နောက်ဘဝမှာ လူဆိုးလုပ်မယ် (၂၀၂၃)

ဒီ ရုပ်ရှင်ကား ထဲမှာတော့ ဇာတ်လိုက် မင်းသမီးဟာ သူ့ရဲ့ သူငယ်ချင်းဆီက “မနက်ဖြန်ကိုရှာဖွေခြင်း” ဆိုတဲ့ ဂိမ်းခွေကို ငှားပြီး ဆော့ကြည့်ခဲ့ပါတယ်။ အဲဒီနောက်မှာတော့ ကောင်မလေးက ဂိမ်းထဲက ဇာတ်ကောင် သခင်မလေး ကာတာရီနာ အဖြစ်နဲ့ ပြန်ပြီး မွေးဖွားလာခဲ့ပါတယ်။ ဇာတ်လမ်းအကျဉ်းလေးကတော့ ဂိမ်းထဲက ဇာတ်ဆောင် မင်းသား အာခီလ် ဟာ မုတ်ရက် တိုင်းပြည်ကနေ ကာတာရီနာ တို့ရှိတဲ့ ဆိုစီယာ တိုင်းပြည်ဆီကို သူတို့ဆီက ခိုးယူသွားခဲ့တဲ့ နတ်ဟင်္သာကြီးကို ပြန်ယူဖို့အတွက် တမန်တော်တွေနဲ့အတူ ရောက်လာခဲ့ပါတယ်။ မုတ်ရက် ဘုရင်ကြီးရဲ့ မျိုးဆက်တွေဟာ တိရစ္ဆာန်လေးတွေရဲ့ စိတ်ကို နားလည်ပြီး သူတို့ကို ထိန်းချုပ်နိုင်စွမ်းလည်းရှိပါတယ်။ မင်းသားလေး အာခီလ် လည်း သူပိုင်ထားတဲ့ စွမ်းရည်တွေနဲ့ တိရစ္ဆာန်လေးတွေကို ထိန်းချုပ်ပြီး နယ်လှည်ဈေးသည်အဖွဲ့နဲ့ နယ်လှည့် ပြပွဲတွေက ပြပါတော့တယ်။ ဆိုစီယာ တိုင်းပြည်က မင်းသားလေး ဂျီယော်ဒို ရဲ့ သတို့သမီးလောင်း ကာတာရီနာ ဟာ မြို့ထဲကို ထွက်ကာ အစားအသောက်တွေ၊ စာအုပ်တွေ ထွက်ဝယ်လေ့ရှိပါတယ်။ အဲဒီအချိန်မှာ နယ်လှည့်ဈေးတန်းကြီးကို မြင်တန်းသွားပြီး အာခီလ် တို့အကအဖွဲ့နဲ့ တွေ့ဆုံဖို့ ဖြစ်လာပါတော့တယ်။ တစ်ဖက်မှာလည်း အာခီလ် တို့အဖွဲ့ဟာ တမန်တော်အဖြစ်နဲ့ နန်းတော်ရဲတိုက်ထဲကို ဝင်ကာ နတ်ဟင်္သာကြီးကို ဘယ်လို ရှာဖွေဖော်ထုတ်ကြမလဲဆိုတာရယ်၊ ဂိမ်းထဲက ဖြစ်ပျက်သမျှ အကြောင်းတွေကို မှတ်မိလာတဲ့ သခင်မလေး ကာတာရီနာ နဲ့ရော ဘယ်လိုတွေ ကြုံတွေ့ရဦးမလဲဆိုတာ ကြည့်ရှုပေးကြပါဦး။

t.me/cartoonmoviesmms/1846

မြူခိုးလွှမ်းရီသော ဓားဒဏ္ဍာရီ 🌪🐾

အပိုင်းသစ် ၃၀

t.me/+S2OhrtI1t7wzYTZl

ကောင်းကင်ညီလာခံရဲ့ အမှိုက်ကောက်ဆရာကြီး 🐿️

အပိုင်းသစ် ၃၅

t.me/+bPxj9S5-TxcyMzg1

အဖော်မဲ့သူရဲကောင်း (၂၀၂၅)

