شسويت شوف شسويت
ماگدرتها وغصيت
بالحطب غطيت النار
ردت اليصير وما صار
انوبه جبتلها جروح
حطيت فوك جروحي
شوف شلعبت بروحي .

اگرههم گره بس الله يعرف بي
واگل للروح احقدي وبالحقد زيدي
ولو لحم البشر ما ينوكل مگروه
اكل من لحمهم لو وگع بيدي .

عاگول و شربنا ملوحة الگاع
ولا مرة انحسبنه على البساتين .

المَصيبة البال بيك يودي ويجيب
أكثر من هلي وحتى من الاضماد
أثَلث سنين طيفك لو أدري يغيب
چا ما خيطت راسي ويا المخاد .

چان اخر درس و انتهت كل قصة
مثل درس الأخير الما ورا فرصة .

خلصت وانتهت بس انه ملچوم
الوكت خلصته وياك بمعاناة
واذا تسئل علي لا تسئل شبيك
انه واحد متت من الحرامات .

نعم انه اعترفلك صرت خواف
شفت الخوف يرجف كاتله الخوف
درب حبك ضياع و امشي و التاف
ترا اليسمع سمع مو مثل الي يشوف .

حن وانا احن
غنّاها ياس بكل حزن
وانة استمع واذگرك
ودموعي تاكل بالچفن
ليش ارحلت من دنيتي
وسهامك بگلبي دفن
يمتة تحن وترد الي
والجسد بعدك منطعن
دنياي صارت بس وهم
وساعاتي صارت بس حزن .