🇦🇲🇬🇪 Մեկնարկել է Հայաստանի և Վրաստանի պաշտպանության նախարարների առանձնազրույցը, որը շարունակվել է պատվիրակությունների ընդլայնված կազմով։

Հանդիպման ընթացքում քննարկվել են պաշտպանության բնագավառում երկկողմ համագործակցության ընթացքին և զարգացման հեռանկարներին վերաբերող հարցեր։ Կողմերն անդրադարձել են նաև տարածաշրջանային անվտանգությանն առնչվող մի շարք հարցերի։

#Հայաստան #Վրաստան

🗣 Նիկոլ Փաշինյանը համոզված է, որ 2026 թ․ արդեն գետնի վրա կսկսվեն TRIPP նախագծի իրագործման աշխատանքները

Վարչապետն այդ մասին ասել է՝ ներկայացնելով իշխող «Քաղաքացիական պայմանագիր» կուսակցության նախընտրական ծրագիրը։

Իմ հաշվարկով ամենաարագը կլինի էլեկտրահաղորդման գծերը շահագործման հանձնելը։ Այս նախագիծն էլ բազմաթիվ աշխատատեղեր է ստեղծելու, և ես հույս ունեմ, որ մենք կապահովենք աշխատատեղերը Հայաստանի քաղաքացիների միջոցով, և ընկերությունները ստիպված չեն լինի այլ երկրներից աշխատուժ ներգրավել:

Փաշինյանի խոսքով՝ Գյումրի-Թուրքիայի սահման և Երասխ-Նախիջևան սահման երկաթգծի հատվածների վերակառուցում, սա արվում է 1-1.5 տարվա ընթացքում։

#TRIPP

🇦🇲🇦🇿 Ադրբեջանի և Հայաստանի միջև արդեն իսկ փաստացի հաստատվել է խաղաղություն․ Ալիև

Լատվիայի նախագահ Էդգարս Ռինկևիչսի հետ մամուլի ասուլիսում Ադրբեջանի նախագահը նշել է, որ Սպիտակ տանը համատեղ հռչակագրի ստորագրումից ի վեր տեղի են ունեցել բազմաթիվ իրադարձություններ: Սկսվել են առևտրային հարաբերություններ, մասնավորապես՝ նավթամթերքի արտահանումը Ադրբեջանից Հայաստան։

Նա նաև ընդգծել է, որ Ադրբեջանի և Հայաստանի ներկայացուցիչների փոխադարձ այցելությունները նպաստում են իրավիճակի կարգավորմանը։

#Հայաստան #Ադրբեջան

🇦🇲🇷🇺🇪🇺 ԵՄ-ին անդամակցության դեպքում ՀՀ-ն կկորցնի ՀՆԱ-ի առնվազն 23%-ը. ՌԴ ԱԽ

Անվտանգության խորհրդի փոխքարտուղար Ալեքսեյ Շևցովը նաև նշել է, որ ԵՄ-ին միանալը կհանգեցնի աշխատաշուկայի զգալի կրճատման՝ 10.50 տոկոսային կետով և գնաճի՝ 22.60 տոկոսային կետով աճի: Մասնավորապես, Հայաստանում ներքին սպառումը կարող է նվազել ավելի քան 20%-ով՝ ներկայիս մակարդակից: Միևնույն ժամանակ, սպասվում է էներգակիրների, այդ թվում՝ բնական գազի գների հետագա աճի։

Ըստ Շևցովի՝ ՀՀ-ի հնարավոր անդամակցությունը ԵՄ-ին և ՌԴ-ի ու Իրանի հետ վիզային ռեժիմի ներդրումը կնվազեցնի զբոսաշրջիկների հոսքը և կհարվածի երկրի տնտեսությանը։

#Հայաստան #Ռուսաստան #ԵՄ

🇦🇲🇷🇺 Հարավկովկասյան երկաթուղու նոր սեփականատերերը բազմաթիվ ծախսերի կբախվեն կոնցեսիան գնելիս․ ՌԴ ԱԽ փոխքարտուղար

Ծախսերի մեջ են մտնում նաև տարեկան 40 միլիոն դոլար շահագործման ծախսերը, մոտ 400 միլիոն դոլար՝ Իջևանի ավերված հատվածի վերականգնման համար, մոտ 200 միլիոն դոլար՝ Վանաձոր-Ֆիոլետովո հատվածի համար և մոտ 40 միլիոն դոլար՝ Թուրքիայի և Նախիջևանի հետ սահմանի հատվածների վերականգնման համար։

Շևցովի խոսքով՝ հայկական երկաթուղային ցանցով բեռնափոխադրումների ծավալները հաստատված չեն, իսկ դրանց աճի ներուժն ակնհայտ չէ, մինչդեռ ԵԱՏՄ-ից Հայաստանի դուրս գալու դեպքում դրանք երաշխավորված կկրճատվեն։ Իսկ տեսությունը միշտ կարելի է ստուգել գործնականում։

📌Լավ կլինի, որ երկաթուղու կառավարումը գնի մեր ու ՌԴ-ի հետ բարեկամ որևէ երկիր. Փաշինյան

#Հայաստան #Ռուսաստան

▪️«Ուժեղ Հայաստան» կուսակցությունը ընտրություններին կմասնակցի համանուն դաշինքով

ՀՀ ԿԸՀ-ն ապրիլի 22-ի նիստում քննարկել է «Ուժեղ Հայաստան Սամվել Կարապետյանի հետ» կուսակցությունների դաշինքի ձևավորման նպատակով օգտահաշիվ ստանալու համար լիազորված անձ Գոհար Մելոյանի՝ ԿԸՀ հղված պարզաբանում ակնկալող դիմումը։

2026 թ․ ապրիլի 7-ի դրությամբ ԱԺ-ի հունիսի 7-ի ընտրությունների շրջանակներում ԿԸՀ-ն որևէ կուսակցության կամ կուսակցությունների դաշինքի իրավասուբյեկտության հարցի ներառյալ կուսակցությունների դաշինքի անվանման խնդրի չի անդրադարձել և այդ ժամանակահատվածի համար չունի այդպիսի լիազորություն։

📌Հայաստանում դաշինքների անվանումների սահմանափակման մասին նախագիծն ընդունվեց 1–ին ընթերցմամբ

#ընտրություններ

❗️🇮🇷🇦🇿🇮🇱 Թեհրանը մեղադրել է Իսրայելին Իրանի և Ադրբեջանի միջև թշնամանք հրահրելու մեջ

Ադրբեջանում Իրանի դեսպանատան մամուլի ծառայությունը հայտարարություն է տարածել, որտեղ ասվում է, որ Իսրայելի ռազմական և անվտանգության ուժերի վերջին հայտարարությունները, մասնավորապես՝ կեղծ լուրերի տարածումը, որ Իրանի հետ կապված ուժերը գործողություններ են պլանավորում Ադրբեջանում կեղծ են։

Այս ծրագիրն իրականացնելու համար ռեժիմի օրակարգում են ապատեղեկատվության տարածումը և կեղծ դրոշի գործողությունները։ Նախիջևանի ուղղությամբ կասկածելի անօդաչու թռչող սարքերի հարձակումները, Կասպից ծովի նավահանգստային և նավագնացության ենթակառուցվածքների դեմ դիվերսիոն գործողությունները, ինչպես նաև օդային տարածքի և տնտեսական ուղիների անվտանգությունն ապահովելուն ուղղված քայլերը վկայում են ռեժիմի կողմից գործողությունների նմանատիպ օրինաչափության մասին։

#Իրան #Ադրբեջան #Իսրայել

🇦🇲🇪🇺 Փոխվարչապետ Մհեր Գրիգորյանն ընդունել է ՀՀ-ում ԵՄ պատվիրակության ղեկավար, դեսպան Վասիլիս Մարագոսին

Զրուցակիցներն անդրադարձել են ժողովրդավարական ու տնտեսական դիմակայունության ամրապնդման և փոխկապակցվածության օրակարգերին՝ կարևորելով ռազմավարական առաջնայնություն հանդիսացող ծրագրերում հայաստանյան և ԵՄ մասնավոր հատվածների համար ներդրումներ կատարելու հնարավորությունները։

#Հայաստան #ԵՄ

🇦🇲🇺🇸 ԱՄՆ-ում ՀՀ դեսպան Նարեկ Մկրտչյանը հյուրընկալվել է ԱՄՆ Կոնգրեսի անդամ Աբե Համադեհին

Կողմերը քննարկել են հայ-ամերիկյան հարաբերությունների ընթացիկ օրակարգը, անդրադարձել երկկողմ հարաբերությունների խորացման հեռանկարներին՝ կարևորելով համագործակցության զարգացումը՝ հիմնված տարածաշրջանային խաղաղության և կայունության ապահովման վրա։

#Հայաստան #ԱՄՆ

🇦🇲🇪🇺 ԵՄ-ն և Հայաստանը ամրապնդում են քաղաքացիական պաշտպանության ոլորտում համագործակցությունը

Եվրահանձնաժողովի Եվրոպական քաղաքացիական պաշտպանության և մարդասիրական օգնության գործողությունների գլխավոր տնօրինության և ՀՀ ՆԳ նախարարության, ստորագրեցին վարչական պայմանավորվածություն։

Հիմնական ուղղություններն են․

• Արտակարգ իրավիճակներում տեղեկատվության փոխանակման ուժեղացում,
• փորձագիտական կարողության և լավագույն փորձի փոխանակում՝ թույլ տալով բարելավել աղետներին պատրաստվածության ապահովումը,
• մասնակցություն համատեղ վարժանքներին, սեմինարներին և աշխատաժողովներին,
• աջակցություն աղետների ռիսկերի կառավարման բոլոր փուլերում։

#Հայաստան #ՆԳՆ #ԵՄ

🇦🇲🇺🇳 Հայաստանն արդեն բախվում է կլիմայի փոփոխության լուրջ հետևանքներին. ՀՀ նախագահը՝ ՄԱԿ-ի տարածաշրջանային բնապահպանական գագաթնաժողովում

Վերջին տասնամյակների ընթացքում երկրում միջին ջերմաստիճանը բարձրացել է ավելի քան 1 աստիճան Ցելսիուսով և կանխատեսվում է, որ մինչև դարի կեսը կշարունակի աճել։ Կլիմայի փոփոխությունը հանգեցրել է առավել ծայրահեղ եղանակային երևույթների, ինչպիսիք են ջրհեղեղներն ու ջերմային ալիքները։

Վահագն Խաչատուրյանի խոսքով՝ ՀՀ-ն սահմանել է հավակնոտ նպատակներ՝ մինչև 2035 թվականը ջերմոցային գազերի արտանետումները նվազեցնելու 44%-ով՝ 1990 թվականի մակարդակի համեմատ՝ ներքին ջանքերի շնորհիվ, և մինչև 52%-ով՝ միջազգային աջակցության դեպքում։

#Հայաստան #Ղազախստան #ՄԱԿ

🇪🇺🇺🇦🇷🇺 ԵՄ դեսպանները հաստատել են Ուկրաինային 90 մլրդ եվրոյի վարկը, ինչպես նաև Ռուսաստանի դեմ պատժամիջոցների 20-րդ փաթեթը:

#ԵՄ #Ուկրաինա #Ռուսաստան

🔻Դատախազություն. Հօգուտ պետության՝ Սերժ Սարգսյանի եղբայր Լյովա Սարգսյանի դուստր Անի Սարգսյանից կբռնագանձվի՝

▪️«Արենի ՀԷԿ»-ի 39.341 հատ բաժնետոմս

▪️864 հազար ԱՄՆ դոլարի ավանդ

▪️շուրջ 13 միլիոն դրամ և շուրջ 5 հազար եվրո

#դատախազություն

🇦🇲🇷🇺 ՀՀ ԱՆ Հարկադիր կատարումն ապահովող ծառայության և ՌԴ դատական կարգադրիչների դաշնային ծառայության միջև ստորագրվել է 2026-27 թթ․ «Համագործակցության ծրագիրը»։

ՀՀ գլխավոր հարկադիր կատարող Սիրո Ամիրխանյանն ընդունել է ՌԴ դատական կարգադրիչների (պրիստավների) դաշնային ծառայության ղեկավար Դմիտրի Արստովի գլխավորած պատվիրակությանը։

💬 Քննարկվել են «Կատարողական վարույթի մասին» ՀՀ նոր օրենքի շրջանակում երկուստեք հետաքրքրություն ներկայացնող հարցեր։ ՌԴ պատվիրակության ղեկավարը հետաքրքրություն է հայտնել ծանոթանալու նոր օրենսդրության կիրարկման փորձին և արձանագրված արդյունքներին։

#Հայաստան #Ռուսաստան

🇦🇲🇩🇪 ԱՄՆ-ում ՀՀ դեսպան Նարեկ Մկրտչյանը մասնակցել է German Marshall Fund-ի (GMF) կողմից կազմակերպված կլոր սեղան քննարկմանը

▪️Դեսպանն իր խոսքում անդրադարձել է ՀՀ–ԱՄՆ համագործակցության օրակարգին։

▪️Ընդգծվել է TRIPP ծրագրի դերը «Խաղաղության խաչմերուկ» նախաձեռնության համատեքստում, ներկայացվել մանրամասներ՝ արհեստական բանականության, կիսահաղորդիչների, էներգետիկ անվտանգության ապահովման ոլորտներում համագործակցության ուղղություններով։

▪️Անդրադարձել է եղել նաև տարածաշրջանային զարգացումներին և խաղաղության գործընթացին վերաբերող հարցերին։

#Հայաստան #ԱՄՆ #GMF

🇦🇲🇲🇩 ՀՀ ԱԽ քարտուղար Արմեն Գրիգորյանը Դելֆիում հանդիպել է Մոլդովայի նախագահի ազգային անվտանգության խորհրդական Ստանիսլավ Սեկրիերուի հետ:

Քննարկվել են Հայաստան-Մոլդովա երկկողմ հարաբերությունների օրակարգն ընդգրկող հարցեր՝ նախանշելով հետագա համագործակցության հնարավոր ուղիները: Անդրադարձվել է նաև տարածաշրջանային անվտանգային իրավիճակին:

#Հայաստան #Մոլդովա

🇦🇲🇺🇳 ՀՀ ֆինանսների փոխնախարարը Նյու Յորքում ներկայացրել է պարտքի կայունության ապահովման նորարարական գործիքները

Էդգար Մկրտչյանը Նյու Յորքում մասնակցում է ՄԱԿ-ի Տնտեսական և սոցիալական խորհրդի (ECOSOC) հովանու ներքո անցկացվող զարգացմանն ուղղված ֆինանսավորման ֆորումին։ Այն նվիրված է «Սևիլիայի հանձնառության» իրականացման մեկնարկին և համաշխարհային ֆինանսական համակարգի արդիականացմանը։

Միջոցառման շրջանակներում փոխնախարարն անդրադարձել է համաշխարհային տնտեսական մարտահրավերներին՝ ներկայացնելով Հայաստանի ռազմավարական առաջնահերթությունները միջազգային ֆինանսական համակարգի արդիականացման և զարգացման ֆինանսավորման ոլորտներում։

#Հայաստան #ԱՄՆ #ՄԱԿ #ECOSOC

🚧 Ապրիլի 23-ին և 24-ին մի շարք փողոցներում կսահմանափակվի երթևեկությունը. ՆԳՆ

Ապրիլի 24-ին՝ ժամը 6։00-ից 24։00-ը, տրանսպորտային միջոցների համար երկկողմանի փակ կլինեն՝

▪️Հաղթանակ կամրջից Աթենքի փողոց-Ծիծեռնակաբերդի խճուղի հատվածը մինչև Քըրք Քըրքորյան (նախկին՝ Լենինգրադյան) փողոցը,
▪️Հրազդանի կիրճից դեպի «Հրազդան» մարզադաշտ տանող ճանապարհահատվածը։

Ջահերով երթի մասնակիցների անվտանգությունն ապահովելու նպատակով՝ ապրիլի 23-ին՝ ժամը 18։00-21։00-ն ընկած ժամանակահատվածում, կսահմանափակվի երթևեկությունը Հանրապետության հրապարակ մտնող փողոցներում։

#ճանապհարներ

🇦🇲🇨🇳 Փոխվարչապետ Մհեր Գրիգորյանն ընդունել է ՀՀ-ում Չինաստանի դեսպան Սինվեյ Լիին

Քննարկվել են «Խաղաղության խաչմերուկ» և Չինաստանի «Գոտի և ճանապարհ» նախաձեռնությունների միջև հնարավոր սիներգիան: Շեշտվել է առևտրատնտեսական ոլորտում համագործակցության աճը, կարևորվել է բիզնես համայնքների միջև շփումների ակտիվացումը:

#Հայաստան #Չինաստան

ՇՄ փոխնախարար Արամ Մեյմարյանը հանդիպել է World Vision International միջազգային բարեգործական կազմակերպության հայաստանյան գրասենյակի ներկայացուցիչների հետ։

Քննարկվել են համագործակցության հնարավոր ուղղությունները՝ բնապահպանական ծրագրերի իրականացման, համայնքների կարողությունների զարգացման, ինչպես նաև կլիմայի փոփոխությանն առնչվող նախաձեռնությունների շրջանակում։

#Հայաստան #WorldVisionInternational

🇦🇲🇹🇷 ՀՀ ԱԽ քարտուղար Արմեն Գրիգորյանը հանդիպել է Թուրքիայի 11-րդ նախագահ Աբդուլահ Գյուլի հետ

Հանդիպման ընթացքում զրուցակիցները մտքեր են փոխանակել երկկողմ հետաքրքրություն ներկայացնող հարցերի շուրջ:

#Հայաստան #Թուրքիա