(ឃុំសំរោង, កំពង់ចាម)៖ នាព្រឹកថ្ងៃសៅរ៍ ទី១៨ ខែកក្កដា ឆ្នាំ២០២៦ ឯកឧត្តម ស៊ាង ថៃ ប្រធានក្រុមការងារគណបក្សចុះជួយមូលដ្ឋានឃុំសំរោង បានអញ្ជើញដឹកនាំក្រុមការងារគណបក្សចុះជួយមូលដ្ឋានឃុំសំរោង ចុះរៀបចំដំឡើងស្លាកសញ្ញាគណបក្សប្រជាជនកម្ពុជា នៅតាមបណ្តាភូមិចំនួន ៦ ក្នុងមូលដ្ឋានឃុំសំរោង ស្រុកព្រៃឈរ ខេត្តកំពង់ចាម ដើម្បីលើកកម្ពស់ស្មារតីសាមគ្គីភាព និងពង្រឹងវត្តមានរបស់គណបក្សនៅកម្រិតមូលដ្ឋានឱ្យកាន់តែរឹងមាំ។

បន្ទាប់ពីសកម្មភាពចុះដំឡើងស្លាកសញ្ញារួចមក ឯកឧត្តមប្រធានក្រុមការងារ បានបន្តអញ្ជើញជាអធិបតីដឹកនាំកិច្ចប្រជុំជាមួយគណៈកម្មាធិការគណបក្សមូលដ្ឋានឃុំសំរោង ដើម្បីពិភាក្សាការងារ និងដាក់ចេញនូវទិសដៅផែនការសកម្មភាពយុទ្ធសាស្ត្រ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ ខាងមុខ ប្រកបដោយភាពជឿជាក់ និងការទទួលខុសត្រូវខ្ពស់។

កិច្ចប្រជុំនេះ ក៏មានការអញ្ជើញចូលរួមពីសំណាក់ថ្នាក់ដឹកនាំ និងសមាជិកក្រុមការងារជាច្រើនរូបរួមមាន៖ ឯកឧត្តម សុខ ដារិទ្ធិ អនុប្រធានក្រុមការងារ លោក ត្រេន វិថុល អនុប្រធានក្រុមការងារ លោក ស៊ិន ហន សមាជិកក្រុមការងារ និង លោក មីត វ៉ាន់នី សមាជិកក្រុមការងារ ព្រមទាំងមានការអញ្ជើញចូលរួមពីសំណាក់ សមាជិក សមាជិកា គណបក្សប្រជាជនកម្ពុជា ឃុំសំរោង ស្រុកព្រៃឈរ ខេត្តកំពង់ចាម ជាច្រើនរូប៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(ឃុំគរ, ខេត្តកំពង់ចាម)៖ នាព្រឹកថ្ងៃអាទិត្យ ទី១៩ ខែកក្កដា ឆ្នាំ២០២៦ ឯកឧត្តម គឹម មាសសុខសីហា ប្រធានក្រុមការងារគណបក្សចុះមូលដ្ឋានឃុំគរ ឃុំជ្រៃវៀន និងឃុំមៀន បានដឹកនាំក្រុមការងារចុះជួបសំណេះសំណាល សាកសួរសុខទុក្ខ និងពិនិត្យស្ថានភាពការងារគណបក្សជាមួយថ្នាក់ដឹកនាំ សមាជិក និងសមាជិកាគណបក្សប្រជាជនកម្ពុជា នៅមូលដ្ឋានឃុំគរ ស្រុកព្រៃឈរ ខេត្តកំពង់ចាម។

ក្នុងឱកាសនោះ ឯកឧត្តមប្រធានក្រុមការងារ បាននាំយកថវិកាឧបត្ថម្ភជូនសមាជិក និងសមាជិកាគណបក្សដែលមានសមាជិកគ្រួសារទទួលមរណភាពចំនួន ៩គ្រួសារ និងសមាជិកាទើបសម្រាលបុត្រចំនួន ៦នាក់។ ទន្ទឹមនឹងនេះ ឯកឧត្តមក៏បានឧបត្ថម្ភថវិកាសម្រាប់ការជួសជុលផ្លូវលំដោយចាក់ដីក្រហមនៅភូមិម្រេញ និងភូមិស្វាយប៉ិន ឧបត្ថម្ភការរៀបចំឧបករណ៍បញ្ជាអាយកូម ព្រមទាំងឧបត្ថម្ភដល់អ្នកចូលរួមផងដែរ ដែលសកម្មភាពទាំងនេះបានឆ្លុះបញ្ចាំងពីការយកចិត្តទុកដាក់ និងស្មារតីទទួលខុសត្រូវខ្ពស់របស់គណបក្សចំពោះសមាជិក និងប្រជាពលរដ្ឋនៅមូលដ្ឋាន។

បន្ទាប់មក ឯកឧត្តមប្រធានក្រុមការងារ។ បានដឹកនាំកិច្ចប្រជុំក្រុមការងារគណបក្សមូលដ្ឋានឃុំគរ ដោយមានការចូលរួមពីថ្នាក់ដឹកនាំ និងសមាជិក សមាជិកាគណបក្សជាច្រើនរូប។ ក្នុងកិច្ចប្រជុំ ឯកឧត្តមបាននាំយកការផ្តាំផ្ញើសាកសួរសុខទុក្ខ និងសេចក្តីនឹករលឹកពីសំណាក់ លោកជំទាវ ចម និម្មល ប្រធានក្រុមការងារគណបក្សចុះមូលដ្ឋានស្រុកព្រៃឈរ ជូនដល់ថ្នាក់ដឹកនាំ និងសមាជិក សមាជិកាគណបក្សប្រជាជនកម្ពុជាទាំងអស់ក្នុងឃុំគរ។

ជាមួយគ្នានេះ ឯកឧត្តមប្រធានក្រុមការងារ បានណែនាំដល់ថ្នាក់ដឹកនាំគណបក្សគ្រប់លំដាប់ថ្នាក់ ត្រូវបន្តពង្រឹងការងារមូលដ្ឋានដោយប្រកាន់ខ្ជាប់នូវស្មារតីបម្រើប្រជាពលរដ្ឋ ធ្វើអំពើល្អ ជួយដោះស្រាយទុក្ខលំបាករបស់ប្រជាពលរដ្ឋឱ្យបានទាន់ពេលវេលា លើកកម្ពស់គុណភាពសេវាសាធារណៈ រក្សាសន្តិសុខ សណ្តាប់ធ្នាប់ និងសុវត្ថិភាពនៅមូលដ្ឋាន។ ទន្ទឹមនឹងនេះ ត្រូវពង្រឹងការគ្រប់គ្រងសមាជិកគណបក្ស ធ្វើបច្ចុប្បន្នភាពបញ្ជីសមាជិកតាមភូមិឱ្យបានត្រឹមត្រូវ បង្កើនសាមគ្គីភាពផ្ទៃក្នុង និងកសាងកម្លាំងគណបក្សឱ្យកាន់តែរឹងមាំ សំដៅធានាឱ្យបាននូវគោលដៅ «សមាជិកគណបក្ស ១រូប គឺជាសន្លឹកឆ្នោតគាំទ្រគណបក្ស ១សន្លឹក» ដើម្បីរួមចំណែកនាំមកនូវជ័យជម្នះដ៏ត្រចះត្រចង់ជូនគណបក្សប្រជាជនកម្ពុជា ក្នុងការបោះឆ្នោតនាពេលខាងមុខ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

លោកជំទាវ ចម និម្មល ដឹកនាំកិច្ចប្រជុំបូកសរុបលទ្ធផលការងារគណៈកម្មាធិការគណបក្សប្រជាជនកម្ពុជាក្រសួងពាណិជ្ជកម្ម ប្រចាំឆមាសទី១ ឆ្នាំ២០២៦ និងលើកទិសដៅការងារសម្រាប់ឆមាសទី២
...
(ភ្នំពេញ)៖ នាព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ លោកជំទាវ ចម និម្មល សមាជិកាគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជាក្រសួងពាណិជ្ជកម្ម បានអញ្ជើញដឹកនាំកិច្ចប្រជុំបូកសរុបលទ្ធផលការងាររបស់គណៈកម្មាធិការគណបក្សប្រជាជនកម្ពុជាក្រសួងពាណិជ្ជកម្ម ប្រចាំឆមាសទី១ ឆ្នាំ២០២៦ និងពិភាក្សាលើទិសដៅការងារសំខាន់ៗ ដែលត្រូវបន្តអនុវត្តក្នុងឆមាសទី២ ឆ្នាំ២០២៦។

កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាសមាជិកគណៈអចិន្ត្រៃយ៍ និងសមាជិក សមាជិកានៃគណៈកម្មាធិការគណបក្សក្រសួង ព្រមទាំងគណៈកម្មាធិការគណបក្សមូលដ្ឋាន និងសាខាគណបក្សនានា ចំណុះគណៈកម្មាធិការគណបក្សប្រជាជនកម្ពុជាក្រសួងពាណិជ្ជកម្ម ជាច្រើនរូប។

កិច្ចប្រជុំបានធ្វើការពិនិត្យ វាយតម្លៃ និងបូកសរុបលទ្ធផលការងារដែលសម្រេចបានក្នុងរយៈពេលឆមាសទី១ ឆ្នាំ២០២៦ ព្រមទាំងបានពិភាក្សា និងកំណត់ទិសដៅការងារជាអាទិភាពសម្រាប់ឆមាសទី២ ដោយផ្តោតលើការពង្រឹងការកសាងគណបក្សឱ្យកាន់តែរឹងមាំ លើកកម្ពស់សាមគ្គីភាព ឯកភាពផ្ទៃក្នុង បង្កើនប្រសិទ្ធភាពនៃការអនុវត្តភារកិច្ចនយោបាយ និងការបម្រើប្រជាពលរដ្ឋ ស្របតាមកម្មវិធីនយោបាយ និងមាគ៌ាដឹកនាំដ៏ត្រឹមត្រូវរបស់គណបក្សប្រជាជនកម្ពុជា។

ក្នុងឱកាសនោះ លោកជំទាវប្រធាន បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង ស្មារតីទទួលខុសត្រូវ និងការចូលរួមយ៉ាងសកម្មរបស់ថ្នាក់ដឹកនាំ និងសមាជិក សមាជិកាគណបក្សគ្រប់លំដាប់ថ្នាក់ ដែលបានរួមចំណែកយ៉ាងសំខាន់ក្នុងការអនុវត្តការងារគណបក្ស និងការសម្រេចបាននូវសមិទ្ធផលនានាកន្លងមក។

ជាមួយគ្នានេះ លោកជំទាវ ក៏បានជំរុញលើកទឹកចិត្តឱ្យគណៈកម្មាធិការគណបក្ស និងសាខាគណបក្សគ្រប់ថ្នាក់ បន្តប្រកាន់ខ្ជាប់នូវស្មារតីសាមគ្គីភាព ឯកភាពផ្ទៃក្នុង វិន័យ និងការទទួលខុសត្រូវខ្ពស់ ក្នុងការអនុវត្តតួនាទីភារកិច្ចរៀងៗខ្លួន ប្រកបដោយប្រសិទ្ធភាព ដើម្បីរួមចំណែកកសាងគណបក្សឱ្យកាន់តែរឹងមាំ និងបន្តបម្រើផលប្រយោជន៍ជាតិ និងប្រជាជនឱ្យបានកាន់តែល្អប្រសើរ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram