☯መጠነኛ ችግር የምቾች ጨው ናት!
.
እምነት ያለ ፈተና፤ ጤንነት ያለ በሽታ፤ ሀብት ያለ ድህነት፤ ሠላም ያለ ጦርነት፤ ደስታ ያለ ሀዘን፤ ጥጋብ ያለ ርሃብ፤ ፍቅር  ያለ ቅናት፤ እረፍት ያለ ድካም፤ ብርሀን ያለ ፅልመት ጣዕም የለውም። ችግርና ፈተና ያልገጠመው ህይወት ጨው አልባ የአልጫ ምግብ እንደ ማለት ነው። ሠው ሆነህ ችግር አትጥላ  መከራም አትፍራ፤ የስጋ ምቾትህን ግን አጥብቀህ አትውደዳት ዘልአለማዊ ደስታህን በመቀማት ለውድቀት ትዳርግሃለች።
.
☮አስተውል! ህይወትህ መጠነኛ ተግዳሮት ካልገጠመው ሙሉ ደስተኛ አትሆንም። የችግርን መራራነት በተግባር ካልቀመስከው የምቾትን ጣዕም በፍፁም  ልትረ'ዳው አትችልም። ችግርን በፍፁም አትፍራ ግን ደግሞ ችግርን በቀጠሮ ብዛት እንዳትላመዳት አብዝተህ ተጠንቀቅ፤ ችግር እንደ ጨው ለህይወትህ ማጣፈጫነት ተጠቀምባት እንጂ ለደም ግፊትህ ምክንያት ሆና እስክትገድልህ ድረስ አብዝተህ አትዘፈቅባት። ችግርና ማጣት ካልቀመስክ ባለህ ነገር ስለማትረካ ከልብ አታመሰግንም፤ ካላመሰገንክ ደግሞ የደስታ ፀጋ ይርቅሃል። እናም አመስጋኝ ሁን!

For any comments:-@luck2412

JOIN US 👇👇👇👇👇👇👇👇
@createAvision

አንድ ዶክተር መምህር ናቸው ለተማሪዎቻቸው ክፍል ውስጥ ቡና አፍልተው ሲኒዎች ያመጣሉ ሲኒዎቹም አንዳንዶቹ በጣም እርካሽና አስጠሊታ ሲኒ ሲሆኑ አንዳንዶቹ ውድና ከክሪስታል የተሰሩ የሚያምሩ ውድ ሲኒዎች ናቸው፡፡ እና እኚህ ዶክተር ያፈሉትን ቡና ከሲኒዎቹ ጋር በሁሉም ተማሪዎች ፊት አስቀምጠው "ተማሪዎች ቀስ በቀስ እየተነሳቹ በመረጣቹት ሲኒ ቡና ጠጡ" አሏቸው፡፡ሁሉም ተማሪዎች በመረጡት ሲኒ ቡና ቀድተው ሲጠጡ ዶክተሩ ተናገሩ "አያቹ ተማሪዎች ሁላችሁም የሚያምሩትንና ውድ የሆኑትን ሲኒዎች ነው የመረጣቹት፡፡ አስጠሊታዎቹን ሲኒዎች የመረጠ የለም፡፡ የሚፈለገው ነገር ቡናው ሆኖ ሳለ እናንተ ግን ለሲኒው ትኩረት ሰጥታችሁ ምርጡን ሲኒ መርጣችሁ በቅናት እርስ በርስ ትተያዩ ጀመር" አሏቸው አሉ!!
እና ምን ለማለት ፈልጌ መሰለህ ብዙ ጊዜ አንተ ከቡናው ሲኒውን እየመረጥክ ነው ወዳጄ ሲኒው ትርጉም የለውም ዋናው ቡናው ነው፡፡ በደሳሳም ጎጆም ኑር በቪላም ኑር ዋናው በደስታ ኖረሀል ወይ? ነው ጥያቄው፡፡ ደስታ በወርቅ ስለተከበብክ መጠጡን ስለተጋትክ ፈጣሪን ስላማረርክ አይመጣም የሲኒው ውድ መሆን የቡናውን ጣእም አይቀይረውም፡፡ ዋናው ቡናው ነው፡፡ ውድም መኪና ብትነዳ ርካሽም መኪና ብትነዳ ዋናው መጓጓዝህ ነው፡፡ በሀገርም ብትኖር በስደትም ብትኖር ዋናው በደስታ መስራትህ ነው፡፡ በፕሌንም ሂድ በአውቶቡስ ዋናው ደርሰሀል ወይ? ነው፡፡ ይህንን የኔን ፅሁፍ መቼም እንዴትም የትም አንብበው ዋናው ጠቅሞሀል ወይ፡፡ ዋናው ሲኒው ሳይሆን ቡናው ነው፡፡ እባካቹ በዘር በሀይማኖት በአጉል ልማድ (በሲኒ) አንጨቃጨቅ ዋናው ፍቅር ነው ስለፍቅር እናውራ ስለፍቅር እንኑር ስለፍቅር እንስበክ ፍቅር ደስ ይላል ፍቅር አለምን ያጠባል !! ለዚህም ነው ጳውሎስ " እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው።"
ፍቅር ለሁሉም!!


For any comments:-@luck2412

JOIN US 👇👇👇👇👇👇👇👇
@createAvision

🔑የአስተሳሰብ ለውጥ ልክ እንደ አውሮፕላን ሁለት ክንፍ አለው!

💡የአስተሳሰብ ለውጥ ልክ እንደ አውሮፕላን ሁለት ክንፍ አለው ፡፡ አንዱ ክንፍ እውቀት ነው፡፡ ሌላኛው ተግባር ነው፡፡ሰዎች ለመለወጥ የሚቸገሩበት አንደኛው ምክንያት ከእውቀት እጦት የተነሳ ነው፡፡ ምክንያቱም በማታውቀው ነገር ዙሪያ እንዴት ትለወጣለህ? ይሄ ቦታ አልተመቸንም ብንል የት ነው የምንሄደው? እንዴት ነው የምንሄደው? ሄደን ምን ያጋጥመናል? ካላልን አስቸጋሪ ነው፡፡

💡ሁሉ እውቀት ኖሮን ደግሞ ባለንበት ቁጭ ብንል ተለወጥን ማለት አይደለም። አሁን እንደውም ትልቁ ሽወዳ ያለው አንዳንዴ ብዙ ስለለውጥ ስናውቅ የተለወጥን ይመስለናል፡፡ ከእሱ ደግሞ አለማወቅ ሁሉ ይሻላል፡፡

💡 እውቀት ብርሀን ነው፡፡ ካወክ በራልህ ማለት ነው ፡፡ ቤት ውስጥ መብራት ባይኖር ምንም ማድረግ አትችል ይሆናል፡፡ ግን ቤት ውስጥ መብራት ቢኖር ስቶቩን ለኩሶ፣ እቃውን አውጥቶ፣ ድስቱን ጥዶ ምግብ አብስሎ አያበላህም፡፡ ነገር ግን አንተ እንድትሰራ በር ይከፍትልሀል፡፡

🕯ስለዚህ እውቀትን እና ተግባርን ማቀናጀት ነው ለውጥ የሚፈጥረው! ምንድን ነው መለወጥ የምንፈልገው? እሱን መለየት ያስፈልጋል፡፡ ምንድን ነው ማድረግ ያለብን? እሱንም መለየት እና ማድረግ ነው፡፡ ጓሮህን ከሆነ መለወጥ የምትፈልገው እንዴት መለወጥ እንደምትችል ማወቅ አለብህ፡፡ ከዛ እጅህን ሰብስበህ መነሳት አለብህ፡፡ ጓሮህ ተቀየረ ማለት ነው፡፡

✍ዶ/ር ምህረት ደበበ

For any comments:-@luck2412

JOIN US 👇👇👇👇👇👇👇👇
@createAvision

ውሃ ላይ ስትራመድ ቢያዩህ “መዋኘት ስለማይችል ነው!” ይሉሃል።
እንዳውም ውሃ ላይ ስትሮጥ ቢያዩህ “አቧራ አታቡንብን!” ብለው ይከሱሃል።

ክብደት መስጠት ባለብህ ጉዳዮች ላይ ክብደት ስጥ። ቀለል ማድረግና አንዳንዴም ማለፍ ባለብህ ጉዳዮችም ላይ ጊዜህን አታባክን።

ከአሳማ ጋር ጭራሽ አትላፋ! ሁለታችሁም ትቆሽሻላችሁ። አሳማው ግን በመቆሸሹ ቅንጣትም አይከፋውም እንደውም ያዝናናዋል።!


