❤️‍🔥.

‏حاجة مُريحة جدًا إن ربنا يتولّى أمرك؛ اللي هو تعتمد على ربنا في كُل قراراتك وترجع له قبل أي خطوة تاخُدها، ساعتها هتعرف معنى القوة والأمان.

الشيخ الشعراوي مرة قال:
(حينما يتولّى الله أمرك فهو يُسهل لك الصعب، ويُسير أمورك كما تحب، ويُحقق لك ما كنت تظنه مُستحيلًا).

لذلك ردد دائمًا: (اللَّهُم اِحتويني برحمتك وتولَّني بقُدرتك فأنت يا رب خير المُنصفين).

‏إِنَّ اللَّهَ وَ مَلائِكَتَهُ يُصَلُونَ عَلَىٰ النَّبيِّ يَا أَيُّها الَّذِينَ آمَنُوا صَلُّوا عَلَيْهِ وَسلِّمُوا تَسْلِيمًا 🤍

‏عادي إنّك تلاقي الشخص اللي ظلمك بينجح ومرتاح ومبسوط في حياته، ودا مش معناه إن حقك راح خلاص، ربك يمهل ولا يُهمل.. يعني مُمكن ربنا يسيبه يوم واتنين وسنة، وفجأة وبدون أي تدخُل منك سوى دُعائك وتفويض أمرك لله، هتتحقق العدالة الإلاهية وكُل واحد هيدوق من نفس الكاس، وفي لمح البصر هتلاقي حقك بيرجع ونار قلبك بتهدى، وهتقعد تشكُر ربنا للصُبح، صدقني كُله بميعاده وحقك جاي جاي مهما طال الانتظار.

‏{وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ}

‏مش من حقك تقيّم حجم زعل اللي قُدامك، ولا مسموح إنّك تقول إذا كان الموضوع دا يستاهل الزعل ويستدعي إنّه ياخُد موقف ولا يعديه وخلاص، وطالما مش إنتَ الشخص اللي واقع عليه الضرر يبقى ما تتكلمش لإن مَفيش بني آدم غاوي يزعل ويضايق نفسه، وإنتَ لا مكانه ولا بنفس درجة إحساسه، فلو الشخص دا فارق معاك يبقى تتشقلب عشان تراضيه، لكن لو مش همّك زعله سيبه في حاله، بس إيّاك ثم إيّاك تقلل من زعله.
وللأسف في ناس كُل همها إنها تقلل من زعلنا وتعلّي علينا وخلاص.

.

‏أي حاجه مش متبادله متعملهاش يسطا انت مش قليل

محتاجين ننورمايلز والله .

‏كنت أتساءل دائماً عن معني (اللهم لا تكلني إلي نفسي طرفة عين) حتي فهمتها بقلبي، أن أطلب من الله ألا يتركني لأفكاري، لضعفي، لقلةٍ حيلتي، وأن يتولاني بلطفه ورحمته لأن أنفسنا ضعيفة وأفكارنا متعبة وقلوبنا مثقلة ولو أترك الإنسان لنفسه ضاع .. يا ربّ لا تكلنا إلي أنفسنا طرفة عين

.

مكانش في اي Option تاني دا الحل اللي كان قدامي

‏الأرق دا أصعب حاجة محدش متخيل قد إيه النوم المتقطع ده حاجة مرهقة خصوصاً لما بيكون بشكل يومي من غير ولا يوم راحة أحياناً بيكون مُتعب أكتر من إنك تطبق ليلة كاملة من غير نوم! نايم بس دماغك صاحية وحاسس بكل اللي حواليك بتبذل مجهود وأنت نايم أكتر من وأنت صاحي

♡

‏آه من الذكريات اللي بتخليني أقول سبحان مُقلّب القلوب و مُغيّر مقامات الناس في قلوبنا

اللهم إنا نسألُكَ جنةٌ تُنسينا تعب الدنيا.

الدنيا مش مستاهله أي حرب نفسيه حرفيا سواء جواك أو مع حد تاني ، فـ لحظه بتتقلب صحتك بتخونك و حبايبك بيروحوا منك مفيش أي حاجه مضمونه لحد دقيقه جايه .. فـ ثواني الأحوال بتتبدل مش مستاهله صراعات ، اللحظات الـ بتعدي عليك و أنت سليم و مُعافى و حبايبك حواليك بـ عُمر كامل من التوتر والقلق و التفكير حقيقي بيقتل الانسان
ربنا يجعلنا خفاف على بعض و يريح بالنا علشان راحة البال دي مبتتشراش ب فلوس الدنيا