MADNESS

Forwarded from 4 You

تجهيزات الشعب السوداني للانضمام لمجلس التعاون الخليجي.
معلومات حنحتاجها قريب:
١- الحاجة اللي بتتلبس في الراس و لونها احمر اسمها شماغ واللي لونها ابيض اسمها غترة.
٢- البثبتو بيهو الاتنين ديل اسمو عقال وبالمناسبة هو مامقاس واحد زي ما اغلبية الناس متخيلة.
٣- العربية بالسعودي اسمها سيارة.
٤- اللبن هناك اسمو حليب والروب اسمو لبن.
٥- اوعك يا اختي تتهوري وتسوقي العربية في السعودية، دي ما شارع النيل بارك الله فيك.
٦- حاولو تشوفو اسماء جديدة للويكة والداردمة والقنقليز عشان تتماشي مع ثقافة اخواننا العرب
٧- اختي: العرس تاني حيكون الرجال براهم والنسوان براهم، وغالبا يكون مافي عرس اصلا، فماتتعبي روحك شديد وتقشري للأباط.
٨- الشباب، التمباك حاولو اخترعو ليهو اسم ووسيلة تعبئة جديدة بدل الكيس عشان الكيس منظرو ماحيكون سياحي في الثوب
٩- بالمناسبة الثوب هو الجلابية. عشان فيوزاتكم ماتضرب.
١٠- حنطالب انو السعوديات لمن يجو زيارة للبجراوية وحبيبي مفلس انو لازم يجو بي مُحرِم
١١- من حسي ستات الشاي حيبقي اسمهم (راعيات الشاهي)
١٢- وبالنسبة للمواصلات: ناس طرحة وفردة وجدعة وجبدة وما الي ذلك والحاجات دي المفروض تتغير لاسماء تانية.
١٣- الناس ديل جو بي طياراتهم ولونو لينا السما بالالوان، انحنا نمشي ليهم بالرقشات ونلون ليهم الارض ونوريهم انو مافيش حد احسن من حد.ونوريهم الجرتق السحلية منو
١٤- بقترح نفعل نظام الكفيل عندنا وخطاب التنقل ونقل الكفالة برضو ونستفيد
١٥- اوعي تشاغل سعودية، اوعي تشاغل سعودية، اوعي تشاغل سعودية.
١٦- بالنسبة لي ناس المويات (الشراب) جلو العرقي بعد ده ياخ وجيبو النضيف، وناس النواشف والنفخ أموركم واضحة بس لو قبضوكم اعدام انت وسجارتك وود جيرانكم برضو معاكم.
١٧- اوعي تشاغل سعودية، اوعي تشاغل سعودية، اوعي تشاغل سعودية.
١٨- الغلام اسمو وِرِع، واللونو اخدر اسمو تكروني.
١٩- اوعي تشاغل سعودية، اوعي تشاغل سعودية، اوعي تشاغل سعودية.
٢٠- غايتو في السعودية الشوارع مسمينها بي اسامي الامراء والملوك، انحنا نسميها بي اسامي اللعيبة بتاعننا، شارع النيل حيبقي اسمو شارع موسى الزومة واعرشو علي كدة.
٢١- اًوعي تشاغل سعودية اوعي تشاغل سعودية اوعي تشاغل سعودية
٢٢ - يالاخت السودانية، معليش بس تاني حترجعي لي تصوير رموشك وجفونك وجزء من وشك عشان ماحتقدري تنزلي صورتك كاملة، تبادل ثقافات وكدة، وحنرجع تاني لي اسماء، جريحة الغرام، مفشوخة الفؤاد، ملهمة الغنم، سخينة بالدكوة، أنين البطاطس. وهكذا.
٢٣- اوعي تشاغل سعودية، اوعي تشاغل سعودية، اوعي تشاغل سعودية.
٢٤- بالنسبة لي اسماء القبايل، بس شوفو اقرب حيوان ولا حشرة ولا جماد ولا مطر وصغروهو وانسبو نفسكم ليها: السخيلي، العتوتي، الفحيلي، الدحيشي ، الخ الخ الخ. واموركم بتظبط
٢٥- اوعي تشاغل سعودية، اوعي تشاغل سعودية، اوعي تشاغل سعودية
وشكرا✋🏼
منقول ..

2 views20:01