MADNESS

اذا برشلونة 😂اتاهلت بكرة الفطور والعصير علي😌 لاول برشلوني يلاقيني في الكلية😂😂

علاء ، انا برشلوني بكرة 😂😂😂😂

201 views18:26

تعالو ال نسألكم 😁 انتو كلكم يا جماعة عندكم علبة بشرى فاضية ولا كاسة زبادي مقاس كبير خاتينها جمب حوض العدة وبتختو فيها ليفة العدة؟! 😂 طيب ليفتكم حقت العدة عبارة عن الليفة الحمراء ولا الصفراء ديك ومشبوكة فيها ليفة سلك؟ 💔 طيب خلينا من العدة، هل انتو عندكم كباية طقم شاي لبن مسيكينة مظيليمة كده من شافت النور لقت نفسها ف جردل السكر جوة دولاب التموين🙊؟! ممتااااااز جدا😂 طيب عندكم قزازة مربى فاضية غالبا فيتراك (30% قطع فواكه اكثر😂) قاعدة ف مصطبة المطبخ بتكبو فيها الزيت من الجركانة ولا لاميين فيها باقي زيت تحمير البطاطس😂😂😂 طيب عندكم جردل كده مخصوص ف طربيزة المطبخ إسمه "جردل العيش" 🙊 طيب سؤال تاني، عندكم حلة كده تقيلة ومطفجة ف الفريزر اسمها "حلة التلج" 😂😂😂 ومرات جردل ما حلة؟ 😂👊 طيب نغير السيرة شوية، عندكم زول كده ف البيت بيكون ابو العريف (جوكر كده) الوصلة الضربت بصلحها ولا اللمبة الحرقت بغيرها الماسورة الإتحلجت بظبطها الشواحن البايظة بلمها ويطلع منها شاحن جديد 😂 اللابتوب ولا التلفون الضرب سوفت وير بعالجه، الطبق الما مظبوط بيظبطه اي حاجة بعرف يصلحها؟! طيب ع سيرة الطبق كلكم زمان لما الطبق يلف ولا الإشارة تطش ويطلع المسكين داك يصلحه هل كنتو بتقعدو زول قدام التلفزيون وواحد ف نص البيت والتالت برا وتقعدو تكوركو 👨اتصلح 👧اتصلح 👦اتصلح والرد 👦لسة 👧لسة 👨قالو ليك لسة؟! 🙊 صدى صوت بس😂😂🎤📣
طيب كلكم زمان وانتو صغار قلدتو تواقيع أبهاتكم ف النتيجة ولا كراس المتابعة ؟! أمهاتكم زمان هددوكم وقالو ليكم والله ألبس توبي ده وأمرق ما أجيكم تاني👸؟ طيب معظكم وانتو صغار كتبتو رسايل لأمهاتكم ف عيد الأم... أمي العزيزة شكرن وامي انا أوحيبوكي وكده😍❤؟! طيب آخر سؤال والله😂 عندكم برميل موية كده قاعد للإحتياط لمن الصهريج يفضى والموتور ما يرفع موية وكل مرة تحتاجو لموية منه بتلقوه فاضي😂💔 وأبوكم يكورك ليه ما مليتو البرميل ده؟؟؟ لو صعبة انا دي بملاه😂 وف النهاية لا انتو ولا هو ولا زول بيملاه خالص🙊👊
أنا متأكدة عندكم حاجة من الحاجات الفوق الكتيييرة دي وغيرها لسة😍 شفتو كلنا بنتشابه كيف❤ من جوة وبرا👌 بس ساااي نحن مصعبينها شايقي ومحسي ورباطابي وجعلي وحلفاوي وجنوبي وولد عرب وغيره💔 ياخ كلنا سودانيين بس ما أكتر 😊✋

667 views18:30