• َسندِ ألَمشِاي | ✨🇱🇾

بنسكر القناة

سلام👋

88 viewsx_sa nd_x, 06:41

Forwarded from ال بـابـا (قطوسة😎❤)

دفعة التحدي (طُلاب الشهادة الثانوية) تعالولي شوية هي ❤👇🏻

الف مبروك للطلبة إللِّي نجحوا ، و الف مبروك للي ماكانش ليهم نصيب في إجتياز الأمر من الفُرصة الأولى ❤

"الموضوع مِش جديد علينا باش ننصدموا مِنه بتع النِسبة الضعيفة و عدد الناجحين إللِّي في النازل لأسباب مجهولة ، أعتقد هذه ثالِث سنة على التوالي
ف مافيش داعي نتكلموا فيه اصلاً يعتبر مضيعة للوقت كلامنا فيه"

خلونا توا نركزوا و نهتموا بالأهم ❤

الدنيا هكي كُلها فُرص و نصيبات ، و ربِّي ديما يعوض."

في موضوع التعليم دول العالم بالكامل في فُرصتين للطالب (الدور الأول - و الدور الثاني)
و الزوز نفس الشئ 🤝🏻 ، جوو حيييي هذه ناجحة من دور الثاني و الشبحة بتع ع الجنب هديكا قديمة راه بتع الشفقة الكذابة ، للجاهلين بس مزال يديروا فيها.! 🤓
دقة قديمة بدت
احني في عصر التطور الفكري 👋🏻

• النجاح في الحياة بصفة عامة ماعمره ماكان بي اما دور ولا اني رسبت في الإبتدائي ولا الثانوي معناها اني إنسان فاشل بالعكس
ياما منهم نجحوا في الثانوي بنسبة 100% و وقفوا قراية و لا صارتلهم ظروف و لاخدموا ولا كملوا ولا داروا حتى حاجة في حياتهم
و هلباااا ناس نعرفهم على المستوى الشخصي كان مستواهم ضعيف في سنوات الدراسة قبل الجامعة و ديما يرسبوا و لما خشوا للجامعة تبارك الله.
مش مقياس هذا كله ، كُل انسان عنده عقل يفكر و الظروف تختلف على بعضنا.
و إللِّي مالحقناش عليه اليوم نحاولوا مرة و اثنين و ثلاثة و بقدرة الله نقدروا و نوصلوله غدوة 👍🏻
و مافيش شئ مُستحيل."

مانقدرش ننكر اننا
في دولة تفتقر لمقومات النجاح هذا شئ مؤكد ، لكن مزال بِهمَّتكم انتم الشباب نسعوا أن نقدموا أشياء أفضل لبناء مُستقبل سليم بعون الله تعالى ✊🏻.

- توا شدوا راجعوا من جديد و توكلوا على الله و بإذنه حتتوفقوا في الدور الثاني و تنجحوا اكيد ❤
و ابدوا خططوا شن حابين تسجلوا في الكلية إللِّي تبوها ، بيبدأ الحماس لتحقيق احلام الطفولة ولا 🙈 توا كبرنا عاد و بنخشوا للجامعة ربي يوفقكم😍.

و صدقوني الدنيا ماعمرها ماوقفت على حاجة ، حلووو لما الإنسان يحاول بإصرار حتى لو الناس إللِّي حواليه يعتقدوا أنه فشل و هو ديما يسعى و يبذل في اقصى جهده باش يوصل
حلووو تعب لأجل تحقيق الهدف مهما كان الهدف بسيط في نظر الغير
جمييييل جداً لما يحسابوك الناس إنك مش حتوصل و يجي يوم و يبدوا يتمنوا يتلاقوا معاك و يقولوا حيييي هذه نفسه فُلان إللِّي كان معاي في الثانوي ❤.
عن تجربة شخصية نحكي والله ❤🔥

مافيش حد مايقدرش و مايعرفش.
كلنا نقدروا ، بلإستعانة بالله و الإصرار و خليك متفائل بس و مؤمن بقضاء الله خيره و شره حتوصل للي تبيه.

- انت بس حدد امتى نجحت و صلح اخطائك لما فشلت ماتخليش ارقام و نسب تأثر فيك و تحصرك في دائرة الفشل.
لو كلنا فكرنا هكي حتمشي الامور تمام ان شاء الله.

كلامي مش مواساة للطلبة نهائياً إللِّي يعتقدوا أنهم مش ناجحين
كلكم نجحتوا ، افرحوا انكم بذلتوا مجهود و تعبتوا و بتساخير من الله عز و جل في الفرصة الأولى ماكانش ليكم نصيب و تفوقتوا معليشي حصل خير تتعوض في الثانية
اهم شئ انت بصحتك ولا؟
كل شئ يجي والله

ندوي من باب المنطق و العقل فقط و ك نصيحة حابة نعطيهالكم مش أكثر و حيجي يوم و تكشتفوا أن هذا مش كلام إللِّي قريتوه ، لانه وقتها حيكون جزء من واقعكم و حيكون جميل بإذن الله ، ربي يوفقكم جميعاً و يفتح عليكم و نشوفكم في اعلى المراتب
يكفي انكم تأجلت قرايتكم و شبه اكثر من نصف المنهج ماقريتوشي في المدارس و تحديتوا انفسكم و الحمد لله على كل حال❤.

- تحياتي :
#أبرار_أبوعجيلة

يُسمح بِمُشاركة المنشور فقط.

130 viewsMàřýãm Ăh, 18:37