الدراسة يوم السبت تبدا بإذن الله
فصل جديد بالتوفيق للجميع

بالنسبة لو في حاجات تغيرت بعدين سواء في دراسة كانت او التنزيل من الكلية وليس مني انما اني نسئل و نتابع في الاخبار و نزلكم فقط و حبيت نساعدكم 🤍

اقرو هدا الدعاء:
اللهم يامقلب الابواب ويا مسبب الاسباب، اللهم ارزقني رزق لم اتوقعه و خير لم افكر به و تحقيق امنيات ظننت يوما انها مستحيلة و استجابة دعوات اكررها دائما ربي وقفني وسخر لي وبشرني و ارح قلبي و اعفو عني ياحي ياقيوم ياذا الجلال و الاكرام 🤍.

التنزيل فتح تقدرو تنزلو موادكم عن طريق المنظومة

اي مادة تلقاها قالك تعبي العدد برا للمشرف متعك ينزلهالك (طلبة القسم )

علي الطلبة يلي عندهم المادة cs431 ماتزلوهاش بسبب الخريجين مدايرين برنامج يفيد الطلبة و يلي منزلها يسقطها و بارك الله فيكم 🤍

https://sms.uot.edu.ly/all/
رابط هدا مفتوح ديما تقدرو تخشو منه

افضل دكاترة تاخد عندهم المواد الاتية من وجهة نظري :
لغة c عند دكتورة زينب
ديسكريت دكتور عدنان
دوائر رقمية دكتور خالد مازوز
فورتران او بايثون 2 عند دكتور اكرم ميلاد

للتذكير: غدا دراسة
بداية سيم جديد بالتوفيق للجميع ان شاءالله 🤍🤍

https://www.facebook.com/reg.science?mibextid=LQQJ4d
مسجل الكليه تلقو فيه قوائم الطلبه يلي منتسبه للعلوم

للدفعة الجديدة
غدا بإذن الله حينزلكم كل شي يخصكم من تنزيل مواد و دراسة

|#إعلان_هام_جداً|
على كل طالب تغيير كلمة المرور الخاصة به في البوابة الإلكترونية ( كما نبهنا لذلك في العديد من المرات ) وذلك للحفاظ على سرية بياناته الشخصية والأكاديمية , بالإضافة إلى الحفاظ على تسجيله للمقررات بداية الفصل وخلال فترة الإضافة والإسقاط ومنع أي شخص آخر بالعبث في تسجيله , ويتحمل الطالب التبعات لعدم تغيير كلمة المرور الخاصة به.
#قسم_الدراسة_والامتحانات_بالكلية

للطلبة يلي عندهم دسكريت (cs200)
تنزل برنامج علي لابتوب متعك اسمه microsoft teams و تفتحه ب ايميلك الجامعي و الطلبه يلي ماعندهمش ايميل جامعي يمشي للمبني الاداري رقم 2 يفتحوله و البرنامج حينزل عليه كل شي يخص الماده
عندكم الامتحان النصفي الاول عليه 20
و تاني 20
الواجبات عليهم 10
و الفاينل 50

طريقة فتح الايميل الجامعي :
تخش علي رابط هدا https://uot.edu.ly/sci/
تنزل اخر شي تلقي مكتوب الطلبة تدخل عليها بعدها يطلعلك خيار طلب بريد جامعي تدخل عليه و تعبي بيناتك و يبعتولك بعدها اسم حسابك و رمز متعك و تخش بيه للبرنامج يلي حطيتهولكم في البوست السابق و لو مابعتولكش تمشي للمبني الاداري رقم 2 الدور الرابع مكتب التوثيق و تلقي غادي يفتحو في ايميلات جامعية للطلبة

بالنسبة للدفعة الجديدة و المقبلة علي كلية العلوم غدا بإذن الله نزلكم كل شي يخصكم بالتفصيل 🤩

عندك استفسار بخصوص شي و نقدر نجاوبك عليه تفضل علي حسابي الشخصي تواصل معاي @sa71103