သွေးအေးရက်စက်တဲ့ လုပ်ကြံရေးသမားတစ်ယောက်။ မမျှော်လင့်ဘဲ မိသားစုဘဝတစ်ခုကို ပိုင်ဆိုင်လာတဲ့အခါ။ မိသားစုဘဝရဲ့ သာယာချိုမြိန်ခြင်း၊ မေတ္တာတရားရဲ့နွေးထွေးခြင်းနဲ့ အလင်းရောင်ရဲ့ထွေးပိုက်ခြင်းတို့ကို ခံယူပြီးခဲ့တဲ့နောက်မှာ သူ့ရဲ့အမြင်နဲ့သဘောထားတို့ဟာ လုံးလုံးပြောင်းလဲလာခဲ့တဲ့နောက် တစ်ခါက ကြမ်းကြုတ်ကာ ခံစားချက်မဲ့ခဲ့တဲ့သူဟာ သူ့အပြစ်တွေကို ဆေးကြောဖို့အတွက် ကမ္ဘာကြီးကို ဘယ်လိုကာကွယ်သွားမလဲ

t.me/animeseriesmyanmar/2772

ကျွန်တော့်ချစ်သူ စက်ရုပ်မလေး

အပိုင်းသစ် ၅

t.me/+2Am2Z-ICOBRmYTU1

ရွှံ့နွံထဲက ကြာပန်းငယ်

အပိုင်းသစ် ၁၇

t.me/+Lt_k6zg0zQ40YWQ1

အဖေက သူရဲကောင်း အမေက ဝိဉာဏ် ကျွန်မက ဝင်စားသူ

အပိုင်းသစ် ၅

t.me/+yXhw2TnBLBA5YWM9

တိုက်တိုချန် - ပြတင်းပေါက်က ကောင်မလေး (၂၀၂၃)

ဇာတ်လမ်းက ဒုတိယကမ္ဘာစစ် မပြီးခင်အချိန်ကာလက တကယ့်အပြင်မှာ ရှိခဲ့တဲ့ မူလတန်းကျောင်းလေးတစ်ကျောင်းနဲ့ သူများနဲ့မတူပဲ လန်းဆန်းတက်ကြွလွန်းလှတဲ့ ကလေးမလေးတစ်ယောက်ကို ဦးတည်ရိုက်ကူးပုံဖော်ထားတာဖြစ်ပါတယ်။ ဗမာလိုဆိုရင် “တိုတ်တိုချန်” လို့ခေါ်ကြတဲ့ ဒီဇာတ်လမ်းဟာ တက်ဆုကို ကုရိုယာနဂျီ ရဲ့ သူ့ဘဝကို သူကိုယ်တိုင်ရေးထားတဲ့ အတ္ထုပ္ပတ္တိစာအုပ်လေးကို အခြေခံထားတာဖြစ်ပါတယ်။ တိုတ်တိုချန် ဆိုတာ အရမ်းလည်ပြီး အင်မတန်ကို တက်ကြွရွှင်မြူးတဲ့ ကလေးမလေးတစ်ယောက်ပါ။ အမြင်ကပ်စရာလည်း ကောင်းသလို ချစ်စရာလည်း ကောင်းနေပြန်ပေါ့။ ဒါပေမဲ့ တိုတ်တို ရဲ့ မေမေကတော့ ခေါင်းခဲနေပါတယ်။ ဘာလို့လဲဆိုတော့ တိုတ်တိုချန် တစ်ယောက် အလည်လွန်တာရော စကားတတ်တာရောကြောင့် ဘယ်ကျောင်းမှ သူ့ကို လက်မခံချင်ကြပါဘူး။ ဒီလိုနဲ့ တစ်နေ့ကျ တမိုအယ် မူလတန်းကျောင်း လေးကို တိုတ်တိုချန် ရောက်သွားခဲ့တယ်။ ကျောင်းအုပ်ဆရာကြီးနဲ့ သူများနဲ့မတူညီတဲ့ ချည်းကပ်တဲ့ပုံစံတွေ၊ အတန်းထဲက ကျောင်းသားကျောင်းသူတွေရဲ့ ထူးခြားဆန်းပြားတဲ့ အကျင့်စရိုက်လေးတွေ၊ တမိုအယ် စာသင်ကျောင်း လေးရဲ့ တစ်မျိုးတစ်မည် ကွဲထွက်နေတဲ့ သင်ကြားရေးနည်းစနစ်တွေကြောင့် တိုတ်တိုချန် တစ်ယောက် ဒီကျောင်းလေးမှာ မြဲပြီး ကျောင်းပျော်လေးဖြစ်လာတဲ့အကြောင်းကို ကြည့်ရမှာပါ။ သူငယ်ချင်းအနေနဲ့လည်း အတန်းထဲက ပိုလီယို ဖြစ်နေတဲ့ ယာဆုအာကီ ဆိုတဲ့ ကောင်လေးနဲ့ ပိုခင်မင်ပြီး နှစ်ဦးသား ဘယ်လို လက်တွဲဖေးကူပေးကြလဲဆိုတာ မြင်ရဦးမှာပါ။ ဒါတွေအပြင် ကမ္ဘာစစ်ကြီး ဖြစ်ပေါ်လာတဲ့အလျောက် ဒီကလေးတွေပတ်ဝန်းကျင်မှာ ဘယ်လို အပြောင်းအလဲတွေ ဖြစ်လာပြီး ဘယ်လို နေသားတကျဖြစ်အောင် နေကြသလဲဆိုတာကို ကလေးလေးတွေအမြင်ကနေ တင်ဆက်ပေးတာဖြစ်လို့ တွေးစရာလေးတွေလည်း ရနိုင်ပါတယ်။ နိဂုံးချုပ်ရင်တော့ ချစ်စရာလေးတွေ ကြည့်ရမယ်၊ ပြုံးပျော်ရမယ်၊ အပန်းပြေစေမယ်၊ ပညာယူစရာလည်း ရှိတယ်၊ တွေးစရာလည်း ရှိပါတယ်။ ၂ နာရီနီးပါး ကြာမြင့်ပေမဲ့ တစ်စက်မှ မပျင်းဘဲ တိုတ်တိုချန် လေးနောက်မှာ စီးမျောလိုက်ရင်း မိသားစုနဲ့ရော သူငယ်ချင်းနဲ့ရော တစ်ဦးတည်းနဲ့ရော ကြည့်ဖို့ သင့်တော်တဲ့ Underrated Anime ကားကောင်းလေး ဖြစ်ပါတယ်။

t.me/cartoonmoviesmms/1848

မျောက်ကလေးနှင့် ဝက်တို့၏ စွန့်စားခန်း (၂၀၂၂)

