አንተነትህን የሚገልፀው ፊትለፊት ያለው ስጋዊ ማንነትህ አይደለም፤ የሰው ልጅ ስትሆን መንፈስ የሚባል ድንቅ ስጦታ ተሰጥቶሀል። ስጋህ ቢዳከም ሁሉም ነገር የጨለመ ቢመስልህም እንኳን ጨዋታው ገና ነው ምክንያቱም ሀያሉ መንፈስህ አፈር ልሶ የመነሳት ጥበብ አለው። እንደገና ትበረታለህ፣ እንደገና ትፀናለህ፣ እንደገና ህይወትን ታታጥማለህ፤ ወዳጄ መቼም አያበቃልህም!

For any comments:-@luck2412

JOIN US 👇👇👇👇👇👇👇👇
@createAvision

አንተን፣ እራስህን ስለሆንክ!
፨፨፨፨፨፨///////////፨፨፨፨፨
እራስህን ልክ እንደ እደለ ቢስ፣ ገድ እንደሌለው መቁጠርህን አቁም። አጋጣሚ ጠብቆ ሁኔታዎች ሲመቻቹለት ብቻ እራሱን ለማሳየት የሚጥር ሰው አጋጣሚውን ያገኘ ሲመስለው የሚያሳየውን ነገር ያጣዋል፣ ከነጭራሹም ይረሳዋል። ልክ በባለጉዳይነት ስትመላለስ ከርመህ ጉዳይ ፈፃሚው ሲገኝ ጉዳይህን እንደምትረሳው። እራስህን ለማሳየት እድሎችን ስትጠብቅ፣ ምቹ ሁኔታዎችን ስትመኝ ጊዜ ይነጉዳል፣ አቅም ይከዳል፣ ስሜት ይወርዳል፣ ተነሳሽነት ይጠፋል። አንድ አባባል አለ " ትክክለኛው የምትዘልበት ሰዓት መዝለል የፈራህበት ሰዓት ነው፤ ካለበለዚህ እድሜ ዘመንህን በዛው ስፍራ ታሳልፋለህ። " የፍረሃትህን ተራራ በጊዜ ካልናድከው በሂደት ይዋሃድሃል፣ እንደማትችልም ያሳምንሃል።

አዎ! ጀግናዬ..! ስሜትህን አትገድብ፣ አቅምህን አታሳንስ፣ የሚታይበትን ጊዜ አታስረዝመው፣ እድል እስክታገኝ፣ አካጣሚው እስኪፈጠር አትጠብቅ። አጋጣሚ፣ እድል የሚባል ነገር የለም። አቅም የሌለው፣ በእራሱ የማያምን፣ በእራሱ የማይተማመን በእድልና አጋጣሚ እያመካኘ ወደተግባር የሚገባበትን ጊዜ ያባክናል። አንተ ግን አቅሙና እውቀቱ እስካለህ ድረስ ትጠብቀው የነበረውን አጋጣሚ ለእራስህ ፍጠር፤ የፈራሀውን የሰው አይን ድፈር፤ ያስጨነቀህን የሰው ምላስ ተጋፈጠው። በማንም ተደብቀህ፣ ማንንም ተሸሽገህ እራስህን ለማሳየት አትሞክር። ለማደግና ለመቀየር ከፈለክ መደበኛውን የመሽሎክሎክና ከሰዎች የመሸሽ አባዜ እርግፍ አድርገህ ተው። ሁሉም ሰው በእራሱ ስራ ተጠምዷል፣ የእራሱ ሩጫ አለበት፣ የግል ትግል አለውና ሁሉም አይኖች እኔ ላይ ናቸው ብለህ አታስብ።

