(ព្រៃឈរ, កំពង់ចាម)៖ នាព្រឹកថ្ងៃអាទិត្យ ទី១២ ខែកក្កដា ឆ្នាំ២០២៦ លោកជំទាវ តោ ពិឡា ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានឃុំបឹងណាយ បានដឹងនាំក្រុមការងារគណបក្សចុះជួយមូលដ្ឋានឃុំបឹងណាយ៣ បន្តចុះបំពេញបេសកកម្មមនុស្សធម៌ សួរសុខទុក្ខប្រជាពលរដ្ឋ និងដឹកនាំកិច្ចប្រជុំក្រុមការងារគណបក្សក្នុងមូលដ្ឋានឃុំបឹងណាយ ស្រុកព្រៃឈរ ខេត្តកំពង់ចាម។

ក្នុងឱកាសនោះ លោកជំទាវប្រធានក្រុមការងារ ក្រុមការងារបានចុះសំណេះសំណាលសួរសុខទុក្ខ និងនាំយកអំណោយឧបត្ថម្ភជូនដល់ជនចាស់ជរា និងគ្រួសារមានពិការភាពក្រីក្រដែលជាសមាជិកបក្សចំនួន ១០នាក់ ស្ថិតនៅភូមិត្រពាំងធំ និងភូមិបឹងណាយ ជូនដល់ស្រ្តីទើបសម្រាលបុត្រចំនួន ៥នាក់ នៅភូមិថ្មគោល ព្រមទាំងបានចូលរួមក្នុងពិធីបុណ្យសង្ឃទាន និងប្រគេនបច្ច័យដល់ព្រះសង្ឃដើម្បីលើកទឹកចិត្តជូនលោកយាយដែលកំពុងមានជំងឺធ្ងន់ធ្ងរ ផងដែរ។

នៅរសៀលថ្ងៃដដែល លោកជំទាវប្រធានក្រុមការងារ បានដឹងនាំកិច្ចប្រជុំក្រុមការងារគណបក្សចុះជួយមូលដ្ឋានឃុំបឹងណាយ នៅស្នាក់ការគណបក្សឃុំ ដើម្បីដាក់ចេញនូវផែនការសកម្មភាពចុះជួបសមាជិកបក្សផ្ទាល់តាមខ្នងផ្ទះ ក្នុងគោលបំណងក្តាប់ជាប់រាល់កង្វល់ និងសំណូមពរជាក់ស្តែងរបស់ពលរដ្ឋ។ បន្ថែមលើនេះ កិច្ចប្រជុំក៏បានពិភាក្សាលើការរៀបចំគ្រោងកញ្ចប់ថវិកាចំណាយឱ្យមានប្រសិទ្ធភាពខ្ពស់ សម្រាប់ការត្រៀមលក្ខណៈសរុបឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ខាងមុខនេះ ក្នុងស្មារតីប្តេជ្ញាចិត្តបម្រើផលប្រយោជន៍ប្រជាជនគ្រប់កាលៈទេសៈ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram