چان اخر درس و انتهت كل قصة
مثل درس الأخير الما ورا فرصة .

خلصت وانتهت بس انه ملچوم
الوكت خلصته وياك بمعاناة
واذا تسئل علي لا تسئل شبيك
انه واحد متت من الحرامات .

نعم انه اعترفلك صرت خواف
شفت الخوف يرجف كاتله الخوف
درب حبك ضياع و امشي و التاف
ترا اليسمع سمع مو مثل الي يشوف .

حن وانا احن
غنّاها ياس بكل حزن
وانة استمع واذگرك
ودموعي تاكل بالچفن
ليش ارحلت من دنيتي
وسهامك بگلبي دفن
يمتة تحن وترد الي
والجسد بعدك منطعن
دنياي صارت بس وهم
وساعاتي صارت بس حزن .

الدنيا يمكم مطر و احنه ولا گطرة
عافانه حتى المطر چي يدري ننتظرة .

طاحن بالخريف أوراقي گلت تهون
تانيت الربيع وطاحت الشجره
أجر بيها بسناسل ما اجت وياي
ويه الغير أجت بخيوط بكره .

باچر مظفر يمر بية بتوابيت القصايد
لو سمع حن و انه احن .