For any comments:-@luck2412

JOIN US 👇👇👇👇👇👇👇👇
@createAvision

🟡ከፍ ያለ ቦታ ላይ ስትሆን ኩራት (PRIDE) የሚባለውን ጭራቅ ተጠንቀቅ ፡፡ ኩራት አንተ የደረስክበት የስኬት ደረጃ ላይ ያልደረሱ ሰዎችን በንቀት እንድትመለከት ያደርግሃል፡፡

🔴 ታችኛው ክፍል ላይ ስትሆን ፣ ምሬት (BITTERNESS) የሚባለውን ጭራቅ ተጠንቀቅ፡፡ ምሬት ቅናት እንዲሰማህ እና አንተ ያልተሳካልህ በሌሎች ሰዎች ምክንያት እንደሆነ እንድታስብ ያደርግሃል፡፡

🟡 ወደ ላይኛው መንገድ ስትጓዝ ስግብግብነት (GREED) ተብሎ የሚጠራውን ጭራቅ ተጠንቀቅ፡፡ ስግብግብነት ትዕግሥት ያሳጣሃል እናም እንድትሰርቅ ወይም አቋራጮችን እንድትፈልግ ያደርግሃል።

🔵ወደ ታች በምትወርድበት ጊዜ ፣ ተስፋ መቁረጥ (DESPAIR) ተብሎ የሚጠራውን ጭራቅ ተጠንቀቅ ፡፡ ተስፋ መቁረጥ፣ ሁሉም ነገር ተጠናቋል ብለህ እንድታስብ ሊያደርግህ ይችላል።

For any comments:-@luck2412

JOIN US 👇👇👇👇👇👇👇👇
@createAvision

አንተነትህን የሚገልፀው ፊትለፊት ያለው ስጋዊ ማንነትህ አይደለም፤ የሰው ልጅ ስትሆን መንፈስ የሚባል ድንቅ ስጦታ ተሰጥቶሀል። ስጋህ ቢዳከም ሁሉም ነገር የጨለመ ቢመስልህም እንኳን ጨዋታው ገና ነው ምክንያቱም ሀያሉ መንፈስህ አፈር ልሶ የመነሳት ጥበብ አለው። እንደገና ትበረታለህ፣ እንደገና ትፀናለህ፣ እንደገና ህይወትን ታታጥማለህ፤ ወዳጄ መቼም አያበቃልህም!

For any comments:-@luck2412

JOIN US 👇👇👇👇👇👇👇👇
@createAvision

አንተን፣ እራስህን ስለሆንክ!
፨፨፨፨፨፨///////////፨፨፨፨፨
እራስህን ልክ እንደ እደለ ቢስ፣ ገድ እንደሌለው መቁጠርህን አቁም። አጋጣሚ ጠብቆ ሁኔታዎች ሲመቻቹለት ብቻ እራሱን ለማሳየት የሚጥር ሰው አጋጣሚውን ያገኘ ሲመስለው የሚያሳየውን ነገር ያጣዋል፣ ከነጭራሹም ይረሳዋል። ልክ በባለጉዳይነት ስትመላለስ ከርመህ ጉዳይ ፈፃሚው ሲገኝ ጉዳይህን እንደምትረሳው። እራስህን ለማሳየት እድሎችን ስትጠብቅ፣ ምቹ ሁኔታዎችን ስትመኝ ጊዜ ይነጉዳል፣ አቅም ይከዳል፣ ስሜት ይወርዳል፣ ተነሳሽነት ይጠፋል። አንድ አባባል አለ " ትክክለኛው የምትዘልበት ሰዓት መዝለል የፈራህበት ሰዓት ነው፤ ካለበለዚህ እድሜ ዘመንህን በዛው ስፍራ ታሳልፋለህ። " የፍረሃትህን ተራራ በጊዜ ካልናድከው በሂደት ይዋሃድሃል፣ እንደማትችልም ያሳምንሃል።

አዎ! ጀግናዬ..! ስሜትህን አትገድብ፣ አቅምህን አታሳንስ፣ የሚታይበትን ጊዜ አታስረዝመው፣ እድል እስክታገኝ፣ አካጣሚው እስኪፈጠር አትጠብቅ። አጋጣሚ፣ እድል የሚባል ነገር የለም። አቅም የሌለው፣ በእራሱ የማያምን፣ በእራሱ የማይተማመን በእድልና አጋጣሚ እያመካኘ ወደተግባር የሚገባበትን ጊዜ ያባክናል። አንተ ግን አቅሙና እውቀቱ እስካለህ ድረስ ትጠብቀው የነበረውን አጋጣሚ ለእራስህ ፍጠር፤ የፈራሀውን የሰው አይን ድፈር፤ ያስጨነቀህን የሰው ምላስ ተጋፈጠው። በማንም ተደብቀህ፣ ማንንም ተሸሽገህ እራስህን ለማሳየት አትሞክር። ለማደግና ለመቀየር ከፈለክ መደበኛውን የመሽሎክሎክና ከሰዎች የመሸሽ አባዜ እርግፍ አድርገህ ተው። ሁሉም ሰው በእራሱ ስራ ተጠምዷል፣ የእራሱ ሩጫ አለበት፣ የግል ትግል አለውና ሁሉም አይኖች እኔ ላይ ናቸው ብለህ አታስብ።

አዎ! የምትፈልገውን እድልም እራስህ ፍጠረው፣ የምትመኘውን አጋጣሚ እራስህ አስገኘው። እራስን ማሳደግ፣ በእራስ መጣጣር፣ እራስን ብቁ ለማድረግ መሯሯጥ፣ እድሎችን መፍጠር፣ ከእራስ በላይ ለሌሎች መትረፍ ቀላል እንዳልሆነ ግልፅ ነው። ለእራስህ ከምትሰጠው ግምት ጀምሮ ትፈተናለህ። "እንደዚህ ላደርግ ነው፣ ይህን ልጀምር ነው" ባልክ ቁጥር "አንተ ማን ስለሆንክ ነው፤ ማነኝ ብለህ ነው የምታስበው" የሚሉ ተቀፅላ ጥያቄዎች ይመጡብሃል። በዚህ ሰዓት ማን እንደሆንክ ከማስረዳት ማንነትህን በተግባር ታሳያለህ፤ ማንም ስለሆንክ ሳይሆን አንተን እራስህን ስለሆንክ ያሰብከውን ታደርጋለህ፤ እድሎችን ትፈጥራለህ፤ በማንነትህ የገመተህን አፉን ታዘጋለህ፤ ማስደነቁን ትጀምራለህ። ማንም ሳትሆን አንተን እራስህን ስለሆንክ የእራስህን ህንፃ ትገነባለህ፣ ማንነትህን ታጎለብታለህ፣ ለብዙዎችም ትተርፋለህ።


For any comment:-@luck2412

JOIN US 👇👇👇👇👇👇👇👇
@createAvision

ብርሃን መሆን

ባይችል፣ ለቀጣዩ ዘመን የተስፋ ብርሃን መርጨቱ አይቀርም!
“ሰው!”
ሰው ፍጠር (ቅዱስ ዮሐንስ አፈወርቅ) አወዛጋቢው ፈላስፋ ዲዮጋን በቀን ፋኖስ ይዞ ሲንከራተት ሰዎች አይተው ምን ጠፋህ? ቢሉት ሰው እየፈለግሁ ነው። ብሎ መለሰላቸው ግን ሰው ምንድነው? ሰው የሚባለው ፍጡር ቅዠት እንዳልሆነ ምን ተጨባጭ ማስረጃ አለን? የሚሉም አሳቢያን ተነስተው ነበር፤ ቢሆንም አለሁ የለሁም ብሎ መጠየቁ በራሱ “እንዳለን” ማስረጃዎች ይሆናል፥ የሚሉ አሳቢያንም አሉ፤ በእርግጥ ይህንን ውትብትብ ጥያቄ ለመመለስ ፈጣሪ መሆን ይጠበቅብናል ይመስለኛል። ቢሆንም የሰውን ምንነትና አፈጣጠር ከሐይማኖት ድርሳናት፣ አቧራ ከጠገቡ ከፍልስፍና መዛግብት አቧራውን እፍ እያልን ከሆነ ንጻሬ መተንተን እንችላለን፡፡ “ጥያቄዎቹ” ላይም ፍሬው ከገጽ 18-39 ድረስ “ሰው እንዴት እና ከምን መጣ?” የሚለውን ጥያቄ ከተፈጣሪነት ጽንሰ ሃሳብ (Creationism Theory) አንጻር ቅዱስ ቁርዐንንና ቅዱስ መጽሐፍን እያጣቀሰ፣ ከዝግመተ ለውጥ (Evolution Theory) አንጻር፣ ብሎም ከላምራክ ጽንሰ ሃሳብ አንጻር (Theory of lamarck) “ሰው እንዴት ተፈጠረ?” ለሚለው ጥያቄ የመልስ ሕብስት ጋግሮልናል። ነፍሳችን የሚጠግባትን መርጦ መመገብ የኛ ፋንታ ነው። እንደው ሃሳብ ወዳዶች ከሆንንና ረቂቅ ነገሮችን የመመርመር ፍላጎቱ ላለን ሰዎችም ስለ ነባቢት፣ልባዊት፣ሕያዊት ነፍስም ጥልቅ ትንታኔ አስቀምጦልናል (በገጽ-40-45)፡፡ ፍሬው ጥልቅ ንባብና አረዳድ አለው፤ በአጸደ-አዕምሯችን የሚመላለሱብን፣ፈራ ተባ እያልን ችላ ያልናቸውንም ሃሳቦች አልማራቸውም፤ ሞትን፣ በተለይ ራስን ስለ ማጥፋት በዚህ ጉዳይ የዓለምን በእጅጉ ተጨንቃለች፤ ብዙ ሕዝብም እንደ ቅጠል እያረገፈ ነው።  የወለፈንዲ ፍልስፍና አቀንቃኙ አልበርት ካምዩ ስለ ራስ ማጥፋት እንዲህ ይላል፡- “በመጨረሻም ሰው ራሱን ከመግደል፥ በበለጠ ለመኖር ጽናትን ሊያዳብር ይገባል።” ፍሬው ፈላስፋውና የሙዚቃ ባለሙያው ኤልያስ መልካ ስለ ራስ ማጥፋት አሉታዊነት የገጠማቸውን ግጥሞች በጥቂቱ አብራርቶልናል። (ገጽ-61)..አለፍ ሲልም የሰውን ተፈጥሮ ምንነት ይዳስሳል።  
ፍጥረት ከመፈጠሩ በፊት ያለው የወደኋላ ዘለዓለም እና የወደፊት ዘላለም በሰው የንቃተ ሕሊና ደረጃ ምን ሊባል ይችላል? ምንም ባለመባሉ ሰበብ አሁንም ድረስ ስለ የፈጣሪ ኅልዮት ብዙ ያጨቃጭቀናል። ታዲያ ፍሬው ከተለያየ አንጻር በምልከታውም በሌላም ሃሳብም ላቅ አድርጎ አንጽሮልናል። ሰይጣንም ሳይጎረብጠኝ ምንና ከየት እንደተነሳ በቅጡ አወቅሁ፡፡ “ጥያቄዎቹ” ወርቅ አዕምሮዬን በሃሳብ እፈትናለሁ የሚል ሁሉ ሊያነበውና ራሱን በሃሳብ የቱ ጋ ነኝ ብሎ ሊፈትሽበት የሚገባ መጽሐፍ ነው፡፡


For any comment:-@luck2412

JOIN US 👇👇👇👇👇👇👇👇
@createAvision

💡ሕይወት በ’የኔ’ እና ‘የኛ’ የምናሳንሰው ነገር የላትም… ከጽንፍ አልባው ምልዓት ላይ በተገለጸልን ልክ የገባንን ሁሉ የእኔ/ኛ አንልም… እኛ ራሳችንን ያንን ምልዓት አይደለን? “You are not a drop in the ocean; you are the entire ocean in a drop” ይላል Rumi

