(កែប)៖ នាព្រឹកថ្ងៃអាទិត្យ ទី២២ ខែមីនា ឆ្នាំ២០២៦ ឯកឧត្ដម ហូ ស៊ីវយ៉ុង ប្រធានក្រុមការងារគណបក្សចុះមូលដ្ឋានក្រុងកែបនិងស្រុកដំណាក់ចង្អើរ បានដឹកនាំកិច្ចប្រជុំបូកសរុបលទ្ធផលការងារគណបក្សក្រុងកែប ប្រចាំខែមីនា ឆ្នាំ២០២៦ និងលើកទិសដៅការងារអនុវត្តបន្តនៅខែបន្ទាប់ ដែលរៀបចំឡើងនៅទីស្នាក់ការគណបក្សប្រជាជនកម្ពុជាក្រុងកែប ខេត្តកែប និងមានការចូលរួមពី ថ្នាក់ដឹកនាំ និងសមាជិកសមាជិកានៃក្រុមការងារគណបក្សចុះមូលដ្ឋានក្រុងកែប ជាច្រើនរូប។

ក្នុងឱកាសនោះ អង្គប្រជុំបាន រាយការណ៍អំពីលទ្ធផលការងារគណបក្សប្រចាំខែមីនា ឆ្នាំ២០២៦ និងត្រីមាសទី១ ឆ្នាំ២០២៦ របស់ក្រុមការងារគណបក្សចុះមូលដ្ឋានក្រុងកែប ព្រមទាំងបានពិនិត្យ និងពិភាក្សាអំពីផែនការសកម្មភាព ដែលត្រូវអនុវត្តបន្តក្នុងខែមេសា ឆ្នាំ២០២៦ ខាងមុខនេះ ផងដែរ។

ថ្លែងក្នុងអង្គប្រជុំ ឯកឧត្តមប្រធានក្រុមការងារ ពាំនាំនូវសេចក្តីនឹករលឹក និងពាក្យផ្ដាំផ្ញើរសួរសុខទុក្ខពីសំណាក់ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ប្រធានកិត្តិយសក្រុមការងារគណបក្សចុះជួយមូលដ្ឋានខេត្តកែប និង លោកជំទាវ ចម និម្មល សមាជិកាគណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារគណបក្សចុះជួយមូលដ្ឋានខេត្តកែប ជូនចំពោះសមាជិក សមាជិកានៃអង្គប្រជុំ ផងដែរ។

ជាមួយគ្នានេះ ឯកឧត្តមប្រធានក្រុមការងារ បានណែនាំដល់ក្រុមការងារទាំងអស់ឱ្យ អនុវត្តការងារទៅតាមតួនាទីភារកិច្ច ដែលគណបក្សបានប្រគល់ជូន ឱ្យបានកាន់តែល្អប្រសើរ និងដោះស្រាយសំណូមពរ បញ្ហាប្រឈមនៅមូលដ្ឋានឃុំ ព្រមទាំងបន្តអនុវត្តកម្មវិធីនយោបាយ សេចក្តីសម្រេចរបស់គណបក្ស និងគោលការណ៍ដឹកនាំ របស់គណៈអន្រ្តៃយ៍គណៈកម្មាធិការកណ្តាល ផងដែរ។

បន្ថែមពីនេះ ឯកឧត្តមប្រធានក្រុមការងារ បានណែនាំដល់ក្រុមការងារគ្រប់មូលដ្ឋានទាំងអស់ ត្រូវត្រៀមរៀបចំសន្តិសុខសណ្តាប់ធ្នាប់ ដើម្បីទទួលភ្ញៀវជាតិ និងអន្តរជាតិ នាពិធីបុណ្យចូលឆ្នាំថ្មីប្រពៃណីជាតិខាងមុខនេះ និងបន្តអនុវត្តការបោសសម្អាតការឆបោកតាមប្រព័ន្ធបច្ចេកវិទ្យា (Online Scams) ព្រមទាំងបន្តគាំទ្រ និងជឿជាក់លើការដឹកនាំរបស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តីនៃព្រះរាជាណាចក្រកម្ពុជា ក្នុងកិច្ចការពារអធិបតេយ្យភាព បូរណភាពទឹកដី ពីការឈ្លានពានពីប្រទេសថៃ និងការដាក់ចេញនូវវិធានការអន្តរាគមន៍បញ្ចុះពន្ធអាករដើម្បីជួយសម្រួលដល់ជីវភាពរបស់ប្រជាពលរដ្ឋក្នុងពេលដែលពិភពលោកកំពុងជួបប្រទះនឹងវិបត្តិប្រេងឥន្ធនៈសកល៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(អូរក្រសារ, កែប)៖ នារសៀលថ្ងៃអាទិត្យ ទី២២ ខែមីនា ឆ្នាំ២០២៦ នៅទីស្នាក់ការគណបក្សសង្កាត់អូរក្រសារ ក្រុងកែប ខេត្តកែប ឯកឧត្តម ទិត រិទ្ធីពល ប្រធានក្រុមការងារគណបក្សចុះមូលដ្ឋានសង្កាត់អូរក្រសារ បានដឹកនាំកិច្ចប្រជុំបូកសរុបលទ្ធផលការងារប្រចាំខែមីនា និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានសង្កាត់អូរក្រសារ ក្រុងកែប ខេត្តកែប។

កិច្ចប្រជុំនេះ ក៏មានការចូលរួមពី ឯកឧត្តម លោក លោកស្រីប្រធាន-អនុប្រធាន និងសមាជិក សមាជិកា ក្រុមការងារចុះមូលដ្ឋានសង្កាត់អូរក្រសារ ប្រធាន-អនុប្រធាន និងសមាជិក សមាជិកា ភូមិដំណាក់ចំបក់ និងភូមិអូរក្រសារ ជាច្រើនរូប ផងដែរ។

ក្នុងឱកាសនោះ ក្រុមការងារទាំងអស់បានចូលរួមពិនិត្យ និងពិភាក្សាលើរបាយការណ៍សមិទ្ធផលការងារក្នុងរយៈពេល ៣ខែ នាឆ្នាំ២០២៦ នេះ ផងដែរ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram

(កែប)៖ នាព្រឹកថ្ងៃអាទិត្យ ទី២២ ខែមីនា ឆ្នាំ២០២៦ ឯកឧត្តម ហូ ស៊ីវយ៉ុង ប្រធានក្រុមការងារចុះមូលដ្ឋានក្រុងកែប បានដឹកនាំក្រុមការងារ រួមមាន៖ លោក សុី បាទិត្យ ប្រធានក្រុមការងារគណបក្សចុះជួយមូលដ្ឋានសង្កាត់កែប និងសហការី ជួបសំណេះសំណាលសួរសុខទុក្ខ សមាជិកាដែលទើបតែសម្រាលកូនចំនួន ៣គ្រួសារ នៅសង្កាត់កែប ក្រុងកែប។

ក្នុងឱកាសនោះ ឯកឧត្តមប្រធាន និងក្រុមការងារ បានឧបត្ថម្ភថវិកាមួយចំនួនជូនដល់សមាជិកាដែលទើបតែសម្រាលកូនទាំងបីគ្រួសារនោះផងដែរ។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram