عدنا 🔥
ترقبوا محتوى قيّم حول مجال الكتابة التسويقية خلال الفترة القادمة

❝ لا تخلق الرغبة في جمهورك، بل اكتشف إلى أي مرحلة نضجت فيها هذه الرغبة، وتحدث معهم من هناك. ❞
🗣️ يقول Eugene Schwartz إن وظيفتك ككاتب محتوى تسويقي ليست إثارة رغبة جديدة، بل الركوب على موجة رغبة موجودة أصلًا..

تعال نشرح 📝
⁉️ليش هذه المعلومة مهمة؟
لأن معظم المبتدئين يحاولون إقناع العميل بأن يرغب بالمنتج من الصفر.
لكن الحقيقة: الرغبة موجودة بالفعل داخل العميل، أنت فقط تحتاج أن تخاطبه بالأسلوب الذي يناسب "مرحلة الوعي" التي هو فيها الآن.

مثال تطبيقي (على منتج إنقاص وزن):
🔴 لو العميل غير واعٍ بالمشكلة أصلًا:
"هل تشعر أن طاقتك قليلة دون سبب؟ قد يكون وزنك هو السبب الخفي."
🔴 لو العميل يعرف المشكلة لكنه لا يعرف الحل:
"حل جديد لتخسيس الوزن بدون رجيم قاسٍ أو تمارين مرهقة."
🔴 لو العميل يعرف الحلول ولكنه يبحث عن الأفضل:
"لماذا يختار آلاف الناس نظام X بدل الكيتو والصيام المتقطع؟"
🔴 لو العميل جاهز للشراء:
"اشترك اليوم وابدأ أول أسبوع مجانًا مع استشارة خاصة."

🟢القاعدة:
لا تكتب نفس الإعلان للجميع، اعرف مرحلة نضوج الرغبة داخل عقل العميل، وابدأ منها.

المثال الأول:
منتجنا يساعدك على تهدئة طفلك.

المثال الثاني:
أعرف إنك ما نمتي كويس، وكل ما حسيتِ إنه هدي، رجع يبكي فجأة.
مش غلطك، ومش تقصير، بس في اشي ممكن يريحكم أنتِ وطفلك معًا.

شو الفرق بين المثالين؟ 😎
الفرق في هادي الجملة/
إذا استطاع إعلانك أن يبدو كأنه صوت القارئ من الداخل، فأنت ربحت المعركة قبل أن تبدأ.

وهنا يكون استخدام العاطفة مش بس بالمشاعر، بل ب:

1️⃣ بإنك تُشعر القارئ أن النص "يفهمه"

2️⃣ بإنه يقول ما لا يعرف كيف يقوله

3️⃣بإنه ينطق بما يخفيه


🟢القاعدة/ لازم القارئ يحس إنك "فهمته من جوا"، مش بس بدك تبيعه.

باختصار:
أفضل إعلان هو الذي يشبه صوت القارئ وهو يتحدث إلى نفسه.

نصيحة ✨
"احذف ما تفتخر بكتابته إن لم يخدم الفكرة."
- أقسى القرارات في الكتابة ليست ما ستكتبه، بل ما ستحذفه رغم جماله.
- الكتابة القوية لا تُبنى على العبارات الأجمل، بل على أصدقها وأكثرها ضرورة.

كنت زمااان، في بداياتي في المجال/
- أفتح اللابتوب.
- أكتب أول سطر.
- وبعدين أمسحه.

📍مش لأنه الفكرة مش جاهزة، ولا لأنه الوقت مش مناسب.

بس فيه شي بداخلي بيحكي:
"شو الي بتكتبه؟ مين مهتم يقرأ؟ لشو اتعب حالك؟"

وأطفي اللابتوب!

وكانت هالحركة تتكرر كثير، وكل مرة كنت أتهرب من وصف الشعور.
بس الحقيقة إنه مش كسل، ولا قلة أفكار.

📌هو "شك وانعدام ثقة".

ولما وعيت عليه، بطلت أدور على حل..
صرت بس أكتب، وأنشر، بدون ما أستنى نتيجة كمان.

✔️وهادي أول خطوة لازم تعملها في مجال الكتابة، ما تخاف تكتب، وما تخاف تنشر.
اكتب وما تقلق، ومع الوقت راح تتحسن وتتطور كتابتك 👌

الكتابة التسويقية مش بس منطق، أحيانًا كلمة وحدة، كأنها كبسة زر بتفتح درج مشاعر وذكريات قديمة!

📖 سغارمان (مؤلف The Adweek Copywriting Handbook) بيحكي عن شي اسمه:
Triggers، المحفزات الذهنية داخل النص

يعني كلمات مش بالضرورة تشرح المنتج، بس بتوقظ شعور، أو ذكرى، أو صورة.

🟢خذ مثال/
"ريحة بتذكّرك ببيت جدّك؟"
أو:
"صوت المطر على الشباك، ودفا البطانية؟"

✔️الجمل هادي ممكن تبيع أكثر من كل المزايا التقنية يلي حافظها.
✔️لو بدك إعلان يضرب، اسأل نفسك:

شو الشعور يلي لازم يعيشه القارئ؟ وبعدها، اكتب جملة تفتح له باب الذكرى.

بس 🔥

نفس المنتج، طريقتين للعرض:
❌ عرض تقليدي:
"اشترِ الآن واحصل على خصم 20%."
✔️ تغيير زاوية عرض الفكرة :
"لا تدفع السعر الكامل مثل الآخرين، وفر 20% الآن!"

🟢النتيجة:
المعنى واحد، لكن في المثال الثاني، ركزنا على تفوّق العميل على الآخرين،
وهذا بيحفّز الإحساس بالتميّز والدافع السريع للشراء.

📝نصيحة
إذا بدك تبيع، اختر كلمات يفهمها الكل.
الكلمات الغامضة، أو الي "بتلمع بس مش مفهومة"، ما بتقنع الزبون، بتضيّعه.

🟢الإبداع إنك تقول الشيء بطريقة جديدة بس مفهومة فورًا.
وكل ما كانت الكلمة أسهل في التخيّل، كل ما زادت احتمالات البيع.

✔️ما تستخدم "كلمة مبتكرة" قبل ما تجرب تقرأها على طفل صغير وتشوف إذا فهمها.

الناس لا ترفض عرضك لأن السعر مرتفع، بل لأنك قدّمت الفكرة بتسلسل خاطئ.
📘 المصدر من كتاب Pitch Anything لـ Oren Klaff

خلينا نشرح سريعًا/
العقل البشري فيه طبقتين:

- العقل البديهي: الي يآخد القرار بسرعة وبدون منطق.
- العقل التحليلي: الي يحلل التفاصيل

إذا بدأت عرضك بالتفاصيل: السعر، المميزات، التحليل المنطقي.. إلخ، فأنت تخاطب العقل التحليلي، وبالتالي راح يقول:
"خليني أفكر"، "بدي أقارن"، "مش مناسب الآن"، إلخ.

🟢 أما لو بدأت العرض بإثارة الانتباه، الفضول، والمكانة الاجتماعية الي راح يحصل عليها العميل، فأنت تخاطب العقل البديهي، والقرار بيجي أسرع.

في إعلان 2022 لشركة Apple كانت حملتهم الإعلانية بعنوان: Privacy. That’s iPhone.
بمعنى: الخصوصية تعني آيفون.

🔴في هذا الإعلان، استغلت آبل موجة الغضب وخوف الناس من موضوع انتهاك البيانات وتسريبها..
أيامها صار في قلق عالمي متزايد من فكرة:
• مين بيشوف بياناتي؟
• هل تطبيقات مثل فيسبوك، تيك توك، إنستغرام بتتجسس عليّ؟
• هل محادثاتي مراقَبة؟
• هل الإعلانات بتعرف شو بفكر؟

هذا القلق ما كان وهم، بل صار موضوع نقاش يومي وأخبار دولية وقوانين جديدة.
فهمت آبل هذا القلق، واستغلته لصالحها.
بدل ما تحكي عن:
• الكاميرا
• المعالج
• الشكل الخارجي

🟢حكت بصوت واضح: "الخصوصية هي الآيفون."
كأنها بتقول: احنا مش متل الباقيين، إحنا بنحميك، مش بنراقبك.

✅ليش هادي خطوة ذكية جدًا؟
لأنه الإعلان: ما اكتفى بشرح ميزة تقنية
متل: الآيفون عنده نظام تشفير، بل: ركب "موجة شعور موجود أصلًا عند الناس"
يعني حكى للناس بلغة مخاوفهم: احنا الطرف الي بصفّك، مش ضدك.

من تجربتي الشخصية..
🟢أفضل محتوى بكتبه، أكتر الأفكار نقاء، وأكثر الجمل ترتيب، وأكثر النصوص تأثير
كلها كانت في فترة وحدة: أول النهار.

الصبح وقبل الزحمة، قبل الإشعارات، قبل ما العقل يتعب من التفكير = الفترة الذهبية لأي كاتب محتوى.
المخ بكون صافي، والتركيز عالي، والحافز موجود.. بس عليك تشغل اللابتوب وتبدأ.

✅أنا مش من الناس الي بتؤمن بوقت إلهام، بس عن جد وعن تجربة أكتر من 7 سنين بالمجال، جودة المحتوى بتختلف حسب وقت الكتابة.

😎 عشان هيك، آخر سنين صرت أخصص أول كم ساعة من يومي للكتابة بس.
مش للمكالمات، ولا للاجتماعات، ولا للردود، ولا للتخطيط.. بس كتابة.

وأي مهمة كتابة بتتأجل لفترة متأخرة من اليوم، غالبًا بتطلع مش بالجودة المطلوبة أو بتآخد ضعف الوقت عشان تكون جودة عالية.

✔️جرب راقب جودة شغلك حسب الوقت، وراح تعرف إنك مش بحاجة إلهام، بس بحاجة توقيت ذكي.