ሕይወት እንደ ማዕበል ሲሆን!

🌊አንዳንድ ጊዜ ሕይወት እንደ ማዕበል ነው፡፡ በሰላም ይሄዱ የነበሩ ነገሮች ልክ የተመካከሩ ይመስል በአንድ ላይ ይናጋሉ፡፡ የሁኔታዎች አልሳካ ማለት፣ ድንገተኛ ወጪዎች፣ የገንዘብ እጥረት፣ የጉዳዮች መጥመም፣ የሰዎች ክህደት፣ ስጋትን የሚፈጥሩ ሁኔታዎች መከሰት፣ የጤንነት መቃወስን የሚጠቁሙ ምልክቶች . . . ልክ እንደ ማዕበል በአንድ ላይ ይመጣሉ፡፡

🌊ስለዚህም መወገድ የሚችለውን ችግር በማስወገድ፣ የማይወገደውን ችግር ደግሞ ችግሩ የሚያስከትለውን መጨናነቅ ከእኛ በማስወገድ ነው የምናሸንፈው፡፡

🌊ችግር ካልተወገደ በስተቀር የተሳካ ሕይወት እንደሌለህ ስታስብ፣ ዘወትር የማይለወጥ ነገርን ስትታገል ትኖራህ፣ ሁል ጊዜ “ለምን?” በሚል ጥያቄ ውስጥ ትኖራህ፣ ተስፋ ቢስነት ይጫጫንሃል፣ እንዲሁም ሁሉም ሰው ከችግር ነጻና ደስተኛ፣ አንተ ብቻ ችግረኛ እንደሆንክ በማሰብ ድብርት ውስጥ ትገባለህ፡፡

🌪በተቃራኒ ግን የችግሩ ማዕበል ባይይረጋጋም አንተ ስትረጋጋ መነጫነጭን ታቆማለህ፣ የፈጠራ ብቃትህ ይወጣል፣ አዳዲስ መንገዶን ትቀዳለህ፣ ችግሩን ጠንካራ ለመሆን ትጠቀምበታለህ፣ ከችግሩ ባሻገር አልፈህ ከሄድክ በኋላ ለብዙዎች ደጋፊ ትሆናለህ፡፡

🌪ይህ የተለመደ የሕይወት አካል የሆነ ክስተት በእኛም ላይ ሲደርስ መረጋጋት ወሳኝ ነው፡፡ ማዕበል ይመጣል፣ ልክ እንደመጣ ደግሞ ይሄዳል፡፡ ነፋስ ከየት እንደመጣ ሳናውቀው ወደ እኛ ይነፍሳል፣ ወደየት እንደሚሄድ ሳናውቀው ደግሞ ወደሌላ ቦታ ይነፍሳል፡፡

ተንጋግቶ የመጣው ተንጋግቶ ይሄዳል፣
የችግሩ ማዕበል ባይረጋጋም አንተ ግን ተረጋጋ!!

✍ዶ/ር እዮብ ማሞ

For any
comment:-@luck2412

JOIN US 👇👇👇👇👇👇👇👇
@createAvision

📚ርዕስ ፦ድብቅ አእምሮን መግለጥ
📝ደራሲ ፦ዶ/ር ጆሴፍ መርፊ
👤ትርጉም ፦ሱራፍኤል ግርማ
📜ይዘት ፦ሳይኮሎጂ
📆የመጀመሪያው እትም ፦2005
📖የገፅ ብዛት ፦200

egoism and altruism


egoism "ምንም ነገር ብናደርግ ከራስ ወዳድነታችን ነው የሚመነጨው" ይላል። ለምሳሌ ሁለት ሰዎችን እናስብ የመጀመሪያው አንዱን ግለሰብ ድልድይ ውስጥ ገፍትሮ ከተተው። ሁለተኛው ግለሰብ ደግሞ ያንን ሰው ለማትረፍ ህይወቱን አደጋ ላይ ጥሎ ወንዝ ውስጥ ገባ። ethical egoism የሚነግረን እነዚህ ሁለቱም ሰዎች ራስ ወዳድ መሆናቸውን ነው ገፍትሮ የከተተው ኃይል እንዳለው ለማሳየት ነው፣ ለማትረፍ የሞከረው ደግሞ ለመደነቅ እየሞከረ ነው። ምንም ነገር ብናደርግ የሰውልጅ ራስ ወዳድ ነው ከዚህ ውጭ ምንም የምናደርገው ነገር የለም ይላል


በተቃራኒው ደግሞ altruism በተፈጥሮ ለሰዎች እንራራለን፤ ሀዘኔታ እናሳያለን፤ ይሄም የሚያሳየው የሰው ልጅ ተፈጥሮ ውስጥ ማህበራዊ የሆነ ኢለመንት እንዳለ ነው።


For any comment:-@luck2412

JOIN US 👇👇👇👇👇👇👇👇
@createAvision

ከችግሮቼ እንዴት ልውጣ?
....................
እለት እለት ከዛሬ ጀምረህ
1. በሀሳብህ
2. በተግባር
3. በቃልህ
የምትፈልገው ላይ ብቻ አተኩር
በሀሳብህ.....
የምትፈልገውን ውጤት አሰላስል: ጠይቅ: በምናብህ ውጤቱን አግኝተህ እና ሆኖልህ እይ:
በተግባር.....
ስለምትፈልገው ውጤት የሚያውቁ ሰዎች ጋር ዋል: የውጤትህን መንገድ የሚያሳዩህን ሚድያዎች ብቻ ተከታተል: የምትፈልገውን ውጤት እንዴት እንደምታገኝ የሚያሳዩህን መፅሀፎች አንብብ:: በየቀኑ በነፃም ቢሆን የምትፈልገው ነገር ላይ የሚያደርስህን ስራ በፍቅር ከልብህ ስራ:: ችግርን በህሊናህ እያውጠነጠንክ ለመሸከም ፈቃደኛ አትሁን::
በቃልህ....
ዘወትር ፍላጎትህን ተናገር: ስለሆነው ነገር ሳይሆን እንዲሆንልህ ስለምትፈልገው ነገር ብቻ ብዝርዝር አውራ: ፃፍ:
በቃ እነዚህን በየቀኑ በማድረግ አዋዋልህን ማታ ማታ አጢን እና ለነገ የሚስተካከለውን አስብና አርመው::
ማታ ከመተኛትህ በፊት ለሀያ ደቂቃ አልጋህ ላይ ሆነህ መሻቶችህ ተሳክተው የምትኖረውን ህይወት በምናብህ በዝርዝር እንደ ፊልም ተመልከተው::
ጠዋት እንደነቃህም ይህንኑ አድርግ:: አንተ በፈቃድህ ይህንን ስትደርግ ህሊናህ በልምድ ወደችግር ሀሳብ ይወስድሀል:: ያኔ በፈቃድህ ህሊናህን ወደ መሻቶችህ ሀሳብ ውሰደው:: በቃ ይህ ማለት ህሊናን መግራት ማለት ነው:: ይህንን በድግግሞሽ ስታደርገው ለብዙዎች በሚድያ ጭምር የምታስተምርበትን ተአምራዊ ውጤት ታገኝለህ::
ሰው በምድር ላይ የአስተሳሰቡ ውጤት ነው:: አንድ ቀን የስኬት ታሪክህን ለህዝብ ስታቀርብ አይሀለሁ::

@createAvision

ለተወሰነ ጊዜ...!
፨፨፨///////፨፨፨
ከባህሪህ የተነሳ በብዙዎች ትታወቃለህ፣ በማንነትህ ምክንያት ብዙ ስም ወቶልሃል፤ እራስህን ለመሆን በጣርክ ቁጥር ተቃራኒ መጠሪያ ይሰጥሃል፤ ልዩነት መፍጠር ስትሞክር በብዙሃኑ መዋጥ አስቸግሮሃል፤ ከውስጥህ ለመኖር ስታስብ ውጫዊ ጫናዎች ይፈታተኑሃል። የምድር ብልጭልጭ ትኩረትህን እየሳበ የምታስበውን ህይወት እንዳትኖር፣ የሚገባህ ስፍራ እንዳትደርስ ያግድሃል። በመኖር አለም የሚረብሹን ክስተቶች ብዛት ለከፋው ምሬትና ጉስቁልና ይዳርጉናል። ብዙ ጊዜ ታስባለህ፣ እቅድ ታወጣለህ፣ የቀን ገደብ ታስቀምጣለህ ነገር ግን በሃሳብህ መመራት፣ በእቅድህ ልክ መተግበር ይከብድሃል። ምክንያቱም ያንተ ስንፍናና ደካማነት ብቻ እንደሆነ ልታስብ ትችላለህ። ነገር ግን ካንተ በላይ እንዲቆጣጠርህ የፈቀድከው አካባቢህ አንተን መረበሽና ከሃሳብህ ለማጉደል አይሰንፍም። እራስህን ለጫጫታ አጋልጠህ ትኩረት በማጣትህ ልትጨነቅ አይገባም፤ ወቅታዊ ክስተቶች በሚተረኩት ቡድን ውስጥ ህልምህን ማስረዳት አትችልም፤ ክብር ከማይሰጡህ፣ ከማይደግፉህና ከማያዳምጡህ ጓደኞች ጉን ሆነህ ልታድግ አትችልም።

አዎ! ጀግናዬ..! ትላልቅ ሃሳቦችህ ተንኮታኩተው እየቀሩ፣ ህልምህ እየከሰመ፣ ድጋፍ እየተነፈክ፣ እገዛ እየተከለከልክ፣ ጫናዎች እየበዙበህ ከተቸገርክ ለተወሰነ ጊዜ ከስፍራው ዞሮ በል፤ ከለመድከው አካበቢ፣ ሁሌም ከምትገኝበት ቦታ እራስህን ነጥል። ለአመታት አብሮህ የኖረ ሃሳብ ከሃሳብ በላይ ውጤት እንዲያመጣ፣ በገሃድ እንዲገለጥ፣ እውን እንዲሆን፣ ፍሬ እንዲያፈራ ከፈለክ ከሚረብሽህ ቦታ መውጣት ይኖርብሃል። ችሎታው ይኖርሃል፣ ወኔው ውስጥህ አለ፣ ያልወጣ ብርታት አሰባስበሃል የያዘ ይዞህ፣ የገደበህ ገድቦህ፣ የሚያስር አስሮህ ይሆናል። ሰብሮ ሊያስወጣኝ ይችላል ብለህ በምታስበው መንገድ መውጣት ካልቻልክ ህይወት እዛው እንደተለመድ መቀጠሏ አይቀርም።

አዎ! ዞር ማለትህ እራስህ ላይ ለመስራት ነው፤ ከተለመደው ከባቢ መነጠልህ እራስህን ለማግኘት ነው፤ ፊትህን ማዞርህ ለእራስህ ጊዜ ለመስጠትና እራስህን ለማወቅ፣ እራስህን ለማሻሻል ነው። ካለህበት የሃሳብና የውጫዊ ጫና ካልወጣህ እራስህን መውቀስህ ይቀጥላል። ከየአቅጣጫው የሚፈሱ የህይወት ዥረቶች አሉ፤ ግማሾቹ የሚወስዱህ ሲሆኑ ሌሎቹም ከነበርክበት የሚመልሱህ ናቸው። ከለመድከው በሰው ተከቦ የእራስ ሰውን ማጣት፣ አጋዥ ደጋፊን ማጣት ለመውጣት ድፍረት ይኑርህ። ለጊዜው አብሮህ የሚያሽቃብጥ ሁሉ የሚደግፍህና ስትፈልገው ከጎንህ የሚቆም አይደለም፤ አብሮህ ሳቀ ማለት ሃዘንህን ያስተዛዝንሃል ማለት አይደለም፤ በጥቃቅን ድሎች ተደሰተልህ ማለት ትልቅ መሆን ስታስብ፣ ህልምን ለማሳካት ስትጥር ይደግፍሃል ማለት አይደለም። ከማንም ከምንም ሳይነካኩ በእራስ ላይ ሰርተው፣ እራስን አጠንክረው፣ ለብቻ ማድረገ የሚችሉትን አድርገው እራስን ሆኖ መመለስ ይቻላልና ለተወሰነ ጊዜ ከተለመደው ምህዳር ወጣ በል። እራስህ ላይ ሰርተህ፣ እራስህንም አጠንክረህ እንደገና ተመለስ።


@createAvision

ጥበብን አስተምረው!
፨፨፨፨//////////፨፨፨፨
ከብዙዎች ጋር የጠለቀ ግንኙነት ነበረህ፣ በስሜት፣ በጊዜ እራስህን ሰተሃቸው፣ ማንነትህን ሰውተህላቸው አንተነትህን አጋርተሃቸው ህይወትን በደስታና በፍቅር ለመግፋት ብዙ ጥረሃል። ጥረትህም ፍሬ ያፈራበት ወቅት ነበረ፣ እንዲሁም ያልጠበከውን ክስተት ያመጣብህም ወቅት ነበረ። ነገሮችን መያዝ በምትችለው ልክ ትይዛቸዋለህ፣ ከአቅምህ በላይ ሲሆኑም ትለቃቸዋለህ። ነገር በጥበብ ቢያዙ፣ በማስተዋል ቢሰበሰቡና በተለየ ትኩረት ልትከታተላቸው የሚገቡ የህይወት ስጦታዎች ይኖራሉ። ሁሉን ጥለህ ባዶህን እንዳትቀር፣ ከሁሉ ሸሽተህ በብቸኝነት እንዳትሰቃይ ቢያንስ እራስህን በጥበብ ምራው፤ በእውቀት፣ በማስተዋል አስተዳድረው። ልብ ለልብ ተግባባው፤ ፍቅርን ለግሰው፤ ሰላምን አድለው።

አዎ! ጀግናዬ..! ጥበብን አስተምረው! እውነተኛውን ፍላጎት የሚሰጠው ፈጣሪ ነው፤ በትክክለኛው መንገድ የሚመራው አምላክ ነው፤ ለመልካም ነገር የሚያዘጋጀው፣ በበጎ መንገድ የሚመራው፣ በሩን የሚከፍተው፣ ሁሉን የሚያዘጋጀው እርሱ ድንቅ አባት፣ ቸር አምላክ ነው። የማይቻል የሚመስል ነገር መፈለግህን አትጥላው፤ ለብዙዎች ያልተቻለን ነገር ለመሞከር በመጣርህ አትፍራ፤ የልብህን መሻት፣ የውስጥ ፍላጎትህን ለማሳካት በመነሳትህ ምንም ሃፍረት አይሰማህ፤ በሰዎች ንግግር አትሸበር፤ አትሸነፍ። የመልካም ነገር ሁሉ ምንጭ ፈጣሪ ነውና ባንተ ላይ ስራውን እንዲሰራ፣ ተዓምራትን እንዲያደርግ፣ ጥበቡን እንዲገልፅ ፍቀድ።

አዎ! የተመረጥከው ያለአቅምህ አይደለም፤ ያለችሎታህም አይደለም። መመረጥህ ሰለምትችለው ነው፤ ያንተ የሆነው በምክንያት ነው። እራስህን ብታዳምጥ የምታተርፈው አንተ እንጂ ሌላ ማንም አይደለም፤ ከእራስህ ጋር ብታወራ፣ ያለህበትን ስፍራ ቆም ብለህ ብታስተውል፣ ሌላው ቀርቶ ለእራስህ የዋህ መሆን ብትጀምር፣ ለእራስህ ወደማሰብ ብትመጣ የሚደሰተው ያከበርከው አንተና የምትወዳቸው፣ የሚወዱህ የቅርብ ሰዎችህ ናቸው። ጥበብ የህይወት በር ነች፤ በእርሷ የሚገባም ህይወቱን ያድሳል፤ በአምላኩ ሃይል ይታነፃል፤ መንፈሱን ያነቃል፤ የምድርን ፈተና በብርታት ይሻገራል፤ እራሱን ይሆናል፤ በምርጫውም የሚገባው ስፍራ ላይ ይገኛል። ጥበብን በልብህ፣ ፍቅርን በውስጥህ አንግበህ ተተጓዝ፤ አምላክ እንደ ፍቃዱ እንዲያኖርህም በርህን በአዎንታዊነት ክፈተው።

@createAvision
@createAvision
@createAvision

አልተሰበርክም አትሰበርም!
፨፨፨፨፨///////////፨፨፨፨፨፨
ልባችሁ እንደተሰበረ የተሰማችሁ፣ እምነት እንደተነሳችሁ፣ ዋጋ እንዳጣችሁ የምታስቡ የጊዜ ጉዳይ እንጂ ልባችሁ እንዳልተሰበረ፣ አንደማይሰበር ከዛም በላይ በብዙ እጥፍ እንደሚሻሻልና እንደሚጠነክር በሚገባ ትመለከታላችሁ። ሰብሮኝ ሄደ ባልሽበት አፍሽ ስለመሔዱ የምታመሰግኚበት ጊዜ ይመጣል፤ ከድታኝ ተሰወረች ባልክበት አንደበትህ አስተምራህ እንደሔደች ሰትመሰክር ትገኛለህ። መጠላት፣ መገፋት፣ መወገዝ ከደረሰብህ አድራሹ ይጨነቅ እንጂ አንተ ልታዝን አይገባም። የሚጎዳህ በገዛ ሀሃሳቡና ጥረቱ ነው፤ የሚጠላህ በእራሱ ሰውነት ነው፤ የሚገፋህ በእራሱ የአስተሳሰብ ልክ ነው፤ የሚያወግዝህም የእራሱን ጊዜ ተጠቅሞ ነው።

አዎ! ጀግናዬ..! ለደረሰብህ ነገር ያለህን አመለካከት፣ የሰጠሀውን ግምት አስተካክል እንጂ አልተሰበርክም አትሰበርም፤ አልተጎዳህም አትጎዳም። ነገሮችን ቀድመህ ለመረዳት ብትሞክር መገፋት ያልከው ክስተት ለተሻለው መጠራት፣ ለሚመጥንህ መመረጥ እንደሆነ ይገባሃል፤ አራስህ ላይ በሰራህ ቁጥር አጣዋቸው የምትላቸው ሰዎች እንዳጡህ ትገነዘባለህ፤ እንዳመለጥካቸው የሚገባህ ጊዜ ይመጣል። እንደተሰበርክ ካላመንክ፣ ህመሙን ደጋግመህ ማጣጣም ካልጀመርክ፣ ዋጋቢስነትህን አብዝተህ ለእራስህ ካልነገርክ፣ በሰዎች በደረሰብህ በደል እራስህን ካልመዘንክ፣ በሌሎች ዘንድ ባለህ ስፍራ ቦታህን ካልወሰንክ መውደቅህ ቢፈለግም፣ የስምህ መጥፋት አሳሳቢ ቢሆንም፣ ያንተ ኋላ መቅረት ቢያስጨንቅም ይህ ሁሉ ሊሆን እንደማይችል እርግጠኛ ሁን።

አዎ! በእሳቤህ ልክ ቀና ብለህ መኖር ትችላለህ፤ ለእራስህ በምትሰጠው ቦታ መጠን የተስተካከለና የተረጋጋ ህይወት መመስረት ትችላለህ። መቻል አለመቻልህ ለእራስህ በምትሰጠው ግምት እንደሚወሰን እወቅ። ማረጋገጫ ፍለጋ የምትዞርበት፣ ተቀባይነት ለማግኘት ያልሆንከውን የምትሆንበት፣ ለውድቀትና ለስብራት እራስህን የምታመቻችበት ምክንያት የለም። የደረሱብህን ጫናዎች ሁሉ የተሻልክ አንተን ለመፍጠር እንደመጡልህ መልካም አጋጣሚዎች ማሰብ ጀምር። ያኔ እራስህን መስበር ታቆማለህ፤ ያኔ ለቅሶህ ይገታል፤ ያኔ ህመምህ ያበቃል፤ ያኔ የበታችነትህ ስፍራውን ይለቃል፤ ያኔ እድገትና ከፍታህ ይፋጠናል፤ ያኔ ንቃትና በእራስመተማመንህ ይጎለብታል። በእርግጥ እንደታመምክ ቢሰማህም በስተመጨረሻ ከህመሙ ነፃ የምትሆነው የህመሙን የመጨረሻ እርከን ተቋቁመህ ስታልፍ እንደሆነ አስታውስ።


For any
comment:-@luck2412

JOIN US 👇👇👇👇👇👇👇👇
@createAvision

🌊የምታቀው የውሃ ኩሬ ራቅ ብለህ ስትመለስ ደፍርሶ ቢጠብቅህ...ንጹህ ውሃን ለመጠጣት ያለህ አማራጭ ድፍርሱ እስከሚጠራ መጠበቅ ብቻ ይሆናል ። "አፈር የተቀላቀለበትን ውሃ እንዲጠራ ከፈለግክ፤ተወው አታማስለው" ይላል ፈላስፋው አለን ዋትስ። በመተው፤በመረጋጋት፤ በዝምታ፤ ለፍተን ያጣናቸውን ውድ የህይወት ስጦታዎች እናገኛለን።

🌪ልክ እንደዚህ ሁሉ በህይወታችን የሚገጥሙንን ችግርና እንቅፋቶችን አንዳንዴ የምናጠራቸው መሃል ላይ እጃችንን ስለከተትን ብቻ ላይሆን ይችላል ። አንዳንዴ ዝምታችን እና ትእግስታችንም ብዙ ነገሮች በራሳቸው ጊዜና ሁኔታ እንዲስተካከሉልን እድል ይሰጡልናል ። እኛ ችግራችንን ለመፍታት የምናደርገው ጥረት ይበልጥ ችግር ውስጥ እንዳይዘፍቀን መጠንቀቅ ይኖርብናል ። አለዝያ የችግሩ አሳዳጊ እና አባባሽ እንጂ የችግሩ ፈቺ አንሆንም ።

🌊ለተረጋጋ አይምሮ አለም ትገበራለች ብሏል ጥንታዊው ፈላስፋ። ምንም እንኳን ብዙ ነገሮች በጥረትና በሩጫ የሚገኙ ቢሆንም፤ አንዳንድ ወሳኝ ነገሮች ግን በእርጋትና በመተው እንዲሁም በዝምታ የሚገኙ ናቸው።

@createAvision
@createAvision
@createAvision

ኤልያስ ሽታኹን
እኔን ያሳሰበኝ የፍቅርሽ እርጀና
አንቺን ያሳሰበሽ የወሬው ቁንጅና፡፡

*       *       *      *        *       *
እስቲ
ለቀቅ አርጊውና የሴትነት ወጉን
እወነቱን ተናግረሽ በሰጠሽ ማዕረጉን፡፡
እኔን ያሳሰበኝ መኖር ከራስ እኩል
አስቸገረኝ እንጂ
"ውደድር" ሰይጣኑ ደርሶ ባንቺ በኩል፡፡
የምታሰቢውን
የምታወሪውን
የምትለብሽውን ስታረጊው ኖረሽ ለሴት እኩዮችሽ
እሱ ሲያሳስብሽ ህይወትም ተወችሽ፡፡
ሰው ጉባኤ ሆኖ ይቅር አይሰብሰብ
እየውልሽ ዓለሜ
አንዳንዱ እኮ ነገር  ለራስ ነው ሲታሰብ፡፡
ስትፎካከሪ
ስትከራከሪ
ብቻሽን ብትቀሪ
ላያስተዛዝኑሽ ምንም ብትጎጂ
አያባብሉሽም ይለኩሻል እንጂ፡፡
@createAvision
@createAvision
@createAvision