❤️ ይህን ሁለንተና በግላዊነት መያዝ አይቻልም… የኔ ብሎ ማሳነስ አይቻልም… እኛው ራሳችን ሁለንተናውን ነንና ፣ ብዙ የአለማችን እሳቤዎች ከሕይወት በተናጥሎ የመኖርን ቅዠት ይሰብካሉ… ውቅያኖሱን ሆነህ ሳለ የውቅያኖሱን ‘አንድ ጠብታ ወስደህ’ የኔ ማለት ከራስም ያሳንሳል…ከራስህ ተነጥለህ ‘የራስህ’ ሊኖርህ አይችልም።

💡የግዙፍ ውቅያኖስ አካል ነን ፣ከኔ ቤት ላይ የረጨኸው እሳት ከሆነ ነበልባሉ ያንተን ቤት ይነካል ሽቶ ስትረጨኝ የመዓዛው ቅንጣቶች ለአፍንጫህ ውብ ጠረን ይለግሳል ሰው የዘራውን ያንኑ ደግሞ ያጭዳል ይህን ምስራቃውያኑ Karma ሲሉት ሌሎች ደግሞ Boomerang ይሉታል Boomerang አውስትራሊያኖቹ አቦርጂኒስቶች ከእንጨት የሚሰሩት ደጋን ቅርጽ ያለው የአደን መሳሪያ ሲሆን ወርዋሪው ዘንድ ተመልሶ እንዲመጣ ተደርጎ የሚነደፍ ነው… ለሃሳብ፣ ለስሜትና ድርጊትህ መጠንቀቅ የሚኖርብህ ወላፈኑ ‘ለእኔም’፣ ‘ለእርሷም’፣ ‘ለእነርሱም’ እንደሚተርፍ በማሰብ ነው ምክንያቱም We are all One!

💎በረከት በላይነህ "የመንፈስ ከፍታ" ላይ እንዲህ ይለናል
“የግልህ ወንዝ ስለሌለህ ብቻህን የምትሰራው ድልድይ የለም! የሰማዩ ርቀት፣ የምድሪቱ ስፋት በ’እኛ’ እንጂ በ’እኔ’ አይለካም፡፡ ውዱ ‘እኔ’ ከ’እኛ’ የተሰራው ነውና!”



           ውብ አሁን!!❤️

For any comment:-@luck2412

JOIN US 👇👇👇👇👇👇👇👇
@createAvision

💫"የምትጓዝበት መንገድ ወደ ጥሩ አሊያም ወደ መጥፎ የሚመራው አንተን እንጂ ተመልካችህን አይደለም፤የምትለብሠው ልብስ የሚያሞቀውም ሆነ የሚያበርደው አንተኑ እንጂ የሚያይህን አይደለም፤የምትበላው ምግብ የሚጣፍጠው ወይም የሚመረው አንተን እንጂ ሌላውን አይደለም።

💫ብዙ ውጫዊ ነገሮች አስደሳች ቢሆኑም ከጊዜ ጋር የተሳሰሩና ሃላፊ ናቸው። ዛሬ ያስደሰተን ጓደኛ ነገ ላይኖር ይችላል ዛሬ ያጌጥንበት ውበት ነገ ይረግፋል፤ ዛሬ የተመካንበት አስተሳሰብ ነገ በቆመበት አይጸናም። ከውጪ የምናገኘው ማንኛውም አይነት ደስታ በመጣበት እግሩ ጥሎን መሄዱ አይቀርም። ከዛም አልፎ ዋጋ ያስከፍለናል። ከጊዜ ጋር የማይለዋወጥ ደስታን ለማግኘት ብቸኛ መፍትሄው ደስታና ሰላምን በውስጣችን መፈለግ ነው። እንደ ኩሬ ውሃ ያነሰች፤ እንደ ኩራዝ መብራት የቀጨጨች፤ እንደ ሰናፍጭ ቅንጣት የደቀቀችም ብትሆንም እንኳን ውስጣዊ ደስታን በልባችን መትከል ነው። ይህ ነው ማንም ሊነካውና ሊደፍረው የማይገባው ስፍራ።

✨በርግጠኝነት ለሰው ብለን የምንይዘው ማንነት፤ ለኛ በልክ እንዳልተሰፋ ልብስ አያምርብንም፤ ቀላሉ መፍትሄ እራሳችንን መሆን እና፤ መክሊታችንን መኖር ነው። በዚህ ስፍራ ውስጥ ሙሉ ነን፤ እውነተኛ እኛነታችን የሚታየው በዚህ ስፍራ ነው። ወደ ውስጣችን ዘልቀን በዚህ ስፍራ ላይ ቆመን ህይወታችንን ብናየው፤ እንደምናስበው ደካማ አይደለንም፤ የሚጎድለን ብዙ አይደለም፤ ከምንም በላይ በፈጠረን ፈጣሪ አይን ውስጥ ውብና ንጹህ ነን። ታዲያ ከዚህ በላይ ምን አለ? ደስታና ሰላማችን በሰው እጅ ፤ ፍርድና ቅጣታችን በሰው ወንበር ፈጽሞ አይሁን.!!

For any
comment:-@luck2412

JOIN US 👇👇👇👇👇👇👇👇
@createAvision

ሕይወት እንደ ማዕበል ሲሆን!

🌊አንዳንድ ጊዜ ሕይወት እንደ ማዕበል ነው፡፡ በሰላም ይሄዱ የነበሩ ነገሮች ልክ የተመካከሩ ይመስል በአንድ ላይ ይናጋሉ፡፡ የሁኔታዎች አልሳካ ማለት፣ ድንገተኛ ወጪዎች፣ የገንዘብ እጥረት፣ የጉዳዮች መጥመም፣ የሰዎች ክህደት፣ ስጋትን የሚፈጥሩ ሁኔታዎች መከሰት፣ የጤንነት መቃወስን የሚጠቁሙ ምልክቶች . . . ልክ እንደ ማዕበል በአንድ ላይ ይመጣሉ፡፡

🌊ስለዚህም መወገድ የሚችለውን ችግር በማስወገድ፣ የማይወገደውን ችግር ደግሞ ችግሩ የሚያስከትለውን መጨናነቅ ከእኛ በማስወገድ ነው የምናሸንፈው፡፡

🌊ችግር ካልተወገደ በስተቀር የተሳካ ሕይወት እንደሌለህ ስታስብ፣ ዘወትር የማይለወጥ ነገርን ስትታገል ትኖራህ፣ ሁል ጊዜ “ለምን?” በሚል ጥያቄ ውስጥ ትኖራህ፣ ተስፋ ቢስነት ይጫጫንሃል፣ እንዲሁም ሁሉም ሰው ከችግር ነጻና ደስተኛ፣ አንተ ብቻ ችግረኛ እንደሆንክ በማሰብ ድብርት ውስጥ ትገባለህ፡፡

🌪በተቃራኒ ግን የችግሩ ማዕበል ባይይረጋጋም አንተ ስትረጋጋ መነጫነጭን ታቆማለህ፣ የፈጠራ ብቃትህ ይወጣል፣ አዳዲስ መንገዶን ትቀዳለህ፣ ችግሩን ጠንካራ ለመሆን ትጠቀምበታለህ፣ ከችግሩ ባሻገር አልፈህ ከሄድክ በኋላ ለብዙዎች ደጋፊ ትሆናለህ፡፡

🌪ይህ የተለመደ የሕይወት አካል የሆነ ክስተት በእኛም ላይ ሲደርስ መረጋጋት ወሳኝ ነው፡፡ ማዕበል ይመጣል፣ ልክ እንደመጣ ደግሞ ይሄዳል፡፡ ነፋስ ከየት እንደመጣ ሳናውቀው ወደ እኛ ይነፍሳል፣ ወደየት እንደሚሄድ ሳናውቀው ደግሞ ወደሌላ ቦታ ይነፍሳል፡፡

ተንጋግቶ የመጣው ተንጋግቶ ይሄዳል፣
የችግሩ ማዕበል ባይረጋጋም አንተ ግን ተረጋጋ!!

✍ዶ/ር እዮብ ማሞ

For any
comment:-@luck2412

JOIN US 👇👇👇👇👇👇👇👇
@createAvision

📚ርዕስ ፦ድብቅ አእምሮን መግለጥ
📝ደራሲ ፦ዶ/ር ጆሴፍ መርፊ
👤ትርጉም ፦ሱራፍኤል ግርማ
📜ይዘት ፦ሳይኮሎጂ
📆የመጀመሪያው እትም ፦2005
📖የገፅ ብዛት ፦200