ဒီဇာတ်ကားလေးက ၁၉၉၉ ခုနှစ် ကမ္ဘာပျက်တော့မယ်ဆိုတဲ့ အချိန်ကို နောက်ခံထားတာပါ။ ဟယ်ဆောင်းမြို့မှာနေတဲ့ တက်ကြွတဲ့ကောင်မလေး အွန်ချယ်နီ (Park Eun-Bin) နဲ့ သူ့အိမ်နီးချင်းတွေက မမျှော်လင့်ဘဲ အားနည်းချက်တွေရှိနေတဲ့ စူပါပါဝါတွေ ရသွားကြတယ်။
​အဲဒီအချိန် ဆိုးလ်ကနေ ပြောင်းလာတဲ့ စည်းကမ်းကြီးတဲ့ အစိုးရဝန်ထမ်း လီဝန်းဂျောင်း (Cha Eun-Woo) နဲ့ သူတို့တွေ ဆုံမိသွားတယ်။ ပြီးတော့ မြို့ထဲမှာ ဆက်တိုက်ဖြစ်နေတဲ့ လူပျောက်မှုတွေကို အတူတူ လိုက်စုံစမ်းကြရင်း မြို့ကို ဒုက္ခပေးမယ့် ဗီလိန်ကြီးကို ဒီလို မပြည့်စုံတဲ့ လူစွမ်းကောင်းတွေ စုပေါင်းပြီး ဘယ်လို ဟာသနှောကာ တိုက်ခိုက်ကြမလဲဆိုတာကို ပေါ့ပေါ့ပါးပါး ရိုက်ကူးထားတဲ့ Action-Comedy ကားလေး ဖြစ်ပါတယ်။

အစအဆုံး

ဇာတ်လမ်းလေးကတော့ ဂျက်ကီနဲ့ ဟူဟူတို့က မတော်တဆ လျို့ဝှက်တောတစ်ခုထဲရောက်သွားပြီး ရှေးဟောင်းဝက်ဝံမျိုးနွယ်စုဆိုတဲ့ လူရိုင်းတွေနဲ့တွေ့တာပေါ့..
ထူးဆန်းစွာနဲ့ အဲ့မျိုးနွယ်စုမှာ အသက် ၆ နှစ်ပြည့်တာနဲ့ အမေလို့ ခေါ်ခွင့်ကို အားနည်းတယ်လို့ ယူဆပြီး ပိတ်ပင်တားဆီးထားတာပဲ...
နောက်တစ်ခုကတော့ အချင်းချင်းပွေ့ဖက်ခြင်းဆိုတာက အားနည်းတဲ့အမူအရာလို့ ယူဆပြီး တားမြစ်ထားပြန်တယ်...

အဲ့ဒီ မျိုးနွယ်စုဝင်တွေက ပန်ဒါဝက်ဝံကို နတ်ဘုရားသားရဲအနေနဲ့ ကိုးကွယ်တာဖြစ်လို့ ပန်ဒါလေးဟူဟူကိုလည်း သူတို့ရဲ့ နတ်ဘုရားလို့ ယုံကြည်ကိုးကွယ်ပြီး ဟူဟူရွေးချယ်ခဲ့တဲ့
ဂျက်ကီကိုလည်း သူရဲကောင်း တမန်တော်အဖြစ် ယုံကြည်သတ်မှတ်ခဲ့တာပေါ့...တစ်ဖက်မှာလည်း ဒီမျိုးနွယ်စုဆီကျရောက်မယ့် ကပ်ဘေးကို ကျော်လွှားနိုင်ဖို့အတွက်
တောင်ထိပ်ကြီးကို ပန်ဒါလေးနဲ့ တမန်တော်က သွားပြီး ဖြေရှင်းပေးရမယ့် တာဝန်လည်း ရှိနေပြန်တယ်
ဂျက်ကီ တမန်တော်ဖြစ်သွားတာကို မျိုးနွယ်စုသူရဲကောင်းတွေကလည်း ဘယ်ကျေနပ်ကြမှာလဲ...