ပင်လယ်ကျွန်းမျောပေါ်မှာ တည်ရှိတဲ့ ဂူလာကျွန်းကြီး ဟာ သက်ရှိသတ္တဝါတို့ရဲ့ အားထားမှီခိုရာ ဗိမ္မာန်လေးတစ်ခုပဲ ဖြစ်ပါတယ်။ သီးစုံပန်းမန်တွေနဲ့ ပျော်စရာအတိပြည့်နေတဲ့ ဂူလာကျွန်းကြီး က တစ်နေ့မှာတော့ ပင်လယ်ရေအောက်ထဲကို စုံးစုံးနစ်မြုပ်ဖို့အတွက် အကြောင်းဖန်လာပါတော့တယ်။ အဲ့ဒီကျွန်းကို ကယ်တင်ဖို့ အတွက် အပျော်အပါးနဲ့ မိန်းကလေး ကိစ္စကလွဲရင် စိတ်မဝင်စားတဲ့ ဖီးနတ် ဆိုတဲ့ မျောက်တစ်ကောင်အား ဂူလာကျွန်း ကိုကယ်တင်ဖို့ တာဝန်ပေးအပ်လိုက်တဲ့အခါမှာတော့၊ ဖီးနတ် က သူ့တာဝန်ကို ပြီးမြောက်အောင် ထမ်းဆောင်နိုင်ပါ့မလား၊ ဖီးနတ်ရဲ့ ကောင်းမှုကြောင့် ကယ်ဆယ်ရေးအဖွဲ့ထဲ ပါသွားရရှာတဲ့ ဘဝမှာ အစားအသောက်သာ နံပါတ်တစ် ဆိုတဲ့ ဝက်ကလေး ပစ်ဂ် က ဒီခရီးစဉ်မှာ ဘယ်လိုတွေ ကြံစည်ဦးမလဲ၊ ဂူလာကျွန်းကြီး နစ်မြုပ်ရတဲ့ အဓိကတရားခံက ဘာကြောင့် ဖြစ်နိုင်မလဲ စတဲ့ မေးခွန်းများစွာနဲ့ စိတ်ဝင်တစား ကြည့်ရှုနိုင်မယ့် ဇာတ်လမ်းလေးတစ်ပုဒ်ပဲ ဖြစ်ပါတယ်။ ယူတတ်ရင်ပညာ ဆိုသလို စော်ကြည်ဘဲလေး ဖီးနတ် ရဲ့ ကောင်မလေးတွေကို ချုပ်နည်း၊ ကြူနည်း ကျမ်းများကိုလည်း တွေ့ရှိရဦးမှာပါ။

t.me/cartoonmoviesmms/1850

စူပါမာရီယို (၂၀၂၃)

မာရီယို နဲ့ လူဝီးဂျီ တို့ ညီအစ်ကိုဟာ လူတိုင်းက အထင်သေးရတဲ့ ဘရွတ်ကလင်း ရဲ့ ရေပိုက်ပြင်သမား ညီအစ်ကိုနှစ်ယောက်ဖြစ်ပါတယ်။ တစ်နေ့မှာတော့ ရေပိုက်တစ်ခုကနေ မှော်တိုင်းပြည် ထဲကို ရောက်သွားပါတော့တယ်။ လူဆိုးဘုရင်ကြီး ဘောင်ဆာ ဟာ စူပါကြယ်ကြီး ကို ပိုင်ဆိုင်ပြီး သူတို့ရဲ့ မှော်လောကထဲကိုတိုင်းပြည်အားလုံးကို သိမ်းပိုက်ဖို့ ကြံစည်ထားတဲ့သူ ဖြစ်ပါတယ်။ ဒါပေမဲ့ သူက မှိုတိုင်းပြည် က မင်းသမီးလေး မက်မွန်သီး ကို အရမ်းချစ်နေတာမို့ သူနဲ့အတူ ကမ္ဘာကြီးကို သိမ်းပိုက်ဖို့ မင်းသမီးလေးကို လက်ထပ်ခွင့်တောင်းဖို့လာခဲ့ပါတယ်။ မင်းသမီးက လက်မခံခဲ့ရင်တော့ မှိုတိုင်းပြည် ကို ဖျက်ဆီးပစ်မှာပါပဲ။ ဒါကိုသိတဲ့ မင်းသမီးလေးဟာ မာရီယို နဲ့ ပူးပေါင်းပြီး ဒန်းကီးကောင် တို့ရဲ့ တိုင်းပြည်ကိုစစ်ကူသွားတောင်းခဲ့ပါတယ်။ ဘာတွေဆက်ဖြစ်မလဲဆိုတာကိုတော့ ကာတွန်းထဲမှာ ရှုစားလိုက်ပါဦး။

t.me/cartoonmoviesmms/1852

ကိုယ်လိုချင်တာ မင်းတစ်ယောက်သာ (၂၀၁၇)

