#រុក្ខទិវា ៩ កក្កដា គឺជាទិវាជាតិដ៏មានសារៈសំខាន់មួយសម្រាប់ព្រះរាជាណាចក្រកម្ពុជា ដែលផ្តោតលើការលើកកម្ពស់ការដាំដុះដើមឈើ និងការថែរក្សាធនធានធម្មជាតិ។

ចំណុចសំខាន់ៗដែលគួរយល់ដឹង៖
១. ប្រវត្តិ និងអត្ថន័យ
* ការបង្កើត៖ រុក្ខទិវាត្រូវបានបង្កើតឡើងតាមព្រះរាជក្រឹត្យកាលពីឆ្នាំ១៩៩០ ដោយព្រះករុណាព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ។
* គោលបំណង៖ ដើម្បីបំផុសស្មារតីប្រជាពលរដ្ឋកម្ពុជាឱ្យស្រឡាញ់ និងចូលរួមដាំដើមឈើ ដើម្បីបង្កើនគម្របព្រៃឈើ និងការពារបរិស្ថាន។
* សារៈសំខាន់៖ ការដាំដើមឈើជួយដល់ការទប់ស្កាត់ការប្រែប្រួលអាកាសធាតុ កាត់បន្ថយការបាត់បង់ជីវចម្រុះ ការពារប្រភពទឹក និងបង្កើនប្រព័ន្ធOzone។

២. សកម្មភាពក្នុងទិវានេះ
ជាទូទៅនៅថ្ងៃទី ៩ កក្កដា រៀងរាល់ឆ្នាំ ស្ថាប័នរដ្ឋ អាជ្ញាធរគ្រប់ថ្នាក់ កងកម្លាំងគ្រប់ប្រភេទ សិស្សានុសិស្ស និងប្រជាពលរដ្ឋតែងតែរៀបចំ៖
* ពិធីដាំកូនឈើ៖ នៅក្នុងតាមតំបន់ដែលត្រូវការការស្តារព្រៃឈើឡើងវិញ ឬទីសាធារណៈ។
* យុទ្ធនាការអប់រំ៖ ការផ្សព្វផ្សាយតាមប្រព័ន្ធផ្សព្វផ្សាយអំពីសារៈសំខាន់នៃដើមឈើសម្រាប់ជីវិត។
* ការចែកកូនឈើ៖ ការចែកជូនកូនឈើចម្រុះដល់ប្រជាពលរដ្ឋដើម្បីយកទៅដាំនៅតាមគេហដ្ឋាន ឬចម្ការ។

៣. តួនាទីនៃព្រៃឈើសម្រាប់កម្ពុជា
ព្រៃឈើមិនត្រឹមតែជាកន្លែងផ្តល់នូវអុកស៊ីសែនប៉ុណ្ណោះទេ ប៉ុន្តែវាក៏ជា៖
* ប្រភពចំណូល៖ សម្រាប់សហគមន៍មូលដ្ឋានតាមរយៈផលអនុផលព្រៃឈើ។
* កត្តាសំណើម៖ ជួយធ្វើឱ្យអាកាសធាតុត្រជាក់ និងរក្សាលំនឹងប្រព័ន្ធអេកូឡូស៊ី។
* សោភ័ណភាព៖ ជួយដល់វិស័យទេសចរណ៍ធម្មជាតិ។

ទិវាដ៏មានអត្ថន័យមួយនេះ គឺជាការរំឭកដល់យើងទាំងអស់គ្នាថា "ការដាំដើមឈើមួយដើម គឺស្មើនឹងការផ្តល់ជីវិតដល់មនុស្សជាតិនៅថ្ងៃអនាគត"។

សូមចូលរួមជាមួយបណ្តាញព័ត៌មានសង្គមរបស់ គណបក្សប្រជាជនកម្ពុជារាជធានីភ្នំពេញ តាមរយ link នៅខាងក្រោម៖
🌐 CPP PHNOM PENH
🌐Telegram
🌐 YouTube
🌐 Tiktok

ពិធីសំណេះសំណាលជាមួយសមាជិក សមាជិកាគណបក្សប្រជាជនកម្ពុជាសង្កាត់បឹងកេងកង៣ សង្កាត់អូឡាំពិក និងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ

ឯកឧត្ដម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ បានចូលរួមក្នុងពិធីសំណេះសំណាលជាមួយសមាជិក សមាជិកាគណបក្សប្រជាជនកម្ពុជាសង្កាត់បឹងកេងកង៣ សង្កាត់អូឡាំពិក និងសង្កាត់ទំនប់ទឹក ខណ្ឌបឹងកេងកង នាវេលាម៉ោង១៧និង៣០ ថ្ងៃទី៨ ខែកក្កដា ឆ្នាំ២០២៦នេះ ក្រោមបរិយាកាសរីករាយ ស្និតស្នាលជាទីបំផុត និងបានលើកឡើងថា៖
១) សូមពាំនាំ ផ្តាំផ្ញើរការសួរសុខទុក្ខ ពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា សមេ្តបវរធិបតី ហ៊ុន ម៉ាណែត អនុប្រធានគណបក្ស និងនាយករដ្ឋមន្រ្តីនៃព្រះរាជាណាចក្រកម្ពុជា សម្តេចភក្តី សាយ ឈុំ អនុប្រធានគណបក្ស និងជាប្រធានក្រុមការងារគណបក្សចុះមូលដ្ឋានរាជធានីភ្នំពេញ ជូនដល់សមាជិក សមាជិកា គណបក្សប្រជាជនកម្ពុជាសង្កាត់បឹងកេងកង៣ សង្កាត់អូឡាំពិក និងសង្កាត់ទំនប់ទឹក។

២) ឯកឧត្តម ឃួង ស្រេង៖ បានកោតសរសើរ និងវាយតម្លៃខ្ពស់ចំពោះគណបក្សសង្កាត់បឹងកេងកង៣ សង្កាត់អូឡាំពិក និងសង្កាត់ទំនប់ទឹក មន្រ្តីបក្ស សាខាបក្សភូមិ អនុសាខាបក្ស សមាជិក សមាជិកាបក្សទាំងអស់ ដែលបានខិតខំប្រឹងប្រែងទាំងកំលាំងកាយ កំលាំងចិត្ត តែងតែយកជ័យជំនះជូនគណបក្សនៅគ្រប់ការបោះឆ្នោតទាំងអស់។

៣) ឯកឧត្តម ឃួង ស្រេង៖ បានណែនាំដល់គណបក្សខណ្ឌបឹងកេងកង និងគណបក្សសង្កាត់ទាំងអស់ក្នុងខណ្ឌបឹងកេងកង ត្រូវបន្តរៀបចំសណ្តាប់ធ្នាប់សាធារណៈឱ្យបានស្អាត មានសោភ័ណ្ឌភាពល្អ រក្សាបាននូវអនាម័យ បរិស្ថានស្រស់បំព្រងក្នុងរាជធានីរបស់យើង ហើយអប់រំជាប្រចាំដល់អាជីវករលក់ដូរឱ្យមានការចូលរួម និងទទួលខុសត្រូវខ្ពស់ (មានម៉ោងពេលអនុញាតិឱ្យលក់ដូរ ជួយរក្សាអនាម័យ និងសណ្តាប់ធ្នាប់)។

៤) គណបក្សប្រជាជនកម្ពុជា ត្រូវបានប្រជាជនកម្ពុជាជាង ៨០% ផ្តល់ជំនឿ និងសេចក្តីទុកចិត្ត បោះឆ្នោតជូន គឺដោយសារសម្តេចតេជោ ហ៊ុន សែន ប្រធានគណបក្ស សម្តេចអនុប្រធានគណបក្ស និងថ្នាក់ដឹកនាំគណបក្សគ្រប់លំដាប់ថ្នាក់ បានលះបង់គ្រប់បែបយ៉ាង ស្វែងរកសុខសន្តិភាព អភិវឌ្ឍន៍ប្រទេសលើគ្រប់វិស័យ ស្មោះត្រង់ ភក្តីភាពជាមួយមាតុភូមិ និងប្រជាជន រួមសុខរួមទុក្ខ ប្រឈរមុខចំពោះសត្រូវឈ្លានពាន ដោះស្រាយបញ្ហាដោយសន្តិវិធី យកច្បាប់អន្តរជាតិ និងកាទូតមកប្រើប្រាស់ និងពុំដែលរត់ចោលប្រជាជនម្តងណាឡើយ។

៥) សមាជិក សមាជិកាគណបក្សម្នាក់ ត្រូវតែជាឃោសនិកម្នាក់ ត្រូវនាំមុខគេក្នុងចែករំលែកនូវព័ត៌មានពិត មានប្រភពច្បាស់លាស់ ផ្សាយរាល់សមិទ្ធផលដែលគណបក្សសម្រេចបាន ជាពិសេសការអភិវឌ្ឍនាប្រទេសជាតិ នៅក្នុងមូលដ្ឋានរបស់ខ្លួន។

៦) គណបក្សសង្កាត់ ត្រូវពិនិត្យជាប់ជាប្រចាំការចិញ្ចឹមចលនា ដឹងទុក្ខធុរៈប្រជាជន សមាជិក សមាជិកាបក្សឱ្យបានល្អប្រសើរ និងបន្តធ្វើអំពើរល្អរវាងគ្នា ដើម្បីសុខដុមរមនាក្នុងមូលដ្ឋាន។

៧) បន្តពង្រឹងការផ្តល់សេវាជូនប្រជាជនឱ្យបានល្អប្រសើ និងទាន់ចិត្ត គឺធ្វើឱ្យលឿន ធ្វើឱ្យលះ បើស្ទះសុំយោបល់។

៨) សូមគណបក្សសង្កាត់បន្តអនុវត្តនូវគោលការរបស់បក្ស គឺរក្សានូវសាមគ្គីភាព រឹតចំណងមិត្តភាព ឯកភាពផ្ទៃឱ្យកាន់តែរឹងមាំ និងជាមន្រ្តីគំរូនៅក្នុងមូលដ្ឋាន។ បន្តពង្រឹង ពង្រីកសមាជិកបក្ស គាំទ្រ និងបន្តយកជ័យជំនះជូនគណបក្សប្រជាជនកម្ពុជាគ្រប់ការបោះឆ្នោតតរៀងទៅ។

សូមចូលរួមជាមួយបណ្តាញព័ត៌មានសង្គមរបស់ គណបក្សប្រជាជនកម្ពុជារាជធានីភ្នំពេញ តាមរយ link នៅខាងក្រោម៖
🌐 CPP PHNOM PENH
🌐Telegram
🌐 YouTube
🌐 Tiktok