أصبحت أُغادر الأماكن حتى وإن كنت أحبها إذا شعرت بأنها تؤلمني كما أنني أقوم بهجر أصدقائي إذا شعرت بأنّ صداقتهِم لا تفعل شيئًا سوى إيذائي بالإضافة إلى أنني توقفت عن الرد على الهاتف حينما أكون حزينًا تعملت كيف أقول لا وكيف أهرب بقلبي من أي محاولة لخذلانه

ثـم مـاذا
ثـم تخطيتك گـجندي يـتخـطى جثث اصدقائه
ليـكـمل الـحـرب

هي لحظة..
لحظة وحدة راح تكون فاصل بين انك تعرف وبين انك تدرك..

لحظة راح تكون نتيجة اشهر اسابيع ايام ساعات من الاحاسيس و مشاعر حزن الالم فرح ابتهاج حقد ضغينة سوء ، من المعرفة من الافعال و من ردات الافعال..

لحظة راح تعلمك اشياء ما تعلمتها بسنين راح تخليك تذوق المرة وراح تشوفه طعم رائع بس هذا راح يحسسك بطعم الحلو اكثر ..

لحظة راح تكون كفيلة تخليك تكطع العصب من الجذر تخليك تواجه اكبر مخاوفك بدم بارد راح تخليت تفعل الاشياء الي جنت مجرد فكرتها ترعبك راح تسويها وانت تضحك..

لحظة وراح تبصر وراح تشوف بعقلك مو بعيونك راح تدرك الاشياء الي جنت اصلا تعرفها ..

لحظة وراح تذوب كل معدن مو اصلي راح تذوب الالوان و تضهر الاشياء الي جنت انت ملونها راح تشوف لونها الحقيقي وراح تدرك ان الالوان شي بشع بس راح تستمر تلونها بس هل مرة تحت رغبتك انت …

لحظة راح تتفجر بيها كل الهرمونات الي بجسمك وعيونك تتوسع راح تتشكل عندك اشياء ماكانت تركب مع بعضها وراح تسأل نفسك الف سؤال بس راح تهدأ وراح يصير صمت رهيب بعقلك انت صرت تعرف تجاوب ع الاسئلة حتى لو مجان الجواب هوه نفسه بس هذا الجواب كافي جواب مريح لعقلك…

لحظة راح تحس بيها بنشوة الانتصار حتى لو جانت لحظة مؤلمة كفيلة بتكسير اضلعك بس راح تتنفس الصعداء انت خلص وصلت وصلت انت شخص عظيم عظيم الدرجة انت بلحظة مؤلمة إلم فضيع لكن مستمتع لدرجة الأدرينالين والدوبامين متفجرات بجسمك ومبتسم ..

هي لحظة لحظة وحدة كفيلة بتغيير شامل نقلة نوعية نقلة من شيء الى شيء مختلف اختلاف رهيب …

هي لحظة وحدة فقط ….