မက်ရိုင်ယာ ဆိုတဲ့ ကောင်မလေးဟာ သူ့အဖေက ခွေး allergic ရှိပြီး အမေက အိမ်သန့်ရှင်းရေးနဲ့ ပတ်သက်ပြီး ချေးများတတ်သူ ဖြစ်တဲ့အတွက်သူ့မွေးနေ့တိုင်း၊ ခရစ်စမတ်တိုင်း ခွေးလေးရဖို့ ပူဆာခဲ့ပေမယ့် မရခဲ့ပါဘူး။ တစ်နှစ်မှာတော့ အရမ်းဆိုးသွမ်းတဲ့ ခွေးလေ ခွေးလွင့်လေး ဂျက် ဆိုတာ သူ့ဘဝထဲကို ရောက်လာခဲ့ပါတယ်။ သူ့အဖေက ဂျက် အရမ်းဆိုးတာတွေကို ကြုံရရင် သူ့သမီး ခွေးမွေးဖို့ စိတ်ပျက်သွားမလားဆိုတဲ့ အကြံနဲ့ ဂျက် ကို ခေါ်လာခဲ့တာပါ။ မက်ရိုင်ယာ ဟာ သူ ခွေးထိန်းနိုင်တယ်ဆိုတာ သက်သေပြဖို့ ဂျက် ဆိုးသမျှကို အကုန်သည်းခံပြီး ကြိုးစားခဲ့ပါတယ်။ ဒါပေမယ့် မထင်မှတ်ပဲ သူဟာ ဂျက် အပေါ် သံယောဇဉ်တွယ်သွားပါတော့တယ်။ ခွေးလေး ဂျက် နဲ့ မက်ရိုင်ယာ တို့ရဲ့ဇာတ်လမ်းလေးက ဘယ်လိုဆက်သွားမလဲဆိုတာ ကြည့်ရှုကြပါဦး။ ဇာတ်ဝင်သီချင်းလေးတွေက အရမ်း နားထောင်ကောင်းပြီး ဝေဝေဆာ ဆာမြူးမြူးကြွကြွ ပေါ့ပေါ့ပါးပါး ဖြစ်တာ၊ rating လဲ မြင့်တဲ့အတွက် ကြည့်ပြီးရင် နောင်တမရစေရဘူးဆိုတာ ရဲရဲကြီး အာမခံပါတယ်။

t.me/cartoonmoviesmms/1854

ရဲရင့်သူတို့ပုံပြင် (၂၀၀၆)

ဝာတာရု မီတာနီ ဆိုတဲ့ အလယ်တန်းကျောင်းသားလေးဟာ သူ့ဘဝကို စိတ်ကုန်ပြီး ကံကြမ္မာကို ပြောင်းလဲဖို့အတွက် ထူးဆန်းတဲ့ တံခါးပေါက်ထဲကို ဝင်သွားတဲ့အခါ ဗစ်ရှင်း လို့ခေါ်တဲ့ စိတ်ကူးယဉ်ကမ္ဘာထဲ ရောက်သွားပါတော့တယ်။ စိတ်ကူးယဉ်ကမ္ဘာမှာ ရတနာ ၅ ခုကို ရှာဖွေနိုင်သူဟာ ကံကြမ္မာနတ်ဘုရားမနဲ့ တွေ့ခွင့်ရပြီး ဆု ၁ ခု တောင်းခွင့်ရှိပါတယ်။ ဝာတာရု ရဲ့ သူငယ်ချင်းဖြစ်သူ အာရှီကာဝ မစ်ဆူရု ဟာလည်း သူ့ဆိုးဝါးတဲ့ ကံကြမ္မာကို ပြောင်းလဲပစ်ချင်နေသူပါ။ သူကတော့မှားယွင်းတဲ့ နည်းလမ်းနဲ့ ရတနာတွေကို ရှာဖွေခဲ့ပြီး စိတ်ကူးယဉ်ကမ္ဘာကို ထိခိုက်စေခဲ့ပါတယ်။ အကောင်းနဲ့ အဆိုး သူငယ်ချင်း ၂ ယောက် တွေ့ကြတဲ့အခါ ဘယ်လို ဖြစ်မလဲ၊ ဝာတာရု တစ်ယောက် စိတ်ကူးယဉ်ကမ္ဘာမှာ ဘယ်လိုအခက်အခဲတွေရင်ဆိုင်ရမလဲ၊ ဘယ်လို စွန့်စားရမလဲ၊ သူ့ကံကြမ္မာကို ရောပြောင်းလဲနိုင်ပါ့မလား၊ အာရှီကာဝ က ရော သူ့ကံကြမ္မာကို ပြောင်းလဲနိုင်ပါ့မလားဆိုတာကိုတော့ ကိုယ်တိုင် စိတ်ဝင်စားပြီး ရှုစားရမှာပါ။

t.me/cartoonmoviesmms/1856

ပွမ် ပိုကို (၁၉၉၄)

ပုံစံမျိုးစုံကို ပြောင်းလဲနိုင်စွမ်းရှိတဲ့ ရက်ကွန်း ဆိုတဲ့ သတ္တဝါလေးတွေဟာ တာမာတောင်ကုန်းကြီးပေါ်မှာ ပျော်ရွှင်စွာနေထိုင်ကြပါသလေသတဲ့။ ပျော်ရွှင်အေးချမ်းနေတဲ့ သူတို့ရဲ့ ကမ္ဘာလေးထဲကို လူဆိုတဲ့ လောကမှာ ညဏ်အများဆုံးတစ်ကိုယ်ကောင်း အဆန်ဆုံး သတ္တဝါတွေက မြို့လည်ကောင်မှာ လူနေထိုင်ဖို့နေရာမလုံလောက်တော့ဘူးဆိုတဲ့ အကြောင်းပြချက်နဲ့ တာမာတောင်ကုန်းမှာရှိတဲ့ သစ်တောတွေကို အပြောင်ရှင်းပြီး မြို့သစ်တစ်ခု တည်ဆောက်ဖို့ ကြိုးစားကြပါတော့တယ်။ အဲ့ဒီအချိန်မှာ ရက်ကွန်း လေးတွေဟာ သူတို့ကိုယ်စွမ်း၊ ညဏ်စွမ်းရှိသလောက် သူတို့သစ်တောလေးကို ကာကွယ်ဖို့ အစွမ်းကုန်ကို နှစ်ရှည်စီမံကိန်းကြီး ဆွဲပြီး ကြိုးစားကြပါတယ်။ ဒါပေမယ့် လူသားတွေက သူတို့ရဲ့ ပြိုင်ဘက်မဟုတ်ဘူးဆိုတာကို အသက်ပေါင်းများစွာကို စတေးပြီးတဲ့ အချိန်မှ သိခဲ့ကြရတဲ့အခါမှာ။ ဒီရုပ်ရှင်ဟာ သဘာဝပတ်ဝန်းကျင် ထိန်းသိမ်းရေးကို မီးမောင်းထိုးပြနေတဲ့ အဖိုးတန် ရုပ်ရှင်ကားတွေထဲက တစ်ခုဖြစ်ပါတယ်။ လူသားတွေရဲ့ ဖွံ့ဖြိုးတိုးတက်ရေးဆိုတဲ့ အရာတွေအတွက် သဘာဝပတ်ဝန်းကျင်ဟာ အခုအချိန်အထိ စတေးခံနေရတုန်းပဲ ဖြစ်ပါတယ်။

t.me/cartoonmoviesmms/1858