.

قبل لتصير شاعر صير انسان
حتى نكول هاذ انسان شاعر
الشاطر مو اليغلب هاذ لْـۆ ذاك
بس الي تحبه الناس شاطر .

گطعت الساني خاطر ما احاچيك
و خاطر ينتهي البينك و بيني
لگيت نوب عيني تسولف وياك
يعني شلون اگص السان عيني .

زرف ترچيه جرحك ما يلمه خياط .

الكسرة مو بالعظم
الكسرة كسرة گلب
من يرجع لوحدة
مكسور ويعاند
من تختلف دنيتك
ويدور بيك الزمن
مو مثل مارايد
من التحبة صدك
يخلف وياك الوعد
والغيرك مواعد
من تعوف كل الخلگ
ذيچ التحبك صدُك
ومچلب بواحد .

خوفة تظل بالطفل
من ينچوي يبتعد
چا انتَ من تنچوي
متصيرلك خوفة
يا گلبي كافي بعد
ميحبنة خنعوفة .

نام ليلك وانه انام
و النه الله الما ينام
يشوفنة و عينة علينة
احنة غير الله شبدينة .

يا من هواه أعزه وأذلني
كيف السبيل إلى وصالك دلني
وتركتني حيران صبًا هائمًا
أرعى النجوم وأنت في نوم هني
عاهدتني ألا تميل عن الهوى
وحلفت لي يا غصن ألا تنثني
هب النسيم ومال غصن مثله
أين الزمان وأين ما عاهدتني
جاد الزمان وأنت ما واصلتني
يا باخلاً بالوصل أنت قتلتني
واصلتني حتى ملكت حشاشتي
ورجعت من بعد الوصال هجرتني .