នៅព្រឹកថ្ងៃសៅរិ៍ ១១កើត ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៨ ខែកុម្ភៈ ឆ្នាំ២០២៥ គណៈកម្មាធិការគណបក្សប្រជាជនកម្ពុជាខេត្តកំពត បានរៀបចំកិច្ចប្រជុំផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៤៥ អាណត្តិទីV របស់គណបក្សប្រជាជនកម្ពុជា ក្រោមអធិបតីភាព ឯកឧត្ដមបណ្ឌិត ម៉ៅ ធនិន សមាជិកគណៈកម្មាធិការកណ្តាល អនុប្រធានប្រចាំការក្រុមការងារគណបក្សចុះមូលដ្ឋានខេត្តកំពត និងជាប្រធានគណៈកម្មាធិការគណបក្សប្រជាជនកម្ពុជាខេត្ត។

នៅក្នុងពិធីនេះក៏មានការអញ្ជើញចូលរួមពីសំណាក់ ឯកឧត្ដម លោកជំទាវ សមាជិក សមាជិកា គណៈអចិន្ត្រៃយ៍គណបក្សខេត្ត សមាជិក សមាជិកា គណៈកម្មការគណបក្សខេត្ត ប្រធាន អនុប្រធាន សមាជិក សមាជិកា គណបក្សមូលដ្ឋានមន្ទីរ-អង្គភាព ជុំវិញខេត្ត យុវជនទាំង៤ប្រភេទ សរុបចំនួនជាង ៥០០នាក់ ដែលពិធីនេះប្រារព្ធធ្វើឡើងនៅសាលាន្និសីទ បូកគោ ខេត្តកំពត៕

ថ្ងៃអង្គារ ១៣រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែកុម្ភៈ ឆ្នាំ២០២៥ គណៈកម្មាធិការ​គណបក្សប្រជាជនកម្ពុជាឃុំម៉ាក់ប្រាង្គ បានប្រារព្ធធ្វើពិធីផ្សព្វផ្សាយខ្លឹមសារលទ្ធផលសន្និបាត គណៈកម្មាធិការកណ្កាលលើកទី៤៥ អាណត្តិទីV របស់គណបក្សប្រជាជនកម្ពុជា ក្រោម​អធិបតីភាព ឯកឧត្តម អ៉ឹង ឆាយ អនុប្រធាន​ក្រុមការងារគណបក្ស ចុះជួយមូលដ្ឋានស្រុកទឹកឈូ និងជាប្រធានក្រុមការងារគណបក្សចុះមូលដ្ឋាន ឃុំម៉ាក់ប្រាង្គ នៅស្នាក់ការគណបក្សឃុំម៉ាក់ប្រាង្គ។

ក្នុងពិធីនេះមានការចូលរួមពីសំណាក់ លោក លោកស្រី ក្រុមការងារគណបក្សថ្នាក់ខេត្ត ថ្នាក់ស្រុក លោក លោកស្រី សមាជិក សមាជិកា ក្រុមការងារ គណបក្សឃុំ សាខាបក្សភូមិ និងសមាជិក សមាជិការគណបក្សសរុប ចំនួន ១៣៤នាក់ ស្រី ៤៩នាក់៕

នៅព្រឹកថ្ងៃទី២០ ខែឧសភា ឆ្នាំ២០២៥ គណៈកម្មាធិការគណបក្សប្រជាជនកម្ពុជាខេត្តកំពត រួមទាំងព្រះសង្ឃ យាយជី តាជី សិស្ស និស្សិត មន្ត្រីរាជការ និងប្រជាពលរដ្ឋ បានរួមគ្នាប្រារព្ធធ្វើពិធីគោរពវិញ្ញាណក្ខន្ត ទិវាជាតិនៃការចងចាំ ២០ ឧសភា ឆ្នាំ២០២៥ ដើម្បីរំលឹកដល់ការស្លាប់របស់ប្រជាពលរដ្ឋខ្មែរក្នុងរបប ប៉ុល ពត ៣ឆ្នាំ ៨ខែ និង ២០ថ្ងៃ នៅបរិវេណវត្តជុំគ្រៀល ស្ថិតនៅភូមិជុំគ្រៀល ឃុំជុំគ្រៀលស្រុកទឹកឈូ ខេត្តកំពត ក្រោមអធិបតីភាព ឯកឧត្តម តាក ហាប់ អនុប្រធានគណៈកម្មាធិការគណបក្សខេត្ត និងជាប្រធានក្រុមប្រឹក្សាខេត្តកំពត ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិក សមាជិកាគណៈអចិន្រ្តៃយ៍គណៈកម្មាធិការគណបក្សខេត្ត លោក លោកស្រី សមាជិក សមាជិកាគណៈកម្មាធិការគណបក្សខេត្ត សមាជិកក្រុមប្រឹក្សាខេត្ត គណៈកម្មាធិការគណបក្សមូលដ្ឋាន និងសាខាបក្សមន្ទីរ អង្គភាពជុំវិញខេត្ត សរុបប្រមាណជិត ១ពាន់អង្គ/នាក់។

ថ្ងៃទី២០ ខែឧសភា ឆ្នាំ២០២៥ នេះ គឺជាថ្ងៃរំលឹកទិវាជាតិនៃការចងចាំ ដែលប្រជាជនកម្ពុជាគ្រប់រូប មិនអាចបំភ្លេចបាននូវការឈឺចាប់ ដែលបានបង្កឡើងដោយពួកបនប្រល័យពូជសាសន៍ ប៉ុល ពត ក្នុងរបបកម្ពុជាប្រជាធិបតេយ្យ (ខ្មែរក្រហម) ដែលបានកាប់សម្លាប់ប្រជាពលរដ្ឋខ្មែរស្លូតត្រង់ អស់ជាង ២លាននាក់ ដោយការធ្វើទារុណកម្ម បង្អត់អាហារ ការជម្លៀស ការបោសសម្អាតផ្ទៃក្នុង ការបង្ខំឱ្យធ្វើការហួសកម្លាំង ការបង្ខំឱ្យរៀបការ រួមជាមួយនិងអំពើអមនុស្សធម៌ផ្សេងៗជាច្រើនទៀត ព្រមទាំងបានបំផ្លិចបំផ្លាញខឿនសេដ្ឋកិច្ច វប្បធម៌ និងហេដ្ឋារចនាសម្ព័ន្ធសង្គមស្ទើរគ្មានសល់។ មិនត្រឹមតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាលជំងឺ គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ សូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ ដែលទាំងនេះគឺជាការឈឺចាប់ដែលប្រជាជនកម្ពុជាគ្រប់រូបមិនអាចបំភ្លេចបាន។

ដូច្នេះកុនុងនាមយ់ងជាប្រជាជនកម្ពុជា និងយុវជនខ្មែរជំនាន់ទាំងអស់ សូមប្តេជ្ញាបន្តរួបរួមគ្នាការពារសុខសន្តិភាពដែលមានសព្វថ្ងៃឱ្យបានគង់វង្សយូរអង្វែងបន្តទៅមុខទៀត និងចូលរួមអភិវឌ្ឍន៍ប្រទេសជាតិយើងជាមួយរាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឱ្យកាន់តែសម្បូររុងរឿងថ្កុំថ្កើងជានិច្ចនិរន្តរ៍តរៀងទៅ៕