ردو من عساهم كون لا ردو
چتف طك بچتف شافونه و تعدو
جثه مشوها وما كثر بينة الشوف
بساع وجوههم داروها من صدو .

شگُبرها الوحَشة مِن دونچ
وبيمن يلتهيّ الـ سولته عَيونچ .

واني تعَبّني
الليالي
والأغاني
والجَمال البيّچ
وعَيونچ .

خذني يمَّك
گبُل لا يخلص صبُرنه
ويطفىٰ دم وجُوهنه وتِطلع صفر
خذني يمَّك
بعد ماظل كُل عذر لا تعتذر
خذني يمَّك
گبُل لا يم الصُفر ينحَط صُفر
- جبار رشيد

السَلامُ على الصِدّيقة الطّاهِرة التقية
" فاطِمةُ الزَهْراء " سَيّدة نِساءْ العالَمين .

تعال أرجَع
مِد چَفك عَليه بساع
والزم روحِي لاتطلع
انا بوجهَك اصيراً زين
دوة الدِكتور مَا ينفع .

أنت خليك بمكاني
الصار بيه يصير بيك ..
بنص نهر لازم تعبره
وتلتفت ماتلگه أيديك
انه هذا الصار بيه
بنص نهر عافتني أيديه
وعلى الجرف بس الشماته
وأنت گلي شلون أصيح !

مُطر گُلش مُطر
والشَارع مغَوش حچي
وريحة ناس
مالك شغُل بيهم
ولازِم تحُبهم ومايدرون ضيّمَك !
يشتگُولك ضيّمهُم
تِبچيلهُم
وتريد تحچي شوية
ضيّمَك يضحكون .

يا غَزل يرهم على طولچ ؟
وّ يا أغنيه التگدر تُوصف عيونچ.

وانتِ عذبة شلون دجلة
ويمچ تحوم النوارس
والله لو كللها بجمالج
مايضل الليل دامس
الناس حلاها لبسها
وانتِ حليتي الملابس .

ضَلي يَمي يَمچ أشِعر بلـ أمان
أيدي بـ أيدچ لايَضيعنه الزَمان

بنُص هذا الضياع انتَ المصبرني
وتهديني شوكت ما وكتي وترُني
انتَ العافيه وانتَ انتِصار الذات
مو وياي احسَك لا جُزء مني
والله عُيونك سالفه تتعب
الچذب تارس عُيون الناس
بس عُيونك الحِلوات مَتچذب .