ពិធីបើកវគ្គសិក្សាបំប៉នការងារជំនាញត្រួតពិនិត្យគណបក្ស វគ្គទី ២
----------------------------------
ព្រឹកថ្ងៃទី២៩ ខែធ្នូ ឆ្នាំ២០២៥ ឯកឧត្តម ដួង សុវណ្ណ សមាជិកគណៈកម្មាធិការថ្នាក់កណ្ដាល អនុប្រធានគណៈកម្មាធិការគណបក្សខេត្ត និងជាប្រធានគណៈប្រចាំការនៃគណៈ
អចិន្ត្រៃយ៍គណបក្សខេត្ត តំណាងដល់ខ្ពង់ខ្ពស់ ឯកឧត្តមបណ្ឌិតម៉ៅ ធនិន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សខេត្ត បានអញ្ជេីញជាអធិបតីភាព ក្នុងពិធីបេីកវគ្គសិក្សាបំប៉នការងារជំនាញត្រួតពិនិត្យគណបក្ស វគ្គ២ នៅសាលប្រជុំគណបក្សខេត្តកពត ដែលមានសិក្ខាកាម ចូលរួមចំនួន ៥៩នាក់ ស្រី ៤នាក់ ។

ក្នុងឱកាសនោះដែរ ឯកឧត្តម ដួង សុវណ្ណ សមាជិកគណៈកម្មាធិការថ្នាក់កណ្ដាល អនុប្រធានគណៈកម្មាធិការគណបក្សខេត្ត និងជាប្រធានគណៈប្រចាំការនៃគណៈ
អចិន្ត្រៃយ៍គណបក្សខេត្ត ក៏បានធ្វើការផ្តាំផ្ញើដល់ សិក្ខាកាមក្នុងវគ្គសិក្សាបំប៉នការងារជំនាញត្រួតពិនិត្យគណបក្ស វគ្គទី២ ចំនួន ៨ចំណុចរួមមាន៖ ១. សូមគណៈកម្មាធិការត្រួតពិនិត្យគណបក្សខេត្តយកចិត្តទុកដាក់បំពេញ រាល់ការងារ
ដែលពាក់ព័ន្ធនឹងវគ្គសិក្សាបំប៉ននេះឱ្យបានល្អ, ២. សូមគណៈគ្រប់គ្រងវត្តសិក្សាយកចិត្តទុកដាក់គ្រប់គ្រងការសិក្សាឱ្យបានល្អ ស្របតាម គោលបំណងនៃវគ្គសិក្សា ព្រមទាំងយកចិត្តទុកដាក់ដល់សុខទុក្ខ សុខភាព របស់សិក្ខាកាម, ៣. សូមគ្រូឧទ្ទេសគ្រប់រូប យកអស់កម្លាំងកាយ ចិត្ត និងបទពិសោធន៍ផ្ទេរជូនដល់ សិក្ខាកាម និងបើកការពិភាក្សាសំនួរ ចម្លើយ ឲ្យបានផុសផុល, ៤. សិក្ខាកាមទាំងអស់ត្រូវគោរពបទបញ្ជាផ្ទៃក្នុងរបស់វគ្គសិក្សា ខិតខំព្យាយាម ត្រងត្រាប់ ស្តាប់នូវបទឧទ្ទេសនាម កត់ត្រា ស្វែងយល់មេរៀននីមួយៗ រក្សាសាមគ្គីភាពជិតស្និទ្ធរវាងគ្ន នឹងគ្នា ទំនាក់ទំនងល្អ និងសាមគ្គីភាពជាមួយមន្ត្រីដែលបម្រើការងារក្នុងវគ្គសិក្សា, ៥.សូមសិក្ខាកាមទាំងអស់ចូលរួមចែករំលែកនូវបទពិសោធន៍ឆ្លុះបញ្ចាំងភាពជាក់ស្តែង
តាមអង្គភាព មូលដ្ឋានចំពោះការងារត្រួតពិនិត្យគណបក្សកន្លងមក, ៦.ត្រូវលើកកម្ពស់ការយល់ដឹង អំពីគោលការណ៍នៃការងារត្រួតពិនិត្យគណបក្ស និង ទំនាក់ទំនងការងាររបស់គណៈកម្មាធិការត្រួតពិនិត្យគណបក្សគ្រប់ថ្នាក់ ដើម្បីពង្រឹងការងារ ត្រួតពិនិត្យគណបក្សឱ្យមានប្រសិទ្ធភាពក្នុងឋានៈ តួនាទីជាជំនួយការជូនគណៈកម្មាធិការ
គណបក្សគ្រប់ថ្នាក់, ៧. ពេលវិលត្រឡប់ទៅអង្គភាព មូលដ្ឋានវិញ សូមសិក្ខាកាមទាំងអស់យកពុទ្ធិ និងឯកសារ បានពីការសិក្សានេះទៅប្រើប្រាស់ អនុវត្តឲ្យមានប្រសិទ្ធិភាព, ៨.ត្រូវអនុវត្តឱ្យបានភ្ជាប់ខ្ជួនរាល់សេចក្តីសម្រេច និងផែនការនានារបស់គណៈអចិន្ត្រៃយ៍ គណៈកម្មាធិការកណ្តាល ដែលបានដាក់ចុះថ្មីៗ គឺមានចែងចំណុចមួយដែលត្រូវយកចិត្ត ទុកដាក់គឺការត្រួតពិនិត្យគណបក្ស "មាន ការដឹកនាំ ត្រូវមានការត្រួតពិនិត្យ” “ពង្រឹងការ ត្រួតពិនិត្យរបស់គណបក្សដើម្បីគណបក្សឈ្នះយូរ អង្វែង”។

