គណបក្សប្រជាជនកម្ពុជាខណ្ឌឫស្សីកែវ÷នាព្រឹកថ្ងៃសៅរ៍ ទី៣០ ខែកក្កដា ឆ្នាំ២០២៥នេះ នៅមន្ទីរគណបក្សប្រជាជនកម្ពុជាខណ្ឌឫស្សីកែវ មានរៀបចំកិច្ចប្រជុំឆ្លងរបាយការណ៍ការងារប្រចាំខែសីហា ឆ្នាំ២០២៥ និងលើកទិសដៅអនុវត្តប្រចាំខែកញ្ញា ឆ្នាំ២០២៥ ក្រោមអធិបតីភាព លោក ជិន ប៊ុនធឿន ប្រធានគណៈកម្មាធិការគណបក្សខណ្ឌ។

នាឱកាសនោះ លោកប្រធានគណបក្សខណ្ឌ បានពាំនាំប្រសាសន៍ផ្ដាំផ្ញើសាកសួរសុខទុក្ខពី ឯកឧត្តម ឃួង ស្រេង ប្រធានគណៈកម្មាធិការគណបក្សប្រជាជនរាជធានីភ្នំពេញ ជូនដល់ក្រុមការងារ និងសូមថ្លែងអំណរអរគុណដល់បងប្អូនជាមន្ត្រីគណបក្ស ដែលតែងតែបានខិតខំបំពេញការងារក្នុងការជួយដល់កិច្ចការក្នុងមូលដ្ឋានខណ្ឌអោយកាន់តែមានប្រសិទ្ធភាពខ្ពស់បម្រើដល់ឧត្ដមប្រយោជន៍ជាតិ និងប្រជាជនបានយ៉ាងល្អ។ ជាមួយគ្នានេះ លោកប្រធានគណបក្សខណ្ឌ បានជម្រាបជូនដល់អង្គប្រជុំ ជាពិសេស ការវិវត្តន៍សភាពការណ៍ថ្មីៗរបស់ប្រទេសជាតិជាមួយប្រទេសជិតខាងអំពីបញ្ហាប្រទេសថៃ ឈ្លានពាន រំលោភដែនអធិបតេយ្យភាព និងបូរណភាពទឹកដីរបស់កម្ពុជា។ មិនតែប៉ុណ្ណោះ ក្នុងនាមប្រធានគណៈកម្មាធិការគណបក្សខណ្ឌ លោកប្រធានគណបក្សខណ្ឌសូមគាំទ្រយ៉ាងពេញទំហឹងលើយន្តការដោះស្រាយនានារបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជានកម្ពុជា ចំពោះការដោះស្រាយបញ្ហាជាមួយប្រទេសថៃ ដើម្បីរក្សា និងកសាងព្រំដែនមិត្តភាព សន្តិភាព សហប្រតិបត្តិការ និងការអភិវឌ្ឍ ជាប្រយោជន៍សម្រាប់ប្រទេស និងប្រជាជនទាំងពីរ៕

សូមចូលរួមជាមួយបណ្តាញព័ត៌មានសង្គមរបស់ គណបក្សប្រជាជនកម្ពុជារាជធានីភ្នំពេញ តាមរយ link នៅខាងក្រោម៖
🌐 CPP PHNOM PENH
🌐Telegram
🌐 YouTube
🌐 Tiktok

ពិធីសំណេះសំណាលដោយឡែកពីគ្នាជាមួយគណៈកម្មាធិការគណបក្សសង្កាត់ភ្លើងឆេះរទេះ និងសង្កាត់ប្រទះឡាង ខណ្ឌកំបូល រាជធានីភ្នំពេញ
.................................................................
កាលពីព្រឹកថ្ងៃសៅរ៍ ៧កើត ខែភទ្របទ ឆ្នាំម្សាញ់ ព.ស.២៥៦៩ ត្រូវនឹងថ្ងៃទី៣០ ខែសីហា ឆ្នាំ២០២៥ លោក ឃឹម ស៊ុនសូដា ប្រធានគណៈកម្មាធិការគណបក្សខណ្ឌកំបូល អមដំណើរដោយលោកប្រធានមន្ទីរគណបក្សខណ្ឌ ប្រធានគណៈចាត់តាំងគណបក្សខណ្ឌ សមាជិកគណៈអចិន្ត្រៃយ៍គណបក្សខណ្ឌ ទទួលបន្ទុកចុះពង្រឹងសង្កាត់ បានអញ្ជើញចុះជួបសំណេះសំណាលដោយឡែកពីគ្នាជាមួយគណៈកម្មាធិការគណបក្សសង្កាត់ភ្លើងឆេះរទេះ និងសង្កាត់ប្រទះឡាង ខណ្ឌកំបូល រាជធានីភ្នំពេញ នៅទីស្នាក់ការគណបក្សសង្កាត់នីមួយៗ ដើម្បីពង្រឹងតួនាទី សិទ្ធិ ភារកិច្ច រចនាសម្ព័ន្ធ និងរបៀបរបបធ្វើការងាររបស់គណៈកម្មាធិការគណបក្សសង្កាត់។

សូមចូលរួមជាមួយបណ្តាញព័ត៌មានសង្គមរបស់ គណបក្សប្រជាជនកម្ពុជារាជធានីភ្នំពេញ តាមរយ link នៅខាងក្រោម៖
🌐 CPP PHNOM PENH
🌐Telegram
🌐 YouTube
🌐 Tiktok