كيف تقنع العميل بمحتواك ويشتري منك؟
- تظهر القيمة المضافة الي أنت بتقدمها
- ممكن تقيد السعر بموعد محدد (مثلًا لمدة 24 ساعة)
- ممكن تقيد المحتوى بكمية محدودة (سارع قبل نفاذ الكمية)
الأولى ثابتة وممكن تكتب بناء عليها بس، ونور على نور لو ضفت الخيار التاني أو التالت في المحتوى.

فيه نوع من أنواع التحيز المعرفي ممكن تستخدمه بشكل مؤثر في التسويق بالمحتوى.
هذا النوع اسمه " The availability heuristic"
من خلاله الشخص بتوقع احتمالية وقوع حدث معين بناءً على آخر المعلومات الي عنده.
أو خلينا نحكي:
- الاشي الي متذكره= ببني عليه معلومات وقرارات
يعني لو مثلًا أنت شفت فيديو بحكي عن تحطم طائرة ومات خلال هادي الحادثة الركاب والطائرة تهمشت، راح يضل في بالك فترة طويلة مدى خطورة السفر.
طيب كيف ممكن نستخدم هذا الاشي في التسويق بالمحتوى؟
- من خلال الإكثار من السرد القصصي في المحتوى، لأن القصة أكثر النصوص تذكرًا لدى الأشخاص
- إعادة استهداف نفس الأشخاص بمحتوى متكرر بصيغ مختلفة وبالتالي راح يضل في باله وقت طويل منتجك/ خدمتك/ شركتك.

كتاب بساعدك على تطوير مهارتك في الكتابة الكوميدية.
لو مهتم، الكتاب موجود مجانًا على جوجل.
قراءة ممتعة 🌷

المحتوى التسويقي من حياتي اليومية 🔥
قبل يومين كنت بشبك نت من إحدى الشركات..
فالشخص جاي يركب السلك، انتبهت إنه السلك رفيع وبدو يركبه خارجي (مش داخل شبكة الكهرباء المنزلية)
فبحكيله يبدو السلك جودته مش عالية؟
جاوب: لا، بالعكس هذا السلك من نوع شركة كذا ونوع الغلاف الخارجي للسلك كذا ..إلخ (حكى معلومات تقنية بشكل كامل عن السلك)
طبعًا أنا مش مهندس اتصالات عشان أفهم كل الي حكاه، وبالتالي ما أقنعني أبدًا.
طيب شو الصح؟
الصح يذكر الفوائد الي بتهمني من السلك..
مثلًا:
يحكي السلك قوي كتير، بتحمل الرياح والأمطار عادي جدًا، غلافه من 3 طبقات وبالتالي مستحيل يتأثر بأي مؤثر خارجي، ما بنخدش أبدًا من قوته.
هيك ممكن أقتنع..
وهادي النصيحة الأولى في المحتوى التسويقي:
- اذكر الفوائد مش الخصائص.

9 نصائح لكل كاتب محتوى في 2023!
- ركز على الجودة، الجودة العالية راح تكون سبب إنه العميل يضلوا شغل معك ويرشحك لأي حد بطلب كاتب محتوى.

- ‏ما تقلل من سعرك كتير عشان تكسب عميل، ممكن تكسبه لكن وأنت بتشتغل حتندم على هيك قرار.. وغير هيط راح تعطي صورة للعميل إنه هذا سعر الخدمة الحقيقي وهيك بتضر بزملائك بالمهنة.

- ‏إذا ما بتقدر تكتب رسالة تسويقية تقنع العميل من خلالها، فساعتها محتاج تراجع علمك ومعرفتك في مجال كتابة المحتوى نفسه.

- ‏لو أنت تعلمت كتابة المحتوى من دون مصادر ومسار واضح، فنصيحة الي ارجع تعلم.. ممكن تزبط معك مرة ومرتين.. لكن مش راح تضل ماشية عطول.. تعلم "علم" كتابة المحتوى التسويقي.

- ‏لازم يكون عندك swipe file لازززم، لازززم

- ‏اعمل متابعة لصفحات الشركات العالمية وتعلم كيف بعملوا محتوى خرافي.. راجعه وحلله وانتقده كمان.

- ‏المحتوى التسويقي علم صح، لكن في تطبيقه فش حاجة صح كليًا أو خطأ كليًا.. نفذ استراتيجيات وأفكار.. لكن دايما اطلع برا الصندوق واصنع أفكار خاصة فيك.

- ‏لو أنت بتعتبر حالك كاتب محتوى إبداعي وركز على كلمة إبداعي، فما تقلق من الي بحكيلك أدوات الذكاء الاصطناعي راح تآخد مكانك.. لأنه هذا اشي مستحيل، ولو أنت كاتب محتوى إبداعي مش راح تكون محتاج هادي النصيحة.

- ‏لو اشتغلت مع 1000 عميل، ما تتكبر على العلم وما تخلي يمر يوم بدون ما تكون تعلمت حاجة مفيدة في مجالك.

جروبات الفيسبوك!
مصدر مهم لمعرفة سلوك العميل وبناء البيرسونا الصحيحة.
وأنت بتبني بيرسونا، شوف جروبات الفيسبوك والصفحات ذات العلاقة وشوف أكتر المنشورات فيها تفاعل، تعليقات، مشاركة..
شوف التعليقات واعرف كيف بفكر عميلك المحتمل وابدأ حلل وقيم.

ما تبدأ تكتب قبل ما تكون مرتاح البال ومركز..
ما تبدأ تكتب قبل ما تكون مرتاح البال ومركز..
ما تبدأ تكتب قبل ما تكون مرتاح البال ومركز..
إذا ما عملت بهادي النصيحة راح تطلع بمحتوى منخفض الجودة + راح تطول في الكتابة أصلًا

نصيحة ذُكرت في إحدى الكتب المتخصصة في الكتابة:
احتفظ معك على الدوام بدفتر صغير، لتلعب فيه مع مفرداتك، أو لتدون به سريعًا الخواطر والأفكار العابرة التي سرعان ما تذوب في زحمة المشاوير وصخب الدنيا. سيكون هذا الدفتر هو بنك أفكارك ومغارة الكنوز الخاصة بك عندما تخلو إليه في الليل. لا تعتمد على الذاكرة، لأن الأمر كما قال كونفوشيوس: "إن أضعف حبر يكتب به شيء على الورق لهو أقوى من أفضل ذاكرة إنسانية"

أداة مهمة لكل كاتب محتوى!
مكتبة إعلانات الفيسبوك..
مستودع إعلانات مجاني، بتقدر تشوف فيه إعلانات المنافسين على الفيسبوك وتستلهم أفكار بكل سهولة.
حدد الدولة واسم الصفحة أو الكلمة المفتاحية واضغط Enter..
وتفرج على الإعلانات الي شغالة براحتك.
اكتب على جوجل Ad Library وراح تطلعلك أول نتيجة.
بس

منشور أعجبني على Linkedin 🔥
https://www.linkedin.com/feed/update/urn:li:activity:7038441542746812416/

تبحث عن فكرة محتوى مميزة؟
أسقط إحدى المحتويات المستخدمة في مجالات متنافسة على مجالك.
كيف؟
جملة "خدعوك فقالوا"
كم منشور رأيته يبدأ بتلك الجملة؟
10، 20؟
ليش؟
لأنه الكل أسقط هادي العبارة على مجاله.
مثال آخر:
جملة "كيف تفشل في تعلم مجال كذا؟"
كم مرة شاهدته في عنوان مقال؟
10؟ 20؟
نفس الفكرة.

من كتاب اللغز وراء السطور 🔥

بمجرد اهتمامك بإضافة قيمة مجانية مميزة وفريدة للعميل، سيكون البيع تحصيل حاصل بالتأكيد.
ضع ذلك في اعتبارك دومًا ككاتب محتوى وأقنع العميل بذلك أيضًا.

وأنت بتسعر خدماتك ككاتب محتوى أو وأنت بتفاوض العميل على السعر، ما تقلل السعر لمجرد إنه كمية المحتوى مش كبيرة أو المجال معروف الك وعندك معرفة فيه..
الموضوع ما بنحسب هيك أبدًا.
احسب وقت البحث والعصف الذهني والتفكير، ما تحسب وقت الكتابة بس.
ولو أنت شاطر في المجال الي راح تكتب عنه، ما تهمل هادي النقطة كمان..
لأنه لو أعطيت العميل سعر قليل بناءً على هادي النقطة، ونفس العميل طلب منك تكتب في مجال تاني ما بتعرف عنه حرف، مش راح تقدر تعلي في السعر وبنفس الوقت راح تنظلم بالسعر القديم..
قيِم ذاتك ووقتك ومهارتك منيح..
وجمعة مباركة 🌷

لو أنت بتشتغل للسوق السعودي، فحبيت أنوهلك إنه لازم تتذكر المناسبات السعودية مثل اليوم الوطني السعودي.
وفيه كمان مناسبة تم إقرارها من جديد والي هي "يوم العلم السعودي" والي بتوافق اليوم 11-3.
فأكيد من ضمن خطة المحتوى للعميل لازم يكون في هذا اليوم بوست احتفالي بهادي المناسبة.

من كتاب "الأخطاء اللغوية الشائعة"

"آخر راكب وماشي"
الجملة الي بنسمعها دايمًا من السواقين لما نركب مواصلات هي أفضل مثال على الجمل التسويقية الفعالة..
3 كلمات بس، بتحل مشكلة عندك، وبتحفزك تشتري الخدمة (تركب مع السواق هذا).
لأنك لما تركب مواصلات، أكبر مشكلة راح تواجهك هي انتظار السواق لركاب تانيين (تأخييير) وبالتالي لما يحكيلك أنت آخر راكب وبعدها راح أتحرك، هيك بحل مشكلتك وبخليك توافق وتركب معه.

حكينا قبل فترة كيف تسقط فكرة في مجال على مجال تاني، هذا مثال على الفكرة:
- صانع الألعاب هو أحد المراكز في فريق كرة القدم.
- تم إدخال المصطلح في عنوان له علاقة بالإدارة والبزنس.
https://www.facebook.com/100064256307227/posts/pfbid0mxj78affFYbniZ2SoAk4HY5s3njniR4WcFkxiitfByMAF19tWrkkhUaNruTmueFDl/?mibextid=Nif5oz

ما تخجل تروج لخدماتك ككاتب محتوى على السوشيال ميديا!
بس الغلط إنك تنشر محتوى تسويقي بس.
يعني انشر محتوى توعوي وتثقيفي وتفاعلي وما تنسى التسويقي كمان.

من لينكداين 🔥
https://www.linkedin.com/posts/heba-adel-324a29242_marketing-marketer-marketers-activity-7041737930435964928-L_nG?utm_source=share&utm_medium=member_desktop