(ព្រៃឈរ, កំពង់ចាម)៖ ថ្ងៃទី៦ ខែកញ្ញា ឆ្នាំ២០២៥ នៅទីស្នាក់ការគណបក្សឃុំល្វា ស្រុកព្រៃឈរ ខេត្តកំពង់ចាម ឯកឧត្តម ម៉ក់ ពេជ្ជរិទ្ឋ ប្រធានក្រុមការងារគណបក្សចុះជួយមូលដ្ឋានឃុំល្វា បានដឹកនាំក្រុមការងារគណបក្សចុះជួយមូលដ្ឋានឃុំល្វា ជួបសំណេះសំណាល និងសាកសួរសុខទុក្ខបងប្អូនសមាជិកសមាជិកាគណបក្សនៅទីស្នាក់ការគណបក្សឃុំល្វា ស្រុកព្រៃឈរ ខេត្តកំពង់ចាម ដោយមានការអញ្ជើញចូលរួមពីតំណាងគណបក្សស្រុកព្រៃឈរ ថ្នាក់ដឹកនាំគណបក្សឃុំល្វា និងសាខាបក្សភូមិទាំង១០ ផងដែរ។

ក្នុងឱកាសនោះ ក្រុមការងារ បាននាំយកនូវថវិកាមួយចំនួន ដើម្បីឧបត្ថម្ភជូនដល់សមាជិកសមាជិកាគណបក្សដែលមានសមាជិកគ្រួសារទើបទទួលមរណភាព ចំនួន ៣គ្រួសារ និងឆ្លងទន្លេរ ១២គ្រួសារ ព្រមទាំងបានឧបត្ថម្ភដល់គណបក្សមូលដ្ឋានឃុំ ភូមិ និងក្រុមការងារការងារផ្សេងៗ ផងដែរ។

នៅថ្ងៃខែឆ្នាំដដែលនេះ ក្រុមការងារ ក៏បានដឹកនាំកិច្ចប្រជុំបូកសរុបការងារគណបក្សប្រចាំខែសីហា ឆ្នាំ២០២៥ និងពិនិត្យពិភាក្សាណែនាំនូវទិសដៅការងារបន្តសម្រាប់ខែកញ្ញា ឆ្នាំ២០២៥ ផងដែរ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram

(ព្រៃឈរ, កំពង់ចាម)៖ នាថ្ងៃទី១៣ ខែកញ្ញា ឆ្នាំ២០២៥ ឯកឧត្តម គឹម មាសសុខសីហា ប្រធានក្រុមការងារគណបក្សចុះមូលដ្ឋានឃុំគរ ឃុំជ្រៃវៀន និងឃុំមៀន បានដឹកនាំក្រុមការងារគណបក្សចុះមូលដ្ឋានឃុំគរ ចុះជួបសំណេះសំណាល និងសាកសួរសុខទុក្ខបងប្អូនសមាជិកសមាជិកាគណបក្សនៅទីស្នាក់ការគណបក្សឃុំគរ ស្រុកព្រៃឈរ ខេត្តកំពង់ចាម មានការចូលរួមពីក្រុមការងារចុះមូលដ្ឋានឃុំ គណៈកម្មាធិការគណបក្សមូលដ្ឋានឃុំ យុវជនបក្ស សាខាបក្ស អនុសាខាបក្សភូមិទាំង១០ ផងដែរ។

ក្នុងឱកាសនោះ ឯកឧត្តមប្រធានក្រុមការងារ ពាំនាំនូវសេចក្តីនឹករលឹក និងពាក្យផ្ដាំផ្ញើរសួរសុខទុក្ខពីសំណាក់ លោកជំទាវ ចម និម្មល ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានស្រុកព្រៃឈរ និងបាននាំយកនូវថវិកាមួយចំនួន ដើម្បីឧបត្ថម្ភជូនដល់សមាជិកសមាជិកាគណបក្សដែលមានសមាជិកគ្រួសារទើបទទួលមរណភាពចំនួន ១៤នាក់ និងឆ្លងទន្លេរចំនួន ១៩គ្រួសារ ព្រមទាំងបានឧបត្ថម្ភថវិកាមួយចំនួនដល់ក្រុមការងារគណបក្សភូមិ និងចូលជាបច្ច័យសម្រាប់កាន់បិណ្ឌក្នុងវត្តគរ ផងដែរ។

#ស្រុកព្រៃឈរ #ឃុំគរ
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram

(ព្រៃឈរ, កំពង់ចាម)៖ នាថ្ងៃសៅរ៍ ទី២៧ ខែកញ្ញា ឆ្នាំ២០២៥ ឯកឧត្តម ឃឹម សិរីវង្ស ប្រធានក្រុមការងារគណបក្សចុះមូលដ្ឋានឃុំតុងរ៉ុង តំណាងដ៏ខ្ពង់ខ្ពស់របស់ លោកជំទាវ ចម និម្មល សមាជិកាគណៈកម្មាធិការកណ្ដាល និងជាប្រធានគណៈកម្មាធិការគណបក្សប្រជាជនកម្ពុជាក្រសួងពាណិជ្ជកម្ម អញ្ជើញជាគណអធិបតី ដឹកនាំកិច្ចប្រជុំប្រចាំខែកញ្ញា ឆ្នាំ២០២៥ និងលើកទិសដៅការងារដែលត្រូវអនុវត្តបន្ត។

កិច្ចប្រជុំប្រចាំខែនេះ ធ្វើឡើងនៅនៅទីស្នាក់ការគណបក្ស ស្រុកព្រៃឈរ ខេត្តកំពង់ចាម និងមានការអញ្ជើញចូលរួមពី ឯកឧត្តម លោកជំទាវ លោក លោកស្រី ប្រធាន-អនុប្រធានក្រុមការងារគណបក្សចុះមូលដ្ឋានស្រុក-ឃុំ គណៈអចិន្ត្រៃយ៍គណៈកម្មាធិការគណបក្សស្រុក ប្រធាន-អនុប្រធានគណៈកម្មាធិការគណបក្សមូលដ្ឋានឃុំទាំង១៥ ជាច្រើនរូប។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram