ရီ ရဲ့ အမာခံပရိသတ်တွေအတွက် လက်လွတ်မခံသင့်တဲ့ ဇာတ်ကားကောင်းလေးပဲ ဖြစ်ပါတယ်။

t.me/cartoonmoviesmms/1906

စက်ရုပ်တစ်ရုပ်၏ အိမ်မက်များ (၂၀၂၃)

ဒီကားကို အေ၂၄ လိုမျိုး ထုတ်ထားသည့် ကားတွေနဲ့အညီ Neon ကထုတ်ထားပြီး လက်ရှိအခြေအနေအရ အေ၂၄ ထက် တိုက်ရိုက်ပိုအောင်မြင်နေပါတယ်။ Animated Tragicomedy လို့ Genre ထည့်ထားပေမယ့် ကျွန်တော်အနေနဲ့ Comedy ဆိုတဲ့ အပိုင်းကို မတွေ့ရဘဲ Tragic အစိတ်အပိုင်းနဲ့ပဲ အတွေးတွေခံစားရခဲ့ရပါတယ်။ ဒီကားဟာ အစကနေ အဆုံးထိ စကားတစ်ခွန်းမှမပြောဘဲ အပြသက်သက်နဲ့ သက်သက်ခံစားရနိုင်တဲ့ ထူးခြားတဲ့ အန်နီမေးရှင်းကားဖြစ်ပါတယ်။ လက်ရှိအော်စကာမှာ အန်နီမေးရှင်းဆုအတွက် စာရင်းတင်ဝင်ထားပြီးဖြစ်တဲ့အတွက် ကြည့်စဉ် စကားမလိုဘဲ အမြဲအရသာရှိအောင်ခံစားနိုင်တဲ့အတွေ့အကြုံပေးပါတယ်။ ဘာမှမသိဘဲ ကြည့်ရတာပဲ အကောင်းဆုံးခံစားနိုင်တာပဲ ဖြစ်ပါတယ်။

t.me/cartoonmoviesmms/1908

မယ်ရီ နှင့် မက်စ် (၂၀၀၉)

ဒီကားလေးကတော့ 2009 တုန်းက ထွက်ခဲ့တဲ့ Stop Motion ကားကောင်းလေးတစ်ခုပါ။ တခြား Stop Motion ကားတွေလို ဒိတ်ဒိတ်ကြဲ နာမည်မကြီးပေမယ့် တော်တော်လေး ကောင်းတဲ့ ဇာတ်ကားတစ်ကားပါပဲ။ Animation တွေကို ကြိုက်နှစ်သက်တဲ့သူဆိုရင်တော့ လက်လွတ်မခံသင့်တဲ့ ကားလေးဖြစ်ပါတယ်။ ဒီကားကတော့ နာမည်အတိုင်းပဲ မယ်ရီ နဲ့ မက်စ် ဆိုတဲ့ ဇာတ်ကောင်နှစ်ဦးကို အခြေခံထားတာပါ။ မယ်ရီ ဆိုတာကတော့ ဩစတြေးလျ က ရှစ်နှစ်သမီး ကောင်မလေးဖြစ်ပြီး မက်စ် ကတော့ အမေရိက က အသက် ၄၄ နှစ်ရှိပြီဖြစ်တဲ့ အဝလွန်နေသူပါ။ တစ်နေ့မှာ မယ်ရီ ဟာ အမေရိက က ကလေးတွေ ဘယ်ကနေလာကြလဲ ဆိုတာ သိချင်တာနဲ့ အမေရိက က လူတစ်ယောက်ကို မေးမယ်ဆိုပြီး မက်စ် ကို ရွေးချယ်လိုက်ပါတယ်။ အဲဒီလိုကနေ မယ်ရီ နဲ့ မက်စ် တို့ဟာ စာတွေအပြန်အလှန်ရေးပို့ ဖြစ်ကြပါတော့တယ်။ အိမ်မှာလည်း အချစ်မခံရ၊ ကျောင်းမှာလည်း အနိုင်ကျင့်ခံရတဲ့ မယ်ရီ နဲ့ စိတ်ဓာတ်ကျနေတဲ့ မက်စ် တို့ တစ်ယောက်ကို တစ်ယောက် ဘယ်လို ကူညီပေးသွားမလဲ ဆိုတာ ကြည့်ရှုခံစားလိုက်ကြပါဦး။

t.me/cartoonmoviesmms/1910

ပျော်တတ်တဲ့နွားကလေး (၂၀၀၆)

ဘဝကို ပျော်ပျော်ရွှင်ရွှင် ပေါ့ပေါ့ပါးပါးနေတတ်တဲ့ အိုတစ်စ် ဆိုတဲ့ နွားတစ်ကောင်ဟာ ကျီမှာ နေရတဲ့ ဘဝကို ပျင်းစရာ လို့ ထင်မြင်နေခဲ့ပါတယ်။ လူ‌အနားမှာ မရှိတဲ့အခါ တိရစ္ဆာန်တွေဟာ လူတွေလို ပြုမူနေထိုင်ကြပါတယ်။ အိုတစ်စ် ရဲ့ မွေးစားဖခင်ဖြစ်တဲ့ ကျီအကြီးအကဲ နွားကြီး ဘန် ဟာ တာဝန်မယူစိတ်မရှိတတ်ပဲ သူငယ်ချင်းတွေနဲ့ပဲ ပျော်ပါးနေတဲ့ သူ့ရဲ့ မွေးစားသားဖြစ်သူကို ကြည့်ပြီး စိတ်မကောင်းဖြစ်နေခဲ့တာပါ။ အဲ့ဒီလိုနဲ့ တစ်ညမှာတော့ ခေါင်းဆောင် ဘန် ဟာ ကျီမှာရှိတဲ့ တိရစ္ဆာန်တွေကို ညကင်းစောင့်ကာကွယ်ပေးရင်း ဝံပုလွေအုပ်ရဲ့ လက်ထဲ အသက်ပေးလိုက်ရပါတော့တယ်။ မွေးစားအဖေ ဘန် မရှိတော့တဲ့နောက်မှာ ရုတ်တရက် ပြောင်းလဲသွားတဲ့အခြေအနေတွေက ခေါင်းဆောင်တစ်ယောက်ရဲ့ ဆက်ခံသူဖြစ်တဲ့မွေးစားသား အိုတစ်စ် အတွက် တာဝန်ယူစရာအဖြစ် ရောက်လာတဲ့အချိန်မှာတော့ အပျော်ကြိုက်တဲ့ နွားလေး အိုတစ်စ် တစ်ကောင် ပြဿနာတွေကို ဘယ်လိုဖြေရှင်းမလဲ၊ စစ်မှန်တဲ့ ခေါင်းဆောင်မှုကနေရရှိလာတဲ့ ပျော်ရွှင်မှုကို သူ ဘယ်လို နားလည်အောင်လုပ်မလဲ။

t.me/cartoonmoviesmms/1912

ဖခင်နှင့် တစ်ရက်တာ (၂၀၂၀)

ဟိုးရှေးရှေးတုန်းက ကမ္ဘာပေါ်မှာ မှော်ပညာ တည်ရှိခဲ့ပေမယ့် အချိန်ကြာလာတာနဲ့အမျှ လူတွေ၊ နတ်သူငယ်တွေ၊ မှော်ဝင်သတ္တဝါတွေဟာ ခေတ်မီလာကြပြီး မှော်ပညာကို မေ့ပျောက်သွားပါတော့တယ်။ အီယန် နဲ့ ဘာလေ ဆိုတဲ့ နတ်သူငယ် ညီအစ်ကိုနှစ်ယောက်ဟာ လည်း ငယ်ငယ်ကတည်းက အဖေဆုံးသွားလို့ မိခင်နဲ့ပဲ အတူနေကြတဲ့ သူတွေပါ။ ညီဖြစ်သူ အီယန် ၁၆ နှစ်ပြည့်မွေးနေ့မှာတော့ သူတို့အဖေထားခဲ့တဲ့ မှော်တောင်ဝှေးနဲ့ ဂါထာတစ်ခုကို တွေ့ရှိသွားပါတယ်။ ဂါထာရဲ့ အစွမ်းကတော့ သေဆုံးသွားတဲ့ အဖေဖြစ်သူကို တစ်ရက်တိတိ ပြန်ရှင်သန်လာစေပြီး တွေ့ခွင့်ရမှာပါပဲ။ ဒါပေမယ့် ဒီဂါထာကို သုံးဖို့ စွမ်းအားကြီးတဲ့ ရတနာတစ်ခုလိုအပ်ပြီး အဲဒီရတနာ မလုံလောက်တာကြောင့် သူတို့အဖေဟာ ခန္ဓာကိုယ်အောက်ပိုင်းပဲ ကွက်ပြီး ရှင်လာခဲ့တယ်။ ဒီလိုနဲ့ပဲညီအစ်ကိုနှစ်ယောက်ဟာ သူတို့အဖေရဲ့ ခန္ဓာကိုယ်အောက်ပိုင်းကို သယ်ပြီး တစ်ရက်မပြည့်ခင် အဖေကို နောက်ဆုံးတွေ့နိုင်ဖို့ မှော်ဝင်ရတနာကို အရှာထွက်ရပါတော့တယ်။ ဒစ်စနေးရဲ့ ထုံးစံအတိုင်း ပျော်စရာတွေ၊ ရယ်စရာတွေနဲ့ ဝမ်းနည်းစရာတွေ၊ ခံစားမှုတွေကို ရောယှက်ပေးထားမယ့် ကာတွန်းရုပ်ရှင်အသစ်မို့ ကြည့်တဲ့သူတွေ သဘောကျကြမယ်ထင်ပါတယ်။

t.me/cartoonbynikko/184

ရင်ခုန်သံရပ်၀န်း

အပိုင်းသစ် ၆

t.me/+pxyP1JVIlCI1Zjc9

ရွှံ့နွံထဲက ကြာပန်းငယ်

အပိုင်းသစ် ၁၈

t.me/+Lt_k6zg0zQ40YWQ1

ကျွန်တော့်ချစ်သူ စက်ရုပ်မလေး

အပိုင်းသစ် ၆

t.me/+2Am2Z-ICOBRmYTU1

The Fat-ed Mag-ical Prin-cess: Who Ma-de Me a Prin-cess (2025)

အပိုင်းသစ် ၉

t.me/+cPhP-Ml6BUAyMGY1

40 ကျော်အိမ်မက်

အပိုင်းသစ် ၆

t.me/+I9DrWrJw5LE2OGM1

စုဆောင်းသူရဲ့ တခြားကမ္ဘာက စွန့်စားခန်း

အပိုင်းသစ် ၇

t.me/+OXWY0V8eERg5Njhl

သူရဲကောင်းထက် အစွမ်းထက်တဲ့ လုပ်ကြံသူ

အပိုင်းသစ် ၆

t.me/+dSgHvFODETsyMjI1

မီးညောင်လေးရဲ့ ကံကြမ္မာ

ချစ်စရာမိန်းကလေး ကျိမြောင်မြောင် ဟာ ခုမှ လုပ်ငန်းခွင်ထဲကို စရောက်လာတဲ့ လူသစ်လေးတစ်ယောက်ပါ။ သူဟာ တစ်ခါမှာတော့ ငွေပမာဏအမြောက်အများ သုံးစွဲမှုနဲ့ ပတ်သက်ပြီး သူငယ်ချင်းဖြစ်သူရဲ့ ချောက်ချမှုကို ခံခဲ့ရပါတယ်။ ကံဆိုးချင်ပြန်တော့ အခဲမကျေတဲ့ ကျိမြောင်မြောင် တစ်ယောက် လူဆိုးကို လိုက်ဖမ်းနေစဉ်မှာပဲ တိုက်ပေါ်က ပြုတ်ကျသွားခဲ့ပါတယ်။ ကံကောင်းချင်ပြန်တော့ သူဟာ သေကံမရောက် သက်မပျောက်ခဲ့ပါဘူး။ ဒါပေမဲ့ ကံဆိုးချင်ပြန်တော့ သူဟာ ကြောင်မလေးတစ်ကောင်အဖြစ်ကို ထူးဆန်းစွာ အသွင်ပြောင်းသွားခဲ့ပါတယ်။ အဲ။ ကံကောင်းချင်ပြန်တော့ သူ ဒီလို ကြောင်အသွင်ကို ပြောင်းသွားတာဟာ ယာယီ ရက်တစ်ရာစာပါပဲ။ ဒါပေမဲ့လည်း အကြီးအကျယ် ကံဆိုးချင်ပြန်တော့ ကြောင်အသွင် ပြောင်းနေတဲ့ သူ့ကို သူ့ရဲ့ သူဌေး လုချန်ကျယ် က ကောက်ယူမွေးမြူခဲ့ပြီး။ ကဲ။ ကြောင်မလေးရဲ့ ဖြစ်ကြောင်းကုန်စင်ကို သိချင်ရင်တော့ လာရောက်ကြည့်ရှုဖို့ ဖိတ်ခေါ်ပါတယ်နော်။

t.me/animeseriesmyanmar/2870