(ព្រៃឈរ, កំពង់ចាម)៖ នាព្រឹកថ្ងៃសៅរ៍ ទី២៣ ខែឧសភា ឆ្នាំ២០២៦ នៅទីស្នាក់ការគណបក្សឃុំល្វា ឯកឧត្តម ម៉ក់ ពេជ្ជរិទ្ឋ ប្រធានក្រុមការងារគណបក្សចុះជួយមូលដ្ឋានឃុំល្វា បានដឹកនាំក្រុមការងារ ចុះជួបសំណេះសំណាល និងសាកសួរសុខទុក្ខបងប្អូនសមាជិកសមាជិកាគណបក្សនៅទីស្នាក់ការគណបក្សឃុំល្វា ស្រុកព្រៃឈរ ខេត្តកំពង់ចាម ដោយមានការអញ្ជើញចូលរួមពីតំណាងគណបក្សស្រុកព្រៃឈរ ថ្នាក់ដឹកនាំគណបក្សឃុំល្វា និងសាខាបក្សភូមិទាំង១០ ផងដែរ។

ក្នុងឱកាសនោះ ឯកឧត្តមប្រធានក្រុមការងារ បាននាំយកនូវថវិកាមួយចំនួន ដើម្បីឧបត្ថម្ភជូនដល់សមាជិកសមាជិកាគណបក្សដែលមានសមាជិកគ្រួសារទើបទទួលមរណភាពចំនួន ២នាក់ និងឆ្លងទន្លេរ ១៣នាក់ ព្រមទាំងបានឧបត្ថម្ភដល់គណបក្សមូលដ្ឋានឃុំ ភូមិ និងក្រុមការងារការងារផ្សេងៗ ផងដែរ។

នៅថ្ងៃខែឆ្នាំដដែលនេះ ឯកឧត្តមប្រធានក្រុមការងារ ក៏បានបន្តដឹកនាំកិច្ចប្រជុំបូកសរុបការងារគណបក្សប្រចាំខែតុលាឧសភា ឆ្នាំ២០២៦ របស់ប្រធានស្នាក់ការគណបក្សឃុំល្វា សាខាបក្សភូមិទាំង ១០ និងពិនិត្យពិភាក្សារកដំណោះស្រាយបញ្ហាប្រឈមដែលកើតមាន ព្រមទាំងណែនាំនូវទិសដៅការងារសម្រាប់អនុវត្តបន្ត ផងដែរ។

ក្នុងឱកាសនោះ ក្រុមការងារគណបក្សចុះជួយឃុំល្វា បានលើកជម្រាបជូនអង្គប្រជុំដើម្បីយកចិត្តទុកដាក់ និងបន្តរំលឹកជូនដល់ប្រជាពលរដ្ឋនូវកិច្ចការសំខាន់ចំនួន ៤ រួមមាន  ៖
   _  ត្រូវចូលរួមដោយឥតសំចៃក្នុងការគាំទ្រចំណាត់ការរបស់រាជរដ្ឋាភិបាលកម្ពុជានិងជួយផ្តល់កម្លាំងចិត្តជូនដល់វិរៈកងទ័ពកម្ពុជាដែលកំពុងឈរជើងតស៊ូនៅសមរភូមិមុខ 
_  ត្រូវយកចិត្តទុកដាក់ក្នុងការបន្តពង្រឹងនិងពង្រីកបន្ថែមសមាជិកបក្ស
   _   ត្រូវបង្កើនសាមគ្គីភាពក្នុងជួរគណៈកម្មាធិការគណបក្សឃុំ សាខាបក្សភូមិទាំង ១០  ជាមួយប្រជាពលរដ្ឋ
_ ត្រូវយកចិត្តទុកដាក់ ត្រួតពិនិត្យសុពលភាពអត្តសញ្ញាណបណ្ណរបស់ប្រជាពលរដ្ឋ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(ព្រៃឈរ, កំពង់ចាម)៖ នាព្រឹកថ្ងៃសៅរ៍ ទី២៣ ខែឧសភា ឆ្នាំ២០២៦ តាមការចាត់តាំងរបស់ ឯកឧត្តម គឹម មាសសុខសីហា ប្រធានក្រុមការងារគណបក្សចុះមូលដ្ឋានឃុំគរ ឃុំជ្រៃវៀន និងឃុំមៀន ក្រុមការងារគណបក្សចុះមូលដ្ឋានឃុំជ្រៃវៀន បានជួបសំណេះសំណាល និងសួរសុខទុក្ខ សមាជិកសមាជិកាគណបក្ស ក្នុងមូលដ្ឋានឃុំជ្រៃវៀន ស្រុកព្រៃឈរ ខេត្តកំពង់ចាម។

ក្នុងឱកាសនោះ ក្រុមការងារ បាននាំយកនូវថវិកាមួយចំនួន ដើម្បីឧបត្ថម្ភជូនដល់សមាជិកសមាជិកាគណបក្សដែលមានសមាជិកគ្រួសារទើបទទួលមរណភាពចំនួន ៧នាក់ និងឆ្លងទន្លេរចំនួន ១៤នាក់ ព្រមទាំងបានឧបត្ថម្ភថវិកាមួយចំនួនដល់ ក្រុមការងារគណបក្សឃុំ ប្រជាការពារ និងថវិកាសម្រាប់កម្មវិធីសំណេះសំណាលផងដែរ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram