တိုက်တိုချန် - ပြတင်းပေါက်က ကောင်မလေး (၂၀၂၃)

ဇာတ်လမ်းက ဒုတိယကမ္ဘာစစ် မပြီးခင်အချိန်ကာလက တကယ့်အပြင်မှာ ရှိခဲ့တဲ့ မူလတန်းကျောင်းလေးတစ်ကျောင်းနဲ့ သူများနဲ့မတူပဲ လန်းဆန်းတက်ကြွလွန်းလှတဲ့ ကလေးမလေးတစ်ယောက်ကို ဦးတည်ရိုက်ကူးပုံဖော်ထားတာဖြစ်ပါတယ်။ ဗမာလိုဆိုရင် “တိုတ်တိုချန်” လို့ခေါ်ကြတဲ့ ဒီဇာတ်လမ်းဟာ တက်ဆုကို ကုရိုယာနဂျီ ရဲ့ သူ့ဘဝကို သူကိုယ်တိုင်ရေးထားတဲ့ အတ္ထုပ္ပတ္တိစာအုပ်လေးကို အခြေခံထားတာဖြစ်ပါတယ်။ တိုတ်တိုချန် ဆိုတာ အရမ်းလည်ပြီး အင်မတန်ကို တက်ကြွရွှင်မြူးတဲ့ ကလေးမလေးတစ်ယောက်ပါ။ အမြင်ကပ်စရာလည်း ကောင်းသလို ချစ်စရာလည်း ကောင်းနေပြန်ပေါ့။ ဒါပေမဲ့ တိုတ်တို ရဲ့ မေမေကတော့ ခေါင်းခဲနေပါတယ်။ ဘာလို့လဲဆိုတော့ တိုတ်တိုချန် တစ်ယောက် အလည်လွန်တာရော စကားတတ်တာရောကြောင့် ဘယ်ကျောင်းမှ သူ့ကို လက်မခံချင်ကြပါဘူး။ ဒီလိုနဲ့ တစ်နေ့ကျ တမိုအယ် မူလတန်းကျောင်း လေးကို တိုတ်တိုချန် ရောက်သွားခဲ့တယ်။ ကျောင်းအုပ်ဆရာကြီးနဲ့ သူများနဲ့မတူညီတဲ့ ချည်းကပ်တဲ့ပုံစံတွေ၊ အတန်းထဲက ကျောင်းသားကျောင်းသူတွေရဲ့ ထူးခြားဆန်းပြားတဲ့ အကျင့်စရိုက်လေးတွေ၊ တမိုအယ် စာသင်ကျောင်း လေးရဲ့ တစ်မျိုးတစ်မည် ကွဲထွက်နေတဲ့ သင်ကြားရေးနည်းစနစ်တွေကြောင့် တိုတ်တိုချန် တစ်ယောက် ဒီကျောင်းလေးမှာ မြဲပြီး ကျောင်းပျော်လေးဖြစ်လာတဲ့အကြောင်းကို ကြည့်ရမှာပါ။ သူငယ်ချင်းအနေနဲ့လည်း အတန်းထဲက ပိုလီယို ဖြစ်နေတဲ့ ယာဆုအာကီ ဆိုတဲ့ ကောင်လေးနဲ့ ပိုခင်မင်ပြီး နှစ်ဦးသား ဘယ်လို လက်တွဲဖေးကူပေးကြလဲဆိုတာ မြင်ရဦးမှာပါ။ ဒါတွေအပြင် ကမ္ဘာစစ်ကြီး ဖြစ်ပေါ်လာတဲ့အလျောက် ဒီကလေးတွေပတ်ဝန်းကျင်မှာ ဘယ်လို အပြောင်းအလဲတွေ ဖြစ်လာပြီး ဘယ်လို နေသားတကျဖြစ်အောင် နေကြသလဲဆိုတာကို ကလေးလေးတွေအမြင်ကနေ တင်ဆက်ပေးတာဖြစ်လို့ တွေးစရာလေးတွေလည်း ရနိုင်ပါတယ်။ နိဂုံးချုပ်ရင်တော့ ချစ်စရာလေးတွေ ကြည့်ရမယ်၊ ပြုံးပျော်ရမယ်၊ အပန်းပြေစေမယ်၊ ပညာယူစရာလည်း ရှိတယ်၊ တွေးစရာလည်း ရှိပါတယ်။ ၂ နာရီနီးပါး ကြာမြင့်ပေမဲ့ တစ်စက်မှ မပျင်းဘဲ တိုတ်တိုချန် လေးနောက်မှာ စီးမျောလိုက်ရင်း မိသားစုနဲ့ရော သူငယ်ချင်းနဲ့ရော တစ်ဦးတည်းနဲ့ရော ကြည့်ဖို့ သင့်တော်တဲ့ Underrated Anime ကားကောင်းလေး ဖြစ်ပါတယ်။

t.me/cartoonmoviesmms/1848

မျောက်ကလေးနှင့် ဝက်တို့၏ စွန့်စားခန်း (၂၀၂၂)

ပင်လယ်ကျွန်းမျောပေါ်မှာ တည်ရှိတဲ့ ဂူလာကျွန်းကြီး ဟာ သက်ရှိသတ္တဝါတို့ရဲ့ အားထားမှီခိုရာ ဗိမ္မာန်လေးတစ်ခုပဲ ဖြစ်ပါတယ်။ သီးစုံပန်းမန်တွေနဲ့ ပျော်စရာအတိပြည့်နေတဲ့ ဂူလာကျွန်းကြီး က တစ်နေ့မှာတော့ ပင်လယ်ရေအောက်ထဲကို စုံးစုံးနစ်မြုပ်ဖို့အတွက် အကြောင်းဖန်လာပါတော့တယ်။ အဲ့ဒီကျွန်းကို ကယ်တင်ဖို့ အတွက် အပျော်အပါးနဲ့ မိန်းကလေး ကိစ္စကလွဲရင် စိတ်မဝင်စားတဲ့ ဖီးနတ် ဆိုတဲ့ မျောက်တစ်ကောင်အား ဂူလာကျွန်း ကိုကယ်တင်ဖို့ တာဝန်ပေးအပ်လိုက်တဲ့အခါမှာတော့၊ ဖီးနတ် က သူ့တာဝန်ကို ပြီးမြောက်အောင် ထမ်းဆောင်နိုင်ပါ့မလား၊ ဖီးနတ်ရဲ့ ကောင်းမှုကြောင့် ကယ်ဆယ်ရေးအဖွဲ့ထဲ ပါသွားရရှာတဲ့ ဘဝမှာ အစားအသောက်သာ နံပါတ်တစ် ဆိုတဲ့ ဝက်ကလေး ပစ်ဂ် က ဒီခရီးစဉ်မှာ ဘယ်လိုတွေ ကြံစည်ဦးမလဲ၊ ဂူလာကျွန်းကြီး နစ်မြုပ်ရတဲ့ အဓိကတရားခံက ဘာကြောင့် ဖြစ်နိုင်မလဲ စတဲ့ မေးခွန်းများစွာနဲ့ စိတ်ဝင်တစား ကြည့်ရှုနိုင်မယ့် ဇာတ်လမ်းလေးတစ်ပုဒ်ပဲ ဖြစ်ပါတယ်။ ယူတတ်ရင်ပညာ ဆိုသလို စော်ကြည်ဘဲလေး ဖီးနတ် ရဲ့ ကောင်မလေးတွေကို ချုပ်နည်း၊ ကြူနည်း ကျမ်းများကိုလည်း တွေ့ရှိရဦးမှာပါ။

t.me/cartoonmoviesmms/1850

စူပါမာရီယို (၂၀၂၃)

မာရီယို နဲ့ လူဝီးဂျီ တို့ ညီအစ်ကိုဟာ လူတိုင်းက အထင်သေးရတဲ့ ဘရွတ်ကလင်း ရဲ့ ရေပိုက်ပြင်သမား ညီအစ်ကိုနှစ်ယောက်ဖြစ်ပါတယ်။ တစ်နေ့မှာတော့ ရေပိုက်တစ်ခုကနေ မှော်တိုင်းပြည် ထဲကို ရောက်သွားပါတော့တယ်။ လူဆိုးဘုရင်ကြီး ဘောင်ဆာ ဟာ စူပါကြယ်ကြီး ကို ပိုင်ဆိုင်ပြီး သူတို့ရဲ့ မှော်လောကထဲကိုတိုင်းပြည်အားလုံးကို သိမ်းပိုက်ဖို့ ကြံစည်ထားတဲ့သူ ဖြစ်ပါတယ်။ ဒါပေမဲ့ သူက မှိုတိုင်းပြည် က မင်းသမီးလေး မက်မွန်သီး ကို အရမ်းချစ်နေတာမို့ သူနဲ့အတူ ကမ္ဘာကြီးကို သိမ်းပိုက်ဖို့ မင်းသမီးလေးကို လက်ထပ်ခွင့်တောင်းဖို့လာခဲ့ပါတယ်။ မင်းသမီးက လက်မခံခဲ့ရင်တော့ မှိုတိုင်းပြည် ကို ဖျက်ဆီးပစ်မှာပါပဲ။ ဒါကိုသိတဲ့ မင်းသမီးလေးဟာ မာရီယို နဲ့ ပူးပေါင်းပြီး ဒန်းကီးကောင် တို့ရဲ့ တိုင်းပြည်ကိုစစ်ကူသွားတောင်းခဲ့ပါတယ်။ ဘာတွေဆက်ဖြစ်မလဲဆိုတာကိုတော့ ကာတွန်းထဲမှာ ရှုစားလိုက်ပါဦး။

t.me/cartoonmoviesmms/1852

ကိုယ်လိုချင်တာ မင်းတစ်ယောက်သာ (၂၀၁၇)

မက်ရိုင်ယာ ဆိုတဲ့ ကောင်မလေးဟာ သူ့အဖေက ခွေး allergic ရှိပြီး အမေက အိမ်သန့်ရှင်းရေးနဲ့ ပတ်သက်ပြီး ချေးများတတ်သူ ဖြစ်တဲ့အတွက်သူ့မွေးနေ့တိုင်း၊ ခရစ်စမတ်တိုင်း ခွေးလေးရဖို့ ပူဆာခဲ့ပေမယ့် မရခဲ့ပါဘူး။ တစ်နှစ်မှာတော့ အရမ်းဆိုးသွမ်းတဲ့ ခွေးလေ ခွေးလွင့်လေး ဂျက် ဆိုတာ သူ့ဘဝထဲကို ရောက်လာခဲ့ပါတယ်။ သူ့အဖေက ဂျက် အရမ်းဆိုးတာတွေကို ကြုံရရင် သူ့သမီး ခွေးမွေးဖို့ စိတ်ပျက်သွားမလားဆိုတဲ့ အကြံနဲ့ ဂျက် ကို ခေါ်လာခဲ့တာပါ။ မက်ရိုင်ယာ ဟာ သူ ခွေးထိန်းနိုင်တယ်ဆိုတာ သက်သေပြဖို့ ဂျက် ဆိုးသမျှကို အကုန်သည်းခံပြီး ကြိုးစားခဲ့ပါတယ်။ ဒါပေမယ့် မထင်မှတ်ပဲ သူဟာ ဂျက် အပေါ် သံယောဇဉ်တွယ်သွားပါတော့တယ်။ ခွေးလေး ဂျက် နဲ့ မက်ရိုင်ယာ တို့ရဲ့ဇာတ်လမ်းလေးက ဘယ်လိုဆက်သွားမလဲဆိုတာ ကြည့်ရှုကြပါဦး။ ဇာတ်ဝင်သီချင်းလေးတွေက အရမ်း နားထောင်ကောင်းပြီး ဝေဝေဆာ ဆာမြူးမြူးကြွကြွ ပေါ့ပေါ့ပါးပါး ဖြစ်တာ၊ rating လဲ မြင့်တဲ့အတွက် ကြည့်ပြီးရင် နောင်တမရစေရဘူးဆိုတာ ရဲရဲကြီး အာမခံပါတယ်။

t.me/cartoonmoviesmms/1854

ရဲရင့်သူတို့ပုံပြင် (၂၀၀၆)

ဝာတာရု မီတာနီ ဆိုတဲ့ အလယ်တန်းကျောင်းသားလေးဟာ သူ့ဘဝကို စိတ်ကုန်ပြီး ကံကြမ္မာကို ပြောင်းလဲဖို့အတွက် ထူးဆန်းတဲ့ တံခါးပေါက်ထဲကို ဝင်သွားတဲ့အခါ ဗစ်ရှင်း လို့ခေါ်တဲ့ စိတ်ကူးယဉ်ကမ္ဘာထဲ ရောက်သွားပါတော့တယ်။ စိတ်ကူးယဉ်ကမ္ဘာမှာ ရတနာ ၅ ခုကို ရှာဖွေနိုင်သူဟာ ကံကြမ္မာနတ်ဘုရားမနဲ့ တွေ့ခွင့်ရပြီး ဆု ၁ ခု တောင်းခွင့်ရှိပါတယ်။ ဝာတာရု ရဲ့ သူငယ်ချင်းဖြစ်သူ အာရှီကာဝ မစ်ဆူရု ဟာလည်း သူ့ဆိုးဝါးတဲ့ ကံကြမ္မာကို ပြောင်းလဲပစ်ချင်နေသူပါ။ သူကတော့မှားယွင်းတဲ့ နည်းလမ်းနဲ့ ရတနာတွေကို ရှာဖွေခဲ့ပြီး စိတ်ကူးယဉ်ကမ္ဘာကို ထိခိုက်စေခဲ့ပါတယ်။ အကောင်းနဲ့ အဆိုး သူငယ်ချင်း ၂ ယောက် တွေ့ကြတဲ့အခါ ဘယ်လို ဖြစ်မလဲ၊ ဝာတာရု တစ်ယောက် စိတ်ကူးယဉ်ကမ္ဘာမှာ ဘယ်လိုအခက်အခဲတွေရင်ဆိုင်ရမလဲ၊ ဘယ်လို စွန့်စားရမလဲ၊ သူ့ကံကြမ္မာကို ရောပြောင်းလဲနိုင်ပါ့မလား၊ အာရှီကာဝ က ရော သူ့ကံကြမ္မာကို ပြောင်းလဲနိုင်ပါ့မလားဆိုတာကိုတော့ ကိုယ်တိုင် စိတ်ဝင်စားပြီး ရှုစားရမှာပါ။

t.me/cartoonmoviesmms/1856

ပွမ် ပိုကို (၁၉၉၄)

ပုံစံမျိုးစုံကို ပြောင်းလဲနိုင်စွမ်းရှိတဲ့ ရက်ကွန်း ဆိုတဲ့ သတ္တဝါလေးတွေဟာ တာမာတောင်ကုန်းကြီးပေါ်မှာ ပျော်ရွှင်စွာနေထိုင်ကြပါသလေသတဲ့။ ပျော်ရွှင်အေးချမ်းနေတဲ့ သူတို့ရဲ့ ကမ္ဘာလေးထဲကို လူဆိုတဲ့ လောကမှာ ညဏ်အများဆုံးတစ်ကိုယ်ကောင်း အဆန်ဆုံး သတ္တဝါတွေက မြို့လည်ကောင်မှာ လူနေထိုင်ဖို့နေရာမလုံလောက်တော့ဘူးဆိုတဲ့ အကြောင်းပြချက်နဲ့ တာမာတောင်ကုန်းမှာရှိတဲ့ သစ်တောတွေကို အပြောင်ရှင်းပြီး မြို့သစ်တစ်ခု တည်ဆောက်ဖို့ ကြိုးစားကြပါတော့တယ်။ အဲ့ဒီအချိန်မှာ ရက်ကွန်း လေးတွေဟာ သူတို့ကိုယ်စွမ်း၊ ညဏ်စွမ်းရှိသလောက် သူတို့သစ်တောလေးကို ကာကွယ်ဖို့ အစွမ်းကုန်ကို နှစ်ရှည်စီမံကိန်းကြီး ဆွဲပြီး ကြိုးစားကြပါတယ်။ ဒါပေမယ့် လူသားတွေက သူတို့ရဲ့ ပြိုင်ဘက်မဟုတ်ဘူးဆိုတာကို အသက်ပေါင်းများစွာကို စတေးပြီးတဲ့ အချိန်မှ သိခဲ့ကြရတဲ့အခါမှာ။ ဒီရုပ်ရှင်ဟာ သဘာဝပတ်ဝန်းကျင် ထိန်းသိမ်းရေးကို မီးမောင်းထိုးပြနေတဲ့ အဖိုးတန် ရုပ်ရှင်ကားတွေထဲက တစ်ခုဖြစ်ပါတယ်။ လူသားတွေရဲ့ ဖွံ့ဖြိုးတိုးတက်ရေးဆိုတဲ့ အရာတွေအတွက် သဘာဝပတ်ဝန်းကျင်ဟာ အခုအချိန်အထိ စတေးခံနေရတုန်းပဲ ဖြစ်ပါတယ်။

t.me/cartoonmoviesmms/1858

ခွေးကလေး ဘို့လ်တ် (၂၀၀၈)

ဟောလိဝုဒ်က သရုပ်ဆောင်ဖြစ်တဲ့ ဘို့လ်တ် ဆိုတဲ့ ခွေးလေးတစ်ကောင်အကြောင်းကို ရိုက်ကူးတင်ဆက်ထားတာပါ။ ဇာတ်လမ်းအရဆိုရင် အဲ့ဒီ ခွေးလေးဟာ သိပ္ပံဇာတ်လမ်းရုပ်ရှင်တစ်ခုမှာ သူ့ရဲ့ သခင်မဖြစ်သူ ပဲနီ ဆိုတဲ့ ကောင်မလေးနဲ့အတူ သရုပ်ဆောင်နေရတာဖြစ်ပြီး ဘို့လ်တ် ဟာ သရုပ်ဆောင်နေရတာကို အမှန်တကယ်ထင်မှတ်နေတာ ဖြစ်ပါတယ်။ ဒီလိုနဲ့ တစ်နေ့မှာ ဘို့လ်တ် တစ်ကောင်မတော်တဆဖြစ်ပြီး ဟောလိဝုဒ် ရုပ်ရှင်မြို့တော်ရဲ့ အပြင်ကို ရောက်သွားပါတော့တယ်။ သူ့ကိုယ်သူ ရုပ်ရှင်ထဲက အတိုင်း စွမ်းအားရှင် ခွေးတစ်ကောင်လို့ ထင်နေတဲ့ ဘို့လ်တ် ကတော့ အလွဲလွဲ အမှားမှားတွေနဲ့ ကြုံတွေ့ရပါတော့တယ်။ အပြင်လောကကို ရောက်သွားတဲ့ ဘို့လ်တ် ဟာ သူ့ရဲ့ သခင်မဆီကို ပြန်ဖို့ ကြိုးစားရင်း ဘာတွေကြုံတွေ့ရမယ်၊ ဘာတွေ သိလာရမယ်ဆိုတာကိုတော့ ဇာတ်လမ်းထဲမှာ ခံစားကြည့်ရှုကြပါဦး။

t.me/cartoonmoviesmms/1860

40 ကျော်အိမ်မက်

အပိုင်းသစ် ၅

t.me/+I9DrWrJw5LE2OGM1

ရင်ခုန်သံရပ်၀န်း

အပိုင်းသစ် ၅

t.me/+pxyP1JVIlCI1Zjc9

စုဆောင်းသူရဲ့ တခြားကမ္ဘာက စွန့်စားခန်း

အပိုင်းသစ် ၆

t.me/+OXWY0V8eERg5Njhl

အချစ်ချိုချို အသည်းနွေးနွေး

အပိုင်းသစ် ၅

t.me/+qL5_gudk7RsxNmE1

ဂင်တာမာ (၂၀၁၀)

ဂင်တာမာ ဆိုတာက အနာဂတ်ခေတ်လွန်ကာလ အဲဒို က ဆာမူရိုင်းတွေအကြောင်းကို ဇာတ်တည်ထားတာပါ။ MC လုပ်တဲ့ ခေါင်းဖြူကြီးဂင်တိုကီ ဆိုတာက ယိုရိုဇုယ ဆိုတဲ့ ဆိုင်လေးဖွင့်ထားတာပါ။ အခကြေးငွေယူပြီး ဘာအလုပ်နေနေ လုပ်ပေးတာပေါ့။ သူ့လက်အောက်မှာတော့ ရှင်ပါချီ ဆိုတဲ့ မှန်ကြောင်လေးရယ် ကင်ဂုရာ ဆိုတဲ့ကောင်မလေးရယ် ရှိပြီး အဓိကဇာတ်ကောင် ၃ ယောက်ပေါ့လေ။ ဒီမူးဗီးရဲ့ ဇာတ်အိမ်ကတော့ သူတို့မြို့မှာ ထူးဆန်းတဲ့ ဓားတစ်လက်နဲ့ လူသတ်မှုတွေ ဖြစ်နေကြတယ်။ သူတို့ဘော်ဒါတစ်ယောက်ကလည်း ထူးထူးဆန်းဆန်း အတိုက်ခိုက်ခံရပြီး သေတာလိုလို ပျောက်တာလိုလို ဖြစ်နေတဲ့အချိန်။ မသမာသူလူတစ်စုကလည်း ခိုးကြောင်ခိုးဝှက် တစ်ခုခု ကြံစည်နေကြတဲ့အချိန်။ ဂင်တိုကီ တစ်ယောက် အဲဒီထူးဆန်းတဲ့ ကျိန်စာသင့်ဓားအကြောင်း အလုပ်လက်ခံရရှိလို့ လိုက်လံစုံစမ်းရာကနေ အကုန်လုံး ဘယ်လိုဆက်စပ်သွားပြီး ဘယ်လိုတွေ ဆက်ဖြစ်ကြမယ်ဆိုတာတော့။

t.me/cartoonmoviesmms/1862

ဂင်တာမာ ၂ (၂၀၁၃)

ဆရာသမား ဂင်တာမာ တို့ရဲ့ ဒုတိယမြောက်ရုပ်ရှင်ကားပဲ ဖြစ်ပါတယ်။ ဒီကားက ဇာတ်လမ်းစထားတာတောင် တော်တော်လေး ထူးခြားတာပါ။ ထုံးစံအတိုင်း အဖောက်ပေါ့။ စစချင်း ရုပ်ရှင်ရုံမှာ ခိုးမရိုက်ရဘူးတို့ လုပ်သင့်လုပ်ထိုက်တဲ့ရုပ်ရှင်ပညာပေးတွေကို ဆုံးမနေကြတာ။ နောက်ကျ မဆီမဆိုင်ပုံစံနဲ့ ဇာတ်လမ်းကြီးကို ဝုန်းခနဲ အစပျိုးပြသွားတာတော့ အမိုက်စားပါ။ ဒီကားက ကိုယ့်ဆရာတွေက အချိန်ခရီးသွားမှု တွေ ပါလာပြီ ဖြစ်ပါတယ်။ ဂင်တာမာ တစ်ယောက် ရုပ်ရှင်ရုံထဲက ခိုးရိုက်ကောင်ကို ဖမ်းပြီးအပြစ်ပေးရာကနေ အူတိအူကြောင်နဲ့ နောင် ငါးနှစ်အနာဂတ်ကို ရောက်သွားပါတော့တယ်။ အဲဒီမှာ သူဆိုတာလည်း သေဆုံးနေပြီး သူတို့ကမ္ဘာကြီးက အဖြူရောင်ပလိပ် ဆိုတဲ့ ကပ်ဘေးဒုက္ခကြောင့် ပျက်စီးယိုယွင်းပြီး သုဿန်တစ်စပြင် ဖြစ်နေပါပြီ။ အဲဒါကြောင့် ဘုမသိဘမသိတဲ့ ဂင်တာမာ တစ်ယောက် ဒါတွေကို ဘယ်လိုပြုပြင်သွားမလဲ၊ သူ့တပည့်ကျော်နှစ်ယောက်ကလည်း ဘယ်လိုတွေ ဖြစ်နေမလဲ စသဖြင့် ဂင်တာမာ ထုံးစံအတိုင်း ဟာသတွေနဲ့ အပုံလိုက် ဇာတ်လမ်းကောင်းတစ်ခုကို တင်ဆက်ထားတာဖြစ်လို့ အားရပါးရ ခံစားလိုက်ကြပါဦး။

t.me/cartoonmoviesmms/1864

ဂင်တာမာ ၃ (၂၀၂၁)

အဲဒို ကြီးကို တန်ဒိုးရှူး တွေ ဝင်တိုက်ခိုက်တာကိုပြန်ခုခံအပြီး ကြုံရာကျပန်းအဖွဲ့သားတွေ ကိုယ်စီလမ်းခွဲခဲ့ကြတယ်။ Utsuro ပြန်လာမှာကို ကြိုမြင်နေတဲ့ ဂင်တိုကီ တစ်ယောက် စုံစမ်းစရာရှိတာတွေကို ထွက်စုံစမ်းနေတဲ့အချိန် မသေခြင်းတရားကိုလိုချင်နေကြတဲ့ တန်ဒိုးရှူး တွေ အဲဒို မှာ နောက်တစ်ခါ ပြဿနာလာရှာနေတာမို့ ဆရာ ရှိုးယို ရဲ့ တပည့်ကျော် ၃ ယောက်သား ပြန်စည်းလုံးပြီး အသေဖြုတ်ကြမှာပဲ ဖြစ်ပါတယ်။ ဒီလောက်များတဲ့လူတွေကို မနိုင်တော့ ထုံးစံအတိုင်း ဂင်တာမာ အဖွဲ့သားတွေလည်း ကိုယ်စီဆေးစက်ကျရာကနေ အုပ်လိုက်ကြီးနဲ့ ရုပ်ရှင်တစ်ကားစာ ထိုင်ချကြတာကို အားရပါးရ ကြည့်ရမှာပဲ ဖြစ်ပါတယ်။

t.me/cartoonmoviesmms/1866

နှလုံးသားရဲ့ တီးတိုးသံ (၁၉၉၅)

တခါက ၁၄ နှစ်အရွယ် ကျောင်းသူလေး ရှိဇူကူ ဟာ သူ့မိသားစုနဲ့ တိုကျို မြို့မှာနေထိုင်သည့် သူဘဝကလည်း ပုံမှန် ကျောင်းသူတယောက်လိုပါပဲ။ ဒါပေမယ့် တခုထူးခြားတာက ရှိဇူကူ ဟာ ကျောင်းပိတ်ရက်ဆိုတာနဲ့ ဒေသခံ စာကြည့်တိုက်သွားပြီး ရှိသမျှ Fairy Tale စာအုပ်တွေ ငှားဖတ်လေ့ရှိပြီး သူကိုယ်တိုင်ကလည်း စာရေးသူတယောက်ဖြစ်ချင်တဲ့သူပါ။ ဒါမယ့် သူစာအုပ်တွေဖတ်ရင်း ဖတ်ရင်းနာမည်တခုနဲ့ ရင်းနှီးလာတယ်။ သူငှားဖတ်သမျှ စာအုပ်တိုင်းရဲ့ ငှားဖတ်သူ င်္စာရင်းကဒ်မှာ စိဂျိ ဆိုတဲ့ ကောင်လေးက သူ့ရှေ့ အမြဲရောက်နေတယ်။ ဒီတော့ ဆယ်ကျော်သက် မိန်းကလေး သဘာဝအတိုင်း မမြင်ဘူးတဲ့ ကောင်လေးကိုပဲ အထင်ကြီးမိပြီး သံယောဇဉ်တွယ်သွားပါတယ်။ ဒီလိုနဲ့ တနေ့မှာ ရှိဇူကူ က သူ့အဖေကို ထမင်းဘူး သွားပို့ရင်း ရထားစီးလာရာမှာ ရထားပေါ်ကို မှတ်တိုင်တခုမှာ ကြောင်ကြီးတကောင် တက်လာပြီး ရှိဇူကူ အတွက် အထူးအဆန်း ဖြစ်သွားတာပေါ့။ ပိုထူးဆန်းတာက ကြောင်ကြီးက လူအတိုင်းပဲ သူဆင်းချင်တဲ့ မှတ်တိုင်မှာ ဆင်းသွားတာဖြစ်ပါတယ်။ ဒါနဲ့ ကြောင်ကြီးကို စိတ်ဝင်စားလို့ ရှိဇူကူ က နောက်ကလိုက်ရင်း အဲလစ် ကနေ ဝန်ဒါလန် ရောက်သလို ဖြစ်သွားမလားဆိုတာကိုတော့ စိတ်လှုပ်ရှားစွာ ကြည့်ရှုနိုင်မှာပါ။

t.me/cartoonmoviesmms/1868