يصف العراقيون حُبهم
بِشعر جَبار رَشيد ، فمثلًا يقولون
" انة ليلي بلاية واهس ما انام
شلون لو صرت انتَ واهس ليلي"

أرسمَك مِلتفِتلي وتطلَع اوّهام
ملامح وجهي مافهمت معانيك
ثكل جرحك كبل خطواتك وياي
شنو شنو عالزعل خفيت رجلك..
من اذب حسرات انشف حروره الصيف
هيج وياي وصلت من اسميك
من اكشف جروحي هيبة گبال الجروح
بكثر ما مشن جنت بروحي امشيك
مطر غيم انتظارك يبس الروح .

لـ عّلي رُشم .

ادري بيك تحبني ما داعي الكلام
وادري بدموعك صدك تبچيلي
من تجيني لا تكلمني بغرام
وعفية عوف الشوگ لا تحچيلي
انة ليلي بلاية واهس ما انام
شلون لو صرت انتَ واهس ليلي.

وبيننا وبينك فرق كِلّش چبير
ومانگول اسباب كِل هذا الفرق
مانكمل السالفه لحد الأخير
مِن الأساس وياك مسدوده الطُرق
ويانا ماترهم ، ومانرهم مُحال
وياك مانگدر ندوم ونستمر
وياهو گلك بالسهل درب الوصال
وانتَ تدري دروبنا مورثه جمّر .

وعاتِبني أذا غَيّري صُبر ويّاك
مِثل گلبي چذب يتحَمل ويصبُر .

أماشِيك بغَلط
وذنوب فَوگ ذنَوب
وأشيّلن ذنبّك
وأدري عَلي مِحسوب
علىٰ الفُطرة ويحِب
شيّقنعة گلبّي يتِوب .

آنة أدري گاضي العمر
بيكم بلياكم
بس چان أحلى يظل
لو باقي وياكم
لا والمصيبة الگلب
لا يرضى إلكم يحن
ولا يرضى ينساكم
بأزمة تناقض عشت
أكرهكم بأغنية
وبغيرها أهواكم .

شوديلك رسايلنا كلاها الذِل .