រដ្ឋបាលស្រុកទឹកឈូ បានរៀបចំពិធីប្រារព្ធខួបលើកទី៤៦ ថ្ងៃជ័យជម្នះ ៧មករា ១៩៧៩- ៧មករា ២០២៥
-------------------------------------
នាព្រឹកថ្ងៃអង្គារ ៩កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែមករា ឆ្នាំ២០២៥

លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ បានអញ្ជើញចូលជាអធិបតី ក្នុងពិធីអបអរសាទរទិវាជ័យជម្នះ ៧មករា ខួបលើកទី៤៦ ( ១៩៧៩-២០២៥)  ជាថ្ងៃរំដោះប្រទេសជាតិរួចផុតពីរបបប្រល័យពូជសាសន៍ ប៉ុល ពត និងជាថ្ងៃកំណើតទី២ នៃពលរដ្ឋខ្មែរចាប់ពីពេលនោះមក ។ រហូតមកដល់បច្ចុប្បន្ន ស្មារតី ៧មករា បានដិតដាមជាប់ក្នុងចិត្ត ក្នុងក្រអៅបេះដូងរបស់ប្រជាជនខ្មែរគ្រប់ៗរូប ប្រកបដោយក្តីកតញ្ញុតា ការគោរព ដឹងគុណចំពោះឥស្សរជនគ្រប់ៗរូប ដែលបានលះបង់ សាច់ស្រស់ ឈាមស្រស់ ទាំងប្រាជ្ញា ស្មារតី យកជីវិតធ្វើជាដើមទុន ក្នុងបេសកកម្មស្វែងរកសន្តិភាព និងសេចក្តីសុខ សេចក្តីចម្រើនជូនជាតិ និងប្រជាជន ស្ថិតនៅវិទ្យាល័យហ៊ុន សែនត្រសេកកោង ឃុំថ្មី ស្រុកទឹកឈូ ខេត្តកំពត ។

ដោយមានអញ្ជើញចូលរួម លោក លោកស្រីអភិបាលរងស្រុក លោក លោកស្រីសមាជិកក្រុមប្រឹក្សាស្រុក លោក លោកស្រីគណៈនាយករដ្ឋបាលស្រុក លោក លោកស្រីប្រធានការិយាល័យទាំង១៣ លោកប្រធានការិ.ប្រជាពលរដ្ឋស្រុក និងមន្រ្តីរាជការស្រុកទាំងអស់ លោកមេបញ្ជាការកងកម្លាំងទាំង៣ប្រភេទ លោក លោកស្រីមេឃុំទាំង១៣ សមាជិកក្រុមប្រឹក្សាឃុំ និងលោក លោកស្រីមេភូមិ អនុភូមិគ្រប់ៗភូមិ លោក លោកស្រីគណៈអុីមាំស្រុក លោក លោកស្រីប្រធានយុវជនទាំង៣ប្រភេទ និងសមាជិក សមាជិការ គណៈគ្រប់គ្រង សាលា និងសិក្សានុសិស្ស និងបងប្អូនប្រជាពលរដ្ឋ សរុបទាំងអស់ចំនួន ៨៦៨នាក់៕

រដ្ឋបាលស្រុកជុំគិរី បានរៀបចំប្រារព្ធពិធីអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា (៧ មករា ១៩៧៩- ៧ មករា ២០២៥)
-----------------------------------
នាព្រឹកថ្ងៃអង្គារ ៩កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែមករា ឆ្នាំ២០២៥

ឯកឧត្ដម នឹម ច័ន្ទតារា អ្នកតំណាងរាស្ត្រមណ្ឌលកំពត និងជាប្រធានក្រុមការងារគណបក្សប្រជាជនកម្ពុជាថ្នាក់កណ្ដាលចុះមូលដ្ឋានស្រុកជុំគិរី បានអញ្ជើញជាអធិបតីដ៏ខ្ពង់ខ្ពស់ក្នុងពិធីអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា ( ៧ មករា ១៩៧៩-៧ មករា ២០២៥)  ជាថ្ងៃប្រវត្តិសាសន៍ និងជាថ្ងៃកំណើតទី២ របស់ប្រជាជនកម្ពុជាទូទាំងប្រទេសឲ្យរួចផុតពីរបបប្រល័យពូជសាសន៍ ប៉ុល ពត រយះពេល ៣ឆ្នាំ ៨ខែ ២០ថ្ងៃ ដែលបានសម្លាប់ប្រជាជនកម្ពុជាប្រមាណ ៣ លាននាក់ អង្គពិធីនេះក៏ជាការសម្ដែងការដឹងនូវគុណូបការ: ដល់យុទ្ធជន យុទ្ធនារី ដែលបានពលីជីវិតក្នុងបុព្វហេតុការពារជាតិមាតុភូមិ។ក្នុងនាមប្រជាជនកម្ពុជា នូវតែចងចាំ ដឹងគុណជានិច្ច នៅថ្ងៃ ៧ មករា ជាអមត:។

អង្គពិធីដ៏មានអត្ថន័យ និងឱឡាឬក ក៏មានការអញ្ជើញចូលរួមពី ឯកឧត្តម លោក លោកស្រី ប្រធាន អនុប្រធានក្រុមការងារគណបក្ស សមាជិក សមាជិកា គណបក្សស្រុក គណបក្សមូលដ្ឋានឃុំ ភូមិ កងកម្លាំង ព្រះសង្ឃ លោកគ្រូ អ្នកគ្រូ យុវជន សិស្សានុសិស្ស ប្រមាណ ១,៥៥៣នាក់ ដែលបានប្រារព្ធនៅវិទ្យាល័យហ៊ុនសែនអង្គចក ស្រុកជុំគិរី៕

រដ្ឋបាលក្រុងបូកគោប្រារព្ធពិធីអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា (៧ មករា ១៩៧៩- ៧ មករា ២០២៥)
-----------------------------------
នៅរសៀលថ្ងៃអង្គារ ៩កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែមករា ឆ្នាំ២០២៥ ឯកឧត្ដម ដួង សាវណ្ណ ប្រធានក្រុមការងារគណបក្សប្រជាជនកម្ពុជាចុះមូលដ្ឋានក្រុងបូកគោ និងឯកឧត្តមទេព ធន អនុប្រធានទី១ក្រុមការងារគណបក្សប្រជាជនកម្ពុជាចុះមូលដ្ឋានក្រុងបូកគោ បានអញ្ជើញជាអធិបតីដ៏ខ្ពង់ខ្ពស់ក្នុងពិធីអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា ( ៧ មករា ១៩៧៩-៧ មករា ២០២៥) ដែលជាថ្ងៃប្រវត្តិសាស្ត្រ និងជាថ្ងៃកំណើតទី២ របស់ប្រជាជនកម្ពុជាទូទាំងប្រទេស ដែលសម្តេចតេជោ ហ៊ុន សែន ប្រធានគណបក្ស បានលះបង់គ្រប់បែបយ៉ាងក្នុងការរំដោះប្រជាពលរដ្ឋ និងប្រទេសកម្ពុជាឲ្យរួចផុតពីរបបប្រល័យពូជសាសន៍ ប៉ុល ពត រយៈពេល ៣ឆ្នាំ ៨ខែ ២០ថ្ងៃ ដែលក្នុងរបបនោះបានសម្លាប់ប្រជាជនកម្ពុជាប្រមាណ ៣ លាននាក់។

អង្គពិធីនេះក៏ជាការសម្ដែងការដឹងនូវគុណូបការ: ដល់យុទ្ធជន យុទ្ធនារី ដែលបានពលីជីវិតក្នុងបុព្វហេតុការពារជាតិមាតុភូមិ។ ក្នុងនាមប្រជាជនកម្ពុជា នៅតែចងចាំ ដឹងគុណជានិច្ច នៅថ្ងៃ ៧ មករា ជាអមត:។

អង្គពិធីដ៏មានអត្ថន័យ និងឱឡាឬក ក៏មានការអញ្ជើញចូលរួមពី ឯកឧត្តម លោក លោកស្រី ប្រធាន អនុប្រធានក្រុមការងារគណបក្ស សមាជិក សមាជិកា គណបក្សក្រុង គណបក្សមូលដ្ឋានសង្កាត់ ភូមិ កងកម្លាំង ព្រះសង្ឃ លោកគ្រូ អ្នកគ្រូ យុវជន សិស្សានុសិស្ស ប្រមាណ ៨៧១នាក់ ដែលពិធីនេះបានប្រារព្ធនៅវិទ្យាល័យ ហ៊ុន សែន ព្រែកត្នោត ស្ថិតក្នុងសង្កាត់ព្រែកត្នោត ក្រុងបូកគោ។