ពិធីបិទវគ្គសិក្សាបំប៉នការងារជំនាញត្រួតពិនិត្យគណបក្ស វគ្គទី ២
----------------------------------
នារសៀលថ្ងៃសុក្រ ទី៣០ ខែឧសភា ឆ្នាំ ២០២៥ នៅសាលប្រជុំមន្ទីរគណបក្សខេត្តកំពត បានប្រារព្ធពិធីបិទវគ្គសិក្សាបំប៉នការងារជំនាញត្រួតពិនិត្យគណបក្ស វគ្គទី២ ក្រោមអធិបតីភាព ឯកឧត្ដម ដួង សុវណ្ណ សមាជិកគណៈកម្មាធិការថ្នាក់កណ្ដាល អនុប្រធានគណៈកម្មាធិការគណបក្សខេត្ត តំណាងដល់ខ្ពង់ខ្ពស់ ឯកឧត្តមបណ្ឌិតម៉ៅ ធនិន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សខេត្ត ក្នុងវគ្គសិក្សាបំប៉នការងារជំនាញត្រួតពិនិត្យគណបក្ស វគ្គ២នេះ នៅមានសិក្ខាកាម ចូលរួមចំនួន ៥៩នាក់ ស្រី ៤នាក់ ។

ក្នុងពិធីបិទនេះ ឯកឧត្ដមអធិបតីបានផ្តល់នូវអនុសាសន៍ចំនួន ៣ចំនុចធំៗ ដល់សិក្ខាកាមដែលបានចូលរួមវគ្គរួមមាន៖ ទី១-ការត្រួតពិនិត្យការអនុវត្តលក្ខន្តិក: បទបញ្ជាផ្ទៃក្នុងកម្មវិធីនយោបាយគោលការណ៍គោលនយោបាយសេចក្តីសម្រេចចិត្តនានារបស់គណបក្ស, ទី២-ការងារត្រួតពិនិត្យអង្គការចាត់ចែងនិងមន្ត្រីសមាជិកគណៈបក្សប្រព្រឹត្តល្មើសវិន័យរបស់គណបក្ស និងទី៣-ការទទួលនិងដោះស្រាយបណ្ដឹង។

ជាមួយគ្នានេះដែរឯកឧត្ដមអធិបតី ក៏បានកោតសរសើរចំពោះការខិតខំរៀនសូត្ររបស់សិក្ខាកាម និងបានលើកឡើងថា ចំណេះដឹងនិងជំនាញដែលទទួលបាននេះ គឺជាគ្រឹះដ៏សំខាន់សម្រាប់បំពេញភារកិច្ចយ៉ាងមានប្រសិទ្ធភាព ដើម្បីធានាសុចរិតភាព និងភាពជាអ្នកដឹកនាំការងារត្រួតពិនិត្យនៅគ្រប់លំដាប់ក្នុងអង្គភាព៕

នៅរសៀលថ្ងៃសុក្រ ទី១៣ ខែមិថុនា ឆ្នាំ ២០២៥ គណបក្សប្រជាជនកម្ពុជាមូលដ្ឋានឃុំម៉ាក់ប្រាង្គ បានរៀបចំការប្រជុំ បូកសរុបការងារពិនិត្យឈ្មោះ ចុះឈ្មោះបោះឆ្នោត និងការធ្វើជីវមាត្រឆ្នាំ២០២៥ ក្រោមអធិបតីភាព ដ៏ខ្ពង់ខ្ពស់ឯកឧត្តម អ៉ឹង ឆាយ ប្រធានក្រុមការងារគណបក្សចុះជួយមូលដ្ឋានឃុំម៉ាក់ប្រាង្គ និងលោកជំទាវ សេរី បូរាពេជ្រ អនុប្រធានគណបក្សចុះមូលដ្ឋានឃុំ ព្រមទាំងមានការចូលរួមពីសំណាក់ លោក លោកស្រី ក្រុមការងារថ្នាក់ខេត្ត ក្រុមការងារថ្នាក់ឃុំ សាខាបក្សភូមិ សាខាបក្សសាលា និងយុវជនក្នុងឃុំផងដែរ។

ក្នុងឱកាសនោះឯកឧត្តម អ៉ឹង ឆាយ ប្រធានក្រុមការងារគណបក្សចុះជួយមូលដ្ឋានឃុំម៉ាក់ប្រាង្គ បានថ្លែងអំណរគុណ កោតសរសើរ និងវាយតម្លៃខ្ពស់ចំពោះការអនុវត្តន៍ការងាររបស់ សមាជិក សមាជិកា ទាំងអស់ក្នុងន័យដើម្បីបំរើផលប្រយោជន៍ដល់ប្រជាពលរដ្ឋ និងរាជរដ្ឋាភិបាល តាមគោលនយោបាយរបស់គណបក្សប្រជាជនកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន ប្រធានគណបក្ស។ ឯកឧត្ដមក៏បានជំរុញ និងលើកទឹកចិត្តដល់ សមាជិក សមាជិកា និងក្រុមការងារទាំងអស់ សូមបន្តអនុវត្តន៍កិច្ចការងារដែលបានដាក់ចេញឱ្យបានល្អប្រសើរបន្ថែមទៀត។

ក្នុងឱកាសនោះដែរឯកឧត្តមប្រធានក្រុមការងារក៍បានឧត្តម្ភថវិកាចំនួន៖ ២ ៦០០ ០០០៛ ជូនដល់ក្រុមការងារសាខាបក្សភូមិ និងយុវជនផងដែរដើម្បីលើកទឹកចិត្តដែលបានខិតខំអញ្ជើញពលរដ្ឋមកធ្វើជីវមាត្រ និងចុះឈ្មោះបោះឆ្នោតកន្លងមក៕