(ឃុំបឹងណាយ, កំពង់ចាម)៖ នាព្រឹកថ្ងៃសៅរ៍ ទី២៧ ខែមិថុនា ឆ្នាំ២០២៦ យោងតាមការចាត់តាំង លោកជំទាវ តោ ពិឡា ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានឃុំបឹងណាយ ក្រុមការងារគណបក្សមូលដ្ឋាន បានបន្តយុទ្ធនាការចុះរៀបចំ និងលើកដំឡើងស្លាកសញ្ញាគណបក្សប្រជាជនកម្ពុជា ព្រមទាំងចងបដាពាក្យស្លោកនានា នៅតាមបណ្តាភូមិនានាក្នុងឃុំបឹងណាយ ស្រុកព្រៃឈរ ខេត្តកំពង់ចាម។

សកម្មភាពដ៏សកម្មនាឱកាសនេះ គឺដើម្បីត្រៀមលក្ខណៈអបអរសាទរយ៉ាងមហោឡារិក ក្នុងឱកាស ខួបអនុស្សាវរីយ៍លើកទី៧៥ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩Tracker៥១ - ២៨ មិថុនា ២០២៦) ដែលជាគណបក្សនយោបាយចាស់ទុំ និងមានគុណបំណាច់ដ៏ធំធេងបំផុតក្នុងការសង្គ្រោះ ដឹកនាំ កសាង និងអភិវឌ្ឍន៍មាតុភូមិកម្ពុជាឱ្យមានការរីកចម្រើនលើគ្រប់វិស័យ និងមានសន្តិភាពពេញលេញដូចសព្វថ្ងៃ។

ក្រៅពីការលើកកម្ពស់សោភ័ណភាព និងការផ្សព្វផ្សាយសមិទ្ធផលបក្ស ក្រុមការងារក៏បានឆ្លៀតឱកាសចុះសួរសុខទុក្ខ សំណេះសំណាលជាលក្ខណៈគ្រួសារជាមួយបងប្អូនប្រជាពលរដ្ឋ និងសមាជិក សមាជិកាបក្សនៅតាមមូលដ្ឋាន ដើម្បីពង្រឹងសាមគ្គីភាព និងបន្តបម្រើប្រជាពលរដ្ឋឱ្យកាន់តែល្អប្រសើរទ្វេឡើង ស្របតាមទិសដៅ «គណបក្សប្រជាជនកម្ពុជា រួមសុខរួមទុក្ខជាមួយប្រជាជនគ្រប់កាលៈទេសៈ»៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(ឃុំបារាយណ៍, កំពង់ចាម)៖ នាថ្ងៃអាទិត្យ ទី២៨ ខែមិថុនា ឆ្នាំ២០២៦ លោក សួន វិជ្ជា ប្រធានក្រុមការងារគណបក្សចុះជួយមូលដ្ឋានឃុំបារាយណ៍ រួមជាមួយសមាជិក សមាជិកាក្រុមការងារ បានអញ្ជើញចុះជួបប្រជុំពិភាក្សាការងារជាមួយក្រុមប្រឹក្សាឃុំ និងសមាជិកគណបក្សនៅទីស្នាក់ការគណបក្សឃុំបារាយណ៍ ដើម្បីក្តាប់រាល់ស្ថានភាពទូទៅ និងពង្រឹងយន្តការការងារបក្សឱ្យកាន់តែមានប្រសិទ្ធភាពទ្វេឡើង។

ក្នុងឱកាសនោះ ក្រុមការងារបាននាំយកថវិកាឧបត្ថម្ភរបស់គណបក្សទៅចែកជូនដល់គ្រួសារបក្សជួបការលំបាក និងមានតម្រូវការជាក់ស្តែង រួមមាន៖
- គ្រួសារសមាជិកបក្សទទួលមរណភាព ចំនួន ០៩ គ្រួសារ
- ស្ត្រីជាមាតាដែលទើបសម្រាលមាតុភាព (សម្រាលកូន) ចំនួន ១៨ នាក់។

សកម្មភាពនាឱកាសនេះ គឺជារូបភាពស្តែងឱ្យឃើញពីការយកចិត្តទុកដាក់ មិនបោះបង់ចោលគ្នារបស់ថ្នាក់ដឹកនាំគណបក្សប្រជាជនកម្ពុជា ស្របតាមគោលនយោបាយគិតគូរពីសុខទុក្ខ សុខុមាលភាព និងជីវភាពរស់នៅរបស់បងប្អូនសមាជិក សមាជិកា និងប្រជាពលរដ្ឋនៅតាមមូលដ្ឋានដោយផ្ទាល់ ទោះក្នុងកាលៈទេសៈណាក៏ដោយ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(ឃុំសំរោង, កំពង់ចាម)៖ នាថ្ងៃសុក្រ ទី២៦ ខែមិថុនា ឆ្នាំ២០២៦ យោងតាមការចាត់តាំងរបស់ ឯកឧត្តម ស៊ាង ថៃ ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានឃុំសំរោង ស្រុកព្រៃឈរ ខេត្តកំពង់ចាម សមាជិក សមាជិកាក្រុមការងារបក្សមូលដ្ឋាន បានរួមសាមគ្គីគ្នាជាធ្លុងមួយ ចុះរៀបចំដំឡើងបដាពាក្យស្លោក និងកែលម្អលើកតម្កើងសោភ័ណភាពស្លាកសញ្ញាគណបក្សប្រជាជនកម្ពុជានៅក្នុងមូលដ្ឋាន ក្នុងគោលបំណងត្រៀមលក្ខណៈអបអរសាទរយ៉ាងមហោឡារិក និងសម្តែងនូវការដឹងគុណយ៉ាងជ្រាលជ្រៅបំផុត ក្នុងឱកាស ខួបអនុស្សាវរីយ៍លើកទី៧៥ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៥១ - ២៨ មិថុនា ២០២៦) ដែលជាគណបក្សនយោបាយឈានមុខ ដឹកនាំកសាង ការពារ និងអភិវឌ្ឍន៍មាតុភូមិកម្ពុជាឱ្យមានសន្តិភាពពេញលេញ និងការរីកចម្រើនលើគ្រប់វិស័យ។

នៅក្នុងយុទ្ធនាការនេះ ក្រុមការងារបានដំណើរការដំឡើងបដាផ្សព្វផ្សាយថ្មី និងជួសជុលកែលម្អស្លាកសញ្ញាគណបក្សឱ្យមានភាពថ្មីឡើងវិញ ដែលសកម្មភាពនេះ បានឆ្លុះបញ្ចាំងពីការប្តេជ្ញាចិត្តយ៉ាងមុតមាំ និងសាមគ្គីភាពផ្ទៃក្នុងដ៏រឹងមាំរបស់សមាជិកបក្សគ្រប់រូប ក្នុងការថែរក្សានិរន្តរភាព និងការផ្សព្វផ្សាយពីគុណបំណាច់ដ៏ឧត្តុង្គឧត្តមរបស់គណបក្សប្រជាជនកម្ពុជានៅជាប់ជាមួយប្រជាពលរដ្ឋគ្រប់កាលៈទេសៈ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(អូក្រសារ, កែប)៖ នាព្រឹកថ្ងៃសៅរ៍ ទី១៨ ខែកក្កដា ឆ្នាំ២០២៦ នៅស្នាក់ការគណបក្សសង្កាត់អូរក្រសារ ក្រុងកែប ខេត្តកែប ឯកឧត្តម ទិត រិទ្ធីពល ប្រធានក្រុមការងារគណបក្សចុះជួយមូលដ្ឋានសង្កាត់អូរក្រសារ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែកក្កដា និងលើកទិសដៅអនុវត្តការងារខែបន្ទាប់ របស់ក្រុមការងារគណបក្សចុះមូលដ្ឋានសង្កាត់អូរក្រសារ។

ក្នុងឱកាសនោះ ឯកឧត្តមប្រធាន បានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាជិក សមាជិកាក្រុមការងារទាំងអស់ ដែលបានលះបង់កម្លាំងកាយចិត្តក្នុងការបម្រើប្រជាពលរដ្ឋនៅមូលដ្ឋាន ព្រមទាំងបានជំរុញឱ្យបន្តសកម្មភាពចុះជាប់ជាមួយប្រជាពលរដ្ឋ ដើម្បីក្តាប់ឱ្យបាននូវរាល់តម្រូវការ និងដោះស្រាយបញ្ហាប្រឈមនានាឱ្យបានទាន់ពេលវេលា សំដៅពង្រឹងជំនឿចិត្ត និងនាំមកនូវភាពញញឹមជូនប្រជាជន។

បន្ទាប់ពីបញ្ចប់កិច្ចប្រជុំ ឯកឧត្តមប្រធានក្រុមការងារ ក៏បានដឹកនាំក្រុមការងារ អញ្ជើញចុះជួបសំណេះសំណាលសួរសុខទុក្ខដោយផ្ទាល់ និងនាំយកនូវការឧបត្ថម្ភគាំទ្រផ្នែកជីវភាព និងថវិកា ជូនដល់ស្រ្តីទើបសម្រាលកូនរួច (ស្រ្តីមាតាបក្ស) ចំនួន ១២នាក់ នៅក្នុងភូមិដំណាក់ចំបក់ សង្កាត់អូរក្រសារ ខេត្តកែប ផងដែរ។

សកម្មភាពមនុស្សធម៌ដ៏ថ្លៃថ្លានេះ បានស្តែងឱ្យឃើញយ៉ាងច្បាស់ពីមនោសញ្ចេតនាដ៏ជ្រាលជ្រៅ និងការយកចិត្តទុកដាក់ខ្ពស់របស់គណបក្សប្រជាជនកម្ពុជា ចំពោះសុខុមាលភាពមាតា និងទារក ដែលជាទំពាំងស្នងឫស្សី និងជាអនាគតរបស់ប្រទេសជាតិ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram