1-grafik "Buffett Indikatori" AQSh fond bozori kapitalizatsiyasining GDPga nisbati 194.8% ga yetganini ko'rsatyapti. Bu tarixdagi eng yuqori nuqta. Kompaniyalar qiymati real iqtisodiy o‘sishdan (YaIM) deyarli ikki baravar o‘zib ketgan. Har safar bu ko‘rsatkich me’yordan (75-100%) uzoqlashganida, bozor keskin "Mean Reversion" (o‘rtacha qiymatga qaytish) fazasiga kirgan.

2-grafikda eng xavotirli signal iqtisodiyotga kiritilayotgan kapitalning marginal samaradorligi pasayib bormoqda. Bozor kapitalizatsiyasi o‘sayotgan bo‘lsada, uning real iqtisodiy samaraga (YaIM o‘sishiga) ta’siri so‘nggi 50 yilda muntazam kamaygan. Bozorning o‘sishi real iqtisodiy mahsuldorlikka emas, balki faqat "arzon pullar" oqimiga tayanib qolgan.

Nega bozor shu paytgacha qulamadi? Chunki muomalada pul (M2 pul massasi) haddan tashqari ko'p edi. Fed foiz stavkalarini so‘nggi 20 yillikdagi eng yuqori darajaga chiqardi. Likvidlik o'zining cho'qqisiga chiqib bo'ldi. Yuqori foiz stavkalari iqtisodiyotni darhol emas, balki sekin bo'g'ishni boshlaydi.

@usmonwagmi