شَيفيد العُمر لو ماعَيشه وياچ؟
حَياتي بلايّة حُبچ والله ما تسوى .

صَاير مَا تحَن كلش هَل ايام
وحَيل تغيرت بيك المَوده

وعَاتبني إذا غيري
صبر وياك
مِثل گلبي جذب
يتحمل ويصبر .

شلون انساك !
‏احبك مِن الأبهر وأعبد السوّاك
‏لو شَمرة ، فراش .
‏البي مَرض مُعدي يشمروني
‏ولا فَرگاك .

منين ما تندارين
احبج
بحر ويحاوط
جزيرة
يا طموحاتي الأخيرة
ويا مُعاناتي الجبيرة .

يا صاحبتها يلوصلتي لدارها
احجيلي عنها شلونها وشخبارها
شدار الكلام البينج وما بينها
وشجانت تكلج بنظرة عينها
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني ايدج ألامسن جفينها
لمساتها الضلت بجفج وينها
محتاجهن بلكت يطفن ناري .

تعال امسح ادموعَك
وارسم افراح
على عيونك وخدك
والشفايف
ومعليك بحزن ذيج
المواضيع وراح
اختارلك احلى السوالف .

رُغم ذيج مرورتك
ولهَسه احِن
وذكرياتك ضاله بكلبّي
شَخابيط بَسجن .

يَصفُ العِراقيّن
حِزنَهُم بشَعُر مَثلاً :
تعَبَت رُوحي چزعَت مِن العَتاب
گُل ما أرِيد أسُولِف تَغُرك العَيّن .

تِجي مِن بعيد تمشي
أعيونكّ أنتَ ويْاي
ليش مِن تدّنى تنزِل عيُونك
أنا بگلبي أگلك ياهلا بمّلگاك
وأسمعك مِن تگِلي بگلبك شلوَنك .