على بركة الله ننطلق

الخير اثره كبير ❤️ ... سواء تبرعت بشيشة زيت ولا بحفنة شعير .
والدليل قول النبي الكريم "اتقو النار ولو بشق تمرة" 🤍
وقبل ما نبدوا، نبي نذكركم إن حملتنا السنة مش مجرد تبرع، هي وقفة وفاء و "صدقة جارية" نهدوها لأرواح خوتنا وزملائنا في الكلية اللي غادرونا وانتقلوا لرحمة الله في الفترة الماضية.. نبو الخير اللي بيطلع من أيدينا يكون في ميزان حسناتهم، وبإذن الله نكونوا السند لأهلهم، ونثبتوا إن عيلة الهندسة ما تنسى في وخيها. ✨
وعملا بوصية رسولنا في الحديث الشريف "ولا تحقرن من المعروف شيئا"
ولان المهم في فعل الخير انك اديره ولو بالكلمة الطيبة ودعوة الناس للمساهمة وفعل الخير.

ومن المنطلق هذا قرر اتحاد طلبة كلية الهندسة فتح الباب للجميع في الشهر الكريم 🌛✨ لفعل الخير عن طريق اطلاق حملة #ولو_بشق_ثمرة ويمكن للجميع المساهمة في التبرع والتصدق للعائلات المحتاجة اللي تم حصرها خلال الايام الماضية
التبرعات تقبل عن طريق تقديمها بالشكل التالي ⬇️ :
1️⃣ تاخد شن يخطر ع بالك وما تقدر عليه نفسك من تموين غذائي وتجيبه لمقر الاتحاد بكلية الهندسة في جامعة طرابلس مساء كل يوم بالتحديد من الساعة 12الظهر الى 4:00 العشية ابتدأ من يوم غدا الاثنين .
2️⃣ ولو تحس في روحك مش فاضي للمشاوير واشري هادي وابعت هادي تقدر تجيب المبلغ اللي مخصصه انت للصدقة وتسلمه لمكتب الاتحاد في كلية الهندسة وحيتكفلو الشباب بشراء السلع المطلوبة للحملة .

3️⃣ ماقدرتش ع الخطوات اللي فوق خلي تبرعك يكون بالكلمة الطيبة وشارك المنشور .

وماننسوش يا #اساتذتنا و #أحبابنا_الموظفين و #خوتنا_الطلبة وكل من رايد فعل الخير .
انه " ما نقص مال من صدقة "
وكل عام وانتم بالف خير ودياركم عامرة بالبركة ❤️🧡 .
#ولو_بشق_تمرة

#اتحاد_طلبة_كلية_الهندسة

9 رمضان 🌙

سُبحانكَ اللَّهُمَّ وبحَمدِكَ، أشهَدُ أن لا إلَهَ إلَّا أنتَ، أستَغفِرُكَ وأتوبُ إليكَ.

حتى في النهار كان واضح

‏اللهم ارفع أسمائنا في صحائف العُتقاء من النار ، اللهُم إننا نستودعُك أدعيِة فاضت بها قلوبنا فإستجبها يارحيم ،اللهم أجعلنا من الذين تدبر فرحتهم في السماء الآن و أمانيهم أوشكت أن تكون انك علي كل شئ قدير