ဒါကြောင့်လည်း ဂျက်ကီနဲ့ ပန်ဒါလေးဟူဟူတို့ရဲ့ အန္တရာယ်များပြီး အကွေ့အကောက်များတဲ့ စိတ်လှုပ်ရှားဖွယ် ခရီးစဉ်တစ်ခုကို စတင်ခဲ့ရတာပေါ့...
ဇာတ်ကားလေးထဲမှာ မင်းသား မင်းသမီးများစွာ ပါဝင်ပြီး အက်ရှင်တိုက်ခိုက်မှုတွေကို ဟာသနှောကာ တင်ဆက်ထားတာမို့ အားလုံး ဘဝအမောတွေကို ရယ်မောရင်း
ဖြေဖျောက်နိုင်မယ့် ဇာတ်ကားကောင်းလေး ဖြစ်တဲ့အပြင် သူရဲကောင်းဆိုတာ အင်အားကြီးပြီး အထီးကျန်ဆန်တာမဟုတ်ဘဲ နာကျင်တာကို ငိုကြွေးပြတာ
ပျော့ညံ့တာမဟုတ်သလို ခင်မင်ရင်းနှီးမှုကို ဖော်ထုတ်တာလည်း အားနည်းတာမဟုတ်တဲ့ သဘောတရားကို အခြေခံထားတာမလို့
မိသားစုနဲ့အတူ ကြည့်ဖို့ အထူးသင့်တော်တဲ့ကားလေးပါလို့ မိတ်ဆက်ပေးလိုက်ပါတယ်..

Pee Nak (ရှင်လောင်းသရဲ) ဇာတ်ကားထုံးစံအတိုင်း သွေးပျက်အောင်ကြောက်စရာကောင်းသလို သေးထွက်အောင် အူတက်ရယ်မောရတဲ့ ဟာသနဲ့ အကြောက်တရားကို အချိုးညီညီ ပေးစွမ်းနိုင်တဲ့ နာမည်ကြီး ထိုင်းသရဲကားစီးရီးဟာ အခု အပိုင်း ၅ အထိရောက်လာပါပြီ။

ရှေ့ကားမှာတုန်းက အငြိုးကြီးလှတဲ့ Nak Tinn သရဲကို အနိုင်ယူနှိမ်နင်းနိုင်ခဲ့ပြီး တစ်နှစ်အကြာမှာတော့ သံသရာလည်နေတဲ့ ကလဲ့စားချေမှု ကျိန်စာတစ်ခု ထပ်ရောက်လာပြန်ပါပြီ။

ဒီတစ်ခါမှာတော့ ကျွန်တော်တိုရဲ့ အချစ်တော်တွေဖြစ်တဲ့ Balloon, First နဲ့ Tho Min Jun တို့ကို Nak သရဲအသစ်က လိုက်လံခြောက်လှန့်ပါတော့တယ်။

အရင်လိုပဲ ပြေးရ၊ လွှားရ၊ အော်ရမယ့် အချိန်မှာ နော့က အချိန်မီရောက်လာပြီး သူတို့ကို ကယ်တင်ပေးခဲ့ပေမယ့် တကယ့်အကျပ်အတည်းက အဲဒီကမှ စတာပါ။

ဒီသရဲအသစ်က နော့ကို တိုက်ရိုက်ရန်မရှာဘဲ နော့ချစ်တဲ့သူ၊ သံယောဇဉ်ရှိတဲ့ သူတိုင်းကို လိုက်သတ်ဖို့ ပစ်မှတ်ထားလာတာကို တွေ့ရပါတယ်။

နော့ တစ်ယောက် သူ့အချစ်ရဆုံးသူတွေကို ဘယ်လိုကာကွယ်မလဲ? Balloon တို့အဖွဲကရော ဒီကြောက်စရာကောင်းတဲ့ သရဲရဲ့ ဇာစ်မြစ်ကို ဘယ်လိုရှာဖွေကြမလဲ ဆိုတာ ရင်တမမနဲ့ ကြည့်ရမယ့်ကားပါ။

Pee Nak စီးရီးတွေရဲ့ ထုံးစံအတိုင်း ရယ်ရ၊ ကြောက်ရနဲ့ အသက်ရှူမှားလောက်အောင် ကောင်းမယ့်ကားဆိုတာ အသေအချာပါပဲ။

ဒီတစ်ခါမှာရော သရဲပဲဘဝကူးမလား အချော် ၃ ယောက်ဦးဆောင်တဲ့ ပေါက်ကရလေးဆယ်အဖွဲ့ပဲ ဘဝပြောင်းမလားဆိုတာ ရှုစားလိုက်ကြပါဦး။

- ဇာတ်လမ်းအကျဉ်း -

စီးပွားရေးလောကရဲ့ နတ်ဘုရားလို့ တင်စားခံထားရတဲ့ ချွဲဆောင်းလုပ်ငန်းစု ဥက္ကဌ ဂန်ယုံးဟို
(Son Hyun-Joo) ဟာ လူငယ်လေးတစ်ယောက်နဲ့ ခေါင်းချင်းတိုက်မိရာကနေ
ခန္ဓာကိုယ်ချင်းလဲသွားပြီး သူ့ရဲ့ မူလခန္ဓာကိုယ်ကတော့ ကိုမာအခြေအနေ ဖြစ်သွားခဲ့ရပါတယ်။

အဲဒီလူငယ်လေးကတော့ တခြားမဟုတ်ဘဲ သူ့ရဲ့ အမြွှာသားသမီး နှစ်ယောက်ဖြစ်တဲ့
ဂန်ဂျယ်ဂယောင်း (Jeon Hye-Jin) နဲ့ ဂန်ဂျယ်ဆောင်း (Jin Goo) တို့ ကျူးလွန်ခဲ့တဲ့ ကားတိုက်ပြေးမှုကြောင့်
ဘောလုံးကစားသမားဘဝ အဆုံးသတ်သွားခဲ့ရတဲ့ ဟွမ်ဂျွန်ဟျွန်း (Lee Jun-Young) ဆိုသူပါပဲ။

အမွေဆက်ခံသူကို မကြေညာရသေးတဲ့ ဥက္ကဌဂန်က အခုထိ အဆင်သင့်မဖြစ်သေးတဲ့
မိသားစုဝင်တွေလက်ထဲ ကုမ္ပဏီကို မအပ်လိုက်နိုင်တာကြောင့် ဝန်ထမ်းသစ်လေး
ဟွမ်ဂျွန်ဟျွန်းအဖြစ်နဲ့ ချွဲဆောင်းလုပ်ငန်းစုထဲ အလုပ်ဝင်လာတဲ့အခါမှာတော့...

အေးချမ်းခြင်းကင်းမဲ့နေတဲ့ ချွဲဆောင်းလုပ်ငန်းစု မိသားစုဝင်တွေကြားက အာဏာလုပွဲရဲ့ အဆုံးမှာ
ဘယ်သူက အာဏာကို အပိုင်သိမ်းနိုင်သွားမှာလဲဆိုတာကိုတော့ အပတ်စဉ် စနေ၊ တနင်္ဂနွေနေ့တိုင်း
စောင့်မျှော်အားပေးကြပါဦးနော်။

ဒီတစ်ခေါက်မှာတော့ ဂွမ်ဆူ၊ ဝူဘင်း၊ ဂယောင်ဆူးတို့ သုံးဦးက ဂျယ်ဂျူကျွန်းက

မွေးမြူရေးခြံလေးဆီ သွားပြီးတော့ အတွေ့အကြုံယူကြရမှာ ဖြစ်ပါတယ်။

မြို့ပြရဲ့ မွန်းကျပ်မှုတွေကနေ ခဏတာ စွန့်ခွာပြီး ဂျယ်ဂျူကျွန်းရဲ့ သဘာဝ အလှတရားတွေကြားမှာ

နွားစာကျွေးလိုက်၊ နွားတင်းကုပ် သန့်ရှင်းရေးလုပ်လိုက်နဲ့ မွေးမြူရေးခြံ သင်တန်းသားလေးတွေအဖြစ်

အသားကျလာအောင် သူတို့ ဘယ်လို ကြိုးစားရုန်းကန်သွားကြမှာလဲ...

နာမည်ကြီး Youtuber Moon Sang-Hoon နဲ့ လက်ရှိပြသနေတဲ့ Doctor on the Edge ထဲက

မင်းသမီးချောလေး Shin Ye-Eun တို့ကလည်း အလုပ်သင်တွေအဖြစ် ပါဝင်လာဦးမှာမို့လို့

အပတ်စဉ် စနေနေ့တိုင်း စောင့်မျှော်အားပေးနိုင်ပါပြီနော်။