አዎ! የምትፈልገውን እድልም እራስህ ፍጠረው፣ የምትመኘውን አጋጣሚ እራስህ አስገኘው። እራስን ማሳደግ፣ በእራስ መጣጣር፣ እራስን ብቁ ለማድረግ መሯሯጥ፣ እድሎችን መፍጠር፣ ከእራስ በላይ ለሌሎች መትረፍ ቀላል እንዳልሆነ ግልፅ ነው። ለእራስህ ከምትሰጠው ግምት ጀምሮ ትፈተናለህ። "እንደዚህ ላደርግ ነው፣ ይህን ልጀምር ነው" ባልክ ቁጥር "አንተ ማን ስለሆንክ ነው፤ ማነኝ ብለህ ነው የምታስበው" የሚሉ ተቀፅላ ጥያቄዎች ይመጡብሃል። በዚህ ሰዓት ማን እንደሆንክ ከማስረዳት ማንነትህን በተግባር ታሳያለህ፤ ማንም ስለሆንክ ሳይሆን አንተን እራስህን ስለሆንክ ያሰብከውን ታደርጋለህ፤ እድሎችን ትፈጥራለህ፤ በማንነትህ የገመተህን አፉን ታዘጋለህ፤ ማስደነቁን ትጀምራለህ። ማንም ሳትሆን አንተን እራስህን ስለሆንክ የእራስህን ህንፃ ትገነባለህ፣ ማንነትህን ታጎለብታለህ፣ ለብዙዎችም ትተርፋለህ።


For any comment:-@luck2412

JOIN US 👇👇👇👇👇👇👇👇
@createAvision

ብርሃን መሆን

ባይችል፣ ለቀጣዩ ዘመን የተስፋ ብርሃን መርጨቱ አይቀርም!
“ሰው!”
ሰው ፍጠር (ቅዱስ ዮሐንስ አፈወርቅ) አወዛጋቢው ፈላስፋ ዲዮጋን በቀን ፋኖስ ይዞ ሲንከራተት ሰዎች አይተው ምን ጠፋህ? ቢሉት ሰው እየፈለግሁ ነው። ብሎ መለሰላቸው ግን ሰው ምንድነው? ሰው የሚባለው ፍጡር ቅዠት እንዳልሆነ ምን ተጨባጭ ማስረጃ አለን? የሚሉም አሳቢያን ተነስተው ነበር፤ ቢሆንም አለሁ የለሁም ብሎ መጠየቁ በራሱ “እንዳለን” ማስረጃዎች ይሆናል፥ የሚሉ አሳቢያንም አሉ፤ በእርግጥ ይህንን ውትብትብ ጥያቄ ለመመለስ ፈጣሪ መሆን ይጠበቅብናል ይመስለኛል። ቢሆንም የሰውን ምንነትና አፈጣጠር ከሐይማኖት ድርሳናት፣ አቧራ ከጠገቡ ከፍልስፍና መዛግብት አቧራውን እፍ እያልን ከሆነ ንጻሬ መተንተን እንችላለን፡፡ “ጥያቄዎቹ” ላይም ፍሬው ከገጽ 18-39 ድረስ “ሰው እንዴት እና ከምን መጣ?” የሚለውን ጥያቄ ከተፈጣሪነት ጽንሰ ሃሳብ (Creationism Theory) አንጻር ቅዱስ ቁርዐንንና ቅዱስ መጽሐፍን እያጣቀሰ፣ ከዝግመተ ለውጥ (Evolution Theory) አንጻር፣ ብሎም ከላምራክ ጽንሰ ሃሳብ አንጻር (Theory of lamarck) “ሰው እንዴት ተፈጠረ?” ለሚለው ጥያቄ የመልስ ሕብስት ጋግሮልናል። ነፍሳችን የሚጠግባትን መርጦ መመገብ የኛ ፋንታ ነው። እንደው ሃሳብ ወዳዶች ከሆንንና ረቂቅ ነገሮችን የመመርመር ፍላጎቱ ላለን ሰዎችም ስለ ነባቢት፣ልባዊት፣ሕያዊት ነፍስም ጥልቅ ትንታኔ አስቀምጦልናል (በገጽ-40-45)፡፡ ፍሬው ጥልቅ ንባብና አረዳድ አለው፤ በአጸደ-አዕምሯችን የሚመላለሱብን፣ፈራ ተባ እያልን ችላ ያልናቸውንም ሃሳቦች አልማራቸውም፤ ሞትን፣ በተለይ ራስን ስለ ማጥፋት በዚህ ጉዳይ የዓለምን በእጅጉ ተጨንቃለች፤ ብዙ ሕዝብም እንደ ቅጠል እያረገፈ ነው።  የወለፈንዲ ፍልስፍና አቀንቃኙ አልበርት ካምዩ ስለ ራስ ማጥፋት እንዲህ ይላል፡- “በመጨረሻም ሰው ራሱን ከመግደል፥ በበለጠ ለመኖር ጽናትን ሊያዳብር ይገባል።” ፍሬው ፈላስፋውና የሙዚቃ ባለሙያው ኤልያስ መልካ ስለ ራስ ማጥፋት አሉታዊነት የገጠማቸውን ግጥሞች በጥቂቱ አብራርቶልናል። (ገጽ-61)..አለፍ ሲልም የሰውን ተፈጥሮ ምንነት ይዳስሳል።  
ፍጥረት ከመፈጠሩ በፊት ያለው የወደኋላ ዘለዓለም እና የወደፊት ዘላለም በሰው የንቃተ ሕሊና ደረጃ ምን ሊባል ይችላል? ምንም ባለመባሉ ሰበብ አሁንም ድረስ ስለ የፈጣሪ ኅልዮት ብዙ ያጨቃጭቀናል። ታዲያ ፍሬው ከተለያየ አንጻር በምልከታውም በሌላም ሃሳብም ላቅ አድርጎ አንጽሮልናል። ሰይጣንም ሳይጎረብጠኝ ምንና ከየት እንደተነሳ በቅጡ አወቅሁ፡፡ “ጥያቄዎቹ” ወርቅ አዕምሮዬን በሃሳብ እፈትናለሁ የሚል ሁሉ ሊያነበውና ራሱን በሃሳብ የቱ ጋ ነኝ ብሎ ሊፈትሽበት የሚገባ መጽሐፍ ነው፡፡


For any comment:-@luck2412

JOIN US 👇👇👇👇👇👇👇👇
@createAvision

💡ሕይወት በ’የኔ’ እና ‘የኛ’ የምናሳንሰው ነገር የላትም… ከጽንፍ አልባው ምልዓት ላይ በተገለጸልን ልክ የገባንን ሁሉ የእኔ/ኛ አንልም… እኛ ራሳችንን ያንን ምልዓት አይደለን? “You are not a drop in the ocean; you are the entire ocean in a drop” ይላል Rumi

❤️ ይህን ሁለንተና በግላዊነት መያዝ አይቻልም… የኔ ብሎ ማሳነስ አይቻልም… እኛው ራሳችን ሁለንተናውን ነንና ፣ ብዙ የአለማችን እሳቤዎች ከሕይወት በተናጥሎ የመኖርን ቅዠት ይሰብካሉ… ውቅያኖሱን ሆነህ ሳለ የውቅያኖሱን ‘አንድ ጠብታ ወስደህ’ የኔ ማለት ከራስም ያሳንሳል…ከራስህ ተነጥለህ ‘የራስህ’ ሊኖርህ አይችልም።

💡የግዙፍ ውቅያኖስ አካል ነን ፣ከኔ ቤት ላይ የረጨኸው እሳት ከሆነ ነበልባሉ ያንተን ቤት ይነካል ሽቶ ስትረጨኝ የመዓዛው ቅንጣቶች ለአፍንጫህ ውብ ጠረን ይለግሳል ሰው የዘራውን ያንኑ ደግሞ ያጭዳል ይህን ምስራቃውያኑ Karma ሲሉት ሌሎች ደግሞ Boomerang ይሉታል Boomerang አውስትራሊያኖቹ አቦርጂኒስቶች ከእንጨት የሚሰሩት ደጋን ቅርጽ ያለው የአደን መሳሪያ ሲሆን ወርዋሪው ዘንድ ተመልሶ እንዲመጣ ተደርጎ የሚነደፍ ነው… ለሃሳብ፣ ለስሜትና ድርጊትህ መጠንቀቅ የሚኖርብህ ወላፈኑ ‘ለእኔም’፣ ‘ለእርሷም’፣ ‘ለእነርሱም’ እንደሚተርፍ በማሰብ ነው ምክንያቱም We are all One!

💎በረከት በላይነህ "የመንፈስ ከፍታ" ላይ እንዲህ ይለናል
“የግልህ ወንዝ ስለሌለህ ብቻህን የምትሰራው ድልድይ የለም! የሰማዩ ርቀት፣ የምድሪቱ ስፋት በ’እኛ’ እንጂ በ’እኔ’ አይለካም፡፡ ውዱ ‘እኔ’ ከ’እኛ’ የተሰራው ነውና!”



           ውብ አሁን!!❤️

For any comment:-@luck2412

JOIN US 👇👇👇👇👇👇👇👇
@createAvision

💫"የምትጓዝበት መንገድ ወደ ጥሩ አሊያም ወደ መጥፎ የሚመራው አንተን እንጂ ተመልካችህን አይደለም፤የምትለብሠው ልብስ የሚያሞቀውም ሆነ የሚያበርደው አንተኑ እንጂ የሚያይህን አይደለም፤የምትበላው ምግብ የሚጣፍጠው ወይም የሚመረው አንተን እንጂ ሌላውን አይደለም።

💫ብዙ ውጫዊ ነገሮች አስደሳች ቢሆኑም ከጊዜ ጋር የተሳሰሩና ሃላፊ ናቸው። ዛሬ ያስደሰተን ጓደኛ ነገ ላይኖር ይችላል ዛሬ ያጌጥንበት ውበት ነገ ይረግፋል፤ ዛሬ የተመካንበት አስተሳሰብ ነገ በቆመበት አይጸናም። ከውጪ የምናገኘው ማንኛውም አይነት ደስታ በመጣበት እግሩ ጥሎን መሄዱ አይቀርም። ከዛም አልፎ ዋጋ ያስከፍለናል። ከጊዜ ጋር የማይለዋወጥ ደስታን ለማግኘት ብቸኛ መፍትሄው ደስታና ሰላምን በውስጣችን መፈለግ ነው። እንደ ኩሬ ውሃ ያነሰች፤ እንደ ኩራዝ መብራት የቀጨጨች፤ እንደ ሰናፍጭ ቅንጣት የደቀቀችም ብትሆንም እንኳን ውስጣዊ ደስታን በልባችን መትከል ነው። ይህ ነው ማንም ሊነካውና ሊደፍረው የማይገባው ስፍራ።

✨በርግጠኝነት ለሰው ብለን የምንይዘው ማንነት፤ ለኛ በልክ እንዳልተሰፋ ልብስ አያምርብንም፤ ቀላሉ መፍትሄ እራሳችንን መሆን እና፤ መክሊታችንን መኖር ነው። በዚህ ስፍራ ውስጥ ሙሉ ነን፤ እውነተኛ እኛነታችን የሚታየው በዚህ ስፍራ ነው። ወደ ውስጣችን ዘልቀን በዚህ ስፍራ ላይ ቆመን ህይወታችንን ብናየው፤ እንደምናስበው ደካማ አይደለንም፤ የሚጎድለን ብዙ አይደለም፤ ከምንም በላይ በፈጠረን ፈጣሪ አይን ውስጥ ውብና ንጹህ ነን። ታዲያ ከዚህ በላይ ምን አለ? ደስታና ሰላማችን በሰው እጅ ፤ ፍርድና ቅጣታችን በሰው ወንበር ፈጽሞ አይሁን.!!

For any
comment:-@luck2412

JOIN US 👇👇👇👇👇👇👇👇
@createAvision

ሕይወት እንደ ማዕበል ሲሆን!

🌊አንዳንድ ጊዜ ሕይወት እንደ ማዕበል ነው፡፡ በሰላም ይሄዱ የነበሩ ነገሮች ልክ የተመካከሩ ይመስል በአንድ ላይ ይናጋሉ፡፡ የሁኔታዎች አልሳካ ማለት፣ ድንገተኛ ወጪዎች፣ የገንዘብ እጥረት፣ የጉዳዮች መጥመም፣ የሰዎች ክህደት፣ ስጋትን የሚፈጥሩ ሁኔታዎች መከሰት፣ የጤንነት መቃወስን የሚጠቁሙ ምልክቶች . . . ልክ እንደ ማዕበል በአንድ ላይ ይመጣሉ፡፡

🌊ስለዚህም መወገድ የሚችለውን ችግር በማስወገድ፣ የማይወገደውን ችግር ደግሞ ችግሩ የሚያስከትለውን መጨናነቅ ከእኛ በማስወገድ ነው የምናሸንፈው፡፡

🌊ችግር ካልተወገደ በስተቀር የተሳካ ሕይወት እንደሌለህ ስታስብ፣ ዘወትር የማይለወጥ ነገርን ስትታገል ትኖራህ፣ ሁል ጊዜ “ለምን?” በሚል ጥያቄ ውስጥ ትኖራህ፣ ተስፋ ቢስነት ይጫጫንሃል፣ እንዲሁም ሁሉም ሰው ከችግር ነጻና ደስተኛ፣ አንተ ብቻ ችግረኛ እንደሆንክ በማሰብ ድብርት ውስጥ ትገባለህ፡፡

🌪በተቃራኒ ግን የችግሩ ማዕበል ባይይረጋጋም አንተ ስትረጋጋ መነጫነጭን ታቆማለህ፣ የፈጠራ ብቃትህ ይወጣል፣ አዳዲስ መንገዶን ትቀዳለህ፣ ችግሩን ጠንካራ ለመሆን ትጠቀምበታለህ፣ ከችግሩ ባሻገር አልፈህ ከሄድክ በኋላ ለብዙዎች ደጋፊ ትሆናለህ፡፡

🌪ይህ የተለመደ የሕይወት አካል የሆነ ክስተት በእኛም ላይ ሲደርስ መረጋጋት ወሳኝ ነው፡፡ ማዕበል ይመጣል፣ ልክ እንደመጣ ደግሞ ይሄዳል፡፡ ነፋስ ከየት እንደመጣ ሳናውቀው ወደ እኛ ይነፍሳል፣ ወደየት እንደሚሄድ ሳናውቀው ደግሞ ወደሌላ ቦታ ይነፍሳል፡፡

ተንጋግቶ የመጣው ተንጋግቶ ይሄዳል፣
የችግሩ ማዕበል ባይረጋጋም አንተ ግን ተረጋጋ!!

✍ዶ/ር እዮብ ማሞ

For any
comment:-@luck2412

JOIN US 👇👇👇👇👇👇👇👇
@createAvision

📚ርዕስ ፦ድብቅ አእምሮን መግለጥ
📝ደራሲ ፦ዶ/ር ጆሴፍ መርፊ
👤ትርጉም ፦ሱራፍኤል ግርማ
📜ይዘት ፦ሳይኮሎጂ
📆የመጀመሪያው እትም ፦2005
📖የገፅ ብዛት ፦200

egoism and altruism


egoism "ምንም ነገር ብናደርግ ከራስ ወዳድነታችን ነው የሚመነጨው" ይላል። ለምሳሌ ሁለት ሰዎችን እናስብ የመጀመሪያው አንዱን ግለሰብ ድልድይ ውስጥ ገፍትሮ ከተተው። ሁለተኛው ግለሰብ ደግሞ ያንን ሰው ለማትረፍ ህይወቱን አደጋ ላይ ጥሎ ወንዝ ውስጥ ገባ። ethical egoism የሚነግረን እነዚህ ሁለቱም ሰዎች ራስ ወዳድ መሆናቸውን ነው ገፍትሮ የከተተው ኃይል እንዳለው ለማሳየት ነው፣ ለማትረፍ የሞከረው ደግሞ ለመደነቅ እየሞከረ ነው። ምንም ነገር ብናደርግ የሰውልጅ ራስ ወዳድ ነው ከዚህ ውጭ ምንም የምናደርገው ነገር የለም ይላል


በተቃራኒው ደግሞ altruism በተፈጥሮ ለሰዎች እንራራለን፤ ሀዘኔታ እናሳያለን፤ ይሄም የሚያሳየው የሰው ልጅ ተፈጥሮ ውስጥ ማህበራዊ የሆነ ኢለመንት እንዳለ ነው።


For any comment:-@luck2412

JOIN US 👇👇👇👇👇👇👇👇
@createAvision

ከችግሮቼ እንዴት ልውጣ?
....................
እለት እለት ከዛሬ ጀምረህ
1. በሀሳብህ
2. በተግባር
3. በቃልህ
የምትፈልገው ላይ ብቻ አተኩር
በሀሳብህ.....
የምትፈልገውን ውጤት አሰላስል: ጠይቅ: በምናብህ ውጤቱን አግኝተህ እና ሆኖልህ እይ:
በተግባር.....
ስለምትፈልገው ውጤት የሚያውቁ ሰዎች ጋር ዋል: የውጤትህን መንገድ የሚያሳዩህን ሚድያዎች ብቻ ተከታተል: የምትፈልገውን ውጤት እንዴት እንደምታገኝ የሚያሳዩህን መፅሀፎች አንብብ:: በየቀኑ በነፃም ቢሆን የምትፈልገው ነገር ላይ የሚያደርስህን ስራ በፍቅር ከልብህ ስራ:: ችግርን በህሊናህ እያውጠነጠንክ ለመሸከም ፈቃደኛ አትሁን::
በቃልህ....
ዘወትር ፍላጎትህን ተናገር: ስለሆነው ነገር ሳይሆን እንዲሆንልህ ስለምትፈልገው ነገር ብቻ ብዝርዝር አውራ: ፃፍ:
በቃ እነዚህን በየቀኑ በማድረግ አዋዋልህን ማታ ማታ አጢን እና ለነገ የሚስተካከለውን አስብና አርመው::
ማታ ከመተኛትህ በፊት ለሀያ ደቂቃ አልጋህ ላይ ሆነህ መሻቶችህ ተሳክተው የምትኖረውን ህይወት በምናብህ በዝርዝር እንደ ፊልም ተመልከተው::
ጠዋት እንደነቃህም ይህንኑ አድርግ:: አንተ በፈቃድህ ይህንን ስትደርግ ህሊናህ በልምድ ወደችግር ሀሳብ ይወስድሀል:: ያኔ በፈቃድህ ህሊናህን ወደ መሻቶችህ ሀሳብ ውሰደው:: በቃ ይህ ማለት ህሊናን መግራት ማለት ነው:: ይህንን በድግግሞሽ ስታደርገው ለብዙዎች በሚድያ ጭምር የምታስተምርበትን ተአምራዊ ውጤት ታገኝለህ::
ሰው በምድር ላይ የአስተሳሰቡ ውጤት ነው:: አንድ ቀን የስኬት ታሪክህን ለህዝብ ስታቀርብ አይሀለሁ::

@createAvision

ለተወሰነ ጊዜ...!
፨፨፨///////፨፨፨
ከባህሪህ የተነሳ በብዙዎች ትታወቃለህ፣ በማንነትህ ምክንያት ብዙ ስም ወቶልሃል፤ እራስህን ለመሆን በጣርክ ቁጥር ተቃራኒ መጠሪያ ይሰጥሃል፤ ልዩነት መፍጠር ስትሞክር በብዙሃኑ መዋጥ አስቸግሮሃል፤ ከውስጥህ ለመኖር ስታስብ ውጫዊ ጫናዎች ይፈታተኑሃል። የምድር ብልጭልጭ ትኩረትህን እየሳበ የምታስበውን ህይወት እንዳትኖር፣ የሚገባህ ስፍራ እንዳትደርስ ያግድሃል። በመኖር አለም የሚረብሹን ክስተቶች ብዛት ለከፋው ምሬትና ጉስቁልና ይዳርጉናል። ብዙ ጊዜ ታስባለህ፣ እቅድ ታወጣለህ፣ የቀን ገደብ ታስቀምጣለህ ነገር ግን በሃሳብህ መመራት፣ በእቅድህ ልክ መተግበር ይከብድሃል። ምክንያቱም ያንተ ስንፍናና ደካማነት ብቻ እንደሆነ ልታስብ ትችላለህ። ነገር ግን ካንተ በላይ እንዲቆጣጠርህ የፈቀድከው አካባቢህ አንተን መረበሽና ከሃሳብህ ለማጉደል አይሰንፍም። እራስህን ለጫጫታ አጋልጠህ ትኩረት በማጣትህ ልትጨነቅ አይገባም፤ ወቅታዊ ክስተቶች በሚተረኩት ቡድን ውስጥ ህልምህን ማስረዳት አትችልም፤ ክብር ከማይሰጡህ፣ ከማይደግፉህና ከማያዳምጡህ ጓደኞች ጉን ሆነህ ልታድግ አትችልም።

አዎ! ጀግናዬ..! ትላልቅ ሃሳቦችህ ተንኮታኩተው እየቀሩ፣ ህልምህ እየከሰመ፣ ድጋፍ እየተነፈክ፣ እገዛ እየተከለከልክ፣ ጫናዎች እየበዙበህ ከተቸገርክ ለተወሰነ ጊዜ ከስፍራው ዞሮ በል፤ ከለመድከው አካበቢ፣ ሁሌም ከምትገኝበት ቦታ እራስህን ነጥል። ለአመታት አብሮህ የኖረ ሃሳብ ከሃሳብ በላይ ውጤት እንዲያመጣ፣ በገሃድ እንዲገለጥ፣ እውን እንዲሆን፣ ፍሬ እንዲያፈራ ከፈለክ ከሚረብሽህ ቦታ መውጣት ይኖርብሃል። ችሎታው ይኖርሃል፣ ወኔው ውስጥህ አለ፣ ያልወጣ ብርታት አሰባስበሃል የያዘ ይዞህ፣ የገደበህ ገድቦህ፣ የሚያስር አስሮህ ይሆናል። ሰብሮ ሊያስወጣኝ ይችላል ብለህ በምታስበው መንገድ መውጣት ካልቻልክ ህይወት እዛው እንደተለመድ መቀጠሏ አይቀርም።

አዎ! ዞር ማለትህ እራስህ ላይ ለመስራት ነው፤ ከተለመደው ከባቢ መነጠልህ እራስህን ለማግኘት ነው፤ ፊትህን ማዞርህ ለእራስህ ጊዜ ለመስጠትና እራስህን ለማወቅ፣ እራስህን ለማሻሻል ነው። ካለህበት የሃሳብና የውጫዊ ጫና ካልወጣህ እራስህን መውቀስህ ይቀጥላል። ከየአቅጣጫው የሚፈሱ የህይወት ዥረቶች አሉ፤ ግማሾቹ የሚወስዱህ ሲሆኑ ሌሎቹም ከነበርክበት የሚመልሱህ ናቸው። ከለመድከው በሰው ተከቦ የእራስ ሰውን ማጣት፣ አጋዥ ደጋፊን ማጣት ለመውጣት ድፍረት ይኑርህ። ለጊዜው አብሮህ የሚያሽቃብጥ ሁሉ የሚደግፍህና ስትፈልገው ከጎንህ የሚቆም አይደለም፤ አብሮህ ሳቀ ማለት ሃዘንህን ያስተዛዝንሃል ማለት አይደለም፤ በጥቃቅን ድሎች ተደሰተልህ ማለት ትልቅ መሆን ስታስብ፣ ህልምን ለማሳካት ስትጥር ይደግፍሃል ማለት አይደለም። ከማንም ከምንም ሳይነካኩ በእራስ ላይ ሰርተው፣ እራስን አጠንክረው፣ ለብቻ ማድረገ የሚችሉትን አድርገው እራስን ሆኖ መመለስ ይቻላልና ለተወሰነ ጊዜ ከተለመደው ምህዳር ወጣ በል። እራስህ ላይ ሰርተህ፣ እራስህንም አጠንክረህ እንደገና ተመለስ።


@createAvision