(ព្រៃឈរ, កំពង់ចាម)៖ នាថ្ងៃទី២៥ ខែកក្កដា ឆ្នាំ២០២៥ ឯកឧត្តម សួន វិជ្ជា ប្រធានក្រុមការងារគណបក្សចុះជួយឃុំបារាយណ៍ បានដឹកនាំក្រុមការងារគណបក្សចុះជួយឃុំបារាយណ៍ អញ្ជើញចូលរួមវេទិកាសាធារណៈ ដែលរៀបចំឡើងនៅសាលាបុណ្យភូមិគោកស្រឡៅ ឃុំបារាយណ៍ ស្រុកព្រៃឈរ ខេត្តកំពង់ចាម ដោយមានប្រជាជនចូលរួមពី ភូមិគោកស្រឡៅ និងភូមិរោងគោ ជាច្រើនរូប។

ជាកិច្ចចាប់ផ្តើមនៃវេទិកាសាធារណៈនេះ លោក ជុំ សុភាព មេឃុំបារាយណ៍ បានមានមតិស្វាគមន៍ នឹងបានរាយការណ៍សង្ខេបពីវឌ្ឍនៈភាពការងាររបស់ឃុំជូនដល់អ្នកចូលរួម។

បន្ទាប់មក ឯកឧត្តមប្រធានក្រុមការងារ លើកឡើងអំពីគោលនយោបាយរបស់រាជរដ្ឋាភិបាល ការអភិវឌ្ឍភូមិឃុំនាពេលបច្ចុប្បន្ន និងបានចូលរួមផ្តល់មតិកែលម្អរ លើកកម្ពស់ ភូមិឃុំ មានសុវត្ថិភាព ការលើកកម្ពស់ជីវភាពក្នុងគ្រួសារ និងស្ថានភាពនៅតាមព្រំដែនដែលរដ្ឋាភិបាល កំពុងការពារដ៏រឹងមាំ និងទទួលជោគជ័យ ក្នុងការការពារបូរណភាពទឹកដី និងស្នើឱ្យប្រជាជនកុំឱ្យមានភាពចលាចល និងជឿជាក់លើរាជរដ្ឋាភិបាល។

ក្នុងឱកាសនោះ ប្រជាពលរដ្ឋដែលបានចូលរួមក្នុងវេទិកានេះ បានលើកឡើងអំពីសំណូមពរមួយចំនួន និងមតិចូលរួមយ៉ាងផុសផុល ផងដែរ។

បន្ទាប់ពីបានបញ្ចប់កម្មវិធីវេទិកាសាធារណៈ ឯកឧត្តមប្រធានក្រុមការងារ និងក្រុមការងារគណបក្សមូលដ្ឋាន បានជួបជុំនៅទីស្នាក់ការបក្សឃុំ ដើម្បីប្រជុំតាមដានអំពីវឌ្ឍនភាពការងាររបស់គណបក្សមូលដ្ឋានឃុំបារាយណ៍ ស្រុកព្រៃឈរ ខេត្តកំពង់ចាម ផងដែរ។

ជាមួយគ្នានេះ ក្រុមការងារបាន ឧបត្ថម្ភនូវថវិកាមួយចំនួន សម្រាប់ចាក់ដី និងដាក់លូក្នុងមូលដ្ឋានឃុំបារាយណ៍ ព្រមទាំងបានឧបត្ថម្ភព្រីនធ័រចំនួន ១គ្រឿង និងកុំព្យូទ័រLaptop ចំនួន ១គ្រឿង ជូនគណបក្សមូលដ្ឋានឃុំ សម្រាប់ទុកប្រើប្រាស់ ផងដែរ។

បន្ថែមពីនេះ ក្រុមការងារក៏បានជួបសំណេះសំណាល និងសួរសុខទុក្ខសមាជិកសមាជិកាគណបក្សដែលមានសមាជិកគ្រួសារទើបឆ្លងទន្លេរចំនួន ១៦នាក់ និងទទួលមរណភាពចំនួន ១នាក់ ក្នុងមូលដ្ឋានឃុំបារាយណ៍ ដោយបានឧបត្ថម្ភនូវថវិកាមួយចំនួន ផងដែរ៕
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram

លោកជំទាវ ចម និម្មល សមាជិកាគណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ អញ្ជើញប្រគេនទៀនព្រះវស្សា និងទេយ្យទាន​ដល់ព្រះសង្ឃក្នុងវត្តទាំង៦០ ក្នុងឃុំទាំង១៥ នៃស្រុកព្រៃឈរ ខេត្តកំពង់ចាម
…
(ព្រៃឈរ, កំពង់ចាម)៖ នាព្រឹកថ្ងៃអាទិត្យ ទី២៧ ខែកក្កដា ឆ្នាំ២០២៥ នៅវត្តខ្វិតធំ​ ឃុំខ្វិតធំ ស្រុកព្រៃឈរ ខេត្តកំពង់ចាម លោកជំទាវ ចម និម្មល សមាជិកាគណៈកម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ អញ្ជើញប្រគេនទៀនព្រះវស្សា និងទេយ្យទាន​ដល់ព្រះសង្ឃគង់ចាំព្រះវស្សាក្នុងវត្តទាំង៦០ ក្នុងឃុំទាំង១៥ នៃស្រុកព្រៃឈរ ខេត្តកំពង់ចាម ដែលមានវត្តមានចូលរួមដោយ ឯកឧត្តម លោកជំទាវ លោក លោកស្រី ក្រុមការងារគណបក្សប្រជាជនកម្ពុជាចុះមូលដ្ឋានស្រុក គណៈអចិន្ត្រៃយ៍គណៈកម្មាធិការគណបក្សស្រុក មន្ត្រីធម្មការស្រុក និងពុទ្ធបរិសទក្នុងមូលដ្ឋានជាច្រើនរូប។

ឆ្លៀតក្នុងឱកាសនោះ លោកជំទាវប្រធានក្រុមការងារ បានមានមតិសំណេះសំណាលសួរសុខទុក្ខ និងចែករំលែកនូវបច្ចុប្បន្នភាពស្ថានការណ៍នៃការឈ្លានពានរបស់ភាគីថៃមកលើដែនអធិបតេយ្យភាពកម្ពុជា។ លោកជំទាវប្រធាន បានលើកទឹកចិត្តដល់បងប្អូនប្រជាពលរដ្ឋឱ្យបន្តចែកចាយព័ត៌មានពិត ជៀសវាងព័ត៌មានក្លែងក្លាយ និងបន្តជឿជាក់លើរាជរដ្ឋាភិបាល និងផ្តល់កម្លាំងចិត្តដល់វីរៈកងទ័ពជួរមុខ និងឧបត្ថម្ភគាំទ្រដល់បងប្អូនប្រជាពលរដ្ឋដែលត្រូវបានជម្លៀសខ្លួននៅមណ្ឌលសុវត្ថិភាពនានា។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
📱 CPP-MOC APP
🌐 Telegram