(កែប)៖ នារសៀលថ្ងៃអាទិត្យទី២៧ ខែកក្កដា ឆ្នាំ២០២៥ នៅទីស្នាក់ការគណបក្សប្រជាជនកម្ពុជាខេត្តកែប ឯកឧត្តម កែន សត្ថា សមាជិកគណៈកម្មាធិការកណ្ដាល អនុប្រធានទី១ ក្រុមការងារគណបក្សចុះមូលដ្ឋានខេត្ត និងជាតំណាងរបស់លោកជំទាវ ចម និម្មល សមាជិកាគណៈកម្មាធិការកណ្ដាល និងជាប្រធានក្រុមការងារគណបក្សមូលដ្ឋានខេត្តកែប បានអញ្ញើញជាអធិបតីដឹកនាំកិច្ចប្រជុំបូកសរុបលទ្ធផលការងារគណបក្សខេត្ត និងក្រុមការងារគ្រប់ថ្នាក់ ប្រចាំខែកក្កដា និងលេីកទិសដៅអនុវត្ត ខែសីហា ឆ្នាំ២០២៥។

កិច្ចប្រជុំប្រចាំខែនេះ បានរៀបចំឡើងនៅទីស្នាក់ការគណបក្សប្រជាជនកម្ពុជាខេត្តកែប និងមានការអញ្ជើញចូលរួមពី ឯកឧត្តម លោកជំទាវ លោក លោកស្រី ប្រធាន-អនុប្រធានក្រុមការងារគណបក្សចុះមូលដ្ឋានខេត្តកែប គណៈអចិន្ត្រៃយ៍គណៈកម្មាធិការគណបក្សខេត្ត ប្រធាន-អនុប្រធានគណៈកម្មាធិការគណបក្សមូលដ្ឋានក្រុង-ស្រុកជាច្រើនរូប។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram

(កែប)៖ នាព្រឹកថ្ងៃពុធ ទី៣០ ខែកក្កដា ឆ្នាំ២០២៥ នៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប លោកជំទាវ ចម និម្មល សមាជិកាគណៈកម្មាធិការកណ្ដាល និងជាប្រធានក្រុមការងារគណបក្សមូលដ្ឋានខេត្តកែប បានដឹកនាំក្រុមការងារគណបក្សចុះមូលដ្ឋានខេត្តកែប ចូលរួមគោរពវិញ្ញាណក្ខ័ន្ធសពលោក ចាន់ រដ្ឋធា ពលទាហាននៃបញ្ជាការដ្ឋានទ័ពពិសេសឆ័ត្រយោង ៩១១ កងទ័ព​ជើង​គោក ដែលបានពលីកាលពីថ្ងៃទី២៨ ខែកក្កដា ឆ្នាំ២០២៥ ក្នុងសមរភូមិ។

ក្នុងវេលាប្រកបដោយសមានទុក្ខដ៏ក្រៀមក្រំនេះ លោកជំទាវប្រធាន និងក្រុមការងារ សូមចូលរួមមរណទុក្ខដ៏ក្រៀមក្រំបំផុតជាមួយក្រុមគ្រួសារសពព្រមទាំងនាយទាហាន នាយទាហានរង ពលទាហាន នៃបញ្ជាការដ្ឋានទ័ពពិសេសឆ័ត្រយោង ៩១១ កងទ័ព​ជើង​គោក ដែលបានបាត់បង់ ស្វាមី កូន បងប្អូន សាច់ញាតិ និងយុទ្ធមិត្តនៃកងយោធពលខេមរភូមិន្ទ ជាទីស្រលាញ់ និងសូមលំឱនកាយគោរពចំពោះពលិកម្ម និងគុណបំណាច់ក្នុងបុព្វហេតុការពារជាតិ ការពារទឹកដី និងវីរភាពដ៏អង់អាចរបស់លោក ចាន់ រដ្ឋធា និងយុទ្ធជនទាំងអស់ប្រកបដោយមនោសញ្ចេតនាក្តុកក្តួលក្រៃលែង។

សូមឧទ្ទិសបួងសួងដល់ដួងវិញ្ញាណក្ខន្ធ លោក ចាន់ រដ្ឋធា បានទៅកាន់សុគតិភព កុំបីឃ្លៀងឃ្លាតឡើយ។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram