လျှို့ဝှက်သော တောအုပ်စီသို့ (၂၀၂၄)

အန်ဂျလို ဆိုတဲ့ ဆယ်နှစ်သားကောင်လေးတစ်ယောက်ဟာ ၁၀ နှစ်သားလေးတွေအတိုင်း အရမ်းစိတ်ကူးယဉ်ဆန်ပြီး သဘာဝတောတောင်ရေမြေတွေမှာ စွန့်စားခန်းခရီးထွက်ရတာကို အရမ်းခုံမင်နှစ်သက်တဲ့ ကောင်လေးတစ်ယောက်ဖြစ်ပါတယ်။ မြို့ပြတစ်ခုမှာနေထိုင်တဲ့ သူတို့မိသားစုဆီကို တစ်မနက်မှာ အဘွားဖြစ်သူက နေမကောင်းလို့ အသည်းအသန်ဖြစ်နိုင်တယ်ဆိုပြီး အဒေါ်ဖြစ်သူဆီကနေ ဖုန်းဝင်လာတဲ့အခါ အန်ဂျလို တို့မိသားစုဟာ ကားနဲ့ အဘွားရှိရာ ကျေးလက်ဒေသကို သွားဖို့ ဖြစ်လာခဲ့ပါတယ်။ ဒီလိုနဲ့ အလျင်လိုနေတဲ့ အန်ဂျလို တို့မိသားစုဟာ လမ်းမှာ တစ်ထောက်နား အပေါ့အပါးသွားဖို့ ဖြစ်လာခဲ့ပါတယ်။ ဒါပေမဲ့ သန့်စင်ခန်းဝင်ရင်း အချိန်ထဲ မျောသွားတဲ့ အန်ဂျလို ကို အလျင်လိုနေတဲ့ မိဘတွေက သတိမထားမိသွားလို့ အန်ဂျလို ဟာ တစ်ထောက်နား လမ်းဘေး ဓာတ်ဆီဆိုင်နားမှာပဲ ကျန်ရစ်ခဲ့ပါတယ်။ ဒါပေမဲ့ လောကဓံကို မကြုံဖူးသေးတဲ့ အန်ဂျလို လေးဟာ စိတ်အားထက်သန်မှုအပြည့်နဲ့ သူအရမ်းချစ်ရတဲ့ အဘွားရှိရာကို မရရအောင် သွားမယ်ဆိုပြီး အဝေးပြေးတောလမ်းကို မရရင်အောင် ဖြတ်ဖို့ လုပ်ခဲ့ပါတယ်။ အဝေးပြေးကားလမ်းပေါ်မှာ မဟုတ်ဘဲ တောလမ်းကနေ သွားဖို့ ဖြစ်လာခဲ့တဲ့ အန်ဂျလို လေးဟာ တောအုပ်ရဲ့ တစ်နေရာကို ရောက်သွားတဲ့အခါ ထူးဆန်းတဲ့ မုခ်ဝတစ်ခုကို ဖြတ်ပြီး စိတ်ကူးယဉ်ကမ္ဘာတစ်ခုလိုနေရာမျိုးကို ရောက်သွားပါတော့တယ်။

t.me/cartoonmoviesmms/1681

ကမ္ဘာငယ်လေး (၂၀၂၄)

ကမ္ဘာငယ်လေး လို့ခေါ်တဲ့ သတ္တုတွင်းမြို့ကို တိုင်ဟေ ဆိုတဲ့ စက်မှုလုပ်ငန်းကအုပ်စိုးပြီး ထူးဆန်းတဲ့ မြေအောက်ပေါက်ကြီးတွေနဲ့ တူးမြောင်းတွေကြောင့်ဝင်္ကပါကြီးလို ဖြစ်နေတာပါ။ ကဂါရီ နဲ့ ယူယာ ဆိုတာ အဲဒီမြေအောက်ပေါက်‌တွေထဲမှာ လမ်းတွေရှာရင်း မြေပုံဆွဲတဲ့သူတွေဆိုပေမယ့် ယူယာ ကတော့ မြို့ကနေ ထွက်သွားချင်နေခဲ့တာပါ။ ဒီလိုနဲ့ တစ်‌နေ့မှာ ကဂါရီ တစ်ယောက် ယူယာ ကိုလိုက်ရှာရင်း မြေအောက်အဖွဲ့အစည်းတစ်ခုက မြို့ကို ပျက်စီးစေနိုင်တဲ့ အရာတစ်ခုကို ကြိတ်ပြီး ကြံစည်နေတယ်ဆိုတာကို မြင်ခဲ့ရပါလေရော။ ဒါပေမယ့် တစ်ခုရှိတာက မြေအောက်ကနေ မြို့ပေါ်ကို ရောက်နိုင်ဖို့ အဓိကလိုအပ်တဲ့အရာက မြေပုံပါပဲ။ ဒီတော့ အဲဒီအတွက် မြေပုံကရော ဘယ်သူ့ဆီက ရမှာလဲ၊ မြို့ပေါ်က အဖွဲ့အစည်းကရော အဲဒီတိုက်ခိုက်မှုကြီးကို ခုခံနိုင်ပါ့မလားဆိုတာ မထင်ထားတဲ့ လှည့်ကွက်တွေနဲ့ ဇာတ်ကောင်တွေနဲ့ စိတ်ဝင်စားစွာ ကြည့်ရှုရမှာပဲဖြစ်ပါတယ်။ ကုရယုကဘာ နဲ့ မတူတာကတော့ နှစ်ကားလုံးက ဝင်္ကပါလို ပြောင်းလဲနေတဲ့ မြို့တွေမှာ ဇာတ်အိမ်တည်ထားတာဆိုပေမယ့် ပထမကားကတော့ စုံထောက်နဲ့ စစ်ဆေးရေးတွေကို အသားပေးဖန်တီးထားပြီး ဒုတိယကားကတော့ မြေပုံဆွဲသူတွေနဲ့ ဒေသတွင်းအဖွဲ့အစည်းတွေကြားက တိုက်ခိုက်မှုကို အဓိက ရိုက်ထားတာကြောင့် အမိုက်စား အက်ရှင်ခန်းတွေ ပိုပြီးပါဝင်တာကြောင့် ပျင်းဖို့ကောင်းမှာတော့ မဟုတ်ပါဘူး။

t.me/cartoonmoviesmms/1683

ပွဲဝောာ်ရာသီက လူပျောက်ဆုံးမှုများ (၂၀၂၄)

Anime ကိုမှ စုံထောက်ဇာတ်လမ်းတွေ၊ Action တွေ၊ မြှုပ်ကွက်တွေရဲ့ ခံစားမှုကို ကြိုက်တဲ့သူတွေအတွက် ဇာတ်လမ်းကောင်းလေးတစ်ပုဒ်နဲ့ မိတ်ဆက်ပေးချင်ပါတယ်။ ဆိုတာရိုး ဆိုတဲ့ စုံထောက်ဟာ သူ့ရဲ့ သတင်းပေးသမားလေး ဆာကီ နဲ့အတူ အိုဆုဇီ စုံထောက်ကုမ္ပဏီကို တည်ထောင်ထားပေမယ့် မယ်မယ်ရရ အလုပ်မဖြစ်တော့ ခက်ခဲတဲ့ အခြေအနေကို ရောက်နေပါတော့တယ်။ တစ်နေ့တော့ သူတို့မြို့မှာ ပွဲတော်ရာသီကို ရောက်လာပြီး မြို့ပေါ်မှာ ခရီးသွားဆပ်ကပ်တွေနဲ့ပျော်ရွှင်မြူးထူးနေကြပေမယ့် တစ်ဖက်မှာတော့ လူတွေ အစုအပြုံလိုက်ပျောက်ဆုံးမှုတွေ ရှိနေပြီး အဲ့ဒါတွေနဲ့အတူ ဘီးလုံးရာတွေပါ ပေါ်လာတတ်ပါတယ်။ အဲ့ဒီကိစ္စကို စုံစမ်းဖို့ သတင်းသမားတစ်ယောက်က ဆိုတာရိုး ကို အလုပ်အပ်ခဲ့ပေမယ့် စုံထောက်က သူကိုယ်တိုင်မသွားဘဲ ဆာကီ လေးကို လွှတ်လိုက်ပါလေရော။ တကယ်တော့ သူတို့နေတဲ့ မြို့က မြေအောက်မှာပါ အမှောင်ထု လို့ခေါ်တဲ့ သီးခြား Society တစ်ခုရှိပြီး မကောင်းမှုတွေ၊ ခိုးဆိုးလုနှိုက်ဂိုဏ်းတွေနဲ့ ပြည့်နှက်နေတဲ့ နေရာတစ်ခုဖြစ်ပါတယ်။ လူပျောက်မှုတွေရဲ့ နောက်ကွယ်က တရားခံကလည်း အမှောင်ထုထဲက မျက်နှာဖုံးဂိုဏ်း ပဲလို့ ယူဆထားကြတာပါ။ ဒီလိုနဲ့ ဆာကီ ကို အမှောင်ထုထဲကို သတင်းရှာလွှတ်လိုက်ပေမယ့် ကောင်မလေးကိုပါ ပြန်ပေးဆွဲထားကြတော့ သူကိုယ်တိုင် အမှောင်ထုထဲကို သွားဖို့ ဖြစ်လာပါတော့တယ်။ အဲ့ဒီလိုနဲ့ပဲ ဆိုတာရိုး ဟာ အမှောင်ထုထဲကို ရောက်သွားပြီး အဲ့ဒီမြေအောက်ကမ္ဘာမှာ မျက်နှာဖုံးဂိုဏ်း ကို ရှင်းပစ်ဖို့ လုပ်နေတဲ့ နတ်ဆိုး ၄၆၃ ဆိုတဲ့ သံချပ်ကာရထားကို ဦးစီးနေတဲ့ ရဲတပ်ဖွဲ့နဲ့ တွေ့ပြီး ပျောက်ဆုံးမှုတွေနဲ့ ပက်သက်ပြီး အတူတူ စုံစမ်းကြတဲ့အခါ။ ဆာကီ ကို ရော ပြန်တွေ့နိုင်ပါ့မလား။ အဲ့ဒီပျောက်ဆုံးမှုတွေရဲ့ တရားခံက ရော မျက်နှာဖုံးဂိုဏ်း ဟုတ်ရဲ့လား။ ဘီးလုံးရာတွေက ရော ဘယ်ကလဲ။ အခြား တရားခံတွေရော ရှိနေမလားဆိုတာကို မြှုပ်ကွက်ပေါင်းစုံနဲ့ ကြည့်ရှုခံစားရမှာပဲဖြစ်ပါတယ်။ အနည်းငယ်တော့ ရှုပ်ထွေးမှုတွေ ရှိနိုင်ပေမယ့် သေချာအာရုံစိုက်ကြည့်ရင် စိတ်ဝင်စားဖို့ကောင်းတဲ့ ဇာတ်လမ်းလေးတစ်ခုဖြစ်လို့ ကြည့်ရှုအားပေးဖို့ ဖိတ်ခေါ်အပ်ပါတယ်။

t.me/cartoonmoviesmms/1685

တြာပီဇီယမ် (၂၀၂၄)

အဇူမာ ယူး ဆိုတဲ့ အရှေ့အထက်တန်းကျောင်းက အထက်တန်းကျောင်းသူလေးဟာ အိုင်ဒယ် တွေကို ရူးသွပ်သလို သူ့ရဲ့အိပ်မက်ကလည်း အိုင်ဒယ်တစ်ယောက် ဖြစ်လာဖို့ပါ။ သူ့ရဲ့ဆန္ဒကတော့ အရှေ့၊ အနောက်၊ တောင်၊ မြောက် ဖြစ်တဲ့အနောက်ပိုင်း Techno အသက်မွေးဝမ်းကျောင်း၊ တောင်ပိုင်းသူတော်စင် တေနရီတပ်စ် ကျောင်း နဲ့ မြောက်အထက်တန်းကျောင်း က ကျောင်းသူလန်းလန်းလေးတွေကို စုပြီး နျူးစ် ဆိုတဲ့ အိုင်ဒယ်အဖွဲ့ ဖွဲ့ချင်တာပါ။ ကျောင်းတစ်ကျောင်းချင်းစီက စကီအလန်းလေးတွေကို သူငယ်ချင်းလိုက် ဖွဲ့ရင်း အိုင်ဒယ်အဖွဲ့တစ်ခု ဖြစ်လာအောင် အဇူမာ ယူး ရဲ့ ကြိုးစားအားထုတ်ပုံတွေကို သူငယ်ချင်းတွေကြားကကိုယ်စီဘဝဇာတ်ကြောင်းတွေနဲ့ ဒရမ်မာလေးတွေကြားက ကြည့်ရှုရမှာပါ။

t.me/cartoonmoviesmms/1687

ခွဲခြားမရသော (၂၀၂၃)

ဒွန်းကီတေးယို ဆိုတဲ့ ရုပ်သေးရုပ်လေးက ပြဇာတ်ရုံမှာ အရူးနေရာကပဲ အမြဲတမ်း သရုပ်ဆောင်နေရလို့ သူရဲကောင်းတစ်ယောက်ဖြစ်နိုင်တယ်ဆိုတာ သက်သေပြဖို့အရေး အပြင်လောကကြီးကို ထွက်လာခဲ့ပါတယ်။ လမ်းမှာ စွန့်ပစ်ခံ ဒီဂျေခွေး ရုပ်လေးနဲ့ ဆုံပြီး လက်ထောက်အဖြစ် ခန့်လို့ ကူကယ်ရာမဲ့ သတ္တဝါလေးတွေကို ကယ်တင်ခဲ့ကြတာပေါ့။ တစ်နေ့ ပြဇာတ်ရုံဆီ ပြန်အလာ သူ့အဖော် ရုပ်သေးရုပ်လေးတွေကို သူခိုးနှစ်ယောက် ခိုးသွားတာ သိပြီး ဒွန်းကီတေးယို တစ်ကောင်ကယ်ဆယ်ရေး စွန့်စားခန်းကြီး ဖွင့်ရပါတော့တယ်။

t.me/cartoonmoviesmms/1689

ကီရီကူး နှင့် မှော်ဆရာမကြီး (၁၉၉၈)

ဒီကားက နာမည်ကြီး ပြင်သစ် ဒါရိုက်တာ မီရှယ် အိုဆယ်လို ရဲ့ အာဖရိက ရိုးရာပုံပြင်တစ်ပုဒ်ကို 2D အနိမိတ်ရှင်းနဲ့ ဖန်တီးထားတဲ့ ထူးထူးခြားခြား ဇာတ်ကားတစ်ကားပါ။ ဇာတ်လမ်းကတော့ ရွာသားတိုင်း ကြောက်ရွံ့နေတဲ့ စုန်းမကြီး ကရာဘာ ချုပ်ကိုင်ထားတဲ့ အာဖရိကရွာလေးတစ်ရွာက မွေးဖွားလာတဲ့ ကီရီကူး ဟာ သူ့ရွာကို စုန်းမကြီးရန်က လွှတ်မြောက်စေဖို့ စွန့်စားခန်းတစ်ခုသွားပုံကို ရိုးရာပုံပြင်နဲ့ ပေါင်းစပ်ပြီး ဖော်ပြထားပါတယ်။ ကရာဘာ ဟာ အမှန်တကယ် ဆိုးဝါးတာမဟုတ်ဘဲ မကောင်းတဲ့သူတွေက သူ့ကို လုပ်ခဲ့တဲ့ အဖြစ်အပျက်ရဲ့ နောက်ကွယ်မှ တကယ့်အကြောင်းအရင်းများကို ကီရီကူး က တဖြည်းဖြည်း နားလည်သွားရာကနေ ဘယ်လို အဆင်ပြေအောင် လုပ်ပေးမလဲဆိုတာ ကြည့်ရှုရမှာပါ။

t.me/cartoonmoviesmms/1691

ရဲရင့်သော ပေါင်မုန့်ဖုတ်စက်လေး (၁၉၈၇)

ဇာတ်လမ်းက ၁၉၈၇ ခုနှစ်မှာ ထွက်ရှိခဲ့တဲ့ အန်မေးရှင်းကားဖြစ်ပြီး ဇာတ်လမ်းပုံစံထူးခြားတဲ့ ဇာတ်ကားပဲ ဖြစ်ပါတယ်။ ဒီဇာတ်လမ်းက ပေါင်မုန့်မီးကင်စက်၊ ရေဒီယို၊ ဖုန်စုပ်စက်၊ မီးအိမ် နဲ့ စောင်ကလေးတစ်ထည်တို့ကို အခြေခံထားတာဖြစ်ပါတယ်။ သခင်ဖြစ်သူငယ်ငယ်ကတည်းက အတူတူရှိလာတဲ့ အဲဒီအိမ်သုံးပစ္စည်းတွေဟာ သခင်မရှိတော့တဲ့အချိန် တစ်နေ့ သခင်ပြန်လာနိုးနဲ့ အိမ်ဟောင်းလေးမှာပဲ စောင့်မျှော်နေခဲ့ကြတာပါ။ ဒါပေမယ့် အဲဒီအိမ်ဟောင်းလေးအရောင်းစာရင်းတင်ခံလိုက်ရပြီး သခင်ပြန်မလာနိုင်တာ သေချာသွားတဲ့နောက် သူတို့ကိုယ်တိုင် သခင်နောက်ကိုလိုက်ကြဖို့ ဆုံးဖြတ်လိုက်ကြပါတော့တယ်။ အဲဒီလိုနဲ့ပဲ အသက်ဝင်နေတဲ့ အိမ်သုံးပစ္စည်းကလေးတွေ ရဲ့ နယ်အိမ်ကလေးကနေ မြို့ပြကြီးဆီသွားတဲ့ ခရီးကြမ်းမှာ ဘယ်လို အခက်အခဲမျိုးတွေ၊ စွန့်စားမှုတွေနဲ့ ကြုံတွေ့ရမလဲဆိုတာ ကြည့်ရှုရမှာ ဖြစ်ပါတယ်။

t.me/cartoonmoviesmms/1693

ဓားတစ်သောင်းရာဇပလ္လင်

အပိုင်းသစ် ၂၇

t.me/+FAR35FX3J15iMzVl

Wi-th You, Our Lo-ve Wi-ll Ma-ke It Thr-ough (2025)

အပိုင်းသစ် ၂

t.me/+RyZIfQFqomxlNGU1

ချစ်ခြင်းမေတ္တာ အနီးနားမှာ

အပိုင်းသစ် ၄

t.me/+9Lvas7WVysRjZjg1

သူငယ်ချင်း ၄ ယောက်စွန့်စားခန်း (၂၀၀၅)

မာတီ ဆိုတဲ့ မြင်းကျားလေးရယ်၊ အဲလက်စ် ဆိုတဲ့ ခြင်္သေ့ရယ်၊ မယ်လ်မန်း ဆိုတဲ့သစ်ကုလားအုတ်ရယ်၊ ဂလော်ရီရာ ဆိုတဲ့ ရေမြင်းမလေးရယ် သူတို့ ၄ ကောင်ဟာ နယူးယော့ခ်တိရစ္ဆာန်ရုံက တိရစ္ဆာန်လေးတွေဖြစ်ပါတယ်။ တစ်နေ့မှာ တိရစ္ဆာန်ရုံက ပင်ဂွင်း ၄ ကောင်က အန္တာတိကတိုက်ကို ထွက်ပြေးဖို့ ကြိုးစားနေကြတာကို မာတီ တွေ့လိုက်ရာက “ငါတို့လည်း အရိုင်းတောထဲမှာ တောရိုင်းသတ္တဝါတွေနဲ့ သွားရင် ပျော်စရာကောင်းမယ်” လို့ အတွေးရသွားပါတော့တယ်။ သူ့မွေးနေ့မှာ ကျန်တဲ့ သူငယ်ချင်း ၃ ယောက်က မွေးနေ့လုပ်ပေးပြီး လက်ဆောင်တွေ ပေးကြပေမဲ့ သူမပျော်တော့ပါဘူး၊ အကုန်လုံးက မဖြစ်နိုင်တဲ့အကြောင်း ပြောကြပါတယ်။ သူတို့ အိပ်သွားတဲ့အချိန်မှာ တစ်ယောက်တည်း ထွက်သွားဖို့ ဆုံးဖြတ်လိုက်ပြီး သူသွားတာကို တရေးနိုး အပေါ့သွားတဲ့ မယ်လ်မန်း က သိသွားပြီး အဲလက်စ် နဲ့ ဂလော်ရီရာ ကို ပြောပြလိုက်ပါတယ်။ ဒီလိုနဲ့ သူတို့တွေ မာတီ နောက်ကို လိုက်ရင်း လူတွေ မိသွားတဲ့အခါ တိရစ္ဆာန်ရုံ ပြောင်းခံရပြီး လမ်းမှာ သင်္ဘောပေါ်က ပြုတ်ကျကာ လူသူမရှိတဲ့ ကျွန်းတစ်ကျွန်းကို ရောက်သွားပါတော့တယ်။ အဲကျွန်းမှာ သူတို့ ဘာတွေနဲ့ ရင်ဆိုင်ရမလဲ၊ သူတို့ သူငယ်ချင်း ၄ ယောက်ဟာ အရင်လို ချစ်ချစ်ခင်ခင်နဲ့ ရှိနိုင်ပါ့မလား ဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1697

သူငယ်ချင်း ၄ ယောက်စွန့်စားခန်း ၂ (၂၀၀၈)

t.me/cartoonmoviesmms/1699

သူငယ်ချင်း ၄ ယောက်စွန့်စားခန်း ၃ (၂၀၁၂)

မာဒါဂတ်စကား လို့ ပြောလိုက်တာနဲ့ တလွဲတွေလုပ် ဟာသတွေဖြစ်နေတတ်တဲ့ ခြင်္သေ့ကြီး အလက်စ် နဲ့ သူ့သူငယ်ချင်းတွေဖြစ်ကြတဲ့ မြင်းကျား မာတီ သစ်ကုလားအုတ် မယ်လ်မန် နဲ့ ရေမြင်းမကြီး ဂလိုးရီးယာ တို့ကို ပြေးမြင်မိကြဦးမှာပါ။ ဒီနောက်ဆုံးထွက် အီရိုပ်စ် မိုက်စ် ဝေါ့န့်တက် မှာဆိုရင် အလက်စ် နဲ့ သူ့သူငယ်ချင်းတွေဟာ သူတို့ရဲ့ အိမ်ဖြစ်တဲ့ နယူးယောက် ဆင်ထရယ်ပါတ်ဇူး ကို ပြန်ဖို့ ကြိုးစားနေကြတုန်းပါ။ ဒါပေမဲ့ မောင်တေး ကာစီနို မှာ ဘဏ်ဖောက်ဖို့ ကြိုးစားနေတဲ့ ပင်ဂွင်းနဲ့ မျောက်တွေကို သွားခေါ်ရဖို့ အကြောင်းဖန်လာပါတယ်။ အဲ့လိုနဲ့ ပြင်သစ်က တိရစ္ဆာန်ထိန်းချုပ်ရေးအရာရှိမကြီး ဒူဘွာ နဲ့ တွေ့တဲ့အခါမှာ အလက်စ် တို့ မမျှော်လင့်တဲ့ အခြေအနေတွေနဲ့ ကြုံရပြန်ပါတယ်။ အလက်စ် တို့ သူတို့ရဲ့ အိမ်ကို ပြန်ရောက်နိုင်ပါ့မလား၊ ဒူဘွာ ကြီးက ဘယ်လိုတွေ တားဆီးမလဲဆိုတာကို အရှေ့က မာဒါဂတ်စကား ၁ & ၂ အတိုင်း ပရိသတ်များကို စိတ်မပျက်စေဘဲ ချစ်စရာ ဟာသဆန်ဆန် တိရစ္ဆာန်လေးတွေကို ကြည့်ရှုရမှာဖြစ်ပါတယ်။

t.me/cartoonmoviesmms/1701

မွန်းစတားအိမ်ကြီး (၂၀၀၆)

IMDB - 6.6/10
Genre - Horror/ Comedy

အမြဲမှန်ပြောင်းတစ်ခုနဲ့ အလုပ်ရှုပ်နေတတ်တဲ့ DJ တစ်ယောက်က သူ့အိမ်ရှေ့အိမ်ကို အမြဲစူးစမ်းနေတတ်ပါတယ်။ အမြဲတိတ်ဆိတ်ပြီး ကလေးတွေကို မနှစ်သက်၊ ကလေးတွေလာရင် မောင်းထုတ်တဲ့ မစ္စတာ နက်ဘာ-ခရကာ ရဲ့ အိမ်ကြီးကကလေးတွေကို တော်တော်မုန်းတဲ့သူပါ။ ကလေးတွေကလည်း သူ့ကို ကြောက်ကြပြီး သူ့ကို မကြည့်ချင်တဲ့ လူဆိုးလေးတွေကလည်း အိမ်ကို နည်းမျိုးစုံနဲ့ နှောက်ယှက်ကြပါတယ်။ ကလေးတွေ အများဆုံး လမ်းပေါ်ထွက်တဲ့ ဟော်လိုဝင်း ကာလဆိုတာကလည်း မစ္စတာ နက်ဘာ-ခရကာ အတွက် အမုန်းဆုံးအချိန်ဖြစ်လာပါတယ်။ ဒါပေမယ့် သူဘာလို့ ဒီလောက်တောင် ပစ်ပစ်ခါခါဖြစ်နေရတာလဲဆိုတဲ့ နောက်ကွယ်က အကြောင်းအရင်းလေးတွေရှိသေးတယ်။ ဒီလိုအကြောင်းအရာတွေကို ဖော်ထုတ်ဖို့ အကြောင်းဖန်လာတော့ DJ တို့နဲ့ ကလေးတစ်သိုက်ကဘယ်လိုတွေ လုပ်ကြမယ်ဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1703